Latest / Udha e Verteta dhe Jeta - TruthFM Albania / Dhe Ai i besoj Zotit dhe kjo iu llogarit per drejtesi

Transcript

Dhe Ai i besoj Zotit dhe kjo iu llogarit per drejtesi · Udha e Verteta dhe Jeta - TruthFM Albania

• 0:00
  Do të shikojmë sot pikërisht besimin e Abrahamit, si besimi i Abrahamit.
• 0:05
  Është me të vërtetë diçka interesante këtu sepse vargu 6 që ne lexuam na thotë:
• 0:15
  "Dhe ai i besoi Zotit, dhe Zoti ia vuri në llogari të drejtësisë."
• 0:22
  Perëndia e ftoi Abrahamin te kapitulli 12 që e pamë edhe ne.
• 0:27
  Ishte në vendin e tij të Urit, edhe atje mësuam që ai kishte diçka, kishte një pasuri.
• 0:33
  Por Zoti e thirri dhe i tha: "Lër gjithçka që ke aty dhe hajde se ku do të të çoj."
• 0:41
  "Ngrihu, dhe unë do të të bëj ty një komb të madh."
• 0:46
  Vargu 6-4 na thotë që Abrahami ishte 75 vjeç kur u nis.
• 0:53
  Domethënë që deri në këtë moshë, Abrahami nuk kishte pasardhës.
• 1:00
  Do të mësojmë gjithashtu që edhe pse nuk kishte pasardhës, Abrahami i besoi.
• 1:05
  Besimi i Abrahamit nuk ishte i përsosur, por unë për vete e besoj që Abrahami kishte një besim ose kishte një zemër që punohej.
• 1:13
  Në momentin që korrigjohej nga Perëndia, ai merrte mësimin.
• 1:21
  Për shembull, në një moment tjetër ndërsa Abrahami udhëton, Abrahami i thotë Sarës: "Ti gënje dhe thuaj që je motra ime."
• 1:31
  Llogaritni, ky ishte 75 vjeç ose mund të ketë qenë... hajde nja 5 vite më vonë mund t'i japim vetes, 80.
• 1:38
  Sara duhet të ketë qenë diku te 70-at, se kishin pak diferencë moshe.
• 1:45
  Dhe shikojmë që Abrahami, edhe pse i beson Zotit, por më vonë ai kishte ato frikërat e veta.
• 1:54
  Kishte ato frikëra që e bënë që të gënjente. Por është interesante që Sara 70 vjeçe ishte shumë e bukur.
• 2:04
  Edhe faraoni në atë kohë e mori... donte që ta bënte gruan e tij.
• 2:11
  Mbani mend: "Dhe ai i besoi Zotit, që ia vuri në llogari të drejtësisë."
• 2:18
  Do mundohemi të bëjmë pak atë ndryshimin ose dallimin midis veprave edhe besimit.
• 2:26
  Besimi i Abrahamit është i bazuar në zbulesë. Që do të thotë i bazuar në zbulesë? Që Perëndia ia zbuloi veten e tij Abrahamit.
• 2:34
  Ia bëri të ditur, ia tregoi veten, i dha të njohur. Pra Perëndia u shfaq te Abrahami.
• 2:44
  Dhe është Zoti që e nxori nga Uri i Kaldeasve, që lexojmë tek 15-a gjithashtu edhe tek 12-a që lexuam së bashku.
• 2:51
  Zoti ju shfaq në Haran dhe e thirri Abrahamin: "Abraham, ngrihu se do të bëj trashëgimtar."
• 2:59
  "Pasardhësit e tu do të jenë sa ti nuk do arrish dot t'i numërosh."
• 3:07
  Imagjino t'i thuash gruas tënde, je tek 60 e ca vjeç, keni aq kohë martuar, nuk keni fëmijë.
• 3:15
  Dhe thua: "Çohu se do ikim." "Ku do vemi?" "Do ikim fare që këtu, do t'i lëmë të gjitha."
• 3:22
  "Po kush tha?" "Zoti." "Po për çfarë?" "Po do ikim se do na bëjë trashëgimtar."
• 3:28
  Imagjinoni çfarë bisede interesante do të ketë qenë me çiftin në atë kohë.
• 3:38
  Zoti i shfaqet Abrahamit në Haran, pastaj në Shekem, në Kanaan dhe i thotë: "Shikoje të gjithë këtë tokë dhe do ta jap ty."
• 3:45
  Pastaj Zoti shfaqet përsëri pasi Loti shkoi në Sodom, kapitulli 13, vargjet 14 deri 17.
• 3:52
  Dhe shumë herë të tjera që Zoti bëri biseda me Abrahamin.
• 3:59
  Këto biseda Zoti ia shfaqte Abrahamit në momentin që Abrahami kishte ato luhatjet e veta.
• 4:06
  Dhe pra Zoti, duke shfaqur veten e tij tek Abrahami, Perëndia i siguroi Abrahamit plot prova për atë që ai të vendoste besimin e tij dhe t'i zinte besë Perëndisë.
• 4:15
  Imagjinoni te kapitulli 15 që ne lexuam, mund të shkojmë pak përsëri.
• 4:22
  Zoti e thërret Abrahamin dhe i thotë: "Abraham, mos ki frikë. Unë jam mbrojtja jote dhe shpërblimi yt do të jetë shumë i madh."
• 4:30
  Abrahami i thotë: "O Zot Perëndi, shiko, arrin në një lloj faze njeriu që ana materiale nuk është gjithçka."
• 4:37
  Edhe njeriu vetë e kupton përsëri që do të largohet një ditë. Dhe thotë: "O Zot, çfarë mund të më japësh ti mua?"
• 4:44
  "Çfarë mund të më japësh ti mua? Unë nuk kam nevojë..." Me pak fjalë kur Abrahami thotë tek dyshi:
• 4:52
  "Çfarë do të më japësh sepse unë jam pa fëmijë? Unë nuk kam nevojë për asnjë lloj pasurie tjetër po nuk kam fëmijë."
• 5:00
  Edhe Zoti që i thotë... edhe ata diskutojnë pikërisht se thotë, në qoftë se Abrahami vdes pa një trashëgimtar, pa një fëmijë,
• 5:07
  atëherë dikush që është i afërt, Eliezeri për shembull, në këtë rast që Abrahami e thërret në vëmendje.
• 5:14
  Dhe Zoti thotë: "Shiko, thotë, nuk do të jetë ai trashëgimtari yt. Ti do të kesh dikë tjetër, do të lindë nga të brendshmet e tua."
• 5:21
  Një lloj sfide e tillë përpara Zotit. Nuk e di sa mund të ketë qenë Abrahami këtu, por le të themi i japim një pesëvjeçar nga kapitulli 12 deri këtu.
• 5:27
  Kjo është midis nesh shoqërore, nuk ka nevojë... por le t'i japim se koha e udhëtimit të vetat, janë bërë një pesëvjeçar.
• 5:35
  Abrahami është 80 vjeç. Mosha, të paktën sot, mosha mesatare është që i themi ne plak, që është pleqëri tamam kur hyn në moshën 80-vjeçare.
• 5:42
  Domethënë edhe kur ndërron jetë themi që ishte pleqëri, erdhi koha.
• 5:47
  Të jemi të sinqertë, pastaj për ne se ne i duam njerëzit tanë të dashur i duam sa më gjatë, është tjetër gjë.
• 5:54
  Abrahami deri më tani nuk kishte asnjë lloj fëmije, asnjë lloj trashëgimtari.
• 6:01
  Dhe Zoti thotë: "Shiko, thotë, dil jashtë, shiko qiellin. Edhe në qoftë se ti do arrish të numërosh yjet, atëherë ti do ta dish se sa pasardhës do të kesh."
• 6:08
  "Do të jenë pa numër." Edhe vargu 6 na thotë: "Dhe ai i besoi Zotit."
• 6:14
  Besimi është shumë i ndërthurur me bindjen. Është një besim që "unë besoj, prandaj bindem."
• 6:21
  "Unë bindem sepse besoj." Dhe prandaj, më kuptoni, është një lidhje shumë e fortë që nuk mund të ndahen bashkë.
• 6:30
  Pra, besimi ynë edhe për ne sot duhet të jetë i bazuar mbi zbulesë.
• 6:36
  Jo që Perëndia do na shfaqet ne në veten e tij, do e shfaqë veten e tij ashtu siç i bëri Abrahamit, por ne kemi Zotin, ka mënyra të tjera.
• 6:43
  Tek Romakët kapitulli 10 vargu 17 thotë: "Por besimi vjen përmes fjalës së Perëndisë."
• 6:50
  Çfarë do të thotë për ne? Që para aq kohe sa ne do të studiojmë, do të shpenzojmë kohë tek fjala e Perëndisë,
• 6:57
  Perëndia do na bëhet ne i njohur, do ta njohim akoma më shumë Perëndinë.
• 7:05
  Le të lexojmë këto dy vargje. Romakët 10:17: "Besimi pra vjen nga dëgjimi dhe dëgjimi vjen nga fjala e Perëndisë."
• 7:11
  Gjithashtu tek Gjoni 20, vargjet 30 deri 31, shumë e rëndësishme edhe kjo pjesë: "Jezusi bëri edhe shumë shenja të tjera para dishepujve të tij,
• 7:19
  të cilat nuk janë të shkruara në këtë libër; por këto gjëra janë shkruar që ju të besoni se Jezusi është Krishti, Biri i Perëndisë,
• 7:27
  dhe që duke besuar të keni jetë në emër të tij."
• 7:34
  Pra, përmbajtja e fjalës ose të dhënat që ne kemi tek fjala e Perëndisë janë të mjaftueshme që ne t'i besojmë Zotit,
• 7:42
  që ne t'arrijmë ta njohim Perëndinë. Pra sa më shumë ne lexojmë, më shumë Perëndia na shfaqet ne.
• 7:49
  Sa më shumë kohë shpenzojmë në fjalën e Perëndisë, është shumë e rëndësishme për besimin tonë.
• 7:56
  Veçanërisht në personin e Birit të tij Jezu Krishtit. Pra aq më shumë ne do të vijmë ta njohim Perëndinë.
• 8:03
  Aq më shumë do të jemi në gjendje që të shikojmë bekimet e Zotit që Zoti na jep çdo ditë.
• 8:10
  Abrahami kishte një besim me bindje. Ai la vendin e tij.
• 8:16
  Tek Hebrenjtë kapitulli 11 vargjet 8 dhe 10, shkrimtari i Hebrenjve sjell pikërisht këtë gjë, që besimi i Abrahamit ishte aq i fortë,
• 8:24
  dhe ai i besoi Perëndisë. Edhe dijeni këtë, se kur Zoti, Perëndia ynë, e ka numëruar besimin e Abrahamit si drejtësi,
• 8:31
  domethënë Zoti ka parë mendjen, i ka parë zemrën Abrahamit që ky ishte një, le të themi siç themi ne, 100% i vërtetë, i sinqertë, i drejtë, i ndershëm.
• 8:38
  Edhe Abrahami ishte i gatshëm që të shkonte aty ku Perëndia po thoshte.
• 8:45
  Për shembull, një nga mësimet që unë po mundohem t'i jap Joelt, edhe të tjerëve, por Joeli që është më i madh dhe kupton,
• 8:52
  është që kur ne si prindër i thonë që "këtë gjë mos e luaj, këtë gjë mos e prek", ai nuk duhet ta luajë, nuk duhet ta prekë.
• 9:00
  Sepse është fjala jonë, ai duhet të respektojë fjalën. Dhe kur ne i themi "bëje këtë gjë sepse ti do t'ia dalësh,
• 9:07
  ti do dalësh mirë, ose ti do marrësh nota të mira, ose ti do shpërblehesh", ndërthuren dy gjëra.
• 9:14
  E para është që fjala jonë del që është e vërtetë, dhe Joeli po mëson që t'i besojë prindërve,
• 9:21
  që me atë fjalë që ne themi, në fund rezultati do të jetë pozitiv, pra do të shpërblehet në qoftë se i bindet fjalës së prindërve.
• 9:28
  E njëjta gjë, pak a shumë kuptohet, e njëjta gjë edhe me Abrahamin. Abrahami i besoi Perëndisë kur Perëndia i tha: "Ti do të kesh trashëgimtarin tënd,
• 9:35
  dhe trashëgimtari yt do të vijë nga të brendshmet e tua." Edhe pse ti je 80 vjeç ose 85 ose 90, sa mund të ketë qenë në atë moment.
• 9:43
  Edhe pse ti je një moshatar, edhe pse e gjithë bota që të rrethon do të thotë kjo është e pazakontë, kjo nuk ka për të ndodhur asnjëherë.
• 9:51
  Dhe Abrahami i besoi. Në premtimet që Zoti na bën neve sot, në ditën e sotme, a besojmë neve?
• 9:57
  Frikërat që na mbështjellin neve na bëjnë që ne të largohemi nga Perëndia, për shkak të dyshimit që ne hedhim.
• 10:04
  Pra ai udhëtoi në një tokë të huaj (Hebrenjtë 11:9-10).
• 10:10
  Nëpërmjet besimit, Abrahami ofroi birin e tij Isakun (Hebrenjtë 11:18, Jakobi 2:21-24).
• 10:17
  Edhe shkrimtarë të tjerë në Testamentin e Ri e përmendin Abrahamin si, le të themi, si babai i besimit.
• 10:25
  Besimi i Abrahamit nuk ishte një besim i vdekur, na thotë Jakobi (kapitulli 2 vargjet 20 dhe 26),
• 10:32
  por një besim dinamik duke shprehur veten e tij në bindje. Besimi që unë kam, që unë ndjej në veten time për Zotin,
• 10:41
  shprehet ose manifestohet nëpërmjet bindjes, pra duke u bindur.
• 10:49
  Pse themi ne edhe në marrëdhënie çift, në qoftë se dikush i thotë bashkëshortes ose bashkëshorti i thotë "të dua", atëherë si do të ishte?
• 10:56
  "Ma trego që më do." Pra duke shpenzuar kohë ose duke bërë gjëra që janë të këndshme ose që i pëlqejnë parterit.
• 11:03
  Pra kjo do të thotë dashuri. Edhe për prindin për fëmijën, kur prindi thotë "të dua se unë do të shpërblej, bëje këtë gjë."
• 11:10
  Pikërisht me këtë, në këtë lloj mënyre do të themi. Përmes besimit ne duhet t'i bindemi Perëndisë.
• 11:17
  Ungjilli e quan bindje në besim (Romakët 1:5). Le ta lexojmë edhe këtë.
• 11:24
  "Me anë të të cilit ne kemi marrë hirin dhe apostullimin për bindje në besim midis gjithë kombeve për emrin e tij."
• 11:31
  Pra besim me bindje. T'i bindemi Perëndisë për atë që Perëndia ynë kërkon.
• 11:38
  Pra ne duhet t'i bindemi me zemër doktrinës së Jezusit (Romakët 6:17).
• 11:45
  "Por qoftë falënderuar Perëndia sepse ishit shërbëtorë të mëkatit, por ju u bindët me zemër formës së mësimit që ju është dhënë."
• 11:53
  Pra me zemër, diçka që vjen si burim i brendshëm.
• 12:00
  Mjerë ata, thuhet tek e dyta e Selanikasve 1:7-9, që nuk i binden Ungjillit.
• 12:07
  Besimi i Abrahamit ishte një besim që zë besë. Abrahami i zuri besë Perëndisë, jo veprave të tij.
• 12:07
  Pra Abrahami i besoi, dhe Perëndia ia numëroi atë për drejtësi.
• 12:21
  Jo sepse Abrahami mund ta arrinte me veprat e veta, por për shkak të besimit.
• 12:27
  Po të lexojmë edhe një herë Zanafillën 15:6: "Dhe ai i besoi Perëndisë dhe Perëndia ia numëroi atij për drejtësi."
• 12:34
  Pra Abrahami i besoi Zotit. Ishte besimi i cili ju numërua për drejtësi.
• 12:41
  Besimi i Abrahamit tek Perëndia, që e kënaqi Perëndinë. Ishte i plotë, i plotësuar.
• 12:49
  Nuk e di si mund ta thuash me fjalë njerëzore. I kemi besuar Perëndisë.
• 12:56
  Dhe jo vetëm kaq, por t'i presë në momentin e duhur që Perëndia të jep një komandë, një diçka tjetër bën, pa pikën e dyshimit.
• 13:03
  Pali e thekson këtë tek Romakët 4:1-3. Abrahami nuk u shfajësua prej veprave, por së pari tregoi besim.
• 13:10
  Abrahami u shfajësua prej besimit (Romakët 4:5-8).
• 13:17
  Për ta mbyllur, ne duhet të besojmë në Jezusin dhe jo në punët tona.
• 13:24
  Shumë njerëz, në qoftë se ne do t'i pyesim "a do të shkosh ti në parajsë?", do të thonë "po unë kështu vetes si të mirë e mbaj,
• 13:31
  le të më gjykojnë këta, le të bëjmë një çikë llogari, unë vepra të mira kam bërë, njeriu në hak nuk i kam hyrë".
• 13:38
  Të gjithë do të thonë të njëjtën filozofit, të njëjtin lloj shpjegimi.
• 13:46
  Por fakti është që Shkrimi e thotë shumë qartë që ne do të jemi të shpëtuar nëpërmjet Jezusit, duke e dhënë jetën tonë në pakësi.
• 13:54
  Pra ashtu siç e vumë re edhe më parë, ne duhet të besojmë tek Perëndia (Gjoni 6:28-29).
• 14:02
  Pagëzimi është më shumë punë e Perëndisë sesa një punë nga njeriu.
• 14:09
  Pikërisht sepse në momentin që Perëndia na thërret ne që t'i besojmë Perëndisë dhe ta tregojmë atë duke u pagëzuar,
• 14:17
  është një proces që Perëndia kërkon gjatë gjithë rrugës.
• 14:24
  Disa mund të mendojnë që mund të shpëtohen duke besuar pa vepra e kështu me radhë.
• 14:31
  Edhe sot e kësaj dite shumë njerëz dhe shumë besime luftojnë.
• 14:38
  Por në qoftë se ne do të qëndrojmë tek fjala e Perëndisë, fjala e Perëndisë na flet shumë qartë.
• 14:45
  Besim plus bindje numërohet për drejtësi.
• 14:52
  Ka shumë për të thënë tek ky mësim, unë u mundova në mënyrë të përmbledhur që të kemi një pikturë të përgjithshme
• 15:00
  të besimit të Abrahamit dhe të besimit që Perëndia na kërkon neve që të kemi në jetën tonë të përditshme.
• 15:04
  Paqja dhe hiri i Perëndisë qoftë mbi gjithsecilin prej nesh.