【#3】法律客語文運動｜選舉个甘苦談—青年觀點對民主政治个重要性 ft. 青民協理事長 張育萌

法客電台 BY 法律白話文 Plain Law Media · Nov 28, 2023 · 57m

特輯節目《法律客語文運動》最後一集來啦！

當多人都會講，臺灣係一個輒常來選舉个國家，逐兩年就會有一擺全國个大型選舉。

2024年又愛到了，愛選立法委員摎總統副總統，你有做功課、了解候選人个資料無？

選舉對台灣來講，有仰仔个重要性？選舉過程當中，會經歷哪兜歡喜个、艱苦个過程？

最尾，選舉摎青年个關係係麼个？

𠊎兜這擺，邀請到對民主政治摎青年參與有豐富經驗个青年來賓——臺灣青年民主協會个理事長張育萌，來到節目當中，

摎𠊎兜分享佢對臺灣選舉、政治參與个看法，特別係青年參加民主政治个觀察同觀點。

最尾，分享佢在推動18歲公民權修憲複決過程當中，堵著个問題同經驗，特別係摎屋下長輩溝通个時節，仰般用無共樣个語言、無共樣个溝通方式，有哪兜倡議个方法。

節目重點：

☑️ 1. 青年、後生人个看法，對臺灣民主政治个推動、政策个方向，做得提供哪兜無共樣个觀點？

☑️ 2. 憲法第130條規定愛20歲以上正做得來選舉，這到底有麼个問題？無共樣个歲數，像18歲、20歲，佢代表个意義係麼个？

☑️ 3. 在臺灣，愛修憲个要求有哪兜？係毋係忒高？十八歲公民權係臺灣第一擺个修憲公民複決案，後背代表麼个意義？

☑️ 4. 十八歲公民權个議題，有人認為修憲公民複決門檻忒高，毋可能通過，乜有人試著憲法係最低个保障門檻，故所直接修法就可；有人會講愛分青年一個機會、乜有人試著 18 歲還係細人仔，愛仰仔看待這兜觀點？…