Latest / ദൈവത്തിലുള്ള യഥാർത്ഥ ജീവിതം - TLIG / Ep 19: എന്റെ നിയമം സ്നേഹത്തിന്റെ നിയമമാണ്.
Transcript
- എപ്പിസോഡ് 19. ഒന്ന്, രണ്ട്, 1987. ഒസൂല, ഇത് ഞാനാണ്, യേശു. ഞാൻ നിന്നെ സ്നേഹിക്കുന്നു. കുറ്റപ്പെടുത്തിക്കൊണ്ടോ, കഠിന വാക്കുകൾ ഉള്ളതോ ആയ സന്ദേശങ്ങൾ ഒന്നും തന്നെ എന്നിൽ നിന്ന് വരുന്നതല്ല. ഞാൻ സ്നേഹമാണ്. സ്നേഹം. സ്നേഹം. എന്റെ ഹൃദയം സ്നേഹത്തിന്റെ ഒരു അഗാത ഗർത്തമാണ്. നിനക്ക് പാകത്തിനുള്ള മാർഗ്ഗനിർദ്ദേശങ്ങളാണ് ഞാൻ നിനക്ക് നൽകിക്കൊണ്ടിരിക്കുന്നത്. പിച്ചവെച്ച് നടക്കാൻ തുടങ്ങുന്ന ഒരു കുട്ടിയുടെ സമാനമാണ് ഇപ്പോൾ നീ എന്ന് മനസ്സിലാക്കുക. ഇപ്രകാരമുള്ള കുട്ടി ധൈര്യത്തോടും ആത്മവിശ്വാസത്തോടും കൂടി നടക്കണമെന്ന് ആരും പ്രതീക്ഷിക്കുകയില്ല. ഒരു തുടക്കക്കാരിക്കുള്ള പരിശീലനമാണ് ഇപ്പോൾ ഞാൻ നൽകുന്നത്. പടിപടിയായിട്ട് ഞാൻ നിന്നെ പഠിപ്പിക്കുന്നു. നീ എന്നോടൊപ്പം എടുക്കുന്ന ഓരോ കാൽവെപ്പിലും ഞാൻ നിന്നെ അനുഗ്രഹിക്കുന്നു. എന്റെ കുഞ്ഞിനെ എന്നോടൊപ്പം നടക്കാൻ സഹായിക്കുകയും പഠിപ്പിക്കുകയും ചെയ്യുന്ന നിന്റെ പിതാവാണ് ഞാൻ. നീ വിചാരിച്ച കാര്യത്തിനുള്ള എന്റെ ഉത്തരമിതാ: ഞാൻ നിങ്ങളെല്ലാവരെയും ഒരുപോലെ സ്നേഹിക്കുന്നു. പ്രത്യേകം തെരഞ്ഞെടുക്കപ്പെട്ട വ്യക്തികളെ കുറിച്ച് അങ്ങ് പറയുന്നുണ്ടല്ലോ. നീ പ്രത്യേകം തെരഞ്ഞെടുക്കപ്പെട്ട ഒരാളല്ലേ? ഞാൻ നിങ്ങളെല്ലാവരെയും സ്നേഹിക്കുന്നു. മകളേ, നീ എന്റെ അരികിൽ ആയിരിക്കാൻ ഞാൻ എത്രമാത്രം ആഗ്രഹിച്ചു. നീ എന്നെ സ്നേഹിക്കണമെന്ന് ഞാൻ എത്രമാത്രം ആഗ്രഹിച്ചു. എന്റെ മറ്റെല്ലാ മക്കളും എന്നെ സ്നേഹിക്കണമെന്ന് ഞാൻ എത്രമാത്രം ആഗ്രഹിക്കുന്നു. ഞാൻ അവരെ വിളിക്കുന്നു. രാവും പകലും ഞാൻ അവരുടെ ഹൃദയവാതിലിന് പിന്നിൽ നിന്നുകൊണ്ട് അവരുടെ മറുപടിക്കായി കാത്തിരിക്കുന്നു. എന്റെ കണ്ണുകൾ ഇമപെട്ടാതെ അവിരാമം അവരെ നോക്കിക്കൊണ്ടിരിക്കുന്നു. ദുഃഖത്തോടെ ഞാൻ അവരെ നോക്കുന്നു. തങ്ങളുടെ ദരിദ്രാവസ്ഥ അവർ അറിഞ്ഞിരുന്നെങ്കിൽ, തങ്ങൾ തങ്ങളെ തന്നെ എത്രമാത്രം നശിപ്പിക്കുന്നുവെന്നും ദ്രോഹിക്കുന്നുവെന്നും അവർ അറിഞ്ഞിരുന്നുവെങ്കിൽ. ഞാൻ നിങ്ങളുടെ അരികെയുണ്ട്. എന്റെ അടുക്കൽ വരാൻ ഞാൻ നിങ്ങളെ വിളിക്കുന്നു. ഭയപ്പെടേണ്ട. ഞാൻ നിങ്ങളെ കുറ്റപ്പെടുത്തുകയില്ല. നിങ്ങളുടെ പാപങ്ങളെ പ്രതി നിങ്ങളെ കുറ്റപ്പെടുത്താൻ അല്ല ഞാൻ നിങ്ങളെ വിളിക്കുന്നത്. ഏതാനും നിമിഷനേരത്തേക്ക് മാത്രമാണെങ്കിൽ കൂടി എന്റെ അടുക്കലേക്ക് വരാൻ ഞാൻ നിങ്ങളെ വിളിക്കുന്നു. എന്റെ അടുക്കൽ വരിക. ദരിദ്രരെ, എന്റെ അടുക്കൽ വന്ന് നിങ്ങളുടെ സ്നേഹവാനായ പിതാവിനെ അറിയുക. തന്റെ സ്വന്തം ശരീരം കൊണ്ട് അവിടുന്ന് നിങ്ങളെ പോഷിപ്പിക്കും. തന്റെ രക്തത്താൽ അവിടുന്ന് നിങ്ങളുടെ ദാഹം ശമിപ്പിക്കും. നിങ്ങൾ രോഗിയാണെങ്കിൽ അവിടുന്ന് നിങ്ങളെ സുഖപ്പെടുത്തും. നിങ്ങൾ അസ്വസ്ഥരാണെങ്കിൽ അവിടുന്ന് നിങ്ങളെ ആശ്വസിപ്പിക്കും. നിങ്ങൾ മരവിച്ച അവസ്ഥയിൽ ആണെങ്കിൽ അവിടുന്ന് തന്റെ സ്നേഹം കൊണ്ട് നിങ്ങളെ പൊതിഞ്ഞ് നിങ്ങൾക്ക് ചൂട് പകർന്നു തരും. നിങ്ങൾ എന്നെ നിരസിക്കരുത്. ഞാൻ സ്നേഹമായതുകൊണ്ട് നിങ്ങളുടെ ദുഷ്ടതയിലും ഞാൻ നിങ്ങളെ സ്നേഹിക്കുന്നു. ഞാൻ പറയുന്നു, നിങ്ങൾ എന്നെ ദേഷ്യിക്കുമ്പോഴും ഞാൻ നിങ്ങളെ സ്നേഹിക്കുന്നു. ഞാൻ കരുണ നിറഞ്ഞ ദൈവമാണ്. എപ്പോഴും നിങ്ങളെ സ്വീകരിക്കുവാനും എന്റെ ഹൃദയത്തിൽ വസിക്കാൻ നിങ്ങൾക്ക് ഇടം നൽകുവാനും ഞാൻ തയ്യാറാണ്. മകളെ, പാപത്തിന്റെ വിഷലിപ്തമായ ആഴങ്ങളിലേക്ക് മുങ്ങിത്താഴുമ്പോഴും അവർ ഉറങ്ങുന്നത് കാണുമ്പോൾ എനിക്ക് എത്രമാത്രം വേദനയുണ്ടെന്നോ. അവരുടെ അകൃത്യങ്ങൾ അവരുടെ വ്യക്തിത്വത്തെ എത്രമാത്രം മലിനമാക്കിയെന്ന് അവർ മനസ്സിലാക്കിയിരുന്നെങ്കിൽ എന്ന് ഞാൻ ആശിക്കുന്നു. ഈ ലോക ജീവിതം കടന്നുപോകുന്ന ഒരു നിഴൽ മാത്രമാണ്. എന്നാൽ സ്വർഗ്ഗത്തിലെ നിങ്ങളുടെ ജീവിതമോ നിത്യമായിട്ടുള്ളതാണ്. അവിടെ നിങ്ങൾ നിങ്ങളുടെ സൃഷ്ടാവിന്റെ അരികിൽ തന്റെ മഹത്വത്തിൽ എന്നും എന്നേക്കും ജീവിക്കും. എന്തെന്നാൽ നിങ്ങൾ അവിടുത്തെ സ്വന്തം മക്കളാണെന്നുള്ളത് നിങ്ങളെ ഓർമ്മിപ്പിക്കുവാൻ ഞാൻ ആഗ്രഹിക്കുന്നു. വസൂല, തുടർന്നുള്ള സന്ദേശത്തിൽ എന്നെ പീഡിപ്പിക്കുന്നവരെയും എന്റെ നാമം ദുഷിക്കുന്ന എല്ലാവരെയും എന്റെ അടുക്കലേക്ക് ഞാൻ വിളിക്കും. അങ്ങനെ ആയിരിക്കട്ടെ, കർത്താവേ. രണ്ടേ, രണ്ടേ, 1987. അല്ലയോ, മകളെ, ഞാൻ നിങ്ങളിൽ നിന്ന് ആവശ്യപ്പെടുന്നത് സ്നേഹം മാത്രമാണ്. എന്റെ പിതാവ് നിങ്ങളെ സൃഷ്ടിച്ചത് സ്നേഹം നിമിത്തമാണ്. അവിടുന്ന് തന്റെ ഏകപുത്രനെ നൽകിയത് സ്നേഹം നിമിത്തമാണ്. ഞാൻ പീഡ അനുഭവിക്കുകയും കുരിശിൽ മരിക്കുകയും ചെയ്തത് സ്നേഹം നിമിത്തമാണ്. നിങ്ങളെ മരണത്തിൽ നിന്നും ഞാൻ രക്ഷിച്ചത് സ്നേഹം നിമിത്തമാണ്. അപ്പോൾ എന്തുകൊണ്ട്, എന്തുകൊണ്ട് നിങ്ങളിൽ ചിലർ എന്നെ ദുഷിക്കുകയും പീഡിപ്പിക്കുകയും ചെയ്യുന്നു? ഞാൻ നിങ്ങൾക്ക് നൽകിയിട്ടുള്ള കല്പനകൾ നിമിത്തമാണോ നിങ്ങൾ എന്നെ ദുഷിക്കുന്നത്? നിങ്ങൾ തന്നിഷ്ടം പോലെ ജീവിക്കുന്നതും നാശത്തിൽ നിബന്ധിക്കുന്നതും ഞാൻ തടയുകയാണ് എന്നതാണോ നിങ്ങളുടെ പരാതി? നിങ്ങൾ തന്നിഷ്ടം പോലെ ജീവിക്കുന്നതും നാശത്തിൽ നിബന്ധിക്കുന്നതും ഞാൻ തടയുകയാണ് എന്നതാണോ നിങ്ങളുടെ പരാതി? ഒരുപക്ഷേ നിങ്ങൾക്ക് പറഞ്ഞു തരാൻ ആരുമില്ലാത്തതിനാൽ എന്നെക്കുറിച്ച് നിങ്ങൾ ശരിയായി കേട്ടുകാണില്ലേ? അതുകൊണ്ട് നിങ്ങളുടേതായ സ്വന്തം നിയമങ്ങൾ രൂപീകരിച്ചതും നിങ്ങളുടേതായ ഇഷ്ടങ്ങൾക്ക് പുറകെ പോയി ലോകത്തിലെ സമ്പത്തിലും സുഖങ്ങളിലും മുങ്ങി ജീവിക്കുകയാണോ? പ്രിയമുള്ളവരെ, ഇതാണ് എന്നോടുള്ള നിങ്ങളുടെ വിദ്വേഷത്തിന്റെ ആരംഭം. നിങ്ങൾക്ക് എന്നെ അറിയില്ല എന്നത് തന്നെ. അതുകൊണ്ട് എന്നെ വന്നു കാണുക. ഞാൻ സ്നേഹമാണ്. എന്നെ വിശ്വസിക്കുക. നിങ്ങൾക്ക് എന്നെ അറിയില്ല എന്ന് പറയുകയാണെങ്കിൽ ഞാൻ നിങ്ങളോട് പറയുന്നു, നിങ്ങൾ ജനിക്കുന്നതിനു മുമ്പ് തന്നെ ഞാൻ നിങ്ങളെ അറിയുകയും നിങ്ങളെ വിശുദ്ധീകരിക്കുകയും ചെയ്തിരിക്കുന്നു. നിങ്ങൾ എന്നെ വിദ്വേഷിക്കുന്നു എന്ന് പറയുകയാണെങ്കിൽ ഞാൻ പറയുന്നു, ഞാൻ നിങ്ങളെ സ്നേഹിക്കുന്നു. നിങ്ങൾ എന്റെ നാമം അശുദ്ധമാക്കിയിട്ടുണ്ടെങ്കിൽ ഞാൻ നിങ്ങളോട് കരുണ കാണിച്ചിരിക്കുന്നു. നിങ്ങൾ എന്നെ മുറുപെടുത്തിയിട്ടുണ്ടെങ്കിൽ ഞാൻ നിങ്ങളെ ഇപ്പോഴും സ്നേഹിക്കുകയും സ്വർഗ്ഗത്തിൽ എന്റെ രാജ്യം അനുഭവിക്കാൻ നിങ്ങൾക്ക് വാഗ്ദാനം നൽകുകയും ചെയ്യുന്നു. നിങ്ങൾക്ക് തെറ്റുകൾ ഉണ്ടെങ്കിലും ഞാൻ അവ പരിഗണിക്കാതെ തന്നെ നിങ്ങളോട് പൂർണമായി ക്ഷമിക്കുന്നു. വസൂല, ഞാൻ നിന്നെ സ്നേഹിക്കുന്നു. ഇപ്പോൾ വിശ്രമിക്കുക. തുടർന്നുള്ള സന്ദേശങ്ങൾ പിന്നീട് നൽകുന്നതാണ്. പിന്നീട്. ഇതാ, ഞാൻ ഇവിടെയുണ്ട്. ഇത് ഞാൻ യേശുക്രിസ്തുവാണ്. മകളെ, ഇപ്പോൾ ഞാൻ നിനക്ക് എന്റെ വചനങ്ങൾ പറഞ്ഞു തരട്ടെ. എന്നെ കേട്ട് വിവേചിച്ചെഴുതുക. എന്റെ കണ്ണുകൾക്ക് നിങ്ങളെ കാണാനും നിങ്ങൾ ചെയ്തിട്ടുള്ളതെല്ലാം മനസ്സിലാക്കുവാനും കഴിയുന്നതുകൊണ്ടാണോ നിങ്ങൾ എന്നെ ഭയപ്പെടുകയും എന്നെ തള്ളിപ്പറയുകയും ചെയ്യുന്നത്? എന്നെ ഭയപ്പെടേണ്ട. ഞാൻ നേരത്തെ തന്നെ നിങ്ങളോട് ക്ഷമിച്ചിരിക്കുകയാണ്. നിങ്ങളുടെ രക്ഷയ്ക്ക് വേണ്ടിയാണ് എന്റെ രക്തം ചൊരിഞ്ഞത്. ഞാൻ ഭൂമിയിൽ ശരീരത്തോടെ ജീവിച്ചു. ഞാൻ പാപികളുടെ ഇടയിൽ ജീവിച്ച് രോഗികളെ സുഖപ്പെടുത്തുകയും മരിച്ചവരെ ഉയർപ്പിക്കുകയും ചെയ്തു. ഞാൻ നിങ്ങളെ ഉപേക്ഷിച്ചിട്ടില്ല. എന്തെന്നാൽ നിങ്ങളെ സൗഖ്യമാക്കി കൊണ്ട് ഞാൻ ഇപ്പോഴും നിങ്ങളുടെ ഇടയിലുണ്ട്. സൗഖ്യമാക്കപ്പെടുവാൻ എന്റെ അടുക്കലേക്ക് വരിക. ഞാൻ നിങ്ങളുടെ ദേഹിയെ എന്റെ അടുക്കലേക്ക് ഉയർത്തും. എന്നെ സ്നേഹിക്കാനും നിങ്ങൾ അന്യോന്യം സ്നേഹിക്കാനും ഞാൻ നിങ്ങളെ പഠിപ്പിക്കാം. നിങ്ങൾ ക്ഷീണിതരെങ്കിൽ എന്റെ ശക്തി നിങ്ങളെ താങ്ങി നിർത്തും. നിങ്ങൾക്ക് വഴിതെറ്റിയെങ്കിൽ ഞാൻ വന്ന് നിങ്ങളെ വഴി കാണിക്കാം. എന്റെ നിയമം സ്നേഹത്തിന്റെ നിയമമാണ്. നിങ്ങൾ ഈ നിയമം അനുസരിക്കുക. നിങ്ങൾ ഈ നിയമം അനുസരിക്കുന്നത് വഴി എന്നെ സ്വീകരിക്കുവാനായി ഞാൻ നിങ്ങളുടെ ഹൃദയങ്ങൾ തുറക്കും. ഞാൻ നിങ്ങളെ പ്രചോദിപ്പിക്കാം. ഞാൻ നിങ്ങളെ സ്നേഹിക്കാനും ക്ഷമിക്കാനും വിശുദ്ധിയിൽ ജീവിക്കാനും പഠിപ്പിക്കാം. അതിനാൽ പ്രിയപ്പെട്ടവരെ വരിക. വന്ന് എന്നിൽ നിന്ന് പഠിക്കുക. ഞാൻ സ്നേഹമാണ്. ഞാൻ സമാധാനമാണ്. ഞാൻ കരുണയാണ്. ഞാൻ ശാന്തശീലനും എളിമയും ഉള്ളവനാണ്. ഞാൻ ക്ഷമയാണ്. ഞാൻ നിങ്ങളെ എല്ലാവരെയും സ്നേഹിക്കുന്നു. മൂന്ന്, രണ്ടേ, 1987. കർത്താവേ, എനിക്ക് മുമ്പംഗം ഇല്ലാത്തതുപോലുള്ള ശൂന്യത അനുഭവപ്പെടുന്നു. കല്ലുപോലുള്ള മരവിപ്പ്. വസൂല, നിന്റെ ശാഖകളെ വെട്ടിയൊരുക്കി നിനക്ക് ശക്തി തരുന്നത് ഞാനാണ്. ഞാൻ നിന്റെ ഉത്തമ സൂക്ഷിപ്പുകാരനാണ്. നിന്നിൽ നിന്ന് ധാരാളം ഫലം ഉളവാകുന്നതിനു വേണ്ടി ഞാൻ നിന്നെ വെട്ടിയൊരുക്കി ശക്തിപ്പെടുത്തുകയാണ്. നാലേ, രണ്ടേ, 1987. കുഞ്ഞേ, ഞാൻ നിന്നെ സ്നേഹിക്കുന്നത് എന്തുകൊണ്ടാണെന്ന് അറിയാമോ? ഇതാണ് അതിനുള്ള മറ്റൊരു കാരണം. നിന്നെ വെട്ടിയൊരുക്കുവാൻ എന്നെ അനുവദിക്കുന്ന, നിന്നെ പോഷിപ്പിക്കുവാൻ എന്നെ അനുവദിക്കുന്ന, നിന്നിൽ പ്രക്ഷോഭിച്ചു തിളങ്ങുവാൻ എന്റെ പ്രകാശത്തെ അനുവദിക്കുന്ന എന്റെ പുഷ്പമാണ് നീ. സമാധാനത്തിന്റെയും സ്നേഹത്തിന്റെയും ഫലങ്ങൾ വഹിക്കുവാൻ ഞാൻ നിന്നെ വളർത്തുകയാണ്. ഞാൻ നിന്റെ കർത്താവും യജമാനനുമാണ്. അഞ്ചേ, രണ്ടേ, 1987. പ്രിയപ്പെട്ടവളെ, ഞാനാണ് യഹോവ. ഞാനാണ് നിനക്ക് സന്ദേശങ്ങൾ നൽകുന്നത്. മകളെ, ഞാൻ നിനക്ക് പോഷണം നൽകി നിന്നെ രൂപപ്പെടുത്തുകയാണ്. ഞാൻ സർവ്വശക്തനാണ്. യാതൊരു ഭയവും വേണ്ട. മകളെ, എന്നെ ശ്രവിക്കുക. എന്റെ വചനം പാലിക്കുക. നീ എന്റെ സാക്ഷിയായിരിക്കുന്നതിനു വേണ്ടി ഞാൻ നിന്നെ തിന്മയുടെ ഇരുളിൽ നിന്ന് എന്റെ പ്രകാശത്തിലേക്ക് കൊണ്ടുവന്നിരിക്കുന്നു. ഞാൻ നിനക്ക് ശക്തി നൽകും. യാതൊരു സംശയവും വേണ്ട. ഞാൻ എപ്പോഴും നിന്നോട് കൂടെയുണ്ട്. എന്റെ കഴിവില്ലായ്മ വളരെയാണ്. ചുറ്റുപാടുകളെ സംബന്ധിച്ചും എനിക്ക് ഭയമാണ്. നീ ഭയപ്പെടേണ്ട. എന്റെ ശത്രുക്കളെ ചവിട്ടി മെതിക്കുവാനുള്ള എന്റെ ശക്തി നിനക്ക് നൽകിക്കൊണ്ട് എന്റെ അധികാരം നിന്നെ വലയം ചെയ്യും. എപ്പോഴും ജാഗ്രതയോടെ ഇരിക്കുക. ഈ സന്ദേശങ്ങൾ എന്നിൽ നിന്നല്ല വരുന്നതെന്ന് പറഞ്ഞ് നിന്നെ നിരുത്സാഹപ്പെടുത്തുവാൻ അനേകർ ശ്രമിക്കും. നീ എത്രമാത്രം ചെറുതാണെന്നും നിസ്സഹായയാണെന്നും എനിക്കറിയാം. അതുകൊണ്ട് എപ്പോഴും എന്നോട് കൂടെ ആയിരിക്കുക. ഞാനും നിന്നെ നയിക്കട്ടെ. എല്ലാ അധികാരവും എന്നിൽ നിന്ന് വരുന്നു. ജ്ഞാനം എന്നിൽ നിന്നാണ് വരുന്നതെന്ന് മനസ്സിലാക്കുക. യഹോവയായ ഞാനാണ് സംസാരിക്കുന്നതെന്ന് കണ്ണുള്ളവർ കാണട്ടെ. ഹൃദയമുള്ളവർ മനസ്സിലാക്കട്ടെ. ഞാൻ നിങ്ങളെ ഒരിക്കലും ഉപേക്ഷിച്ചിട്ടില്ല. എന്റെ നൽകപ്പെട്ട തിരുവചനം പുനസ്ഥാപിക്കാൻ വേണ്ടിയാണ് ഞാൻ ജ്ഞാനം തരുന്നത്. എനിക്ക് നിങ്ങളെല്ലാവരോടുമുള്ള എന്റെ സ്നേഹം നിങ്ങളെല്ലാവരെയും ഓർമ്മിപ്പിക്കുവാനും നിങ്ങളെ അനുഗ്രഹിക്കുവാനുമായി ഞാൻ വന്നിരിക്കുന്നു. നിങ്ങൾ നശിച്ചുപോകുവാൻ ഞാൻ ആഗ്രഹിക്കുന്നില്ല. ഭോഷന്മാർക്ക് ഹാ കഷ്ടം. ആ സമയം ആസന്നമായിരിക്കുന്നതിനാൽ നിങ്ങളെ തന്നെ ശുദ്ധീകരിക്കുവിൻ. എന്റെ വചനം ശ്രവിക്കുക. ഞാൻ പറയുന്നത് നിങ്ങൾ അനുഷ്ഠിക്കുമ്പോൾ ഞാൻ നിങ്ങളോട് ക്ഷമിക്കും. സമാധാനത്തിലും സ്നേഹത്തിലും ജീവിക്കുവാൻ തക്കവിധമാണ് ഞാൻ നിങ്ങളെ നയിക്കുന്നത്. സമാധാനത്തിലും സ്നേഹത്തിലും ജീവിക്കുവാൻ തക്കവിധമാണ് ഞാൻ നിങ്ങളെ നയിക്കുന്നത്. എന്തെന്നാൽ ഞാൻ സമാധാനത്തിന്റെയും സ്നേഹത്തിന്റെയും ദൈവമാണ്. വിശുദ്ധിയിൽ ജീവിക്കുക. പാപമോചനത്തിനായി പ്രാർത്ഥിക്കുക. ഞാൻ നിങ്ങളെ അനുഗ്രഹിക്കും. സ്നേഹത്താൽ സൃഷ്ടിക്കപ്പെട്ട എന്റെ മക്കളാണ് നിങ്ങളെല്ലാവരും. വരൂ, എന്റെ വചനത്തെ നിങ്ങളുടെ ഹൃദയത്തിൽ ചേർത്ത് ബന്ധിക്കുക. എന്തെന്നാൽ യഹോവയായ ഞാനാണ് നിങ്ങളെ നയിക്കുന്നത്. കർത്താവേ, ഞാൻ നിസ്സഹായയാണ്. എനിക്ക് യാതൊന്നും അറിയില്ല. എന്റെ മുമ്പിൽ ഒരു പർവ്വതം മാത്രം ഞാൻ കാണുന്നു. ഭയപ്പെടാതിരിക്കൂ, വസൂല. എന്തെന്നാൽ എന്റെ വചനത്താൽ ഞാൻ ഉയർത്തെഴുന്നേൽപ്പിച്ച ആദ്യത്തെ നിസ്സഹായയായ സന്ദേശവാഹകയല്ല നീ. എന്നിൽ വിശ്വസിക്കുക. എന്നെ ആശ്രയിക്കുക. ഞാൻ നിന്നെ വഴി നടത്തുന്നു.