Latest / ദൈവത്തിലുള്ള യഥാർത്ഥ ജീവിതം - TLIG / Ep 57: എന്തുകൊണ്ടാണ് നിങ്ങൾക്ക് അടയാളങ്ങൾ വേർതിരിച്ചറിയാനാവാത്തത്?!
Transcript
- എപ്പിസോഡ് 57. 26/12/1987, ഡിസംബർ 25 മുതൽ 26 വരെ രാത്രിയിൽ, ഗരുബന്ദാളിലും ഫാത്തിമായിലും നൽകപ്പെട്ട വെളിപ്പെടുത്തലുകളുടെ പ്രാധാന്യത്തെക്കുറിച്ച് ഊന്നിപ്പറഞ്ഞു. അവ രണ്ടും സമാനമായിരുന്നു എന്ന് യേശു പറഞ്ഞു. ആ രാത്രി ഞാൻ ഏറെക്കുറെ ഉറങ്ങിയില്ല; അന്നത്തെ സന്ദേശം എന്റെ ചെവികളിൽ മുഴങ്ങിക്കൊണ്ടിരുന്നു. യേശു അവിടത്തെ സാന്നിധ്യം ശക്തമായി പ്രകടമാക്കിയിരുന്നു. ഫാത്തിമായിലെ തീർത്ഥാടന കേന്ദ്രം, ഗരബന്ദാളിലെ വെളിപ്പെടുത്തലുകൾക്ക് സഭയുടെ അംഗീകാരത്തിന്റെ ഔദ്യോഗിക പ്രഖ്യാപനത്തിനായി നിലവിളിക്കുന്നു. കാലത്തിന്റെ അടയാളങ്ങൾ വായിക്കുവാൻ ഞാൻ നിങ്ങളെ പഠിപ്പിച്ചിട്ടുണ്ട്; നിങ്ങൾ ആ അടയാളങ്ങളെ അന്വേഷിച്ചുകൊണ്ടിരിക്കുകയാണോ? എന്തുകൊണ്ട് നിങ്ങൾക്ക് അടയാളങ്ങളെ തിരിച്ചറിയുവാൻ സാധിക്കുന്നില്ല? നിങ്ങൾക്ക് യാതൊരു ഗ്രഹണശേഷിയുമില്ലേ? എന്തുകൊണ്ടാണ് നിങ്ങളുടെ മനസ്സ് അടച്ചിട്ടിരിക്കുന്നത്? എന്തുകൊണ്ടാണ് നിങ്ങൾ കാണുവാൻ വിസമ്മതിക്കുന്നത്? എന്തുകൊണ്ടാണ് നിങ്ങൾ കേൾക്കുവാൻ വിസമ്മതിക്കുന്നത്? എന്റെ വചനങ്ങൾ നിങ്ങൾ മറന്നുപോയോ? എന്തുകൊണ്ടാണ് നിങ്ങളുടെ തെറ്റുകൾ നിങ്ങൾ ആവർത്തിക്കുന്നത്? എന്റെ വചനത്തിന്റെ പേടകമായ നിങ്ങളുടെ പരിശുദ്ധ മാതാവ് ഗരബന്ദാളിൽ നൽകിയ സന്ദേശത്തിനെതിരെ ഇത്രയധികം വിഷലിപ്തമായ ആക്രമണം നടക്കുന്നത് എന്തുകൊണ്ടാണ്? ഗരബന്ദാളിലെ പ്രത്യക്ഷപ്പെടലുകളുടെയും അവിടെ നൽകപ്പെട്ട സന്ദേശങ്ങൾക്കും എതിരെ എന്റെ പുരോഹിതന്മാർക്കുള്ള എതിർപ്പ് സാത്താന്റെ ഒരു ഗൂഢതന്ത്രമാണ്. ഫാത്തിമായിൽ സംഭവിച്ചതുപോലെ, ഗരബന്ദാളിലെ എന്റെ സന്ദേശവും ലോകമെങ്ങും പ്രചരിക്കപ്പെടാതിരിക്കുവാൻ വേണ്ടി സാത്താൻ കെണിഞ്ഞു പരിശ്രമിച്ചു കൊണ്ടിരിക്കുന്നു. വെറും കുട്ടികൾക്ക് എന്റെ അമ്മ വഴി നൽകപ്പെട്ട എന്റെ രക്ഷാകര പദ്ധതിയുടെ പ്രാധാന്യം അറിയുന്ന സാത്താൻ, വീണ്ടും ഒരിക്കൽ കൂടി എന്റെ പദ്ധതിയെ ഇല്ലാതാക്കുവാൻ പരിശ്രമിച്ചു കൊണ്ടിരിക്കുകയാണെന്ന് നിങ്ങൾ മനസ്സിലാക്കിയിട്ടില്ലേ? ഇത്തരത്തിൽ നിങ്ങൾ അന്ധകാരത്തിൽ നിവസിക്കുവാൻ ഇടയാക്കുവാനാണ് അവന്റെ ശ്രമം. ഫാത്തിമായിൽ നൽകപ്പെട്ട രക്ഷയുടെ സന്ദേശത്തിന്റെ തുടർച്ചയാണ് ഗരബന്ദാളിലെ പ്രത്യക്ഷപ്പെടലുകളും എന്ന സത്യം നിഷേധിക്കുവാൻ എന്റെ സഭയ്ക്കെതിരെ കൗശലപൂർവ്വം ഗൂഢശ്രമം നടത്തിക്കൊണ്ട്, നിങ്ങളുടെ മാതാവിനെ പരാജയപ്പെടുത്തുവാൻ എക്കാലത്തേക്കാൾ ഇരട്ടിയായി സാത്താൻ പരിശ്രമിച്ചു കൊണ്ടിരിക്കുകയാണ്. എന്നെ ഭക്ഷിക്കുന്നതിൽ നിന്ന് നിങ്ങളെ തടയുവാൻ കോപവെറിവുകൊണ്ടു സാത്താൻ പരിശ്രമിച്ചു കൊണ്ടിരിക്കുന്നു. എന്റെ രക്ഷാകര പദ്ധതി വളരെ വ്യക്തമാണ്: എന്റെ മക്കളെ വീണ്ടെടുക്കുവാനായി ഞാൻ വരുന്നു. നിങ്ങൾ എന്റെ സ്വരം തിരിച്ചറിയുവിൻ; എന്റെ സന്ദേശങ്ങൾ നൽകുന്നതിനുവേണ്ടി ഞാൻ ഉപയോഗപ്പെടുത്തുന്ന ഉപകരണങ്ങളെക്കുറിച്ച് ചിന്തിച്ച് നിങ്ങൾ ആശ്ചര്യപ്പെടേണ്ട. ഫലകത്തിൽ എഴുതപ്പെട്ടിരിക്കുന്നത് എന്റെ വചനങ്ങളാണെന്ന് വ്യക്തമാകേണ്ടതിന്, ഒന്നുമില്ലായ്മയായ, യാതൊന്നും അറിയില്ലാത്ത ഒരു ശൂന്യഫലകത്തെ ഞാൻ തിരഞ്ഞെടുത്തിരിക്കുന്നു. ദൈവത്തിന്റെ പ്രിയപുത്രനായ യേശുക്രിസ്തുവായ ഞാനാണ് ഇത്തവണ ഈ സന്ദേശത്തിലൂടെ സംസാരിക്കുന്നതെന്ന് നിങ്ങൾ വിശ്വസിക്കേണ്ടതിനാണിത്. എന്റെ രാജ്യം നിങ്ങളുടെ ഇടയിൽ തന്നെയുണ്ട്. എന്റെ ആബേലുമാരെ, നിങ്ങൾ എന്നെ വീണ്ടും തിരിച്ചറിഞ്ഞ് അംഗീകരിക്കും. എന്റെ പ്രിയപ്പെട്ടവരെ, ഞാൻ നിങ്ങളെ എത്രയധികം സ്നേഹിക്കുന്നു. താമസിയാതെ തന്നെ എന്റെ പദ്ധതി നിങ്ങൾക്ക് ഞാൻ വെളിപ്പെടുത്തി തരും. കർത്താവേ, പുരോഹിതന്മാർ അങ്ങയുടെ സ്വരത്തെ തിരിച്ചറിഞ്ഞ് അംഗീകരിക്കുന്നില്ലെങ്കിൽ എന്തായിരിക്കും സംഭവിക്കുക? വസൂല, ഇക്കാര്യം ചോദിക്കേണ്ട കാര്യം പൊടിയും ചാരവുമായ നിനക്കില്ല. ഞാൻ ആഗ്രഹിക്കുന്നതുപോലെ ഞാൻ നിന്നെ നയിക്കട്ടെ; ഇക്കാര്യം നീ എനിക്ക് വിടുക. ഈ വാക്കുകളിലൂടെ, എല്ലാ സൃഷ്ടികളിലും വെച്ച് ഞാൻ ഏറ്റവും നിസ്സാരയാണെന്ന് ദൈവം എന്നെ ഓർമ്മിപ്പിച്ചു. അതെ, കർത്താവേ. വരൂ, എന്നെ തെറ്റിദ്ധരിക്കരുത്; ഞാൻ സ്നേഹമാണ്. എന്നിൽ നിന്നുള്ളവയെ സ്വീകരിക്കുവാൻ പഠിക്കുക. വരൂ, നമുക്ക്, നമ്മൾ, ഞാൻ നിന്റെ വിളക്കിൽ എണ്ണ നിറയ്ക്കാം. അതെ, കർത്താവേ, സ്നേഹപൂർവ്വം എന്നെ പരിപാലിക്കുന്നതിന് ഞാൻ അങ്ങേയ്ക്ക് നന്ദി പറയുന്നു. നമുക്ക് പോകാം. 28/12/1987, ഞാൻ എന്നെത്തന്നെ മറക്കുകയോ, ആർക്കെങ്കിലും എതിരായി എന്തെങ്കിലും വിധിവാചകം പറയുകയോ, അല്ലെങ്കിൽ മറ്റുള്ളവരെക്കാൾ കൂടുതലായി ഞാൻ ഗ്രഹിക്കുന്നുണ്ടെന്ന് ചിന്തിക്കുകയോ ചെയ്താൽ, ഉടൻ തന്നെ ദൈവം സന്ദേശം നൽകുവാനായി തിരഞ്ഞെടുത്തിരിക്കുന്ന എന്റെ ഒന്നുമില്ലായ്മയും അയോഗ്യതയും എന്നെ ഓർമ്മിപ്പിക്കാറുണ്ട്. അവിടുത്തെ ഒറ്റനോട്ടത്താൽ എന്നെ നിർത്തേണ്ടിടത്ത് നിർത്തും. ഞാൻ എവിടെ എങ്ങനെ ആയിരിക്കണമോ, അങ്ങനെ എന്നെ ആക്കിത്തീർക്കും. ഞാൻ പൊടിയും ചാരവും മാത്രമാണെന്ന് അവിടത്തെ വാക്കുകളിലൂടെ എന്റെ ഒന്നുമില്ലായ്മ എന്നെ ദൈവം ഓർമ്മിപ്പിച്ചു തന്നു. സൃഷ്ടികളിൽ ഏറ്റവും നിസ്സാരയുമാണെന്ന് ദൈവം എന്നെ ഓർമ്മിപ്പിച്ചു. എന്നാൽ ഞാൻ ഈ പറയുന്ന കാര്യങ്ങൾ ചിലർക്കു മനസ്സിലാവുകയില്ല. ദൈവത്തിന്റെ സന്ദേശം എഴുതിയെടുക്കുന്നതിന് എന്നെ തിരഞ്ഞെടുത്തതിനാൽ ഞാൻ യോഗ്യതയുള്ളവളാണെന്ന് തെറ്റിദ്ധരിക്കുന്നവരുണ്ട്. സൃഷ്ടികളിൽ ഏറ്റവും നിസ്സാരയായി എന്നെ തിരഞ്ഞെടുക്കുന്നതിലൂടെ, ദൈവത്തിന് നമ്മോടുള്ള അഗാതമായ കരുണയാണ് അവിടുന്ന് വ്യക്തമാക്കുന്നത്. സൃഷ്ടികളിൽ ഏറ്റവും നിസ്സാരയായി എനിക്ക് ഇത്രമാത്രം കൃപകൾ ദൈവം നൽകുന്നുണ്ടെങ്കിൽ, അവിടുത്തെ ദൃഷ്ടിയിൽ എന്നെക്കാൾ വളരെയേറെ യോഗ്യതയുള്ളവർക്ക് അവർ വിശ്വാസത്തോടെ അവിടുത്തോട് ചോദിക്കുമെങ്കിൽ, എത്രയധികം കൃപാദാനങ്ങൾ അവിടുന്ന് നൽകാതിരിക്കില്ല. എന്നോടുള്ള ദൈവത്തിന്റെ സാക്ഷിണതയും ക്ഷമയും നിങ്ങൾ ശ്രദ്ധിച്ചുവോ? എന്നെ പ്രഹരിക്കുന്നതിനു പകരം, എന്നിലേക്ക് അവിടുത്തെ അനന്തമായ സ്നേഹം അവിടുന്ന് സമൃദ്ധമായി വർഷിക്കുകയാണ് ചെയ്യുന്നത്. അവിടുത്തെ സൃഷ്ടികൾക്ക് എങ്ങനെ അവിടത്തെ പരിത്യജിക്കുവാൻ കഴിയും? എന്നാൽ ഞാൻ ഈ വക കാര്യങ്ങൾ പറയുവാൻ പാടില്ല, കാരണം ഞാനും ഒരിക്കൽ ഇത്തരത്തിലുള്ളവരോടൊപ്പം ആയിരുന്നു. എന്നാൽ ഞാൻ ഇപ്പോൾ പറയുന്നു: നിങ്ങളുടെ ജീവശ്വാസം പോലെ നിങ്ങളുടെ ദൈവത്തെ മനസ്സിൽ കരുതുക, കാരണം ജീവശ്വാസം ഇല്ലെങ്കിൽ നിങ്ങൾ മരിക്കും. നമ്മിലേക്ക് ജീവശ്വാസം നിശ്ചയിച്ചുകൊണ്ട് ദൈവം നമുക്ക് ജീവൻ നൽകി. അവിടുന്ന് നമുക്ക് നൽകിയ ശ്വാസമാണ് നമ്മുടെ ജീവൻ. ദൈവമാണ് നമ്മുടെ ജീവശ്വാസം. ദൈവമാണ് നമ്മുടെ ജീവൻ. അല്ലയോ, വസൂല, എന്റെ ആബേൽ ഇത്തവണ ജീവിക്കും; ആത്മാർത്ഥത തിന്മയെ ഇല്ലാതാക്കും. ആബേൽ കായയെ കീഴടക്കും എന്ന ആശയമായിട്ടും ഇതെടുക്കാം. എന്റെ വചനത്താൽ മറ്റുള്ളവരെ പ്രചോദിപ്പിക്കുന്നവർ അനുഗ്രഹീതരാണ്. എന്റെ സ്വരം തിരിച്ചറിയുന്ന ആടുകൾ അനുഗ്രഹീതരാണ്. എന്റെ കുഞ്ഞാടുകളെ വീണ്ടും മേയ്ക്കുന്നവർ അനുഗ്രഹീതരാണ്. ഹൃദയലാളിത്യമുള്ളവർ അനുഗ്രഹീതരാണ്. ഗരബന്ദാളിലെ ദൈവീക ദർശനങ്ങളെ വിശ്വാസസത്യമായി സഭ പ്രഖ്യാപിക്കുന്ന ദിവസത്തിനുവേണ്ടി ജപമാല പ്രാർത്ഥന നടത്തുന്നവരും, എന്റെ അമ്മയെ ബഹുമാനിക്കുന്നതിനായി തങ്ങളുടെ മുട്ടുകൾ മടക്കുന്നവരും അനുഗ്രഹീതരാണ്. സഭയുടെ ഐക്യത്തിനായി, സമാധാനത്തിന്റെയും സ്നേഹത്തിന്റേതുമായ എന്റെ കുരിശ് വഹിക്കുന്നവർ അനുഗ്രഹീതരാണ്. പത്രോസിന്റെ പക്കലേക്ക് മടങ്ങി വരുന്ന എന്റെ ആടുകൾ അനുഗ്രഹീതരാണ്. തങ്ങളെത്തന്നെ എളിമപ്പെടുത്തിക്കൊണ്ട് എന്നെ അനുഗമിക്കുന്നവർ അനുഗ്രഹീതരാണ്. എന്റെ കല്പന പാലിച്ചുകൊണ്ട് ഞാൻ നിങ്ങളെ സ്നേഹിക്കുന്നതുപോലെ പരസ്പരം സ്നേഹിക്കുന്നവർ അനുഗ്രഹീതരാണ്. എനിക്ക് സാക്ഷ്യം വഹിക്കുന്നവരും, എന്നിൽ ഇടറാത്തവരും അനുഗ്രഹീതരാണ്. വസൂല, എന്റെ അന്തരാത്മാവിനാൽ അനുഗ്രഹിക്കപ്പെട്ടവളേ, എന്നിൽ വിശ്വാസം അർപ്പിക്കുകയും എന്നിൽ ആശ്രയിക്കുകയും ചെയ്യുക. ഞാനാണ് നിന്റെ സ്വർഗീയ അധ്യാപകൻ; ഒരിക്കലും എന്റെ വചനത്തെ സംശയിക്കരുത്. വരൂ, നീ ബലഹീനയാണ്; വരൂ, നിന്റെ ശക്തിയായ എന്നിൽ ആശ്രയിക്കുക. അതെ, കർത്താവേ, എനിക്ക് അങ്ങയെ അത്യാവശ്യമാണ്; അങ്ങയെ കൂടാതെ ഒരിക്കലും എനിക്ക് ജീവിക്കുവാൻ സാധിക്കുകയില്ല. എന്നെ സ്നേഹിക്കുക, എന്നെ ആഗ്രഹിക്കുക, എന്റെ സ്വർഗ്ഗമായിരിക്കുക. അല്ലയോ, വസൂല, ഇപ്പോൾ നീ എനിക്ക് വേണ്ടി ത്യാഗം അനുഷ്ഠിക്കുകയാണ്; താമസിയാതെ ഞാൻ നിന്നെ എന്റെ അടുക്കൽ എത്തിക്കും. ആ ദിവസത്തിനുവേണ്ടി ഞാൻ തീവ്രമായി ആഗ്രഹിക്കുകയാണ്. എന്റെ സമീപം നിലകൊള്ളുക; എനിക്ക് നിന്നോട് ഒരു കാര്യം ചോദിക്കുവാനുണ്ട്. കർത്താവേ, എന്നോട് ചോദിക്കുവാൻ ഉണ്ടെന്നോ? വസൂല, എനിക്ക് വേണ്ടി, അതെ, എനിക്ക് വേണ്ടി തന്നെ, നീ ജപമാല ധ്യാനിച്ചു പ്രാർത്ഥിക്കാമോ? എന്റെ അമ്മയെ എപ്പോഴും അഭിവാദ്യം ചെയ്യുക. വസൂല, എനിക്ക് വേണ്ടി നീ ഇത് ചെയ്യാമോ? ഓ, കർത്താവേ, ജപമാല പ്രാർത്ഥന പഠിക്കുവാൻ ഞാൻ തയ്യാറാണ്. കർത്താവേ, ജപമാല പ്രാർത്ഥന പഠിക്കുവാൻ എന്നെ സഹായിക്കണമേ. ജപമാല പ്രാർത്ഥന പഠിക്കുവാൻ ഞാൻ തയ്യാറാണ്. കർത്താവേ, ഞാൻ ജപമാല പ്രാർത്ഥന പഠിക്കുവാൻ എന്നെ സഹായിക്കണമേ. പ്രാർത്ഥിക്കുവാൻ അറിയാത്തവരിൽ നിന്ന് ഈ വാക്കുകളാണ് ഞാൻ കേൾക്കുവാൻ ആഗ്രഹിക്കുന്നത്. പഠിക്കുവാൻ തയ്യാറുള്ള നിങ്ങളെല്ലാവരെയും ഞാൻ പഠിപ്പിക്കാം. വരൂ, മകളേ, എന്നിൽ വിശ്രമിക്കുക; ഞാൻ നിന്നെ ഒരിക്കലും പരിത്യജിക്കുകയില്ല. ഞാൻ എത്രമാത്രം തീവ്രമായി യേശുവിനെ ആഗ്രഹിക്കുന്നുണ്ടെന്നും, ഇവിടെ ഭൂമിയിൽ ഞാൻ എത്രയധികം സഹിക്കുന്നുണ്ടെന്നും യേശു അറിഞ്ഞിട്ടുണ്ടാകും. ദൈവത്തെ തീഷ്ണമായി ആഗ്രഹിക്കുക; അവിടുത്തെ ബലിവസ്തുവായി തീരുക; ലോകവും അതിന്റെ മോഹങ്ങളിൽ നിന്നും പൂർണമായി വിരക്തി പ്രാപിക്കുക. എന്നീ തരംഗങ്ങൾ എന്നിൽ ശക്തമായി അനുഭവപ്പെടുന്നു. ഈ തരംഗങ്ങളുടെ ഏറ്റക്കുറച്ചിലുകളാൽ ചിലപ്പോൾ ഞാൻ അയഞ്ഞുപോകുന്നതുപോലെ എനിക്ക് അനുഭവപ്പെടാറുണ്ട്. ഭൂമിയിൽ ജീവിക്കുന്ന കാലയളവിൽ എനിക്കിവിടെ കർത്താവിന്റെ പുതിയ അപ്പം ഒരിക്കലും തിരസ്കരിക്കാത്ത കുറെ കുഞ്ഞാടുകളെ തീറ്റിപ്പോറ്റുവാൻ സാധിച്ചേക്കാം. പുതുതായി കുറെ ആളുകളെ കർത്താവിന്റെ പക്കൽ കൊണ്ടുവന്ന് എനിക്ക് അവിടുത്തെ പ്രസാദിപ്പിക്കുവാനും സാധിച്ചേക്കാം. കർത്താവിനോട് കൂടി ഇരിക്കുന്നതാണ് എനിക്ക് ഏറ്റവും ഇഷ്ടമുള്ളത്. ഏതാണ് ഏറ്റവും നല്ലത്? 31/12/1987, എന്റെ ദൈവമേ, സഭകൾ അങ്ങയുടെ സന്ദേശങ്ങൾ വിശ്വസിക്കണമെന്ന് ഞാൻ പ്രാർത്ഥിക്കുന്നു. വസൂല, എന്നിൽ വിശ്വസിക്കുക എന്നത് ഞാൻ നൽകുന്ന ഒരു കൃപയാണ്. വിശ്വാസം എന്ന കൃപാവരത്തിനുവേണ്ടി ഓരോരുത്തരും ദൈവത്തോട് ചോദിക്കണം. വസൂല, എന്നെ കേൾക്കുക; എന്റെ അധരങ്ങളിൽ നിന്നുള്ള വചനം നീ പ്രഘോഷിക്കണം. എന്റെ സഭ അനുഭവിക്കാനിരിക്കുന്ന ദുരിതങ്ങളെക്കുറിച്ചും നീ പ്രസംഗിക്കണം. ഈ വെളിപാടുകളിലൂടെയുള്ള സന്ദേശം എന്റെ സ്വരമാണ്. കാലത്തിന്റെ അടയാളങ്ങളെ തിരിച്ചറിയുക; എന്റെ സന്ദേശം സ്വീകരിക്കുക; എന്റെ സന്ദേശം രുചിച്ചറിയുവിൻ; എന്റെ സന്ദേശം ഭക്ഷിക്കുക; അവിശ്വസ്തർക്ക് ഹാ, ദുരിതം. പിന്നീട്. കുഞ്ഞേ, നീ എന്നെ സ്നേഹിക്കുന്നുണ്ടോ? കർത്താവേ, ഞാൻ അങ്ങയെ നിത്യമായി ആരാധിക്കുന്നു. അതെ, വസൂല, എന്നെ സ്നേഹിക്കുക; നിന്റെ കഴിഞ്ഞകാലത്തെ കുറവുകളെ പരിഹരിക്കുക; എന്നെ സ്നേഹിക്കാത്തവർക്ക് വേണ്ടി പരിഹാരം ചെയ്യുക. പുഷ്പമേ, ഓരോ പുഷ്പത്തിനും പ്രകാശം അത്യാവശ്യമുണ്ട്; പുഷ്പത്തിന്റെ ഇതളുകൾക്ക് പ്രകാശം അത്യാവശ്യമുണ്ട്. മകളേ, നീ പശ്ചാത്തപിക്കുമോ? പരിശുദ്ധ കുർബാന സ്വീകരിക്കുന്നതിനുവേണ്ടി അവിടുന്ന് എന്നെ ഒരുക്കിക്കൊണ്ടിരിക്കുന്നതിനാൽ, ഞാൻ എന്റെ കഴിഞ്ഞ കാലങ്ങളിലെയും ഇപ്പോഴത്തെയും പാപങ്ങളെ പ്രതി പശ്ചാത്തപിച്ചു. നിന്റെ ഹൃദയത്തിന്റെ ആഴങ്ങളിൽ നിന്ന് നിന്റെ എല്ലാ പാപങ്ങളെയും ശക്തമായി എതിർക്കുക; അശുദ്ധിയെ അതിശക്തമായി എതിർക്കുക, കാരണം അശുദ്ധിയാണ് സോദോമിന്റെ തിന്മ. 1/1/1988, എന്റെ ദൈവമേ. ഇത് ഞാനാണ്; എന്റെ കരം പിടിക്കുക; എന്റെ മറ്റേ കരവും പിടിച്ചു നടക്കുക. ഒരു പുതിയ വിഷയത്തിലേക്ക് പ്രവേശിക്കാനിരിക്കെ, യേശു ഒരു ദർശനത്തിലൂടെ എന്റെ രണ്ടു കരങ്ങളും പിടിച്ചു നടക്കുന്നതായി എന്നെ കാണിച്ചു. നടക്കൂ, പ്രിയപ്പെട്ടവളേ, നടക്കൂ; മുന്നോട്ടു നടക്കുക. ഭയപ്പെടേണ്ട; എന്റെ സൃഷ്ടികളുടെ ഒരു വിഭാഗത്തിനുവേണ്ടി മാത്രമല്ല, നേരെ മറിച്ച് സമസ്ത സൃഷ്ടികൾക്കും വേണ്ടിയുള്ള എന്റെ സന്ദേശവാഹകയായിട്ടാണ് ഞാൻ നിന്നെ നിയോഗിച്ചിരിക്കുന്നത്. വസൂല, കാത്തിരിക്കുക; നീ കാണും, എന്റെ സന്ദേശത്തിന്റെ പകുതിയോട് അടുത്ത് പോലും നമ്മൾ എത്തിയിട്ടില്ല. വസൂല, എനിക്ക് നിന്നെക്കൂടാതെ തന്നെ പ്രവർത്തിക്കുവാൻ കഴിയും; എന്നാൽ, പുഷ്പമേ, നിന്നോടൊപ്പം എന്റെ പ്രവർത്തികൾ പങ്കുവെക്കുന്നതിൽ ഞാൻ സന്തോഷിക്കുന്നു. ഞാൻ ദൈവമാണ്; എനിക്ക് ഞാൻ തന്നെ മതിയായവനാണ്. നീ വെക്കുന്ന ഓരോ ചുവടും ഞാൻ ആശീർവദിക്കുന്നു. അതിനാൽ, മുന്നോട്ടു പോവുക; പ്രിയപ്പെട്ടവളേ, എന്നോടൊപ്പം മുന്നോട്ടു പോവുക; നീ മുന്നോട്ടു പോവുക. സർവ്വശക്തനായ കർത്താവേ, ഈ ദൗത്യം അങ്ങയുടെ ഇഷ്ടമായതിനാൽ, മുന്നോട്ടു പോകുവാൻ എന്നെ സഹായിക്കണമേ. എനിക്ക് തന്നെ മുന്നോട്ടു പോകുവാൻ കഴിയുകയില്ല; സാധാരണ ചെയ്യാറുള്ളതുപോലെ എന്നെ അങ്ങ് വഹിക്കണമെന്ന് ഞാൻ അപേക്ഷിക്കുന്നു. എന്തെങ്കിലും ചെയ്യുവാൻ കഴിവില്ലാത്തവളാണ് ഞാൻ. വസൂല, ഞാൻ നിന്നെ സഹായിക്കും; ഞാനാണ് നിന്റെ ശക്തി. 2/1/1988, സർവ്വശക്തനായ കർത്താവേ, തെറ്റുകളിൽ വീണുപോകാതെ ഞങ്ങളെ കാത്തുസംരക്ഷിക്കണമേ; കാരണം, സൃഷ്ടിയുടെ ആരംഭത്തിലെ പോലെ ഒരു തെറ്റ് ചെയ്യുന്നത് പോലും സകല ജനതകളെയും ഉന്മൂലനം ചെയ്യുന്ന തരത്തിൽ വിനാശകരമായി തീരാം. അതെ, വസൂല, പാപം എന്ന ശാപത്തെ ഭയപ്പെടണം; കാരണം, പാപം ദുഷിപ്പിക്കുന്ന ഒരു ശാപമാണ്. എന്റെ ദൈവമേ, സഭ സ്വകാര്യ വെളിപാടുകളെ സ്വീകരിക്കുവാൻ വിമുഖത കാണിക്കുന്നതിന് കാരണം, മനുഷ്യരക്ഷയ്ക്ക് അറിയേണ്ടതെല്ലാം ബൈബിളിൽ ഉണ്ടെന്നതാണെന്ന് ഞാൻ എവിടെയോ വായിച്ചിട്ടുണ്ട്. അക്കാരണത്താൽ, പുതിയ സ്വകാര്യ വെളിപാടുകളെ സഭ അംഗീകരിക്കാറില്ല. പുതിയ വിഷയത്തെക്കുറിച്ച് എന്നല്ല, മറിച്ച് ബൈബിളിന് വെളിയിലുള്ള പുതിയ കാര്യങ്ങൾ എന്നാണ് ഞാൻ ഉദ്ദേശിക്കുന്നത്. ഈ നിലപാടിന് മാറ്റം വരുത്തിയാൽ വിശ്വാസികൾ വഴിതെറ്റി പോയേക്കാം എന്നുള്ള ഭയമാണ്. വസൂല, ശത്രു കുഴിച്ചിരിക്കുന്ന കുഴിയിൽ എന്റെ സൃഷ്ടികൾ വീഴാൻ പോകുമ്പോൾ, ഞാൻ അവരെ രക്ഷിക്കുവാൻ ഓടി വരാതെ വെറുതെ നോക്കിയിരിക്കുമെന്നാണോ ആരെങ്കിലും കരുതുന്നത്? ഒരു മഹോദര രോഗിയെ ഞാൻ സാപത്ത് ദിവസം സൗഖ്യമാക്കിയത് നീ ഓർക്കുന്നുണ്ടോ? ഞാൻ എന്താണ് അവിടെയുണ്ടായിരുന്ന ഫരിസേയന്മാരോട് ചോദിച്ചത്? കർത്താവേ, എനിക്ക് ബൈബിൾ പരിശോധിക്കണം. എങ്കിൽ എന്റെ തിരുവചന ഗ്രന്ഥം എടുത്തുകൊണ്ടുവരിക. ഞാൻ ബൈബിൾ പരിശോധിച്ചു; ലൂക്ക 14-ാം അധ്യായം 1 മുതൽ 6 വരെ വചനഭാഗത്താണ് ഈ സംഭവം രേഖപ്പെടുത്തിയത്. മകളേ, ഞാൻ നിയമജ്ഞരോടും ഫരിസേയരോടുമായി ചോദിച്ചു: ശാപത്തിൽ രോഗശാന്തി നൽകുന്നത് അനുവദനീയമോ അല്ലയോ? അവർ നിശബ്ദരായിരുന്നു. യേശു അവനെ അടുത്തുവിളിച്ച് സുഖപ്പെടുത്തി അയച്ചു. അനന്തരം അവൻ അവരോട് ചോദിച്ചു: ശാപത്തിൽ തന്റെ പുത്രനോ കാളയോ കിണറ്റിൽ വീണാൽ ഉടൻ വലിച്ചു കയറ്റാത്തവരായി നിങ്ങളിൽ ആരുണ്ട്? മറുപടി പറയുവാൻ അവർക്ക് കഴിഞ്ഞില്ല. ലൂക്ക അധ്യായം 14:1 മുതൽ 6 വരെയുള്ള തിരുവചനങ്ങൾ. ഇക്കാലത്ത് എന്റെ ദൈവീക വെളിപാടുകളെ നിഷേധിക്കുന്നവരോട് ഞാൻ ഇങ്ങനെ ചോദിക്കുകയാണ്: ഇക്കാലത്തുള്ള എന്റെ ദൈവീക പ്രവർത്തികളാൽ എന്റെ സൃഷ്ടികൾ കുഴിയിൽ വീഴാതെ അവരെ രക്ഷിക്കുന്നത് നിങ്ങളുടെ കാലഘട്ടത്തിൽ എന്റെ നിയമത്തിനെതിരാണോ? വസൂല, ഞാൻ യേശുവാണ്; യേശു എന്ന പേരിനർത്ഥം രക്ഷകൻ എന്നാണ്. കർത്താവേ, അവരോട് ഇത് പറയണം: സകല മർത്യരുടെയും കർത്താവേ, അവരെ ഇക്കാര്യം ഓർമ്മിപ്പിക്കണമേ. പ്രിയപ്പെട്ടവളേ, അവർ എന്റെ ഹൃദയത്തിൽ ഒരു മുൾക്കിടി ഇലം വെച്ചിരിക്കുന്നു; എന്റെ തിരുഹൃദയത്തിൽ നിന്ന് രക്തം വാർന്നൊഴുകുന്നു. യേശുവേ, അവർ ഇക്കാര്യം തിരിച്ചറിയുന്നുണ്ടോ? ഞാൻ നിശബ്ദമായി അവരുടെ വാതിൽക്കൽ ചെന്ന്, വാതിലിൽ മുട്ടാതെ, അവരുടെ ഭവനത്തിൽ പ്രവേശിച്ച്, രക്തം വാർന്നൊലിക്കുന്ന എന്റെ തിരുഹൃദയം അവരെ കാണിച്ചു കൊടുക്കും. തങ്ങളുടെ ആത്മാർത്ഥത തെളിയിക്കുന്നവർ അവരുടെ തെറ്റുകൾ തിരിച്ചറിയും. മകളേ, വരൂ, നമുക്ക് നമ്മൾ. ഓ, കർത്താവേ, നമുക്ക് ഒരുമിച്ച് ഐക്യത്തോടെ പ്രവർത്തിക്കാം. 4/1/1988, വസൂല, വസൂല. വളരെയധികം ദുഃഖത്തോടും അടിയന്തര പ്രാധാന്യത്തോടുമാണ് ദൈവം സംസാരിച്ചത്. എന്റെ പെൺമക്കളിൽ ഒരാൾ ഇതാ മരിച്ചുകിടക്കുന്നു. നിന്റെ സഹോദരിമാരിൽ ഒരാൾ തന്നെ. കർത്താവേ, അത് ആരാണ്? എന്റെ വളരെയധികം സ്നേഹിക്കപ്പെട്ട മകളായ റിഷ്യ തന്നെ. വരൂ, വരൂ, ഞാൻ നിനക്ക് അവളെ കാണിച്ചു തരാം. ഒരു ദർശനത്തിൽ ദൈവം എന്നെ ഒരു മരുഭൂമിയുടെ അരികിൽ കൊണ്ടുനിർത്തി; അവിടുത്തെ ചൂണ്ടുവിരൽ ദൂരത്തേക്ക് ചൂണ്ടിക്കൊണ്ട്, ചുട്ടുപൊരിയുന്ന വെയിലിൽ മരിച്ചുകിടക്കുന്ന അവിടുത്തെ മകളും എന്റെ സഹോദരിയുമായ റിഷ്യയെ എനിക്ക് കാണിച്ചുതന്നു. സ്വേച്ഛാധിപത്യത്തിന്റെ കീഴിൽ ദുരിതം അനുഭവിച്ച അവൾ ക്ഷീണിച്ച് അവശിയായി മരുഭൂമിയിൽ കിടക്കുന്നതായി കാണപ്പെട്ടു. മരണനേരത്ത് പോലും അവൾ ഉപേക്ഷിക്കപ്പെട്ടതായി തോന്നി. ആശ്വസിപ്പിക്കുവാൻ സമീപത്ത് ആരുമില്ലാതെ അവൾ ഏകാകിനിയായി ദുരിതം അനുഭവിച്ചു മരിച്ചു. ഈ ദുഃഖകരമായ ദർശനം കണ്ടപ്പോൾ അവളെ ഓർത്ത് ഞാൻ പൊട്ടിക്കരഞ്ഞു. ഞാൻ അവളെ കണ്ട് തേങ്ങിക്കരഞ്ഞു. നീ കരയാതിരിക്കൂ, വസൂല, ഞാൻ അവളെ ഉയിർപ്പിക്കും. എന്റെ മഹത്വത്തിനായി ഞാൻ അവളെ ഉയിർപ്പിക്കും; ലാസറിനെ ഉയിർപ്പിച്ചതുപോലെ ഞാൻ അവളെയും ഉയിർപ്പിക്കും. കർത്താവേ, അങ്ങ് എനിക്ക് വലിയ ദുഃഖം തരികയാണോ? നീ അനുഭവിക്കുന്ന ദുഃഖം എന്റെ ദുഃഖത്തോട് തുലനം ചെയ്യുമ്പോൾ ഒന്നുമല്ല. വസൂല, ഞാൻ അവളെ സ്നേഹിക്കുന്നു; നീയും അവളോട് കരുണ കാണിക്കുക. ഉഷ്ണക്കാറ്റ് വീശിയടിച്ചു കൊണ്ടിരിക്കുന്ന ഈ മരുഭൂമിയിൽ മരിച്ചുകിടക്കുന്ന അവളെ ഞാൻ പരിത്യജിക്കുകയില്ല. വസൂല, നിന്റെ സഹോദരിയെ സ്നേഹിക്കുക; അവളോട് കരുണ കാണിക്കുക; അവളുടെ അടുക്കൽ ചെല്ലുക; അവളെ സ്നേഹിക്കുക, കാരണം ഒരുവനും അവളെ സ്നേഹിച്ചില്ല. വസൂല, അവൾ എന്നെ പരിത്യജിക്കുകയും എനിക്കെതിരെ തിരിയുകയും ചെയ്തിരുന്നു. അവൾ വളർന്നുവന്നപ്പോൾ, പ്രണയത്തിനുള്ള സമയമായപ്പോൾ, അവൾ എനിക്കെതിരെ തിരിഞ്ഞു. എന്റെ വസ്ത്രം എന്നോടൊപ്പം പങ്കുവെക്കുവാൻ ഞാൻ അവളെ വിളിച്ചിരുന്നെങ്കിലും, അവൾ എന്റെ വിളി കേൾക്കാതെ നടന്നകന്നുപോയി. പ്രായപൂർത്തിയായെന്ന് തോന്നിയപ്പോൾ, അവളെ തന്നെ പരിപാലിക്കുവാൻ അവൾക്ക് ആകുമെന്ന് അവൾ വിശ്വസിച്ചു. അവൾ എന്നോട് പുറം തിരിക്കുകയും എന്നിൽ നിന്ന് നടന്നകലുകയും ചെയ്തു. ഒരു അവിശ്വസ്തയായ ഭാര്യയെ പോലെ അവൾ എന്നിൽ നിന്ന് ഒളിച്ചോടിപ്പോയി. എന്റെ പ്രിയപ്പെട്ടവളേ, ഒരു മകളെ നഷ്ടപ്പെടുന്നത് എത്രയധികം വേദനാജനകമാണെന്ന് നിനക്കറിയാമോ? എന്റെ ഹൃദയം മുറിഞ്ഞു; ഞാൻ നീറി നീറി കരഞ്ഞു. ഇതുകൊണ്ട് മതിയാകാതെ, അവൾ അഹങ്കാരത്തോടെ, യാതൊരു ദുഃഖവുമില്ലാതെ, അവളുടെ പിതാവായ എനിക്കെതിരെയും എല്ലാ വിശുദ്ധ രക്തസാക്ഷികൾക്കെതിരെയും പരസ്യമായി യുദ്ധം പ്രഖ്യാപിച്ചു. അവൾ പിന്നീട് ഒരിക്കലും എന്നെ വിശ്വസിച്ചില്ല. എന്നിൽ പ്രത്യാശ അർപ്പിച്ചുകൊണ്ട്, എന്നെ സ്നേഹിച്ചുകൊണ്ട്, എന്നെ ആരാധിക്കുന്നത് അവൾ നിർത്തി. ഒരിക്കൽ ഞങ്ങൾ പരസ്പരം പങ്കുവെച്ചിരുന്ന സ്നേഹം അവൾ മറന്നതായി തോന്നി. ഞാൻ അവൾക്ക് പുത്രന്മാരെയും പുത്രിമാരെയും നൽകിയിട്ടുണ്ടായിരുന്നു; എന്നാൽ അവളുടെ ഉഗ്രകോപത്താൽ എന്റെ മക്കളെ അവൾ കൊന്നൊടുക്കി. അവരെ അവൾ സാത്താൻ ദഹനബലിയായി കാഴ്ചവെച്ചു. ഇതുകൊണ്ടൊന്നും മതിവരാതെ, അവൾ സാത്താന്റെ നേർക്ക് അനുഭാവപൂർവ്വം തിരിഞ്ഞ്, അവനുമായി ഒരു സഖ്യം ഉണ്ടാക്കി. അവൾ ആഗ്രഹിക്കുന്നതെല്ലാം സാത്താൻ അവൾക്ക് കൊടുക്കുമെങ്കിൽ, അവനോട് അവൾ വിശ്വസ്തയായിരുന്നുകൊള്ളാം എന്ന ഉടമ്പടി അവനുമായി ഉണ്ടാക്കി. സാത്താനെ സ്വതന്ത്രമായി പ്രവർത്തിക്കുവാൻ അനുവദിക്കണമെന്ന വ്യവസ്ഥയോടെ, അവൻ ആ സഖ്യത്തിന് സമ്മതിച്ചു. സാത്താൻ പിന്നീട് അവളെ എന്നിൽ നിന്ന് പൂർണമായി വിച്ഛേദിച്ചു മാറ്റി കളഞ്ഞു. ഞങ്ങളുടെ ബന്ധങ്ങൾ മുറിച്ചു കളയുവാൻ അവൾ അവനെ അനുവദിച്ചു. സാത്താനിൽ വിശ്വാസം അർപ്പിക്കുവാൻ അവൻ അവളെ ഇടവരുത്തി. വഞ്ചകനായ സാത്താൻ അവളെ ആദ്യം വെള്ളം നിറഞ്ഞ ചതുപ്പ് നിലങ്ങളിലേക്ക് നയിച്ചു; കാരണം അവിടെയുള്ള കുഴിയുന്ന മണൽചുഴികളിൽ അവൾ താണു പോകാതിരിക്കുന്നതിനു വേണ്ടി, അവൾ സാത്താനെ ചാരി ആശ്രയിക്കേണ്ടതിനാണ് ഇങ്ങനെ ചെയ്തത്. സാത്താനിൽ പൂർണമായി ആശ്രയിക്കുവാൻ അവളെ അനുവദിക്കണമെന്ന് അവൾ അവനോട് അപേക്ഷിച്ചു. വസൂല, എന്റെ ഭവനത്തിൽ നിന്ന്, പരിശുദ്ധിയുടെ എന്റെ ഭവനത്തിൽ നിന്ന് ഓടിപ്പോയി. അധാർമികതയുടെ മകളാകേണ്ടതിന് ഒരിക്കൽ ജെറുസലേം ചെയ്തതുപോലെ, ഇവളും എന്നിൽ നിന്ന് ഓടിപ്പോയി. തന്റെ മക്കളെ ഒന്നിനു പിന്നാലെ മറ്റൊന്നായി ബലികഴിച്ചു. ഇപ്രകാരം ചെയ്യുന്നത് ബുദ്ധിയായിരിക്കുമെന്ന് എന്റെ മകളായ റിഷ്യയും കരുതി. എന്റെ ഭവനത്തിൽ ഉണ്ടായിരുന്ന പരിശുദ്ധ വസ്തുക്കളെല്ലാം അവളെടുത്ത് സാത്താൻ സമർപ്പിച്ചു. അവൻ അവയെ എടുത്ത് ആയുധങ്ങൾ ഉണ്ടാക്കി. തന്റെ മായാമഹത്വത്താൽ സാത്താൻ അവളെ അന്ധയാക്കി തീർത്തു. അവളുടെ അന്ധതയിൽ, അവൻ അവളെ ചതുപ്പുനിലത്തുനിന്ന് മാറ്റി, ഊഷരഭൂമിയിൽ വെയിലേറ്റ് ദാഹിച്ചു മരിക്കുന്നതിനായി കൊണ്ടുചെന്നാക്കി. സ്വന്തം രക്തം വാർന്നൊലിക്കുന്ന ശരീരവുമായി അവൾ നഗ്നയായി നടന്നു നീങ്ങുന്നത് ഞാൻ കണ്ടു. ഞാൻ അവളെ വീണ്ടും വിളിച്ചു; എന്നാൽ എന്റെ വിളി കേൾക്കുവാൻ അവൾ കൂട്ടാക്കിയില്ല. അതിനുപകരം, അവൾ അവളുടെ ഇളയ സഹോദരികളെ അധാർമികതയിലേക്ക് കൂട്ടിക്കൊണ്ടുപോയി. എന്നെ പ്രകോപിപ്പിക്കുകയാണ് ചെയ്തത്. അവളുടെ സഹോദരിമാർ വിസമ്മതിക്കുമ്പോൾ, തന്റെ വാളെടുത്ത് അവൾ അവരെ നിർബന്ധിച്ചു കൂട്ടിക്കൊണ്ടുപോയി. വാൾ എടുക്കുന്നവൻ വാളാലെ നശിക്കുമെന്ന് ഞാൻ പറഞ്ഞിട്ടില്ലേ? അവൾ എന്റെ അപ്പം ആഗ്രഹിക്കേണ്ടതിന്, ഞാൻ അവളുടെ അപ്പത്തിന്റെ ലഭ്യത പരിമിതമാക്കി കുറച്ചു. എന്നാൽ എന്നിൽ നിന്നുള്ള ഭക്ഷണം ഭക്ഷിക്കുന്നതിനേക്കാൾ, പട്ടിണി കിടന്നു മരിക്കുവാനാണ് അവൾ ഇഷ്ടപ്പെട്ടത്. വിശന്നു തളർന്നു വലഞ്ഞ അവൾ, തന്റെ സഹോദരിമാരെ അവളുടെ ദുഷിച്ച പ്രവർത്തികൾ രഹസ്യമായി ചെയ്യുന്നതിനായി അയച്ചു. കാരണം, അഹങ്കാരത്തിന്റെ മൂർത്തരൂപമായ സാത്താൻ തന്നെയാണ് അവരുടെ അഹങ്കാരത്തെ ഉത്തേജിപ്പിച്ചു കൊണ്ടിരുന്നത്. അവളുടെ കൃഷിഭൂമി അവൾക്ക് ആവശ്യമുള്ള വിഭവങ്ങൾ നൽകിയില്ല. അതിനാൽ, എന്റെ ശത്രുവിനെ തന്നെ അവൾക്ക് ആശ്രയിക്കേണ്ടി വന്നു. മകളെ, ഇപ്പോൾ ഇത് മതി. ഞാൻ നാളെ ഈ സന്ദേശത്തിന്റെ തുടർന്നുള്ള ഭാഗങ്ങൾ പറഞ്ഞു തരാം. വരൂ, മകളെ, ഞാൻ നിന്നെ അനുഗ്രഹിക്കട്ടെ. എന്നെ ഭക്ഷിക്കുക, നമുക്ക്, നമ്മൾ. ഓ, കർത്താവേ.