Latest / ദൈവത്തിലുള്ള യഥാർത്ഥ ജീവിതം - TLIG / Ep 70: സ്ഥിരോത്സാഹത്താൽ പിശാചിനെ ദുർബലനാക്കാം
Transcript
- എപ്പിസോഡ് 70. 19/05/1988. കർത്താവേ, സഭാധികാരികൾ അങ്ങയുടെ ഈ സന്ദേശങ്ങളോട് അനുകൂലമായി പ്രതികരിക്കാതിരിക്കുന്നതിന് കാരണം, സമാധാനത്തിന്റെയും സ്നേഹത്തിന്റെയും ആയി ഈ സന്ദേശങ്ങൾ. ലൂർദിലും ഫാത്തിമയിലും നൽകപ്പെട്ട സന്ദേശങ്ങളുടെ തുടർച്ചയായി, പശ്ചാത്തപിക്കുവാൻ ആഹ്വാനം ചെയ്യുന്ന ഒരു ഓർമ്മപ്പെടുത്തൽ ആയിട്ടായിരിക്കാം അവർ ഇതിനെ കാണുന്നത്. അതിനാൽ ഈ സന്ദേശങ്ങളെ ഗൗരവത്തിൽ എടുക്കുവാൻ തങ്ങൾക്ക് ബാധ്യതയില്ലെന്ന് അവർ കരുതുന്നു; കൂടാതെ അവർക്ക് ആവശ്യത്തിലേറെ ജോലിഭാരം ഉണ്ട്. എന്നാൽ ഇത് ഒരു ഓർമ്മപ്പെടുത്തൽ മാത്രമല്ല; ഇത് സഭകളുടെ ഐക്യത്തിനും, റഷ്യയുടെ മാനസാന്തരത്തിനും, പത്രോസിന്റെ അനന്യമായ നേതൃത്വം ഉറപ്പിക്കുന്നതിനും വേണ്ടിയുള്ളതാണ്. വസൂല: ഞാനാണ് ദൈവവചനം, ഞാനാണ് നിത്യമായ വചനം. എന്റെ വചനം നിത്യജീവനാണ്; എന്റെ സ്നേഹത്തെക്കുറിച്ച് എന്റെ സൃഷ്ടികളെ അനുദിനം വിവിധങ്ങളായ ഉപകരണങ്ങളിലൂടെ ഓർമ്മപ്പെടുത്തുവാൻ ഞാൻ നിശ്ചയിച്ചാൽ, എന്റെ നാവിൽ നിന്ന് പുറപ്പെട്ട വചനത്തെ അവഗണിക്കുവാൻ വെറും പൊടിയും ചാരവുമായ ഏതെങ്കിലും ഒരു സൃഷ്ടിക്ക് അധികാരമില്ല. കർത്താവായ ഞാൻ നിങ്ങളുടെ ആവശ്യങ്ങൾ അറിയുന്നു; നിങ്ങളോടുള്ള എന്റെ കാരുണ്യം അനന്തമാണെന്ന് ഞാൻ നിങ്ങളോട് പറയുന്നു. വരൂ, എന്റെ സാന്നിധ്യം അനുഭവിച്ചറിയുക. അതെ, കർത്താവേ. നമ്മൾ, നമുക്ക്. 24/05/1988. കർത്താവേ. ഇത് ഞാനാണ്; ദഹിക്കുന്നവർ എന്റെ അടുക്കൽ വരട്ടെ, വരൂ, വന്നു കുടിക്കുവിൻ. ഒരിക്കലും വറ്റാത്ത എന്റെ കിണറിലെ ജലം കൊണ്ട് ഞാൻ നിങ്ങളെ തൃപ്തിപ്പെടുത്താം. യേശു വളരെ പ്രാധാന്യത്തോടെയാണ് ഇക്കാര്യങ്ങൾ പറഞ്ഞത്. വസൂല: എന്നെ അവഗണിക്കരുതേ; ഞാൻ സർവ്വവിശ്വസ്തനാകുന്നു. എന്റെ അരികെ ആയിരിക്കുക, നമ്മൾ, നമുക്ക്. അതെ, കർത്താവേ. അതെ, പരിശുദ്ധ മറിയമേ. കർത്താവേ, അങ്ങേയ്ക്ക് നന്ദി; അങ്ങയുടെ നാമം സ്തുതിക്കപ്പെടട്ടെ. കർത്താവ് സ്തുതിക്കപ്പെടട്ടെ. 25/05/1988. ഇന്ന് രാവിലെ ഞാൻ വളരെ തിരക്കിലായിരുന്നു; കർത്താവിനെ വിവേചിച്ചറിയുവാനും അവിടുത്തോട് സംസാരിക്കുവാനും എനിക്കിന്ന് പ്രയാസമായിരുന്നു. പിന്നീട് ഉച്ചഭക്ഷണം കഴിക്കുന്നതിന് ഞാൻ വരാന്തയിൽ ഇരുന്നു; ഞാൻ ഭക്ഷിച്ചുകൊണ്ടിരിക്കുന്നതിനിടയിൽ, എന്നോടൊപ്പം കർത്താവ് ഭക്ഷണമേശയ്ക്ക് സമീപം ഇരിക്കുന്നതായി എന്റെ ആന്തരിക നയനങ്ങൾ കൊണ്ട് ഞാൻ ദർശിച്ചു. അവിടുന്ന് എന്നോട് ചോദിച്ചു: "ഈ ഭക്ഷണം നല്ലതാണോ? " ഞാൻ പറഞ്ഞു: "അതെ, കർത്താവേ." കർത്താവേ, അങ്ങേയ്ക്ക് നന്ദി. അല്പനേരത്തെ നിശബ്ദതയ്ക്ക് ശേഷം അവിടുന്ന് എന്നോട് ചോദിച്ചു: "ഞാൻ നിന്റെ ഭക്ഷണം ആശീർവദിക്കണമെന്ന് നീ ആഗ്രഹിക്കുന്നുണ്ടോ?" ഞാൻ മറുപടി പറഞ്ഞു: "കർത്താവേ, അങ്ങ് എന്റെ ഭക്ഷണം ആശീർവദിക്കണമെന്ന് ഞാൻ ആഗ്രഹിക്കുന്നു." അപ്പോൾ യേശു എന്റെ ഭക്ഷണം ആശീർവദിച്ചു; ഞാൻ ഭക്ഷിച്ചു തീരുവോളം അവിടുന്ന് എന്റെ സമീപം ഇരുന്നു. ഞാൻ അവിടുത്തോട് നന്ദി പറഞ്ഞു; എന്റെ ഭക്ഷണം ആശീർവദിക്കണമെന്ന് പോലും എനിക്ക് കർത്താവിനോട് അപേക്ഷിക്കാമെന്ന് സൂചിപ്പിക്കുവാനാണ്. പ്രിയപ്പെട്ടവളേ, എന്റെ അനുഗ്രഹങ്ങൾക്ക് വേണ്ടി അപേക്ഷിക്കുക; ഞാൻ നിന്റെ ഭക്ഷണം ആശീർവദിക്കും. അതെ, കർത്താവേ. ഇക്കാര്യം എന്നെ പഠിപ്പിച്ചതിന് അങ്ങേയ്ക്ക് നന്ദി. വസൂല: ഞാൻ നിന്നെ സ്നേഹിക്കുന്നു; അന്ത്യം വരെ ഞാൻ നിന്റെ അധ്യാപകനായിരിക്കും. യേശുവേ, നന്ദി. കർത്താവേ, ഞാൻ വിശുദ്ധ ഫ്രാൻസിസിനോട് പ്രാർത്ഥിച്ചിരുന്നു; ഞാൻ വിശുദ്ധനോട് പ്രാർത്ഥിച്ചപ്പോൾ വിശുദ്ധൻ എന്റെ പ്രാർത്ഥന ശ്രവിച്ചോ? ഒന്നും കേൾക്കാതെ പോകുന്നില്ല; സ്വർഗ്ഗത്തിലെല്ലാം കേൾക്കാം. വിശുദ്ധ ഫ്രാൻസിസ് നിന്റെ പ്രാർത്ഥന കേട്ടിട്ടുണ്ട്; വിശുദ്ധ ഫ്രാൻസിസ് നിന്റെ സമീപമുണ്ട്. വരൂ, നമ്മൾ, നമുക്ക്. അതെ, എന്റെ ദൈവമേ. കർത്താവിന് സ്തുതി. 31/05/1988. യേശുവേ. ഇത് ഞാനാണ്; പരിശുദ്ധ ജപമാല പ്രാർത്ഥന നീ നന്നായി പ്രാർത്ഥിച്ചു. എന്നെ പഠിപ്പിക്കുന്നതിന് കർത്താവിനും പരിശുദ്ധ മാതാവിനും നന്ദി. സാധാരണ ചൊല്ലാറുള്ള മൂന്ന് അനുദിന പ്രാർത്ഥനകളും മുഴുവൻ ജപമാലയും ഞാൻ പ്രാർത്ഥിച്ചു. ജപമാലയിലെ ദൈവീക രഹസ്യങ്ങൾ ധ്യാനിക്കുവാൻ ഈ ദിവസങ്ങൾ ഉപയോഗിക്കുക. അതെ, കർത്താവേ. ഗബ്രിയേൽ എഴുതിയ "ഹോം ബ്രിങ്ങിംഗ് മിഷൻ" എന്ന പുസ്തകം ഞാൻ വായിച്ചു; എന്നാൽ അതിൽ ജപമാലയെക്കുറിച്ചോ പരിശുദ്ധ മറിയത്തെക്കുറിച്ചോ യാതൊരു സൂചനയുമില്ല. വസൂല: വഴിതെറ്റിക്കുന്ന ടോർച്ച് എന്ന് കർത്താവായ ഞാൻ വിളിക്കുന്നത് ഇത്തരത്തിലുള്ള പ്രബോധനങ്ങളെയാണ്. ഇത്തരം വിഭജിത വിഭാഗങ്ങൾക്ക് വേണ്ടി പ്രാർത്ഥിക്കുക. എന്റെ ശിരസ്സിൽ നിന്ന് എന്റെ ദേഹം വേറിട്ടുപോകുവാൻ ഞാൻ അനുവദിക്കുകയില്ല. മകളേ, ഇത്തരത്തിലുള്ളവയെക്കുറിച്ചാണ് "വേരുകളില്ലാത്ത ഒഴുകി നടക്കുന്ന രാജ്യങ്ങൾ" എന്ന് ഞാൻ പറയുന്നത്. അത്തരത്തിലുള്ള ഒരു സമൂഹത്തെക്കുറിച്ചുള്ള തെളിവ് ഞാൻ നിനക്ക് നൽകിക്കഴിഞ്ഞു; എന്റെ തിരുഹൃദയം എത്രമാത്രം സഹിക്കുന്നുണ്ടെന്ന് പറയേണ്ടതില്ലല്ലോ. വസൂല: നിന്നെ ഒരിക്കലും നിരാശപ്പെടുത്താത്ത എന്റെ തിരുഹൃദയത്തെക്കുറിച്ച് ധ്യാനിക്കുക. അന്ത്യം വരെ നിന്റെ പരിശുദ്ധനായ ഗുരുവായിരിക്കും ഞാൻ; എന്റെ കരം വിടരുത്. നമ്മൾ, നമുക്ക്. അതെ, കർത്താവേ. നമ്മൾ, നമുക്ക്. അതെ, പരിശുദ്ധ മറിയമേ. ദൈവത്തിന് മഹത്വം ഉണ്ടായിരിക്കട്ടെ. 1/6/1988. ഒരു ഗ്രീക്ക് യുവതിയോട് "സ്വർഗ്ഗസ്ഥനായ ഞങ്ങളുടെ പിതാവേ" എന്ന പ്രാർത്ഥനയെക്കുറിച്ച് സംസാരിക്കുന്ന അവസരത്തിൽ, "ആബ" എന്ന വാക്ക് എന്റെ അധരങ്ങളിൽ നിന്ന് പുറത്തുവന്നു. ഗ്രീക്ക് ഭാഷയിൽ "ഓ ബാബാസ്" എന്നാണ്. വസൂല: എന്നെ "ബാബ" എന്ന് വിളിക്കുക. ഇത്തരത്തിൽ എന്നെ വിളിക്കുമ്പോൾ, സ്നേഹത്തോടെ ആ വാക്ക് ഞാൻ സ്വീകരിക്കുന്നു; ഞാൻ നിന്റെ സ്വർഗ്ഗീയ പിതാവാണ്. നമ്മൾ, നമുക്ക്. അതെ, കർത്താവേ. എന്നേക്കും, നമ്മൾ, നമുക്ക്. 2/6/1988. പരിശുദ്ധ ദിവ്യകാരുണ്യത്തിന്റെ തിരുനാൾ. കത്തോലിക്കാ സഭയിലെ ലത്തീൻ റീത്തിൽ ഈ തിരുനാൾ വളരെ പ്രാധാന്യത്തോടെ ആചരിക്കുന്നു. കഴിഞ്ഞ മൂന്ന് ദിവസങ്ങളായി അനുദിന പ്രാർത്ഥനകളും പരിശുദ്ധ ജപമാല പ്രാർത്ഥനയും ഞാൻ പ്രാർത്ഥിച്ചു. കർത്താവേ. ഇത് ഞാനാണ്; എന്റെ വസൂല: നിന്റെ നിശ്ചയദാർഢ്യത്തോടെയുള്ള സ്ഥിര പരിശ്രമം പിശാചിനെ ദുർബലനാക്കുന്നു. ഇതുവഴി തിന്മയുടെ സ്വാധീനം കുറയുന്നു. പരിശുദ്ധ ജപമാല പ്രാർത്ഥന അഭ്യസിക്കുക; എന്റെ സഭയെ അലങ്കരിക്കുക. ഓർത്തഡോക്സുകാരും പ്രൊട്ടസ്റ്റന്റുകാരും മറ്റു സഭാവിഭാഗങ്ങളും പരിശുദ്ധ ജപമാല പ്രാർത്ഥന അഭ്യസിക്കണമെന്നാണ് കർത്താവ് അർത്ഥമാക്കുന്നത്. ഇതുവഴി സഭ ശക്തിപ്പെടും; പിശാച് ഭയന്നോടും. അവിശ്വസ്തതയും അനുസരണക്കേടും വഴി സഭയിൽ നുഴഞ്ഞുകയറിയ പാഷണ്ടതകളും വിശ്വാസത്യാഗങ്ങളും നിർഭാർജനം ചെയ്യപ്പെടും. അതെ, വസൂല: സ്നേഹം വർദ്ധിക്കും, തിന്മ കുറയും. ജപമാല പ്രാർത്ഥന അഭ്യസിക്കുന്ന കാര്യം ഞാൻ നിർദ്ദേശിച്ചതല്ല എന്ന് പറഞ്ഞ് വാദിക്കുന്നവരുടെ വാദങ്ങൾ എത്ര നിരർത്ഥകമാണെന്ന് ഞാൻ വ്യക്തമാക്കാം. തെറ്റായ ബോധ്യങ്ങളാൽ അവരുടെ തീഷ്ണത വഴിതെറ്റിപ്പോകുന്നു. എന്റെ നീതിയെക്കുറിച്ച് അവർ മനസ്സിലാക്കിയിട്ടില്ല; അവരുടെ താൽപ്പര്യങ്ങൾക്ക് വിരുദ്ധമായതുകൊണ്ട് ഈ ദൈവീക സന്ദേശങ്ങളെ തള്ളിപ്പറയുവാൻ അവർ തയ്യാറായിരിക്കുന്നു. എന്നെ വെളിപ്പെടുത്തുവാൻ വേണ്ടി ഞാൻ തെരഞ്ഞെടുത്തിട്ടുള്ള ബലഹീനരായ വ്യക്തികളെ കണ്ട് ഇക്കൂട്ടർ അത്യന്തം ആശ്ചര്യപ്പെടുകയും, അവരൊന്നും ദൈവത്താൽ പ്രചോദിപ്പിക്കപ്പെട്ടവരല്ലെന്ന് പറഞ്ഞ് അവരെ തള്ളിപ്പറയുന്നു. എന്നെ ആരായാത്തവർക്ക് ഉത്തരം നൽകാനും, എന്നെ തേടാത്തവർക്ക് ദർശനം അരുളാനും ഞാൻ തയ്യാറായിരുന്നു. എന്റെ നാമം വിളിച്ച് അപേക്ഷിക്കാത്ത ജനതയോട് "ഇതാ, ഞാൻ" എന്ന് ഞാൻ പറഞ്ഞു. യേശയ്യാ 65:1. ഇപ്രകാരം തിരുവചനത്തിൽ പറഞ്ഞിട്ടുള്ളത് അവർ മറന്നുപോയിരിക്കുന്നു; അതിനാൽ കർത്താവായ ഞാൻ പറയുന്നു: നിങ്ങളുടെ മനസ്സല്ല, മറിച്ച് നിങ്ങളുടെ ഹൃദയങ്ങൾ തുറക്കുവിൻ. എന്റെ തിരുഹൃദയത്തിന്റെ വസൂല: രണ്ടു ദിവസം മുമ്പ് ഞാൻ നിന്റെ ചെവിയിൽ പറഞ്ഞ കാര്യം നീ കേട്ടതാണ്. തിമോത്തിയോസിന് വിശുദ്ധ പൗലോസ് എഴുതിയ ഒന്നും രണ്ടും ലേഖനങ്ങൾ ഞാൻ വായിക്കണമെന്ന് യേശു പറഞ്ഞിരുന്നു. നിങ്ങളുടെ ഈ കാലഘട്ടത്തിന്റെ അവസാന നാളുകളിൽ എന്ത് സംഭവിക്കുമെന്ന് പ്രവചനഭാഗം തിമോത്തിയോസിന് എഴുതിയ ഒന്നും രണ്ടും ലേഖനങ്ങളിൽ നിന്നെ കാണിച്ചുതരണമെന്ന് ഞാൻ ആഗ്രഹിച്ചു. എന്റെ സൃഷ്ടികൾ വളരെയധികം അധപ്പതിക്കുകയും, സോദോം നിവാസികളെക്കാൾ പാപത്തിൽ നിപതിക്കുകയും ചെയ്തിരിക്കുന്നു. സാത്താനിൽ നിന്ന് വന്നിരിക്കുന്ന അന്ധകാരം ഒരു മാരകമായ മൂടുപടം പോലെ അവരുടെ മേൽ വീണിരിക്കുന്നു. കർത്താവായ എന്നിൽ നിന്നുള്ളതല്ലാത്ത വിശ്വാസ തത്വങ്ങൾ എന്റെ മക്കളെ പഠിപ്പിക്കുന്നതിന് വേണ്ടി സാത്താൻ അനേകം വ്യാജ പ്രബോധകരെയും വ്യാജ പ്രവാചകരെയും അയച്ചിട്ടുണ്ട്. അജ്ഞത മൂലം അന്ധരായ എന്റെ മക്കൾ സാത്താൻ ഒരുക്കിയ ഈ കെണികളിൽ വീഴുന്നു. തിമോത്തിയോസിന് എഴുതിയ ലേഖനങ്ങളിൽ താഴെ പറയുന്ന തിരുവചനങ്ങൾ ഒരു മുന്നറിയിപ്പ് എന്ന നിലയിൽ പരസ്യമായി വായിക്കണമെന്ന് ഞാൻ ആഗ്രഹിക്കുന്നു. വരും കാലങ്ങളിൽ ചിലർ കപടാത്മാക്കളിലും പിശാചിന്റെ പ്രബോധനങ്ങളിലും ശ്രദ്ധ അർപ്പിച്ചുകൊണ്ട് വിശ്വാസത്തിൽ നിന്ന് വിധിചലിക്കുമെന്ന് ആത്മാവ് വ്യക്തമായി പറയുന്നു. മനസ്സാക്ഷി കത്തിക്കരിഞ്ഞുപോയ നുണയന്മാരുടെ കാപട്യമാണ് ഇതിന് കാരണം. അവർ വിവാഹം പാടില്ലെന്ന് പറയുകയും, ചില ഭക്ഷണസാധനങ്ങൾ വർജ്ജിക്കണമെന്ന് ശാസിക്കുകയും ചെയ്യുന്നു. ഈ ഭക്ഷണസാധനങ്ങൾ ആകട്ടെ, വിശ്വസിക്കുകയും സത്യം അറിയുകയും ചെയ്യുന്നവൻ കൃതജ്ഞതാപൂർവ്വം ആസ്വദിക്കുവാൻ വേണ്ടി ദൈവം സൃഷ്ടിച്ചതാണ്. എന്നാൽ ദൈവം സൃഷ്ടിച്ചവയെല്ലാം നല്ലതാണ്; കൃതജ്ഞതാപൂർവ്വമാണ് സ്വീകരിക്കുന്നതെങ്കിൽ ഒന്നും നാം നിരാകരിക്കേണ്ടതില്ല. കാരണം അവ ദൈവവചനത്താലും പ്രാർത്ഥനയാലും വിശദീകരിക്കപ്പെടുന്നു. ഇക്കാര്യങ്ങൾ നമ്മുടെ സഹോദരരുടെ ശ്രദ്ധയിൽ പെടുത്തിയാൽ നീ യേശുക്രിസ്തുവിന്റെ നല്ല ശുശ്രൂഷകനായിരിക്കും. വിശ്വാസത്തിന്റെ വചനങ്ങളാലും നീ ഇതുവരെ അനുവർത്തിച്ചുപോന്ന നല്ല വിശ്വാസസംഹിതയാലും പരിപോഷിപ്പിക്കുന്ന ശുശ്രൂഷകൻ. ലൗകികവും അർത്ഥശൂന്യവുമായ കെട്ടുകഥകൾ നീ തീർത്തും അവഗണിക്കുക; ദൈവഭക്തിയിൽ പരിശീലനം നേടുക. ശാരീരികമായ പരിശീലനം കൊണ്ട് കുറച്ചു പ്രയോജനമുണ്ട്; എന്നാൽ ആത്മീയത എല്ലാവിധത്തിലും വിലയുള്ളതാണ്. എന്തുകൊണ്ടെന്നാൽ അത് ഈ ജീവിതത്തെയും വരാനിരിക്കുന്ന ജീവിതത്തെയും സംബന്ധിക്കുന്ന വാഗ്ദാനങ്ങൾ ഉൾക്കൊള്ളുന്നു. വചനം വിശ്വാസയോഗ്യവും തികച്ചും സ്വീകാര്യവുമാണ്. ഈ ലക്ഷ്യത്തെ മുൻനിർത്തിയാണ് നാം അധ്വാനിക്കുന്നതും പോരാടുന്നതും. എല്ലാ മനുഷ്യരുടെയും വിശ്വാസികളുടെയും രക്ഷകനായ ജീവിക്കുന്ന ദൈവത്തിലാണ് നാം പ്രത്യാശ അർപ്പിച്ചിരിക്കുന്നത്. ഇപ്പറഞ്ഞവയെല്ലാം നീ അധികാരപൂർവ്വം പഠിപ്പിക്കുക. ആരും നിന്റെ പ്രായക്കുറവിന്റെ പേരിൽ നിന്നെ അവഗണിക്കുവാൻ ഇടയാകരുത്. വാക്കുകളിലും പെരുമാറ്റത്തിലും സ്നേഹത്തിലും വിശ്വാസത്തിലും വിശുദ്ധിയിലും നീ വിശ്വാസികൾക്ക് മാതൃകയായിരിക്കുക. ഞാൻ വരുന്നതുവരെ വിശുദ്ധ ലിഖിതങ്ങൾ വായിക്കുന്നതിലും ഉപദേശങ്ങൾ നൽകുന്നതിലും അധ്യാപനത്തിലും ശ്രദ്ധാലുവായിരിക്കണം. പ്രവചനപ്രകാരവും സഭാശ്രേഷ്ഠന്മാരുടെ കൈവെപ്പ് വഴിയും നിനക്ക് നൽകപ്പെട്ട കൃപാവരം അവഗണിക്കരുത്. ഈ കർത്തവ്യങ്ങളെല്ലാം നീ അനുഷ്ഠിക്കുക; അവയ്ക്ക് വേണ്ടി ആത്മാർപ്പണം ചെയ്യുക. അങ്ങനെ എല്ലാവരും നിന്റെ പുരോഗതി കാണാൻ ഇടയാകട്ടെ. നിന്നെക്കുറിച്ചും നിന്റെ പ്രബോധനത്തെക്കുറിച്ചും ശ്രദ്ധിക്കുക; ഇവയിൽ ഉറച്ചുനിൽക്കുക. അങ്ങനെ ചെയ്യുന്നത് വഴി നീ നിന്നെ തന്നെയും നിന്റെ ശ്രോതാക്കളെയും രക്ഷിക്കും. 1 തിമോത്തിയോസ് അദ്ധ്യായം 4:1 മുതൽ 16 വരെയുള്ള തിരുവചനങ്ങൾ. അല്ലയോ തിമോത്തിയോസേ, നിന്നെ ഭരമേൽപ്പിച്ചിട്ടുള്ളത് നീ കാത്തുസൂക്ഷിക്കുക; അധാർമികമായ വ്യർത്ഥഭാഷണത്തിൽ നിന്നും വിജ്ഞാനാഭാസത്തിന്റെ വൈരുദ്ധ്യങ്ങളിൽ നിന്നും ഒഴിഞ്ഞുമാറുക. ഇവയെ അംഗീകരിക്കുക മൂലം ചിലർ വിശ്വാസത്തിൽ നിന്ന് തീർത്തും അകന്നു പോയിട്ടുണ്ട്. ദൈവത്തിന്റെ കൃപ നിന്നോടുകൂടെ ഉണ്ടായിരിക്കട്ടെ. 1 തിമോത്തിയോസ് അദ്ധ്യായം 6:20 മുതൽ 21 വരെയുള്ള തിരുവചനങ്ങൾ. ഇത് അവരെ അനുസ്മരിപ്പിക്കുക; വാക്കുകളെ ചൊല്ലി തർക്കങ്ങളിൽ ഏർപ്പെടാതിരിക്കാൻ അവരെ ദൈവസന്നിധിയിൽ ഉപദേശിക്കുക. ഇത്തരം തർക്കങ്ങൾ യാതൊരു ഗുണവും ചെയ്യുകയില്ല; ശ്രോതാക്കളെ നശിപ്പിക്കുകയേയുള്ളൂ. സത്യത്തിന്റെ വചനം ഉചിതമായി കൈകാര്യം ചെയ്തുകൊണ്ട് അഭിമാനിക്കാൻ അവകാശമുള്ള വേലക്കാരനായി ദൈവ തിരുമുമ്പിൽ അർഹതയോടെ പ്രത്യക്ഷപ്പെടുവാൻ ഉത്സാഹപൂർവ്വം പരിശ്രമിക്കുക. ലൗകികമായ വ്യർത്ഥഭാഷണം ഒഴിവാക്കുക; അല്ലെങ്കിൽ അത് ജനങ്ങളെ ഭക്തിരാഹിത്യത്തിലേക്ക് നയിക്കും. ഈ ഭക്തരഹിതരുടെ സംസാരം ശരീരത്തെ കാർന്നു തിന്നുന്ന വ്രണം പോലെ പടർന്നു പിടിക്കും. ഇക്കൂട്ടത്തിൽ പെട്ടവരാണ് ഖിമനേയോസും ഫിലേത്തോസും. പുനരുദ്ധാനം സംഭവിച്ചു കഴിഞ്ഞു എന്ന വാദം ഉന്നയിച്ചുകൊണ്ട് അവർ സത്യത്തിൽ നിന്നും വ്യതിചലിച്ച് ചിലരുടെ വിശ്വാസത്തെ അവർ തകിടം മറിക്കുകയും ചെയ്യുന്നു. എന്നാൽ ദൈവം ഉറപ്പിച്ച അടിത്തറ ഇളകാതെ നിൽക്കുന്നു. അതിൽ ഇങ്ങനെ മുദ്രിതമായിരിക്കുന്നു: "കർത്താവ് തനിക്ക് സ്വന്തമായിട്ടുള്ളവരെ അറിയുന്നു; കർത്താവിന്റെ നാമം വിളിക്കുന്നവരെല്ലാം പാപത്തിൽ നിന്ന് ഒഴിഞ്ഞു നിൽക്കട്ടെ." ഒരു വലിയ ഭവനത്തിൽ സ്വർണം കൊണ്ടും വെള്ളികൊണ്ടും തീർത്ത പാത്രങ്ങൾ മാത്രമല്ല, മരം, മണ്ണ് ഇവ കൊണ്ട് തീർത്തവയും ഉണ്ടായിരിക്കും. അവയിൽ ചിലത് മാന്യമായ കാര്യങ്ങൾക്കും ചിലത് മാന്യത കുറഞ്ഞ കാര്യങ്ങൾക്കും ഉപയോഗിക്കുന്നു. ഒരുവൻ നികൃഷ്ടമായ അവസ്ഥയിൽ നിന്ന് തന്നെ ശുദ്ധീകരിക്കുന്നെങ്കിൽ, അവൻ ശ്രേഷ്ഠമായ ഉപയോഗത്തിന് പറ്റിയതും ഗൃഹനാഥന് പ്രയോജനകരവും ഏതൊരു നല്ല കാര്യത്തിനും ഉപയോഗയോഗ്യവുമായ വിശുദ്ധ പാത്രമാകും. അതിനാൽ യുവസഹജമായ മോഹങ്ങളിൽ നിന്ന് ഓടിയകലുക. പരിശുദ്ധ ഹൃദയത്തോടെ കർത്താവിനെ വിളിക്കുന്നവരോട് ചേർന്ന് നീതി, വിശ്വാസം, സ്നേഹം, സമാധാനം എന്നിവയിൽ ലക്ഷ്യം വെക്കുക. മൂഢവും ബാലിശവുമായ വാദപ്രതിവാദത്തിൽ ഏർപ്പെടരുത്; അവ കലഹങ്ങൾക്ക് ഇടയാക്കുമെന്ന് നിനക്കറിയാമല്ലോ. കർത്താവിന്റെ ദാസൻ കലഹപ്രിയനായിരിക്കരുത്; എല്ലാവരോടും സൗമ്യതയുള്ളവനും യോഗ്യനായ അധ്യാപകനും ക്ഷമാശീലനും ആയിരിക്കണം. എതിർക്കുന്നവരെ അവൻ സൗമ്യതയോടെ തിരുത്തണം. സത്യത്തെക്കുറിച്ചുള്ള പൂർണ്ണ ബോധ്യത്തിലേക്ക് മടങ്ങി വരാൻ ഉതകുന്ന അനുതാപം ദൈവം അവർക്ക് നൽകിയെന്ന് വരാം. പിശാച് തന്റെ ഇഷ്ടനിർവഹണത്തിനുവേണ്ടി അവരെ അടിമകളാക്കിയിട്ടുണ്ടെങ്കിലും, അവർ സുബോധം വീണ്ടെടുത്ത് ആ കെണിയിൽ നിന്ന് രക്ഷപ്പെട്ടേക്കാം. 2 തിമോത്തിയോസ് 2:14 മുതൽ 26 വരെയുള്ള തിരുവചനങ്ങൾ. നിങ്ങളുടെ ഈ കാലഘട്ടത്തെക്കുറിച്ചുള്ളതാണ് ഈ പ്രവചനഭാഗങ്ങൾ. ഒരു കാര്യം മനസ്സിലാക്കിക്കൊള്ളുക: അവസാന നാളുകളിൽ ക്ലേശപൂർണ്ണമായ സമയങ്ങൾ വരും. അപ്പോൾ സ്വാർത്ഥസ്നേഹികളും ധനമോഹികളും അഹങ്കാരികളും ഗർവിഷ്ഠരും ദൈവദൂഷകരും മാതാപിതാക്കന്മാരെ അനുസരിക്കാത്തവരും കൃതജ്ഞരും വിശുദ്ധിയില്ലാത്തവരുമായ മനുഷ്യർ ഉണ്ടാകും. അവർ മനുഷ്യത്വമില്ലാത്തവരും ഒന്നിനും വഴങ്ങാത്തവരും അപവാദം പറയുന്നവരും ആത്മനിയന്ത്രണമില്ലാത്തവരും ക്രൂരന്മാരും നന്മയെ വെറുക്കുന്നവരും വഞ്ചകരും എടുത്തുചാട്ടക്കാരും അഹന്തയുള്ളവരും ദൈവത്തെ സ്നേഹിക്കുന്നതിനു പകരം സുഖഭോഗങ്ങളിൽ ആസക്തിയുള്ളവരും ആയിരിക്കും. അവർ ഭക്തിയുടെ ബാഹ്യരൂപം നിലനിർത്തിക്കൊണ്ട് അതിന്റെ ചൈതന്യത്തെ നിഷേധിക്കും. അവരിൽ നിന്ന് അകന്നു നിൽക്കുക. അവരിൽ ചിലർ വീടുകളിൽ നുഴഞ്ഞു കയറി ദുർബലകളും പാപങ്ങൾ ചെയ്തുകൂട്ടിയവരും വിഷയാസക്തിയാൽ നയിക്കപ്പെടുന്നവരുമായ സ്ത്രീകളെ വശപ്പെടുത്തുന്നു. ഈ സ്ത്രീകൾ ആര് പഠിപ്പിക്കുന്നതും കേൾക്കാൻ തയ്യാറാണ്; എന്നാൽ സത്യത്തെപ്പറ്റിയുള്ള പൂർണ്ണജ്ഞാനത്തിൽ എത്തിച്ചേരാൻ അവർക്ക് കഴിവില്ല. യാന്നസും യാമ്പ്രസും മോശയെ എതിർത്തതുപോലെ, ഈ മനുഷ്യർ സത്യത്തെ എതിർക്കുന്നു. അവർ ദുഷിച്ച മനസ്സുള്ളവരും വിശ്വാസനിന്ദകരുമാണ്; എന്നാൽ അവർ അധികം മുമ്പോട്ട് പോവുകയില്ല. മേൽപ്പറഞ്ഞവരുടെ കാര്യത്തിൽ എന്നപോലെ അവരുടെ മൗഢ്യം എല്ലാവർക്കും ബോധ്യമാകും. ഞാൻ പഠിപ്പിച്ച സത്യങ്ങളും എന്റെ ജീവിതരീതികളും ലക്ഷ്യവും വിശ്വാസവും ക്ഷമയും സ്നേഹവും സ്ഥൈര്യവും നീ അടുത്തറിഞ്ഞിട്ടുണ്ടല്ലോ. ഞാൻ സഹിച്ച പീഡനങ്ങളും കഷ്ടപ്പാടുകളും അന്ത്യോക്യായിലും ഇക്കോണിയത്തിലും ഇസ്രായേലിലും എനിക്ക് സഹിക്കേണ്ടി വന്ന മർദ്ദനങ്ങളും നീ മനസ്സിലാക്കിയിട്ടുണ്ട്. അവയിൽ നിന്നെല്ലാം കർത്താവ് എന്നെ രക്ഷിച്ചു. യേശുക്രിസ്തുവിനോട് ഐക്യപ്പെട്ട് വിശുദ്ധ ജീവിതം നയിക്കുവാൻ ആഗ്രഹിക്കുന്നവരെല്ലാം പീഡിപ്പിക്കപ്പെടും. അതേസമയം ദുഷ്ടരും കപടനാട്ടിക്കാരും വഞ്ചിച്ചും വഞ്ചിക്കപ്പെട്ടും അടിക്കടി അധപ്പതിക്കും. എന്നാൽ നീ പഠിച്ചിട്ടുള്ളതും ഉറപ്പായി വിശ്വസിച്ചിട്ടുള്ളതുമായ കാര്യങ്ങൾ ആരിൽ നിന്നാണ് പഠിച്ചതെന്നോർത്ത് അവയിൽ സ്ഥിരമായി നിൽക്കുക. യേശുക്രിസ്തുവിലുള്ള വിശ്വാസത്തിലൂടെ രക്ഷ പ്രാപിക്കുന്നതിന് നിന്നെ ജ്ഞാനിയാക്കുന്ന വിശുദ്ധ ലിഖിതങ്ങൾ നീ ബാല്യം മുതൽ പഠിച്ചറിഞ്ഞിട്ടുള്ളതാണല്ലോ. വിശുദ്ധ ലിഖിതമെല്ലാം ദൈവനിവേശിതമാണ്; അവ പ്രബോധനത്തിനും ശാസനത്തിനും തെറ്റിദ്ധരിപ്പലിനും നീതിയിലുള്ള പരിശീലനത്തിനും ഉപകരിക്കുന്നു. ഇതുവഴി ദൈവഭക്തനായ മനുഷ്യൻ പൂർണ്ണത കൈവരിക്കുകയും എല്ലാ നല്ല പ്രവർത്തികളും ചെയ്യുന്നതിന് പര്യാപ്തനാവുകയും ചെയ്യുന്നു. 2 തിമോത്തിയോസ് 3:1 മുതൽ 17 വരെയുള്ള തിരുവചനങ്ങൾ. ഈ പ്രവചനഭാഗത്ത് നിങ്ങളുടെ ഈ കാലഘട്ടത്തിലെ യഥാർത്ഥ അവസ്ഥ വെളിപ്പെടുത്തുന്നു. കാലത്തിന്റെ അവസാനത്തിനു മുമ്പുള്ള അവസാന നാളുകളാണിവ. തിരുവചനങ്ങളുടെ നമ്പർ മാത്രമേ യേശു പറയുന്നുള്ളൂ. വായനക്കാർക്ക് വേണ്ടി പ്രസ്തുത തിരുവചനങ്ങൾ ഈ പരിഭാഷയിൽ എഴുതിച്ചേർത്തിരിക്കുന്നു. നവീകരണത്തിന്റെ ഒരു തിരിച്ചുവരവിനു വേണ്ടി നിങ്ങളുടെ പ്രാർത്ഥന ഇരട്ടിയാക്കണമെന്ന് ഞാൻ ആഗ്രഹിക്കുന്നു. പാപങ്ങളെക്കുറിച്ച് പശ്ചാത്തപിക്കുകയും എന്റെ അടുക്കലേക്ക് മടങ്ങി വരണമെന്ന് ആഗ്രഹിക്കുകയും ചെയ്യുന്നവർക്ക് വേണ്ടി എന്റെ തിരുഹൃദയം സദാ തുറന്നിട്ടിരിക്കുന്നു. പുഷ്പമേ, എന്റെ അടുക്കൽ ഇരുന്ന് സന്ദേശം എഴുതിയെടുക്കുന്നതിനു മുമ്പ് എപ്പോഴും സത്യാത്മാവ് പ്രധാനം ചെയ്യുന്ന വിവേചനപരത്തിനു വേണ്ടി പ്രാർത്ഥിക്കുക. സ്നേഹമായ ഞാൻ നിന്നെ സ്നേഹിക്കുകയും നയിക്കുകയും ചെയ്യുന്നു. വരൂ, എന്റെ തിരുഹൃദയത്തിൽ വിശ്രമിക്കുക. ഞാൻ നിന്നെ ഒരിക്കലും പരിത്യജിക്കുകയില്ല. നമ്മൾ നമുക്ക്. അതേ കർത്താവേ, അതേ പരിശുദ്ധ മറിയമേ. 3/6/1988. എന്റെ കർത്താവേ. ഇത് ഞാനാണ്; ഒരിക്കലും നിരാശപ്പെടരുത്. പ്രിയപ്പെട്ട ദേഹി, നിന്നോടുള്ള എന്റെ സ്നേഹത്തെ അനുസ്മരിക്കുക. നിന്റെ ബലഹീനതയോടുകൂടി നീ ആയിരിക്കുന്ന അവസ്ഥയിൽ ഞാൻ നിന്നെ സ്നേഹിക്കുന്നു. നീ ബലഹീനയാണ്; നിന്നെ വഴിനയിക്കുവാൻ എന്റെ ആത്മാവിനെ അനുവദിക്കുക. എന്നിൽ, എന്റെ ശക്തിയിൽ, നിന്നെ തന്നെ ഉന്മൂലനം ചെയ്യുക. എന്നിൽ അലിഞ്ഞില്ലാതായി തീരുക. ഈ ദൈവീക പ്രവർത്തിയെല്ലാം ഞാനാണ് ചെയ്തിരിക്കുന്നതെന്ന് മനുഷ്യർക്ക് തോന്നേണ്ടതിന് നീ സ്വയം ഇല്ലാതായി തീരുക. നീ ഒന്നുമില്ലായ്മയാണ്; ഒന്നുമില്ലായ്മയായി നിലകൊള്ളുക. എന്റെ ആത്മാവിനെ നിന്നിൽ വളരുവാൻ അനുവദിക്കുക. അതെ, നിന്റെ ഒന്നുമില്ലായ്മയിലേക്ക് ഞാൻ നിശ്വസിക്കട്ടെ. ഞാൻ നിന്നിൽ സന്തോഷിക്കട്ടെ. നിങ്ങളെല്ലാവരെയും രക്ഷിക്കുന്നതിനും ഐക്യപ്പെടുത്തുന്നതിനുമായി ഈ വിധത്തിൽ നിന്നെ ഉപയോഗിക്കുവാൻ എന്നെ അനുവദിക്കുവിൻ. അതേ കർത്താവേ. പുഷ്പമേ, സത്യമായ വെളിപാടുകളെയും ദർശനങ്ങളെയും വ്യാജമായ സിദ്ധാന്തങ്ങളിൽ നിന്നും വ്യാജമായ ദർശനങ്ങളിൽ നിന്നും വിവേചിച്ചറിയുവാൻ ഞാൻ നിന്നെ ഈ ദിവസങ്ങളിൽ പഠിപ്പിക്കുകയാണ്. വ്യാജമായവ എന്തും സാത്താനിൽ നിന്ന് വരുന്നതാണ്. സത്യത്തെ കളങ്കപ്പെടുത്തുന്നതിന് ആശയക്കുഴപ്പത്തിന്റെ വിത്തുകൾ സാത്താൻ ഇറ്റലിയിലെ പെസ്കാരയിൽ ചെയ്തതുപോലെ വിതയ്ക്കുകയാണ്. ഇറ്റലിയിലെ പെസ്കാരയിൽ വ്യാജദർശനവും വ്യാജപ്രവചനവും സാത്താൻ പ്രചരിപ്പിക്കുകയുണ്ടായി. നിങ്ങളെല്ലാവരെയും ആശയക്കുഴപ്പത്തിലാക്കുന്നതിന് സാത്താൻ ഗോതമ്പുകൾക്കിടയിൽ കളകൾ വിതയ്ക്കുകയാണ്. മഡ്ജുഗോറിയിലെ ദൈവീക പ്രത്യക്ഷപ്പെടലുകളെപ്പറ്റി കോപവെറി പൂണ്ട സാത്താൻ നിങ്ങൾ എല്ലാവരെയും ആശയക്കുഴപ്പത്തിലാക്കുവാൻ ഈ ദൈവീക പ്രത്യക്ഷപ്പെടലുകൾ ദൈവത്തിൽ നിന്നുള്ളതല്ലെന്ന് കാണിക്കുവാൻ പരിശ്രമിച്ചുകൊണ്ടിരിക്കുന്നു. മകളെ, എന്റെ സഭയിൽ അനേകം ഉളവാക്കുന്നതോ, പത്രോസിനെ അഥവാ മാർപാപ്പയെ നിഷേധിക്കുന്നതോ, പരിശുദ്ധ മറിയത്തെ തള്ളിപ്പറയുന്നതോ ആയ ഏതെങ്കിലും വെളിപാട് നീ വായിക്കുവാൻ ഇടയായാൽ, പ്രസ്തുത വെളിപാട് നിന്റെ കർത്താവായ ദൈവമായ എന്നിൽ നിന്ന് പുറപ്പെട്ടവയല്ലെന്ന് നിനക്ക് ഉറപ്പിക്കാം. നേരെ മറിച്ച്, ആ വെളിപാട് എന്റെ എതിരാളിയായ സാത്താനിൽ നിന്ന് പുറപ്പെട്ടതാണ്. കഴിയുന്നതിന്റെ പരമാവധി ആളുകളെ എന്നിൽ നിന്ന് അകറ്റി മാറ്റുന്നതിനു വേണ്ടി എന്റെ സാദൃശ്യത്തിൽ സാത്താൻ വേഷം കെട്ടി പ്രത്യക്ഷപ്പെടുന്നതാണ്. എന്റെ ആടുകൾ ചിതറിപ്പോകണമെന്ന് കർത്താവായ ഞാൻ ആഗ്രഹിക്കുന്നില്ല. പത്രോസായ മാർപാപ്പയുടെ കീഴിൽ നിങ്ങൾ ഒറ്റ ആട്ടിൻപറ്റമായി തീരണമെന്ന് ഞാൻ ആഗ്രഹിക്കുന്നു. നിങ്ങളെല്ലാവരും ഒന്നിക്കണമെന്ന് ഞാൻ ആഗ്രഹിക്കുന്നു. എന്റെ മടങ്ങിവരവ് വരെ എന്റെ കുഞ്ഞാടുകളെയും ആടുകളെയും തീറ്റിപ്പോരുന്നതിന് നിങ്ങളുടെ രക്ഷകനും കർത്താവുമായ യേശുക്രിസ്തുവായ ഞാൻ പത്രോസിനെ തിരഞ്ഞെടുത്തുവെന്ന് വീണ്ടും ഞാൻ ആവർത്തിക്കുകയാണ്. ഈ പത്രോസാണ് ഇപ്പോഴത്തെ മാർപാപ്പയായ ജോൺ പോൾ രണ്ടാമൻ. സഭകളോട് ആത്മാവ് പറയുന്നതെന്തെന്ന് ശ്രദ്ധിക്കുവിൻ. വസൂല തന്റെ നാളുകൾ എണ്ണപ്പെട്ടിരിക്കുന്നതെന്ന് സാത്താൻ അറിയാം. ഇക്കാരണത്താൽ ചുവന്ന വ്യാളി പരമാവധി ആളുകളെ വലിച്ചു താഴെയിട്ട് തന്നോടൊപ്പം ചേർക്കുവാൻ പരിശ്രമിക്കുന്നു. ആത്മീയതയും പരിശുദ്ധിയും കൊണ്ട് നിറയേണ്ടിയിരുന്ന മനുഷ്യ മനസ്സുകളിൽ സത്യത്തിൽ നിന്നും പരിശുദ്ധിയിൽ നിന്നും വഴിതെറ്റിക്കുന്ന അനേകം വിനോദങ്ങൾ സാത്താൻ നിറച്ചിരിക്കുന്നു. എന്റെ പ്രിയപ്പെട്ടവളെ, നിന്റെ ചുറ്റിലും നിരീക്ഷിച്ചാൽ നിനക്ക് ഈ കാര്യം മനസ്സിലാകും. സോദോം ഗമോറ നിവാസികളുടെ കാലത്തെന്നപോലെ, മക്കളെ, നിങ്ങളുടെ ചിന്തകളിലും മനസ്സുകളിലും ആത്മീയതയ്ക്കും പരിശുദ്ധമായിരിക്കുന്നവയ്ക്കും യാതൊരു ഇടവും ബാക്കിവെക്കാതെ ജഡികമായവയാൽ നിറയ്ക്കേണ്ടതിനാണ് ഈ വിനോദങ്ങൾ എല്ലാം രൂപപ്പെടുത്തിയിരിക്കുന്നത്. നിങ്ങളുടെ ഹൃദയത്തിൽ നിങ്ങളുടെ സൃഷ്ടാവും ദൈവവുമായ എനിക്ക് ഒരിടവും മാറ്റിവെക്കാതെ ജഡിക വിഷയങ്ങൾ കുത്തിനിറച്ചിരിക്കുന്നു. എന്റെ വസൂല എന്നെ തിരസ്കരിക്കുന്നതായി എനിക്ക് അനുഭവപ്പെടുന്നു. ഞാൻ സ്നേഹിക്കപ്പെടുന്നില്ലെന്നും മറക്കപ്പെട്ടിരിക്കുന്നെന്നും എനിക്ക് തോന്നുന്നു. നിങ്ങളോടുള്ള സ്നേഹത്തെ പ്രതി കുരിശിൽ പീഡ സഹിച്ചു മരിച്ചവനാണ് ഞാൻ. ഞാൻ സ്നേഹത്തിന്റെ ആത്മാവാണ്. മനുഷ്യർ എന്നോട് എങ്ങനെയാണ് പെരുമാറുന്നതെന്ന് നിനക്ക് മനസ്സിലാകുന്നുണ്ടോ? ഞാൻ ഇത് അർഹിക്കുന്നുണ്ടോ? എന്റെ ദൈവമേ, എന്റെ ഹൃദയം പിളരുന്നതുപോലെ എനിക്ക് അനുഭവപ്പെടുന്നു. കർത്താവേ, എന്തുകൊണ്ടാണ് ഇങ്ങനെ സംഭവിക്കുന്നത്? കർത്താവേ, ദയവായി ഒരു അത്ഭുതം പ്രവർത്തിക്കണമേ. അത്ഭുതത്തിനുവേണ്ടി ഞാൻ ചോദിക്കുവാൻ പാടില്ല. എന്നാൽ കർത്താവേ, ഞാൻ അങ്ങയെ സ്നേഹിക്കുന്നു. കർത്താവേ, ഇനിമേൽ ആരും അങ്ങയെ ദ്രോഹിക്കരുതെന്ന് ഞാൻ ആഗ്രഹിക്കുന്നു. വസൂല, മനുഷ്യരുടെ മാനസാന്തരത്തിനുവേണ്ടി പ്രാർത്ഥിക്കുക. തീക്ഷ്ണമായി പ്രാർത്ഥിക്കുക. തന്നോടൊപ്പം എന്റെ സൃഷ്ടികളായ നിങ്ങളെ നരകക്കുഴിയിലേക്ക് വലിച്ചുകൊണ്ടുപോകുന്നതിനുള്ള പ്രവർത്തനങ്ങൾ സാത്താൻ ശക്തിപ്പെടുത്തിയിരിക്കുന്നു. അല്ലയോ, സൃഷ്ടികളെ, നിങ്ങൾ എത്രയോ ബലഹീനരാണ്. നിങ്ങൾ എത്രയോ ഭയാനകമാം വിധം ശക്തിഹീനരാണ്. പരിശുദ്ധ കുർബാനയെ ആചാരം എന്ന് വിളിച്ചുകൊണ്ട് സജീവമായ എന്റെ ബലിയെ നിഷേധിക്കുകയോ, നിങ്ങളുടെ പരിശുദ്ധ മാതാവിന്റെ വിമല ഹൃദയത്തെ നിഷേധിക്കുകയോ ചെയ്യുന്ന ഏതു വെളിപാടും എന്നിൽ നിന്നുള്ളതല്ല. കർത്താവായ ഞാൻ നിന്നെ അനന്തമായി സ്നേഹിക്കുന്നു. ഈ വ്യാജ പ്രവാചകന്മാരെക്കുറിച്ച് ഒരിക്കൽ കൂടി ഞാൻ നിനക്ക് മുന്നറിയിപ്പ് തരുന്നു. കർത്താവേ, അങ്ങേയ്ക്ക് നന്ദി. എന്നെ സ്നേഹിക്കുക. കർത്താവേ, ഞാൻ അങ്ങയെ ആരാധിക്കുന്നു. നമ്മൾ നമുക്ക്. അതേ കർത്താവേ.