Shows / 一杯
一杯
材料有：哲學、科學、佛學、社會、日常爛事——全部溝埋一齊，飲住杯酒同你傾。 每集五分鐘，輕入深出，飲住思考。 港式廣東話，生活行先，溫柔收尾。 唔係專家，只係一個陪你飲酒嘅普通人。 斟杯酒，放低個腦，聽完就瞓。 飲晒佢啦，聽日再諗。
Episodes
- 一杯
點解我唔敢自己話事｜一杯｜半桶水｜廣東話
病到第四日嘅早晨，我喺廁所拎住電話，1516咗好耐：到底返工定請假？ 然後我做咗一件好搞笑嘅事。我熄咗電話螢幕，同自己講：「如果去完廁所，電話彈出一個新聞推送，我就請假。如果冇，我就返工。」…
- 一杯
我哋點解咁驚，又怕被睇穿自己唔夠好？｜一杯｜半桶水｜廣東話
前幾日我病咗，一燒就燒咗四日。燒到第二日，我一個人癱喺床度，拎起電話想出Story。但我冇用自己個IG，我Login咗我隻貓個IG。我用貓嘅視角影咗張相，寫住：「佢發燒，冇得陪我玩。」 點解我唔直接寫「我好驚，有冇人可以陪我」？因為我驚。我驚如果自己一個人喺屋企暈咗，至少有人睇到貓嘅IG，會知我發生咩事。…
- 一杯
點樣由「黑仔」變成「好運」？一個魔術師出身嘅心理學家話你知｜一杯｜半桶水｜廣東話
星期二我同大家分享咗一個發現：原來我自己都成日將好運包裝成悲慘。講完之後我問自己：咁我可以點做？ 今日我想同你講一個答案。一個我試過、真係有幫助嘅答案。…
- 一杯
點解我哋咁鍾意喺IG扮慘？｜一杯｜半桶水｜廣東話
前幾日我放工返到屋企，攰到癱喺梳化度碌IG。我見到有人post半夜十二點嘅office相，寫住「又係咁，幾時先可以放過我？」我見到有人post一個人食茶餐廳，寫住「孤獨等級十級」。我見到有人post張飛日本相，都要加句「窮到要乞食，今年冇得去歐洲」。 我第一個反應係：「哎，又嚟呀？」…
- 一杯
當愛變成放手：〈預設醫療指示條例〉點樣喺最後時刻幫我哋？｜一杯｜半桶水｜廣東話
星期二我講咗道德綁架同無效醫療。今日，我想平靜啲同你講一個答案。2026年7月31號，香港正式實施《維持生命治療的預作決定條例》。 簡單嚟講，就係俾你喺清醒嘅時候，預先寫低將來你唔想要咩維持生命治療。呢個唔係安樂死，呢個係生命自主權。條…
- 一杯
點解我哋寧願要佢痛住活，都唔敢放手？｜一杯｜半桶水｜廣東話
⚠️ 溫馨提示：本集包含真實醫療創傷、急救細節同生死討論，情緒敏感嘅朋友請斟酌收聽。 上年我媽咪突然心跳停頓，醫護人員衝過嚟急救。急救唔係電影咁優雅，係用盡全力壓心口，壓到肋骨骨折。到我見到佢嘅時候，佢成個胸口都係紫黑色瘀傷，全身插滿喉管。 我企喺病床邊問自己：我哋到底係喺度救人，定係喺度拉長痛苦？…
- 一杯
點解我哋愈嚟愈難滿足？由「等廣告位去廁所」，到過飽和嘅靈魂飢餓｜一杯｜半桶水｜廣東話
尋晚我喺Netflix睇《Friends》，一邊睇一邊碌IG Reels。即係我一個人，同時睇緊兩個Mon。 我唔覺得有問題，甚至覺得好「高效能」。 然後我諗返細個。細個睇電視，去廁所？等廣告先。攞雪糕？等廣告先。嗰陣一個廣告位，係你唯一願意離開電視嘅時間。 但而家？我哋消滅咗廣告位，亦都消滅咗「滿足感」。…
- 一杯
你用過去嘅尺量度今日嘅自己，對今日嘅你公平咩？｜一杯｜半桶水｜廣東話
你有冇試過搵到一件舊衫、一張舊相，望住嗰個幾年前嘅自己——眼神仲有光，可以為咗一個人衝動到不顧一切。 然後你望返今日嘅自己：攰、冷靜、做每件事之前都要計過度過。 你心入面嘆口氣：「點解我變到咁廢？」 你將過去嗰個最靚嘅自己，變成咗一把尺。然後每日拎住呢把舊尺，去量度今日已經好攰好攰嘅自己，再狠狠地扣自己分。…
- 一杯
你係活咗一年，定係喺「自動導航」入面跳過咗一年？｜一杯｜半桶水｜廣東話
話咁快就十月。2026年淨返三個月。 心理學有個現象：細個嗰陣，一個暑假好似一輩子咁長；大個之後，幾個月眨吓眼就過。 因為細個嗰陣世界係新嘅，你嘅大腦每日都接收緊新刺激。但大個之後，你嘅生活變成咗「自動導航」——同一條路線返工、同一個位食飯、同一種情緒崩潰。當你每日都一模一樣，你嘅大腦會自動刪除呢啲重複嘅記憶。…
- 一杯
搬屋最痛苦嘅，唔係體力勞動，而係同過去講再見。｜一杯｜半桶水｜廣東話
搬過屋嘅人都知，執嘢係成件事最痛苦嘅部分。你以為自己生活好簡單，但一打開櫃桶，你會發現：點解我有咁多嘢？ 我由大屋搬細屋，被迫逐件物件審判：留，定掉？ 我摷出媽咪件衫，聞到佢嘅氣味，最後放低咗。我打開由細到大嘅獎狀箱，望住十年前拎獎嘅自己，然後成箱掉咗。…
- 一杯
原來避風港唔係一個地方，而係你自己｜一杯｜半桶水｜廣東話
話咁快第20集。今集出街嘅時候，啱啱好係我搬入新屋嘅第二個星期。 我搬離咗由小學住到廿幾歲、同媽咪一齊生活咗大半世嘅地方。我好驚，驚冇咗最後一個避風港，驚自己搞唔掂。…
- 一杯
高難度對話— 我切斷關係，到底係成熟定係懦弱？｜一杯｜半桶水｜廣東話
我因為朋友轉話題講貓，直接唔再同佢哋見面，連生日飯都唔去。我以為自己好有邊界感。 直到我睇咗哈佛談判項目嘅《高難度對話》，我先發現原來我嘅冷漠離開，可能只係唔敢面對現實嘅懦弱。 書入面嘅「三層對話」拆解咗：你以為你嬲件事，其實你嬲嘅係「佢咁做係咪代表我唔重要？」…
- 一杯
同理心的力量— 點解我講緊傷口，你喺度講緊隻貓？｜一杯｜半桶水｜廣東話
我講緊媽咪過身嘅事，講到第二句，朋友眼濕濕咁話：「死啦，我好擔心我隻貓⋯⋯」 嗰一刻我發現，原來我嘅痛苦喺佢眼中咁微不足道。 今集講哈佛教授寫嘅《同理心的力量》。佢細佬喺佢開導完之後自殺，佢先發現所有「為你好」嘅建議，喺絕望面前都係廢話。…
- 一杯
三次打開《小王子》都睇唔落去：我唔係失去咗童真，我只係活喺現實｜一杯｜半桶水｜廣東話
全球銷量僅次於《聖經》，文青話係「寫俾大人嘅終極童話」，但係我打開咗三次，每次睇唔夠五頁就想閂書。 今集用一個社畜嘅清醒視角，拆解呢本「神作」背後嘅文青式情緒勒索。小王子住喺冇壓力嘅星球，然後指責地球人太功利，呢種離地批判，對住為兩餐奔波嘅普通人嚟講，算唔算一種殘忍？ 你唔鍾意《小王子》，唔代表你麻木。你只係活喺現實。
- 一杯
搭同一架巴士嘅人，算唔算係你生命中最親近嘅NPC？｜一杯｜半桶水｜廣東話
每日搭同一班車，企同一個站，等同一班人。你以為大家有默契，河水不犯井水。 直至落大雨，兩個關愛座打尖，仲要搵埋我傾計。 我嬲，唔係因為淋濕，而係發現我一直將佢哋當成NPC，原來喺佢哋眼中我只係路人甲。 人從來都唔係NPC。人係估你唔到嘅。 今晚問自己：你對佢哋嘅好感，係尊重佢哋係一個人，定係純粹鍾意佢哋做你嘅背景板？
- 一杯
「你做邊行？」——到底係問緊你嘅職業，定係衡量緊你嘅價值？｜一杯｜半桶水｜廣東話
我幫我個內向男同事玩交友App，玩咗兩個星期。 我發現無論開頭傾得幾開心，十句之內，女仔一定會問一句：「咁你返咩工㗎？」 你仲未有機會展現你嘅幽默、你嘅溫柔、你嘅價值觀，你嘅職業已經變咗一張標籤，決定咗你值唔值得被繼續了解。 沙特話過：「存在先於本質。」…
- 一杯
點解有人安慰，反而喊得仲勁？—關於「委屈」嘅哲學｜一杯｜半桶水｜廣東話
你做錯事俾人鬧，你唔會喊。你俾人屈好委屈，你都頂得住。但當有人行過嚟，同你講一句：「我明，如果係我，我都會咁做。」你嗰副戴咗成日嘅面具，就會喺一秒鐘之內完全崩潰。 今集講一個真實故事。一個客投訴、理性上完全正確、但情感上仆到直一直嘅故事。 心理學話，呢種叫「情緒確認」。當你嘅委屈終於被人睇到，你嘅身體會用眼淚嚟釋放。…
- 一杯
我嘅哲學初戀—《被討厭的勇氣》｜一杯｜半桶水｜廣東話
《被討厭的勇氣》——有人話佢係救命恩人，有人話佢係垃圾。 對我嚟講，佢係我人生第一本哲學書，係我嘅 「哲學初戀」 。第一次睇完，成個世界觀俾人打散再重組。 但活多幾年，我發現一件好諷刺嘅事：同一本書，有人讀到自由，有人讀到自私。…
- 一杯
聽完啲難聽過粗口嘅「加油」，我決定同蛤蟆先生一齊用情緒玩真理｜一杯｜半桶水｜廣東話
有冇試過，當你好撚唔開心嘅時候，身邊啲人走嚟同你講：「加油啊」、「睇開啲啦」、「唔好諗咁多啦」。 呢啲嘢真係難聽過粗口。 今集講一本我幾年睇完、今次emo再拎返出嚟嘅書——《蛤蟆先生去看心理醫生》。 書入面有三個概念： 情緒溫度計——你而家喺1到10嘅邊個位？…
- 一杯
點解我咁 emo？—分唔清，但照講｜一杯｜半桶水｜廣東話
今晚臨瞓前，我想留低一條問題畀聽緊呢集嘅你： 你依家心入面嗰種無端端嘅煩躁同委屈，你到底仲想格硬搵藉口去壓抑佢幾耐？ 如果你都試過冇原因咁唔開心，聽日仲要繼續無功能咁返工、繼續 OT——聽我話，今晚放過自己。 斟杯酒，同自己講：「我今日就係想 emo，唔使向邊個解釋。飲杯！」 飲晒佢啦，聽日再諗。飲杯！
- 一杯
幫你人情，唔幫係道理—關於「自我邊界」嘅哲學｜一杯｜半桶水｜廣東話
碌Threads成日見到人抱怨：「我幫佢咁多，佢連多謝都冇」、「佢成日踩我底線，當我老馮」。 今日我想講一個我自己都犯過嘅病——「理所當然綜合症」。 澳洲心理學家George Ded喺《自我邊界》入面話：「除非我自己願意，否則你改變唔到我嘅情緒。」…
- 一杯
所有動物一律平等，但有些動物比其他動物更平等。｜一杯｜半桶水｜廣東話
今晚冇開場白，冇飲酒吹水，直接用一個故仔轟炸你。 一個關於革命、權力、背叛嘅故仔——《動物農莊》。 一班動物推翻人類統治，以為可以建立公平社會，點知最後望住牆上嘅誡律，分唔清邊個係豬、邊個係人。 作者寫嘅唔止係寓言，而係一記耳光： 「權力趨向腐化，絕對權力絕對腐化。」 用5分鐘，聽我分享呢個故仔。 飲晒佢啦，聽日再諗。
- 一杯
《心的重建》 - 生命中的失去，就是重整命運的機會｜一杯｜半桶水｜廣東話
「真正令我哋痛苦嘅，從來都唔係『失去』呢件事本身，而係我哋面對失去嗰陣，自己對自己講嘅故事。」 隻貓走咗、份工冇咗、或者一段關係無疾而終。你望住鏡入面嘅自己，係咪突然覺得心入面穿咗個窿，自己好似唔再完整？今集《一杯》，同大家分享一本改變人生嘅書——《心的重建》…
- 一杯
冥想，係咪要合埋眼咩都唔諗？關於注意集中嘅練習｜一杯｜半桶水｜廣東話
我以前覺得冥想好扮嘢，叫我「咩都唔好諗」，個腦反而更嘈。 冥想唔係「冇念頭」，而係當個腦又開始loop焦慮，你輕輕帶返注意力去呼吸——就好似幫開咗50個Tab嘅大腦做一次Cleanup。 今集仲會一齊試一分鐘冥想，唔使盤腳，望住杯酒就得。 飲住聽，聽完試下：你上一次完全專注喺當下，係幾時？
- 一杯
朋友生仔，我個心做乜揪住？關於旁觀者嘅心痛｜一杯｜半桶水｜廣東話
朋友生仔，我幫唔到手，淨係識狂撳電話等消息。David Hume話，情感好似琴弦，你痛到喊，我靈魂都會跟住嗡。 呢種心痛，係證明：就算大家條路唔同咗，我哋都仲同步緊。因為你知道，第二朝起身，總有個傻人喺度猛咁 refresh 等你報平安。 今晚諗下：你心痛，係擔心佢？驚自己將來都要經歷？定係因為永遠冇法真正明佢？…
- 一杯
一個人，係爽定係寂寞？一杯｜半桶水｜廣東話
「明明成班人喺度，返到屋企嗰種空虛感反而放大咗十倍。」以前去 party 唱 K 覺得好熱鬧，而家只覺得喺無效社交？用「刺蝟法則」拆解現代人嘅社交困境，太近會被假笑同無聊對話刺傷，太遠又會凍到寂寞。 一個星期有 3:2 嘅寂寞與爽，已經係賺咗嘅自由。 飲住聽，聽完諗： 你嘅「中庸距離」係幾多？…
- 一杯
你又唔係佢，你憑咩估佢有幾痛？一杯｜半桶水｜廣東話
你唔係佢，你永遠唔會知佢表面嘅輕易，背後要咬緊牙關幾多次。 今集醉街女孩由自己經歷講起，被同事誤解「情緒控制得好輕易」，後來先發現對方背後嘅掙扎。我哋成日將自己嘅標準套喺人哋身上，但每個人都有自己嘅戰場。 透過《玩轉腦朋友》嘅啟發，學識「唔好夾硬逼人開心返」，以及點樣用一杯酒嘅陪伴，代替無謂嘅鼓勵說話。…
- 一杯
『努力』係咪一種新嘅宗教？點解我哋一定要「有用」？一杯｜半桶水｜廣東話
攞住假紙都要返工，做完 gym 之後後悔浪費時間，醉街女孩由自己嘅「網球手」經歷講起，引入韓炳哲《倦怠社會》，拆解現代人點樣不知不覺成為自己嘅奴隸主。 你連休息都會有罪惡感？呢份罪惡感係邊個塞入你個腦嘅？ 飲住聽，聽完問自己：如果我今日乜都唔做，仲有冇資格生存？
- 一杯
點樣用人哋嘅腦，治好我嘅思想打交｜一杯｜半桶水｜廣東話
今集「醉街女孩」同你傾吓，點解一個「半桶水」都冇嘅人，會走去睇哲學？ 你有冇試過，明明好攰但係瞓唔落，因為個腦入面有兩個「自己」喺度打大交？一個叫你辭職，一個叫你供樓；一個叫你追夢，一個叫你照鏡。 如果你今晚都有飲緊嘢，喺你個杯飲完之前，諗下：「我而家做緊嘅嘢，有幾多係真係我想做，有幾多係因為怕人哋話我？」
- 一杯
點解飲酒咁開心？一杯｜半桶水｜廣東話
你有冇諗過，點解收工嗰啖啤酒特別爽？係因為酒精生產咗快樂，定係佢只係幫你「借咗未來嘅快樂」過嚟用？到底我哋依賴緊嘅係酒精，定係嗰種「唔使對自己負責」嘅空間？ 如果你今晚都準備飲一杯，不如入嚟聽下，你依賴緊嘅嘢，係咪真係令你快樂？