Shows / 點切 Informal Distribution
點切 Informal Distribution
根據2011年的美國研究，現代人每天接收相當於34GB的資訊。來到今天AI資訊核爆的時代，資訊量更是幾何級上升。當話題來到人面前，來不及反應就已經吞入肚。為免消化不良，不如切細資訊，點切？ 點切，由三位普通香港年青人成立，是一個強迫自己想太多，不用大媒體和AI分析結論，用人腦浪費時間慢慢思考討論的廣播平台。
Episodes
點切 Informal Distribution現代原始人全面進場 如何進化而不同化
現代原始人，係本台創立嘅詞語。顧名思義就係活在現今世代但帶有原始行為嘅人。特徵有情緒敏感、帶攻擊性、溝通不能等等等等。而近日，不論主流媒體還是網上都見到不少隱居嘅原始人出嚟輕風作浪。到底人同原始人有咩分別，萬一大家遇到原始人又點樣全身而退。
點切 Informal Distribution規則係死嘅人係生嘅 講潛規則睇你點死
正所謂規則係死嘅，人係生嘅。但有啲規則好鬼神秘，好似佛地魔咁唔講得出嚟但又要你守，嗰啲就係「潛規則」。由細被教落要識睇人眉頭眼額，到大個要知道唔做唔錯，生而為人到底有冇自由。
點切 Informal Distribution三十而立。企定定喺度，有冇得坐下？
孔子講過「三十而立」，而三十哩個咁客觀嘅數字又有咩啟示呢？一個十八歲嘅初級大人眨一眨眼到咗三十歲中級大人嘅關口，又有咩唔同，又有咩需要準備呢？身體變脆、一份工做到死、身邊人事開始變……今集由三位主持，一個未有耐到三十，一個三十咗幾年，一個仲有幾有就三十，講下大家對三十歲人嘅睇法。
點切 Informal Distribution度度都收智商稅，到底買咩最醒水？
今時今日度度都收智商稅，買貴小小又話智商稅，跑個步又話打卡，打個波又話大嘥鬼。到底點樣先係精明消費。主持意大利買嘢比人劏，比借口自己爆買器材，夾公仔夾到冇位瞓……到底咩係智商稅？交去邊度，有冇得退？
點切 Informal Distribution唔講邊有得笑，講咗可能唔好笑，到底邊個咁搞笑？
幽默感，現代社會常備技能之一。談吐輕鬆搞笑可以令說話聽得入耳，但搞笑過頭分分鐘搞出人命。三位主持當然都覺得自己，其實唔係咁搞笑，所以認真咁開一集講搞笑。唔講邊有得笑，講咗可能唔好笑，到底邊個最搞笑？
點切 Informal Distribution風水佬呃你十年八年，不如畀我哋呃30分鐘聽哩一集
一命二運三風水，不論東方術數還是西方星像，人總會相信冥冥中自有安排，但是滿天神佛又應該信甚麼。主持去完黃大仙考車出事、打以太幣改風水、搵文武二帝check cv⋯⋯今集講風水，信不信由你，但不聽的話，損失的人未必是我們（風水師tone）。
點切 Informal Distribution你好NPC。你好，NPC。
取材自threads「香港人真係好NPC、沒有主線、沒有常換皮膚、玻璃心、跟風、藝文青⋯⋯」三位主持想認真問，哪裡打怪升lv？活得如「玩家」一樣又是否活得自在。今集一齊拆解NPC，理解NPC，成為NPC。你好，NPC！
點切 Informal Distribution旅行搵關鍵！到底人唔去旅行得唔得？
如果無視質與量，三位主持旅行數總和都可說環遊半個地球。澳洲、日本（安全）飛車趕路之旅；羅馬鬥獸場自拍大會；雪山差啲凍甩手指；成為當地人群中唯一的死旅客。到底人不旅遊會不會死，到底是把血汗錢花光換來的，是繼續工作還是新造的明天繼續上班的人？
點切 Informal Distribution新開始，點開始，不如就咁開始...
根據2011年的美國研究，現代人每天接收相當於34GB的資訊。來到今天AI資訊核爆的時代，資訊量更是幾何級上升。當話題來到人面前，來不及反應就已經吞入肚。為免消化不良，不如切細資訊，點切？