Latest / ദൈവത്തിലുള്ള യഥാർത്ഥ ജീവിതം - TLIG / Ep 63: ഓ തലമുറയേ, നിങ്ങൾ സോദോമിനെപ്പോലെ അധഃപതിച്ചിരിക്കുന്നു!
Transcript
- എപ്പിസോഡ് 63. 7. 3.1988. എന്റെ ബാഹ്യ നേത്രങ്ങൾ കൊണ്ട് ഞാൻ കാണാതിരിക്കേണ്ടതിന് ദൈവം വച്ചിരിക്കുന്ന മോടുപടം ഒരു നിമിഷത്തേക്ക് നീക്കുവാൻ ഞാൻ ദൈവത്തോട് അപേക്ഷിച്ചു. പെട്ടെന്ന്, നാളെ ഇതുവരെ ദൈവം നൽകിയ വെളിപാടുകളുടെയും സന്ദേശങ്ങളുടെയും ബാഹുല്യം ഞാൻ കണ്ടു. അനേകം നോട്ട്ബുക്കുകളിലായി എഴുതിയിരിക്കുന്ന സന്ദേശത്തിന്റെ ബാഹുല്യം കണ്ട് ഞാൻ അത്ഭുതപ്പെട്ടുപോയി. ഇത്രയും കുറഞ്ഞ കാലത്തിനുള്ളിൽ ഇത് എനിക്ക് സ്വയം ചെയ്യുവാൻ സാധിക്കുമായിരുന്നില്ല. ഇക്കാര്യം ഗ്രഹിച്ചപ്പോൾ എന്നിൽ ഒരു ഞെട്ടൽ അനുഭവപ്പെട്ടു. ഈ ദൈവീക വെളിപ്പെടുത്തലുകളുടെ ആഴം ഗ്രഹിക്കുവാൻ ദൈവം എന്നെ ഇടയാക്കി. യേശുവേ, യഥാർത്ഥത്തിൽ നമ്മൾ രണ്ടുപേരും ഒന്നിച്ചു പ്രവർത്തിച്ചോ? അതെ, വസൂല. നമ്മൾ യഥാർത്ഥത്തിൽ ഒന്നിച്ചു പ്രവർത്തിച്ചു. നീ ഇപ്പോൾ എന്നെ ചുംബിക്കുമോ? ഒരു ഞെട്ടലോടെ ഞാൻ കരയുകയായിരുന്നു, വിറയലോടെ ഞാൻ എഴുന്നേറ്റു. തിരുക്കച്ചിയിൽ പതിഞ്ഞ യേശുവിന്റെ ചിത്രത്തിനടുത്തേക്ക് നടന്നുചെന്ന്, യേശുവിന്റെ ചിത്രത്തിൽ ചുംബിച്ചു. നിന്റെ ബാഹ്യ നേത്രങ്ങളെ മറയ്ക്കുന്നതിന് ഞാൻ വച്ചിരിക്കുന്ന മൂടുപടം അല്പനേരത്തേക്ക് ഞാൻ മാറ്റിയപ്പോൾ എപ്രകാരം നിനക്ക് അനുഭവപ്പെട്ടു എന്ന് മനസ്സിലാക്കുക. വരൂ, ഒരിക്കലും എന്റെ ദൈവീക പ്രവർത്തികളെ സംശയിക്കരുത്. എന്റെ ഭവനമായ സഭയെ പുനരുദ്ധരിക്കുന്നതിനും എന്റെ കുഞ്ഞാടുകളെ ഒന്നിച്ചുകൂട്ടുന്നതിനും വേണ്ടിയുള്ള ദൈവീക പ്രവർത്തികളാണിവ. എന്റെ ഭൂമുട്ടുകളെ നനയ്ക്കുന്നതിന് വേണ്ടിയാണ് ഈ ദൈവീക പ്രവർത്തികൾ. വരൂ, കർത്താവായ ഞാൻ എന്റെ സാന്നിധ്യം നിന്നെ ഓർമ്മിപ്പിക്കാം. വസൂല, നമ്മൾ, നമുക്ക്. അതെ, കർത്താവേ, നമ്മൾ, നമുക്ക്. 8. 3.1988. പത്രോസേ, ഇപ്പോൾ ഞാൻ നിന്റെ വാതിൽക്കൽ ഉണ്ട്. എന്റെ ശരീരമായ സഭയെ മഹത്വപ്പെടുത്തുക. ഞാൻ എന്റെ കുഞ്ഞാടുകളെ, ഈ തൊഴുത്തിൽ പെടാത്തവയെ പോലും, ഒരുമിച്ചുകൂട്ടി ഐക്യപ്പെടുത്തും. ഇതാ ഞാൻ എന്റെ ആടുകളെ വിളിക്കുന്നു; ആടുകൾ അവയുടെ ഇടയന്റെ സ്വരം തിരിച്ചറിയും. മണിക്കൂറുകൾ അതിവേഗം പറന്നുപോകുന്നു; എന്റെ തിരിച്ചുവരവ് അടുത്തിരിക്കുന്നു. സ്നേഹം സ്നേഹമായിട്ട് തന്നെ നിങ്ങളിലേക്ക് മടങ്ങിയെത്തും. എന്റെ രാജ്യം സ്വർഗ്ഗത്തിലെ പോലെ ഭൂമിയിലുമാകും. എന്തെന്നാൽ, സൃഷ്ടികളേ, നീതിയും സ്നേഹവും സമാധാനവും സ്വർഗ്ഗത്തിൽ നിന്ന് നിങ്ങളിലേക്ക് പെയ്തിറങ്ങും. വസൂല, നീ എത്രമാത്രം നിന്റെ ദൈവമായ എന്നിൽ ആശ്രയിക്കുന്നുണ്ടെന്ന് നീ അറിയുന്നതിനാൽ, നീ കൂടുതലായി പ്രാർത്ഥിക്കാമോ? നിന്റെ ലളിതമായ വാക്കുകളെ ഞാൻ സ്നേഹിക്കുന്നു. എന്നോട് ഇപ്രകാരം പറയുക: "കർത്താവേ, ഞാൻ അങ്ങയെ സ്നേഹിക്കുന്നു. ഞാൻ അങ്ങേയ്ക്ക് വേണ്ടിയാണ് ശ്വസിക്കുന്നത്. ഞാൻ അങ്ങേയ്ക്ക് വേണ്ടി പുഞ്ചിരിക്കുന്നു. ഞാൻ അങ്ങയിൽ പ്രത്യാശിക്കുന്നു. ഞാൻ അങ്ങയിൽ വിശ്വസിക്കുന്നു." അങ്ങാണ് എന്റെ ആനന്ദം, എന്റെ പുനരുജ്ജീവനം, അങ്ങാണ് എന്റെ സമാധാനം. അതെ, ഈ വാക്കുകൾ നിന്റെ പരിശുദ്ധ സന്തത സഹചാരിയായ എന്നോട് പറയുക. നിന്റെ ദിവസം എന്നോടൊപ്പം പങ്കുവെക്കുക. അടുത്ത് അനുഭവിച്ചറിയുവാൻ കഴിയുന്ന എന്റെ സാന്നിധ്യം എന്റെ മക്കൾ അറിയണമെന്ന് ഞാൻ വളരെയധികം ആഗ്രഹിക്കുന്നു. ഏതു സ്ഥലത്തും, ഏതു സമയത്തും, ഞാൻ അവരുടെ തൊട്ടടുത്ത് തന്നെ സന്നിഹിതനാണ്. എന്റെ സജീവ സാന്നിധ്യത്തെക്കുറിച്ച് അവർ അറിഞ്ഞിരുന്നെങ്കിൽ, അവർ വളരെ കുറച്ചു മാത്രമേ വീണുപോവുകയുള്ളായിരുന്നു. അവർ വളരെ കുറച്ചു മാത്രമേ പാപം ചെയ്യുകയുള്ളായിരുന്നു. അവർ എന്നോട് വളരെ അടുത്ത ആത്മബന്ധത്തിലാകണമെന്ന് ഞാൻ ആഗ്രഹിക്കുന്നുണ്ടെന്ന് അവരോട് പറയുക. വരൂ, ഞാൻ നിന്നെ സ്നേഹിക്കുന്നു. നീ നിന്റെ ഗുരുവിനെയും സ്നേഹിക്കുക. അല്പനേരത്തെ മൗനത്തിനു ശേഷം യേശു ഒരു പ്രവചനം നൽകി. ഉന്നതരെ നിരായുധരാക്കിക്കൊണ്ട് അവരെ നീ എന്റെ ഭവനത്തിൽ ഒന്നിച്ചുകൂട്ടും. എന്റെ അധരങ്ങളിൽ നിന്നുള്ള വചനത്താൽ നീ അവരോട് പ്രഘോഷിക്കും. എന്റെ മുൽക്കിരീടം നീ എടുത്തുമാറ്റിക്കൊണ്ട്, അതിന്റെ സ്ഥാനത്ത് സ്നേഹവും സമാധാനവും കൊണ്ടുള്ള ഒരു പുഷ്പചക്രം വെക്കും. എന്റെ സ്വർഗ്ഗീയ ഭവനത്തിൽ നിന്ന് എന്റെ സൃഷ്ടികളുടെ മേൽ സത്യസന്ധതയും സ്നേഹവും സമാധാനവും കർത്താവായ ഞാൻ വർഷിക്കും. കൊച്ചു കുഞ്ഞേ, നിന്റെ ദൈവത്തിൽ നിന്ന് സമാധാനം സ്വീകരിക്കുക. എന്റെ വസൂല, ഞാൻ നിന്നെ നയിച്ചു; ഞാൻ നിനക്ക് രൂപം നൽകി. ഇപ്പോൾ നീ എന്നോടൊപ്പം വരണം. നിന്റെ കൈ എന്റെ കൈയിൽ പിണഞ്ഞ്, രക്തം വാർന്നൊഴുകുന്ന എന്റെ ശരീരത്തിൽ പിടിക്കണം. എന്നെ അനുഗമിക്കുക; ഇടത്തോട്ടോ വലത്തോട്ടോ നോക്കരുത്. നിന്റെ ദൗത്യം പൂർത്തിയാക്കുവാൻ പരിശ്രമിക്കണം. ഭയപ്പെടേണ്ട; എന്റെ ശത്രുക്കളെ ബഹിഷ്കരിച്ച് അവരെ നിരായുധരാക്കുവാൻ നിന്നെ ഞാൻ പ്രാപ്തയാക്കും. കർത്താവായ ഞാൻ നിങ്ങളെല്ലാവരുടെയും മധ്യേ ഉണ്ട്. നിങ്ങൾ ഓരോരുത്തരുടെയും വാതിൽക്കൽ ഞാൻ നിൽക്കുന്നുണ്ട്. എന്റെ കൈവശം മൂന്ന് കിരീടങ്ങൾ ഉണ്ട്: സമാധാനത്തിന്റെ കിരീടം, സ്നേഹത്തിന്റെ കിരീടം, നീതിയുടെ കിരീടം. 9. 3.1988. കർത്താവേ, പീറ്റർ വസിലി അങ്ങയുടെ സന്ദേശത്തിൽ സംശയിക്കാൻ തുടങ്ങിയത് അങ്ങ് കേട്ടോ? ഇപ്പോൾ അദ്ദേഹം പറയുന്നത് ഈ സന്ദേശങ്ങളെല്ലാം പിശാചിൽ നിന്ന് വരുന്നതാണെന്ന്. വിശ്വാസത്തിൽ പക്വത പ്രാപിച്ചവരെ മാത്രമേ അങ്ങ് സന്ദർശിക്കുകയുള്ളൂ എന്നും, അയോഗ്യരെ അങ്ങ് സന്ദർശിക്കുകയില്ലെന്നും അദ്ദേഹം പറയുന്നു. എന്റെ കുഞ്ഞേ, ഇതാ ഒരാൾ കൂടി എന്റെ അനന്തമായ കാരുണ്യത്തിലും എന്റെ അനന്തമായ സമ്പത്തിലും വിശ്വസിക്കുവാൻ പഠിക്കാനായിട്ടുണ്ട്. അവനുവേണ്ടിയുള്ള എന്റെ സന്ദേശം എഴുതിയെടുക്കുക. എന്തിനാണ് നീ എന്റെ പുഷ്പത്തെ ചവിട്ടി മിതിക്കുന്നത്? കാണുവാൻ കണ്ണുകളും കേൾക്കുവാൻ ചെവികളും ഞാൻ നിനക്ക് നൽകിയിട്ടില്ലേ? നീ ഒന്നും ഗ്രഹിക്കുന്നില്ലേ? ദൈവത്തിന്റെ പ്രിയപുത്രനായ യേശുക്രിസ്തുവാണ് ഞാൻ. വലിയ വൃക്ഷങ്ങളുടെ വളർച്ചയെ മുരടിപ്പിക്കുന്നത് ഞാനാണ്; ചെറിയ വൃക്ഷങ്ങളെ വളർത്തുന്നതും ഞാനാണ്. ഇക്കാലത്തെ എന്റെ ദൈവീക പ്രവർത്തികളെക്കുറിച്ച് മനസ്സിൽ ധ്യാനിക്കുക. എന്റെ ദൈവീക പ്രവർത്തികളിൽ വിശ്വസിക്കുക. എന്റെ ദൈവീക പ്രവർത്തികളാൽ നിനക്ക് ബോധജ്ഞാനം നൽകുന്നതിന് എന്റെ കുഞ്ഞിനെ ഞാൻ നിനക്ക് നൽകിയിരിക്കുന്നു. കർത്താവായ ഞാൻ അനന്തമായ സമ്പത്താണ്. ഭയപ്പെടേണ്ട; എന്റെ ആടുകൾ ചിതറിപ്പോകുന്നത് എങ്ങനെ എനിക്ക് കണ്ടുനിൽക്കുവാൻ കഴിയും? എന്റെ ആടുകളെ അന്വേഷിച്ച് കണ്ടെത്തുന്നതിനും അവയ്ക്ക് ഭക്ഷണം കൊടുക്കുന്നതിനുമായി ഞാൻ വന്നിരിക്കുന്നു. എന്റെ തോട്ടത്തെ അലങ്കരിക്കുവാൻ ഞാൻ വന്നിരിക്കുന്നു. ഈ ഊഷരഭൂമിയെ ജലസേചിതമാക്കുവാൻ ഞാൻ വന്നിരിക്കുന്നു. എന്റെ പുഷ്പത്തെ ചവിട്ടി മിതിക്കരുത്. എന്റെ അടുക്കലേക്ക് വന്ന് പശ്ചാത്തപിക്കുക; സാത്താന്റെ സ്വരം ശ്രവിക്കരുത്. സൃഷ്ടികളേ, ഞാൻ നിങ്ങളെ അതിരുകളില്ലാത്ത വിധം സ്നേഹിക്കുന്നു. ഇക്കാരണത്താലാണ് നിങ്ങളെല്ലാവരെയും ഒന്നിപ്പിക്കുവാൻ വേണ്ടി ഞാൻ വന്നിരിക്കുന്നത്. നിങ്ങളുടെ ദൈവമായ എന്നോടൊപ്പം നടക്കുക. എന്റെ ഭവനമായ സഭയെ പുനർനിർമ്മിക്കുവാനുള്ള ഇഷ്ടികകളെ നീക്കിക്കളയുകയോ അവയെ തൊഴിക്കുകയോ ചെയ്യരുത്. ഈ ഭവനം ഇന്ന് നാശാവസ്ഥയിലാണ്. കർത്താവായ ഞാനാണ് ഈ സന്ദേശത്തിലൂടെ സംസാരിക്കുന്നതെന്ന് ഒരിക്കലും സംശയിക്കരുത്. വസൂല, എന്നിൽ ആശ്രയിക്കുക; എന്റെ സമീപത്ത് നിലകൊള്ളുക. നിന്റെ കരത്തെ പിടിക്കുവാൻ എന്റെ കരത്തെ അനുവദിക്കുക. കർത്താവായ ഞാൻ നിന്നെ സ്നേഹിക്കുന്നു. നമ്മൾ, നമുക്ക്. അതെ, കർത്താവായ യേശുവേ. എന്നാൽ വരൂ. 10.3. 1988. യേശുവേ. ഇത് ഞാനാണ്; നിനക്ക് സമാധാനം ഉണ്ടാകട്ടെ. വസൂല, എനിക്കുവേണ്ടി പ്രവർത്തിക്കുവാൻ നീ തയ്യാറാണോ? കർത്താവേ, ഇത് അങ്ങയുടെ അഭീഷ്ടമാണെങ്കിൽ, അങ്ങേയ്ക്ക് വേണ്ടി തുടർന്നു പ്രവർത്തിക്കുവാൻ ഞാൻ തയ്യാറാണ്. കുഞ്ഞേ, ഞാൻ കർത്താവാണ്; നിന്നെ പോഷിപ്പിക്കുന്ന യേശുവാണ് ഞാൻ. നീ എന്റെ തോട്ടത്തെ അലങ്കരിക്കണമെന്ന് ഞാൻ ആഗ്രഹിക്കുന്നു. നീ എന്റെ സഭയെ പുതുക്കി നവീകരിക്കണമെന്ന് ഞാൻ ആഗ്രഹിക്കുന്നു. എന്നെ അനുഗമിക്കുക; ഞാൻ നിന്നിൽ പ്രവർത്തിച്ച് നിന്നിലൂടെ സഭയെ നവീകരിക്കും. എന്റെ ദാഹത്തെ ശമിപ്പിക്കുക. അല്ലിയോ, ബലിപീഠമേ, എന്റെ മക്കളുടെ ഹൃദയത്തിലേക്ക് വീശിയടിച്ചു കൊണ്ടിരിക്കുന്ന ഈ മഞ്ഞുകാറ്റിനെ ചൂടുപിടിപ്പിക്കുവാൻ നിന്റെ ജ്വാലയെ ജ്വലിപ്പിച്ചു നിർത്തുക. അല്ലയോ, കാലഘട്ടമേ, സോദോം നഗരത്തിലെ പോലെ തന്നെ നീയും അധപ്പതിച്ചിരിക്കുന്നു. നിന്റെ സന്തതികൾ കായേന്റെ സന്തതികളെ പോലെയാണ്. ആബേലിനെ പോലെയുള്ളവർ വളരെ കുറവാണ്. നിന്റെ കാലഘട്ടത്തിലെ മനുഷ്യരുടെ ഹൃദയം വഷളായി തീർന്നിരിക്കുന്നു. സൃഷ്ടികളേ, ഇങ്ങനെ സംഭവിക്കുവാനുള്ള കാരണം എന്താണെന്ന് നിങ്ങൾക്കറിയാമോ? കാരണം, നിങ്ങളുടെ ഇടയിൽ സ്നേഹം നഷ്ടമായിരിക്കുന്നു. നിങ്ങൾ എന്നെ മറന്നിരിക്കുന്നു. എന്റെ ഇക്കാലത്തെ ദൈവീക പ്രവർത്തികളിൽ നിങ്ങൾ വിശ്വസിക്കുന്നില്ല. അതെ, സൃഷ്ടികളേ, അനുഗ്രഹങ്ങളെ സ്വാഗതം ചെയ്തിരുന്ന നമ്മുടെ സുദിനങ്ങൾ അവസാനിച്ചിരിക്കുന്നു. നികൃഷ്ടതയുടെ കാലഘട്ടമേ, ഞാൻ നിങ്ങളെ പുനരുജ്ജീവിപ്പിക്കും. നിങ്ങളെ സൗഖ്യമാക്കുന്ന എന്റെ ജീവരസം നിങ്ങളുടെ ഹൃദയങ്ങളിലേക്ക് ഞാൻ വർഷിക്കും. ഞാൻ നിങ്ങളെല്ലാവരെയും എത്രമാത്രം സ്നേഹിക്കുന്നു. എഴുതുക. അതെ, കർത്താവേ, ദൈവം ദുഃഖത്തോടും പരിഭവത്തോടുമാണ് സംസാരിച്ചത്. അവിടുന്ന് അനന്ത കാരുണ്യവാനും സ്നേഹദീതിയുമല്ലായിരുന്നെങ്കിൽ, നമ്മെ പണ്ടേ തന്നെ നശിപ്പിച്ച് ഇല്ലാതാക്കുവാൻ കഴിയുമായിരുന്നു. എന്നാൽ അവിടുത്തെ അതിരുകളില്ലാത്ത കാരുണ്യത്താലും സ്നേഹത്താലും അവിടുന്ന് നമ്മോട് അലിവ് കാണിക്കുന്നു. നമ്മുടെ പാപങ്ങൾ ക്ഷമിക്കുന്നു. നമ്മെ സുഖപ്പെടുത്തുന്നു. അതെ, നിങ്ങൾ എത്രയധികം അധപ്പതിച്ചിട്ടുണ്ടെങ്കിലും, ഞാൻ നിങ്ങളെല്ലാവരെയും സ്നേഹിക്കുന്നു. ഞാൻ നിങ്ങളെ എപ്പോഴെങ്കിലും പരിത്യജിക്കുമോ? ഞാൻ നിങ്ങളെ ഒരിക്കലും പരിത്യജിക്കുകയില്ല. 11. 3.1988. ദൈവത്തിന് മഹത്വം. മൂന്ന് പ്രാർത്ഥനകൾ ചൊല്ലിയതിനു ശേഷം സ്വർഗ്ഗത്തിൽ നിന്ന് സ്വർഗ്ഗീയ കീർത്തനമായി ഇപ്രകാരം ഞാൻ കേട്ടു: "ദൈവത്തിന് മഹത്വം. " അങ്ങനെ തന്നെ അത് എഴുതപ്പെടുകയും ചെയ്തു. യേശുവേ. ഞാനാണ്; ഞാൻ നിന്റെ സമീപത്തുണ്ട്. പ്രിയപ്പെട്ടവളേ, റഷ്യയുടെ മാനസാന്തരത്തിനുവേണ്ടി പ്രാർത്ഥിക്കുക. എന്റെ ദൈവീക കരത്താൽ റഷ്യ ഉയർപ്പിക്കപ്പെടും. റഷ്യയുടെ മാനസാന്തരം സംഭവിക്കുന്ന പരിശുദ്ധിയുടെ ഉച്ചിയിൽ, എന്റെ കരം അവളുടെ മേൽ വെക്കുന്ന നിമിഷത്തിൽ, അവളുടെ തണുത്തുറഞ്ഞുപോയ ഹൃദയത്തെ ഞാൻ പുനരുജ്ജീവിപ്പിക്കും. മരണത്തിന്റെ നിശ്ചലതയിൽ നിന്നും അവളുടെ അന്ധകാര ലോകത്തിൽ നിന്നും, സമാധാനത്തിന്റെ എന്റെ ലോകത്തിലേക്കും എന്റെ പ്രകാശത്തിലേക്കും അവൾ പുനരുജ്ജീവിപ്പിക്കപ്പെടും. അവളുടെ രക്ഷകനെ അവളുടെ സമീപത്ത് കാണുമ്പോൾ, വലിയ ശബ്ദത്തിൽ നിലവിളിച്ചുകൊണ്ട് അവളുടെ ആനന്ദം അവൾ പ്രകടിപ്പിക്കും. ഞാൻ അവളെ എന്നിലേക്ക് എടുത്തുയർത്തും. അവളെ ശുദ്ധീകരിച്ചുകൊണ്ട്, അവളുടെ ദൈവമായ എന്നോടുള്ള സ്വർഗ്ഗീയമായ ഉന്മാദം അവൾക്ക് നൽകിക്കൊണ്ട്, എന്റെ സ്നേഹജ്വാല അവളുടെ ഹൃദയത്തെ ജ്വലിപ്പിക്കും. അല്ലയോ, റഷ്യ, എന്റെ റഷ്യ, ഞാൻ നിന്നെ അത്യധികം സ്നേഹിക്കുന്നു. ഒരു മനുഷ്യനും സംസാരിക്കാൻ കഴിയാത്ത വിധത്തിൽ അത്രമാത്രം സ്നേഹത്തോടെയാണ് ദൈവം സംസാരിച്ചത്. നീ മരിച്ചത് കണ്ട് ഞാൻ എത്രമാത്രം കരഞ്ഞു. പ്രിയപ്പെട്ടവളേ, നിന്നെ എനിക്ക് നഷ്ടപ്പെട്ടപ്പോൾ, കൈപ്പ് നിറഞ്ഞ ദുഃഖത്തിന്റെ അനേകം കണ്ണുനീർത്തുള്ളികൾ എന്റെ കണ്ണുകളിൽ നിന്ന് ഒഴുകി. സ്വർഗ്ഗം മുഴുവനും നിന്നെ ഓർത്ത് വിലപിക്കുകയായിരുന്നു. എന്റെ പ്രിയപ്പെട്ടവളേ, സ്നേഹവും വാത്സല്യവും നിറഞ്ഞ എന്റെ ഹൃദയത്തെ കുത്തിക്കീറിക്കൊണ്ട് നീ എന്തിനാണ് എന്നെ പരിത്യജിച്ചത്? പരിശുദ്ധ മറിയത്തിന്റെ സാന്നിധ്യം എനിക്ക് അനുഭവപ്പെട്ടു. എന്റെ കുഞ്ഞേ, നിനക്ക് സമാധാനം ഉണ്ടാകട്ടെ. ഞാൻ നിന്റെ പരിശുദ്ധ അമ്മയാണ്. നിന്റെ സഹോദരിയായ റിഷയ്ക്ക് വേണ്ടി പ്രാർത്ഥിക്കുക. ഇന്ന് കർത്താവ് അവളുടെ സമീപത്തുണ്ട്. കർത്താവിന്റെ ദൈവീക കരം അവളുടെ തണുത്തുപോയ മൃദമായ ഹൃദയത്തെ ഉടൻ തന്നെ സ്പർശിക്കും. സൃഷ്ടികളേ, ഒട്ടും സ്നേഹിക്കപ്പെടാത്ത നിങ്ങളുടെ സഹോദരിയായ റിഷയെ കർത്താവ് പുനരുജ്ജീവിപ്പിക്കും. മകളേ, ജാഗ്രതയുള്ളവളായിരിക്കുക. റഷ്യയുടെ മഹത്വത്തിനുള്ള സമയം ഇത് ആസന്നമായിരിക്കുന്നു. പരിശുദ്ധ അമ്മ ജോൺ പോൾ രണ്ടാമൻ മാർപാപ്പ അവിടെയുണ്ടെന്ന മട്ടിൽ സംസാരിക്കുന്നു. പരിശുദ്ധ അമ്മയുടെ സ്വരം മാധുര്യമുള്ളതായിരുന്നെങ്കിലും, ദുഃഖത്തിന്റെ ധ്വനിയും അതിലുണ്ടായിരുന്നു. പരിശുദ്ധ മറിയം കരയുകയായിരുന്നു. ജോൺ പോൾ രണ്ടാമൻ മാർപാപ്പയോട് പരിശുദ്ധ മറിയത്തിന് വലിയ വാത്സല്യമുള്ളതായി തോന്നി. അതെ, വസൂല, അനേകം വർഷങ്ങളായി ഞാൻ ജോൺ പോൾ രണ്ടാമൻ മാർപാപ്പയോട് റഷ്യയെ ദൈവത്തിന് സമർപ്പിച്ച് പ്രാർത്ഥിക്കുവാൻ പറയുന്നുണ്ടായിരുന്നു. ഇപ്പോൾ ഇതാ, കർത്താവും അവിടുത്തെ രക്തസാക്ഷികളായ വിശുദ്ധരും നിങ്ങളുടെ പ്രാർത്ഥനകളും വിലാപങ്ങളും കേട്ടിരിക്കുന്നു. പ്രിയപ്പെട്ടവരെ, നിങ്ങളുടെ പരിത്യാഗ പ്രവർത്തികൾ വ്യർത്ഥമായിട്ടില്ല. നിങ്ങളുടെ കണ്ണുനീർ വെറുതെയായി പോയിട്ടില്ല. നിങ്ങളുടെ കണ്ണുനീരെല്ലാം യേശുവിന്റെ മുറിവേറ്റ ഹൃദയത്തിനുള്ള ഒരു ലേപന ഔഷധമായിരുന്നു. പത്രോസേ, കർത്താവിനെ സ്തുതിക്കുവിൻ. യേശു നിന്റെ വാതിലിൽ മുട്ടി വിളിച്ചുകൊണ്ടിരിക്കുന്നു. സമാധാനം നിന്നോടുകൂടെ. നിങ്ങളെല്ലാവർക്കും സമാധാനം ഉണ്ടാകട്ടെ. ഞാൻ നിങ്ങളെല്ലാവരെയും സ്നേഹിക്കുന്നു. 13.3. 1988. എന്റെ കർത്താവേ, പ്രത്യേകവിധം അങ്ങയുടെ സമീപം ഇത്രയും അടുത്തിരിക്കുവാനുള്ള കൃപകൾ എനിക്ക് നൽകിയതിന് ഞാൻ അങ്ങേയ്ക്ക് നന്ദി പറയുന്നു. ആമേൻ. വസൂല, എന്റെ താല്പര്യങ്ങൾക്കും എന്റെ മഹത്വത്തിനും വേണ്ടിയാണ് നിനക്ക് ഈ കൃപകളെല്ലാം നൽകപ്പെട്ടിരിക്കുന്നത്. നിന്നെ ഉപയോഗിക്കുവാൻ എന്നെ അനുവദിക്കുക. നിന്റെ ദൗത്യം എന്താണെന്ന് ഗ്രഹിക്കുക. വരൂ, ഞാൻ നിന്നെ സഹായിക്കാം. വസൂല, നിന്നെ പ്രചോദിപ്പിക്കുവാൻ ഞാൻ തീരുമാനിച്ചു. എന്റെ കുഞ്ഞേ, എന്നിൽ വിശ്വസിക്കുക. ഒരു പുതിയ പെന്തക്കോസ്ത സംഭവിക്കുന്നതിനു വേണ്ടി 23-ാം ജോൺ മാർപാപ്പയെ പ്രാർത്ഥിക്കുവാൻ ഞാൻ പ്രചോദിപ്പിച്ചു. ഈ പ്രചോദനം ജ്ഞാനത്തിൽ നിന്ന് ഉത്ഭവിക്കുന്നതാണ്. എന്റെ സഭയുടെ അടിത്തറയിൽ തന്നെ ഒരു പുതിയ പെന്തക്കോസ്ത ഉണ്ടാകുവാൻ കർത്താവായ ഞാൻ ഇടവരുത്തും. സൃഷ്ടികളേ, ഒരു ഇടയന്റെ കീഴിൽ ഞാൻ നിങ്ങൾ എല്ലാവരെയും ഐക്യപ്പെടുത്തി ഒന്നിച്ചുകൂട്ടും. എന്റെ രാജ്യം ഞാൻ നിങ്ങളുടെ ഇടയിൽ സ്ഥാപിക്കും. എന്റെ ഭവനമായ സഭ സമാധാനത്തിലും സ്നേഹത്തിലും ഭരണം നടത്തും. എന്റെ സൃഷ്ടികൾ വീണ്ടും ജനിച്ച് കുട്ടികളെ പോലെ നിഷ്കളങ്കരായി, വിദ്വേഷമില്ലാത്തവരായി മടങ്ങിവരും. ഇതായിരിക്കും മഹത്തായ മടങ്ങിവരവ്. ഇതായിരിക്കും വീണ്ടും ജനനം. ഇതായിരിക്കും ഇടയന്റെ വിളി, പുതിയ പെന്തക്കോസ്ത. ആദ്യ നൂറ്റാണ്ടിൽ സഭയുടെ ശൈശവാവസ്ഥയിൽ ക്രിസ്തീയ കൂട്ടായ്മ എത്രമാത്രം നിഷ്കളങ്കവും നിസ്വാർത്ഥവുമായിരുന്നോ, അതുപോലെയായിരിക്കും ഈ പുതിയ പെന്തക്കോസ്തയിലും സംഭവിക്കുന്നത്. വസൂല, നീ കാത്തിരുന്നു കാണുക. അതെ, കർത്താവേ. എന്നെ അനുഭവിച്ചറിയുക. ഞാൻ നിന്റെ സമീപത്തുണ്ട്. കുഞ്ഞേ, നിന്റെ ബാഹ്യനേത്രങ്ങൾ കൊണ്ട് എന്നെ കാണുവാൻ കഴിയുന്നില്ലെങ്കിലും, ഞാൻ നിന്റെ സമീപത്തുണ്ടെന്ന് നീ വിശ്വസിക്കുന്നുവോ? ഓ, കർത്താവേ, എന്റെ ആന്തരിക നയനങ്ങൾ കൊണ്ട് അങ്ങയെ കാണുവാനും, ആന്തരിക ചെവികൾ കൊണ്ട് അങ്ങയെ കേൾക്കുവാനും, അങ്ങയെ അനുഭവിച്ചറിയുവാനും, അങ്ങയിൽ വിശ്വസിക്കുവാനും അങ്ങ് എന്നെ പഠിപ്പിച്ചിട്ടുണ്ട്. നിന്റെ കണ്ണുകൾ എന്നെ അന്വേഷിക്കുന്നത് കാണുമ്പോൾ ഞാൻ നിന്നെ വളരെയധികം സ്നേഹിക്കുന്നു. എന്നാൽ എന്റെ അടുക്കലുള്ളത് നിസ്സഹായയായ, ഒന്നുമില്ലായ്മയായ, ഒരു വെറും കൊച്ചുകുട്ടിയാണെന്ന് എനിക്കറിയാം. വസൂല, നിന്നെ ചെന്നായ്ക്കളുടെ ഇടയിൽ കാണുമ്പോൾ എനിക്ക് നിന്നോട് അനുകമ്പ തോന്നുന്നു. ഞാൻ നിന്റെ അടുക്കൽ നിന്ന് ഒരിക്കലും വിട്ടുപോവുകയില്ല. കുഞ്ഞേ, ഞാൻ നിന്നെ അനുഗ്രഹിക്കുന്നു. അവസാനം വരെ നിന്നെ നയിക്കുവാൻ എന്നെ അനുവദിക്കുക. നീ എന്നെ അതിന് അനുവദിക്കുമോ? യേശുവേ, ഞാൻ അങ്ങയെ കാണുന്നിടത്ത് അങ്ങ് ഉണ്ടല്ലോ. ഞാൻ ഉണ്ട്. പ്രിയപ്പെട്ടവളേ, നിനക്ക് എന്റെ സമാധാനം ഉണ്ടാകട്ടെ. നമുക്ക്, നമ്മൾ, കർത്താവേ. അതെ, നമ്മൾ, നമുക്ക്.