ابنك مش فاهم الجمع؟ جربي الطريقة دي بالأقلام ✏️
ابنك مش فاهم الجمع؟ جربي الطريقة دي بالأقلام ✏️
لو ابنك لسه بيتعلم يعني إيه جمع، بلاش نبدأ معاه بالأرقام وعلامة + على طول.
جربي تجيبي طبقين من البيت وتحطي في واحد قلمين، وفي التاني 3 أقلام.
وقولي له:
«عايزين نخلي الأقلام دي كلها مع بعض في طبق واحد.»
خليه هو ينقلهم ويجمعهم، وبعدها يعدهم بنفسه.
لما يوصل لـ5، ساعتها نبدأ نقوله:
كان عندنا 2، وزودنا عليهم 3، فبقوا 5.
يعني: 2 + 3 = 5.
الفكرة إن الطفل يشوف الجمع ويحركه بإيده الأول، وبعدها ياخد الرمز الرياضي.
مش الهدف إنه يحفظ المسألة… الهدف إنه يفهم إيه اللي حصل فعلًا. 🤍
#على_قد_عقلنا, #الجمع, #تعليم_الجمع, #تعليم_الأطفال, #تأسيس_رياضيات…
The skinny
The skinny isn't ready yet — notes appear once the transcript is processed.