Latest / ദൈവത്തിലുള്ള യഥാർത്ഥ ജീവിതം - TLIG / Ep 78: പ്രിയ സൃഷ്ടിയേ, നീ അന്ത്യകാലത്തിലാണ് ജീവിക്കുന്നത്.
Transcript
- എപ്പിസോഡ് 78. 27/09/1988, യേശുവേ. ഇത് ഞാനാണ്. ഞാൻ നിനക്ക് നൽകിയിട്ടുള്ള നിർദ്ദേശങ്ങൾ പാലിക്കുക; എന്നെ സംസാരിക്കുവാൻ അനുവദിക്കുക; വിനീതയായി ഒന്നുമില്ലായ്മയായി നിലകൊള്ളുക; എന്റെ നിരപ്പായ പാതയെ തിരിച്ചറിഞ്ഞ് അംഗീകരിക്കുക. എന്റെ പാത റജുവാണ്; അതിനാൽ നീ ഇടത്തോട്ടോ വലത്തോട്ടോ നോക്കേണ്ട. എന്റെ രഹസ്യങ്ങളിലേക്ക് പ്രവേശിക്കുവാൻ ഞാൻ നിന്നെ അനുവദിച്ചിരിക്കുന്നു; എന്റെ എഴുത്തുപലകയായിരിക്കുന്നതിന് വേണ്ടി ഞാൻ നിന്നെ തിരഞ്ഞെടുത്തിരിക്കുന്നു; പത്രോസിനെ, മാർപാപ്പയെ കാണുന്നതിന് വേണ്ടി, നിന്നെ ഞാൻ വിനീതയായി എന്റെ ഭവനമായ സഭയിലേക്ക് ആകർഷിച്ചിരിക്കുന്നു. സമാധാനത്തിന്റെയും സ്നേഹത്തിന്റെയും എന്റെ സന്ദേശം എന്റെ ശത്രുക്കളെ നിരായുധരാക്കും. എന്റെ പ്രവർത്തികൾ ഞാൻ പൂർത്തിയാക്കിയിട്ടില്ല; കാത്തിരുന്നു കാണുക. എന്റെ ഭവനമായ സഭ നാശാവസ്ഥയിലാണ്, എന്നാൽ ഏറ്റവും മോശമായത് സംഭവിക്കാനിരിക്കുന്നു. എന്റെ ശരീരമായ സഭയിലുള്ള അഹങ്കാരം നിറഞ്ഞ എന്റെ ശിരസ്സിലെ മുള്ളുകളായ കായന്മാർ എന്റെ ആബേലുമാരെ കൊന്നുകളയുവാൻ പരിശ്രമിക്കുന്നു. ഈ ആബേലുമാർ എന്റെ ആത്മാവിന്റെ പ്രചോദനങ്ങളെ ഗ്രഹിച്ചുകൊണ്ട് എന്നെ ആത്മാർത്ഥമായി സ്നേഹിക്കുന്നവരാണ്. ഈ കായന്മാരുടെ പൊങ്ങച്ചം വിലാപമായി തീരുകയും എന്റെ അഗ്നി അവിശ്വസ്തരായ ഈ ശുശ്രൂഷകരെ കത്തിച്ച് ചാമ്പലാക്കുകയും ചെയ്യും. കാരണം എനിക്ക് സമർപ്പിക്കുവാൻ അവരുടെ കൈവശം എന്താണുള്ളത്? തങ്ങളുടെ ദുരാശകളാലും മത അന്ധതയാലും അവർ എന്റെ ആത്മാവിനെ ചവിട്ടിമെതിക്കുന്നു. അവരുടെ അവിശ്വസ്തത അവരെ വഴിതെറ്റിക്കും; ഇനി അവർക്ക് യാതൊന്നും വ്യക്തമായി കാണുവാൻ സാധിക്കുന്നില്ല. വസൂല, നിന്റെ മനസ്സിലുള്ള ചോദ്യം എഴുതുക; കാരണം നിന്റെ ഈ ചോദ്യം അനേകരുടെ മനസ്സിലുള്ള ചോദ്യമാണ്. കർത്താവേ, അങ്ങയെ യഥാർത്ഥമായി സ്നേഹിക്കുകയും അങ്ങയോട് വിശ്വസ്തത പുലർത്തുകയും ചെയ്യുന്ന ദാസന്മാർ ഒട്ടുമില്ലേ? എന്നെ യഥാർത്ഥമായി സ്നേഹിക്കുകയും എന്റെ ആത്മാവിനെ ഗ്രഹിക്കുകയും ചെയ്യുന്ന കുറച്ചുപേരുണ്ട്. ഇവർ എന്റെ മുറിവിന് ആശ്വാസം പകരുന്നു; എന്റെ തിരുഹൃദയമാണ് അവരുടെ ഭവനം. കർത്താവേ, അൽമായരുടെ കാര്യമോ? അൽമായരിലും വളരെ കുറച്ചുപേർ മാത്രമേ എന്നിലും എന്റെ ദൈവീക പരിപാലനയുടെ പ്രവർത്തികളിലും വിശ്വസിക്കുന്നുള്ളൂ. ഭൂരിപക്ഷം അൽമായരും തങ്ങളുടെ ദൈവമായ എന്നെ പരിത്യജിച്ചിരിക്കുന്നു. എന്റെ തിരുഹൃദയത്തിന്റെ അടിത്തട്ടിൽ കുന്തമുന തറച്ചിരിക്കുന്നു; കായന്മാരുടെ കുന്തമുനയാണ് എന്റെ രക്തം വാർന്നൊഴുകുവാൻ കാരണമാകുന്നത്. ഈ കായന്മാരാണ് എന്റെ കഠിനമായ സഹനത്തിന് കാരണമാകുന്നത്. കർത്താവായ ഞാൻ അവിചാരിതമായ സമയത്ത് ഈ കായന്മാരുടെ അടുക്കലെത്തും; പെട്ടെന്ന്, ആരും എന്നെ പ്രതീക്ഷിക്കാത്ത സമയത്ത്, ഞാൻ എന്റെ ആലയമായ സഭയിൽ പ്രവേശിക്കും. അതിനുള്ള ദിനങ്ങൾ എണ്ണപ്പെട്ടിരിക്കുന്നു; ഇടിമിന്നൽ പോലെ ഞാൻ ഇറങ്ങിവരും. എന്നെ സ്നേഹിക്കാത്ത എല്ലാവരോടും ഒപ്പം ജെറുസലേമിനെ ഞാൻ ശുദ്ധീകരിക്കും; അവൾ ഒരു മൺകൂനയായി തകർന്നടിയും. ഞാൻ അവളുടെ വിധിയാളനായിരിക്കും; അവളെ ഞാൻ കർക്കശമായി വിധിക്കും. എന്നാൽ എന്റെ പരിശുദ്ധ നാമത്തോട് വിശ്വസ്തരായിരുന്ന എല്ലാവരെയും കർത്താവായ ഞാൻ ഉയർത്തി എന്റെ പുതിയ ജെറുസലേമിൽ നിലനിർത്തും. അവർ എന്റെ കല്പനകളും എന്റെ നിയമവും പരിപാലിച്ചവരായതിനാൽ അവർ ഭയപ്പെടേണ്ടതില്ല. അവർ അടിച്ചമർത്തപ്പെട്ടെങ്കിലും, എന്നോടുള്ള അവരുടെ നിലവിളികളെ എന്റെ ശത്രുക്കൾ നിശബ്ദമാക്കി കളഞ്ഞെങ്കിലും, ഞാൻ അവരുടെ പ്രാർത്ഥനകളും വിലാപങ്ങളും കേട്ടിരുന്നു. എന്റെ കണ്ണുകൾ ഒരിക്കലും ആ വിശുദ്ധരെ വിട്ടുപിരിഞ്ഞില്ല; അവർ എന്നെ ഭയപ്പെട്ടു. എന്റെ വചനത്തോട് വിശ്വസ്തത പാലിച്ചുകൊണ്ട് അവർ എന്നെ സ്തുതിച്ചു. എന്നെ പ്രസാദിപ്പിക്കുന്ന സൽപ്രവർത്തികൾ ചെയ്തുകൊണ്ട് ഞാൻ അവർക്ക് നൽകിയ കൃപകളും നന്മകളും അവർ മറ്റുള്ളവർക്ക് പങ്കുവെച്ചു. പ്രിയപ്പെട്ട സൃഷ്ടികളേ, നിങ്ങൾ ഒരു യുഗസന്ധ്യയിലാണ് ജീവിക്കുന്നത്. ദുഷിച്ച ജീവിതം സാധൂകരിക്കുന്നതിന് വേണ്ടിയുള്ള തങ്ങളുടെ വഞ്ചനാത്മകമായ തത്വങ്ങൾ യഥേഷ്ടം പിന്തുടരേണ്ടതിന്, മതജീവിതത്തെ പരിഹസിക്കുകയും പ്രവചനത്തിന്റെ ആത്മാവിനെ ഞെരുക്കുകയും ദീർഘദർശികളെ നിന്ദിക്കുകയും ചെയ്യുന്ന മനുഷ്യർ ഇക്കാലത്തുണ്ടാകും. അവരുടെ കഴിവുകൾ വികൃത ആവിഷ്കാരങ്ങളായി മാറി അവരെ വഴിതെറ്റിച്ചു. തിന്മയെ സ്നേഹിക്കുന്ന അവർക്ക് വിശുദ്ധി പാലിക്കാൻ സാധിക്കുന്നില്ല. മൂഢത്വത്തിൽ ആകർഷിക്കപ്പെടുന്നവരെ പോലെ അവർ വഞ്ചനാത്മകമായ ആചാരങ്ങളിലേക്കും ബ്ലാക്ക് മാസുകളിലേക്കും വലിച്ചഴക്കപ്പെടുന്നു. സാത്താനെയാണ് അവർ ആരാധിക്കുന്നത്; അതല്ലെങ്കിൽ ഇക്കൂട്ടർ വലിയ ദുഷിച്ച ജീവിതം നയിക്കുന്നു. അവരുടെ ദുഷിച്ച ജീവിതം തന്നെ അവരെ കുറ്റം വിധിക്കുന്നു. സത്യം കാണാനും കേൾക്കാനും ചെയ്യാതിരിക്കാൻ അവർ തങ്ങളുടെ കണ്ണും ചെവിയും അടച്ചുപൂട്ടി. അവരുടെ ദൈവമായ എന്നെ അംഗീകരിക്കുവാൻ വിസമ്മതിച്ചതിനാൽ, അവരുടെ പാപം അവരെ അധപ്പതനത്തിലേക്കും അവരുടെ വ്യക്തിത്വത്തിന്റെ നാശാവസ്ഥയിലേക്കും അവരെ തള്ളിയിടുന്നു. സുവിശേഷം പ്രഘോഷിക്കപ്പെടേണ്ട രീതിയിൽ പ്രഘോഷിക്കുന്നതിൽ വിശ്വസ്തത പുലർത്തുന്ന വളരെ കുറച്ചുപേർ മാത്രമേ നമ്മുടെ ഈ കാലഘട്ടത്തിൽ അവശേഷിക്കുകയുള്ളൂ എന്ന് പറയപ്പെട്ടിട്ടുണ്ട്. തങ്ങളുടെ അവിശ്വസ്തതയാൽ എന്നെ ഒറ്റിക്കൊടുത്തുകൊണ്ട് അനേകം പേർ യുക്തിവാദത്തിലേക്ക് നിബന്ധിക്കും. ഈ യുക്തിവാദം എന്റെ സഭയെ ഒരു മരുഭൂമിയാക്കി തീർത്തിരിക്കുന്നു. ഇത് അതിനെ ഉഗ്രവിഷമുള്ള അണലികൾ യഥേഷ്ടം നിവസിക്കുന്ന ഒരു നാശകൂമ്പാരമാക്കി തീർത്തിരിക്കുന്നു. എന്റേതല്ലാത്ത സ്വന്തം താല്പര്യങ്ങൾ അന്വേഷിക്കുന്ന, തങ്ങളുടെ ധനമോഹത്തെ തൃപ്തിപ്പെടുത്തിക്കൊണ്ട് ലൗകിക സിംഹാസനത്തിൽ ഉപവിഷ്ടരായിരിക്കുന്ന എന്റെ പരിശുദ്ധ നാമത്തെ അശുദ്ധമാക്കുന്നവരെ, നിങ്ങൾ സൃഷ്ടിച്ചിരിക്കുന്ന മരുഭൂമിയിൽ വന്ന് നിങ്ങളോട് ഞാൻ വിളിച്ചു പറയുന്നു: നിങ്ങളെ ശുദ്ധീകരിക്കുന്ന ദിനത്തിനു മുമ്പ് നിങ്ങൾ എന്റെ പക്കലേക്ക് വന്ന് പശ്ചാത്തപിക്കുവിൻ എന്ന്. ഈ ബലഹീന ഉപകരണത്തിലൂടെ നിങ്ങളോട് സംസാരിക്കുന്ന എന്റെ സത്യാത്മാവിനെ നിങ്ങൾ അടിച്ചമർത്തരുതെന്ന് കർത്താവായ ഞാൻ നിങ്ങൾക്ക് മുന്നറിയിപ്പ് നൽകുന്നു. ഞാനും എന്റെ ശിഷ്യന്മാരും ഏത് അവസ്ഥയിലാണ് പ്രവർത്തിച്ചതെന്നും എവിടെയാണ് ഞങ്ങൾ തലചായ്ച്ചുറങ്ങിയതെന്നും എന്റെ സഭ അനുസ്മരിക്കണമെന്ന് ഞാൻ ഗൗരവമായി നിങ്ങളോട് പറയുന്നു. ഞങ്ങൾക്ക് വിശ്രമിക്കുവാൻ യാതൊരു സ്ഥലവുമില്ലായിരുന്നു; കൊട്ടാരങ്ങൾ രാജാക്കന്മാർക്കുള്ളതായിരുന്നു; എനിക്കോ എന്റെ ശിഷ്യന്മാർക്കോ ഉള്ളതായിരുന്നില്ല. കർത്താവേ, അങ്ങ് ആരെയാണ് ഉദ്ദേശിക്കുന്നതെന്ന് തിരിച്ചറിഞ്ഞിട്ടുള്ളവർക്ക് ഈ ഭാഗം ശ്രവിക്കുവാൻ ഇഷ്ടമുണ്ടാവില്ല. കൂടാതെ ഈ സന്ദേശത്തെ ഞെരുക്കുന്നതിനുള്ള മറ്റൊരു കാരണമായി അവർ ഇതിനെ കാണും. വാസ്തവമാണ്, എന്റെ വചനം ശ്രവിക്കുവാൻ ചിലർക്ക് താല്പര്യമുണ്ടാവില്ല. തങ്ങളുടെ വ്യർത്ഥാഭിമാനത്താൽ അവർ എന്നെയും എന്റെ സഭയെയും ശ്വാസം മുട്ടിച്ചു കൊല്ലുന്നു. അവരുടെ പക്ഷപാതത്താൽ എനിക്കും എന്റെ സഭയ്ക്കും ശ്വാസം മുട്ടുന്നു. ജീവശ്വാസം നൽകുവാൻ എനിക്ക് സഭയിൽ ഒരിടവുമില്ല. എന്റെ ഭവനമായ സഭയുടെ എല്ലാ ജനലുകളും അവർ അടച്ചുപൂട്ടിയിരിക്കുന്നു. എന്റെ പ്രകാശത്തിന് സഭയിൽ പ്രവേശിക്കുവാൻ കഴിയുന്നില്ല. സഭയുടെ ഉള്ളിലെ വായുമണ്ഡലം ശുദ്ധീകരിക്കുന്നതിന്, സഭയ്ക്കുള്ളിൽ പോലും ചലിക്കുവാൻ എന്റെ ആത്മാവിന് സാധിക്കാത്ത തരത്തിൽ, അവർ എല്ലാ വാതായനങ്ങളും അടച്ചിരിക്കുന്നു. ഉറകെട്ടുപോയ ഉപ്പുപോലെയാണ് ഈ മനുഷ്യർ. എന്റെ പ്രകാശത്തെ കടത്തിവിടാത്ത നിറപ്പകിട്ടുള്ള അലങ്കാര ഗ്ലാസ് ജനൽ പോലെയാണ് അവർ. അവരെ വിശുദ്ധീകരിക്കുന്നതിന് എന്റെ പരിശുദ്ധിയെ അവർ അനുവദിക്കുന്നില്ല. ഈ നാളുകളിൽ സാത്താന്റെ ആവി മൂടൽമഞ്ഞുപോലെ താക്കോൽ ദ്വാരങ്ങളിലൂടെയും വിജാഗിരികളുടെ വിടവുകളിലൂടെയും സഭയ്ക്കുള്ളിലേക്ക് പ്രവേശിച്ചുകൊണ്ടിരിക്കുന്നു. നിങ്ങളുടെ പരിത്യാഗ പ്രവർത്തികളും പ്രാർത്ഥനകളും ഇരട്ടിപ്പിക്കണമെന്ന് ഞാൻ ഗൗരവപൂർവ്വം നിങ്ങളോട് അഭ്യർത്ഥിക്കുന്നു. എന്നെ സ്നേഹിക്കുന്നവർ വളരെ വലിയ പരിഹാര പ്രവർത്തികൾ ചെയ്യേണ്ടതുണ്ട്. ഈ വർഷം സാത്താൻ തന്റെ കോപവെറിയാൽ എന്റെ സഭയ്ക്കെതിരായിട്ടുള്ള അവന്റെ പ്രവർത്തികൾ ഇരട്ടിപ്പിച്ചിരിക്കുന്നു. ഈ മരിയൻ വർഷത്തിൽ എന്റെ സഭയിലെ ഒരു വിഭാഗത്തെ അടർത്തിയെടുക്കുവാൻ അവർ തീരുമാനിച്ചിരിക്കുന്നു. ഈ വിഭാഗീയതയെ കുറിച്ചും സഭയോട് നിങ്ങൾ ഒട്ടിച്ചേർന്ന് നിൽക്കണമെന്നും ഞാൻ നിങ്ങൾക്ക് മുന്നറിയിപ്പ് നൽകിയിട്ടുണ്ടായിരുന്നു. എന്റെ കരം പിടിച്ചുകൊണ്ട് എന്നോടൊപ്പം നടക്കുക; എന്റെ വസൂല, എന്റെ കുരിശു വഹിക്കുന്നതിൽ എന്നോടൊപ്പം പങ്കുചേരുക. എന്റെ പ്രവർത്തികൾ പൂർത്തിയായിട്ടില്ല; കുഞ്ഞേ, കർത്താവായ ഞാൻ എന്റെ സമാധാനം നിനക്ക് നൽകുന്നു. നീ സമാധാനത്തിലായിരിക്കുക; എന്റെ സാന്നിധ്യത്തിൽ പുഞ്ചിരിക്കണമെന്ന് നീ ഓർക്കണം. എന്റെ സാന്നിധ്യം ഒരിക്കലും വിസ്മരിക്കരുത്. കർത്താവേ, കരുണയായിരിക്കണമേ എന്ന് എന്നോട് പ്രാർത്ഥിക്കുക. ഞാൻ നിനക്ക് അനേകം കൃപാദാനങ്ങൾ നൽകിയിരിക്കുന്നതിനാൽ നീ എന്നെ പ്രസാദിപ്പിക്കുക. അതെ, എന്റെ കർത്താവേ, അങ്ങ് എനിക്ക് വളരെയധികം കൃപാദാനങ്ങൾ നൽകിയിരിക്കുന്നു. പരിശുദ്ധരിൽ പരിശുദ്ധനായവനെ, ഞാൻ അങ്ങയെ സ്നേഹിക്കുന്നു. അങ്ങ് എനിക്ക് വളരെയധികം കൃപാദാനങ്ങൾ നൽകിയിട്ടുണ്ട്; അവയെപ്പറ്റി എപ്പോഴും പ്രഘോഷിക്കണമെന്ന് ഞാൻ ആഗ്രഹിക്കുന്നു. അങ്ങ് എനിക്ക് നൽകിയിരിക്കുന്ന കൃപാദാനങ്ങൾ എണ്ണിത്തീർക്കുവാൻ പോലും എനിക്ക് കഴിയുന്നില്ല. അങ്ങയുടെ സ്വരം ശ്രവിക്കുന്നതിന് അങ്ങ് എന്റെ ചെവികൾ തുറന്നു. മൃതരിൽ നിന്ന് എന്നെ അങ്ങ് എന്നെ ഉയർപ്പിച്ചു. അങ്ങയുടെ സ്നേഹവും വിശ്വസ്തതയും എപ്പോഴും എന്നെ കാത്തുസൂക്ഷിക്കുമാറാകട്ടെ. അങ്ങ് എനിക്ക് ചെയ്തതെല്ലാം അങ്ങ് എന്റെ എല്ലാ സഹോദരങ്ങൾക്കും ചെയ്യണമേ. കർത്താവേ, അങ്ങനെ അങ്ങയുടെ നന്മകൾ അവരും പ്രഘോഷിക്കട്ടെ. എന്റെ കുഞ്ഞേ, ഞാൻ നിങ്ങളെല്ലാവരെയും വിളിക്കുന്നു; നിങ്ങൾ ഓരോരുത്തരെയും ഞാൻ അന്വേഷിക്കുന്നു. നിങ്ങളുടെ ഹൃദയങ്ങളിൽ പ്രവേശിക്കുവാൻ എന്നെ അനുവദിക്കുവിൻ; ഞാൻ നിങ്ങളെല്ലാവരെയും സുഖപ്പെടുത്താം. വരൂ, ഇപ്പോൾ വിശ്രമിക്കുക; ഞാൻ എപ്പോഴും നിന്നോടൊപ്പമുണ്ട്; ഇക്കാര്യം ഒരിക്കലും മറക്കരുത്. 29/09/1988, മുഖ്യദൂതന്മാരായ വിശുദ്ധ മിഖായേലിന്റെയും വിശുദ്ധ ഗബ്രിയേലിന്റെയും വിശുദ്ധ റാഫേലിന്റെയും തിരുനാൾ ദിവസം. ഞാൻ വിശുദ്ധ മിഖായേൽ മാലാഖയോട് പ്രാർത്ഥിച്ചു. വിശുദ്ധ മിഖായേൽ മാലാഖ സംസാരിക്കുന്നു. അത്യുന്നതനായ ദൈവത്തിന് മഹത്വം ഉണ്ടായിരിക്കട്ടെ. എന്നാൽ അവിടുന്ന് നിന്നെ മൃതരിൽ നിന്ന് ഉയർപ്പിച്ചിരിക്കുന്നു. സാത്താന്റെ പ്രവർത്തനങ്ങളെക്കുറിച്ച് നീ എപ്പോഴും ജാഗ്രത പാലിക്കണം. കർത്താവിനു മുമ്പിൽ നിന്നെ തന്നെ നീ ശാന്തമാക്കണം. എന്നോട് പ്രാർത്ഥിക്കുക. ഭൂതോച്ഛാടനത്തിന് വിശുദ്ധ മിഖായേൽ മാലാഖയോടുള്ള പ്രാർത്ഥന നടത്താമോ? അതെ, തിന്മയെ എതിരിടുന്നതിന് ഈ പ്രാർത്ഥന എത്ര ഉപകാരപ്രദമെന്ന് ദൈവത്തിന്റെ സൃഷ്ടികൾ അറിഞ്ഞിരുന്നെങ്കിൽ, അവർ എല്ലാ ദിവസവും ഈ പ്രാർത്ഥന ചൊല്ലി പ്രാർത്ഥിക്കുമായിരുന്നു. ദൈവത്തിന്റെ വചനം ശ്രവിക്കാൻ എപ്പോഴും ഒരുങ്ങിയിരിക്കുവിൻ. അത്യുന്നതനായ ദൈവം നിന്നെ സ്നേഹിക്കുന്നു. വിശുദ്ധ മിഖായേൽ മാലാഖയേ, തിന്മയിൽ നിന്നും ഞങ്ങളെ കാത്തു രക്ഷിക്കുന്നതിന് അങ്ങേയ്ക്ക് നന്ദി, എന്റെ കർത്താവേ. ഇത് ഞാനാണ്; നിന്റെ ചുറ്റിലുമുള്ളത് മരുഭൂമിയാണെന്ന് ഓർക്കുക. വസൂല, നിന്റെ പാപങ്ങളെക്കുറിച്ച് പശ്ചാത്തപിക്കുകയും അവ എന്നോട് ഏറ്റുപറയുകയും ചെയ്യണം. ഞാൻ ഇപ്പോൾ നിന്നെ ശ്രവിക്കുന്നു. ഞാൻ എന്റെ പാപങ്ങൾ കർത്താവിനോട് ഏറ്റുപറഞ്ഞു. ഞാൻ നിന്റെ പാപങ്ങൾ പൂർണമായി ക്ഷമിക്കുന്നു. നിന്റെ ദേഹിയെ കളങ്കപ്പെടുത്തിയിരിക്കുന്ന നിന്റെ പാപങ്ങൾ ഞാൻ നിന്നോട് ക്ഷമിക്കുന്നു. എന്റെ സമാധാനം നിനക്കുണ്ടാകട്ടെ. എന്റെ എല്ലാ സൃഷ്ടികളോടും ഇക്കാര്യം പറയുവാൻ ഞാൻ ആഗ്രഹിക്കുന്നു. എന്റെ കല്പന ഞാൻ നിങ്ങൾക്കെല്ലാവർക്കും നൽകിയിട്ടുണ്ട്; എന്റെ ഈ കല്പന നിങ്ങൾ എല്ലാവരും അനുസരിക്കണം. എന്റെ സഭയിൽ നിങ്ങളെ പഠിപ്പിക്കുവാൻ ഞാൻ നിങ്ങൾക്ക് അധ്യാപകരെ നൽകിയിട്ടുണ്ട്. വിശുദ്ധ കുർബാന സ്വീകരണത്തിൽ എപ്രകാരമാണ് എന്നെ സ്വീകരിക്കേണ്ടതെന്ന് ഈ അധ്യാപകർ എല്ലാവരെയും പഠിപ്പിക്കണം. എന്റെ ശരീരവും എന്റെ രക്തവും സ്വീകരിക്കണം; നദിപോലെ എന്റെ രക്തം ചൊരിയപ്പെട്ടത് വെറുതെയല്ല. നിങ്ങൾ പാനം ചെയ്യേണ്ടതിനാണ് എന്റെ രക്തം ചൊരിയപ്പെട്ടത്. എന്റെ പുരോഹിതന്മാർ എന്റെ രക്തം നിങ്ങൾക്ക് നൽകാതിരിക്കരുത്; നിങ്ങളുടെ രക്ഷയ്ക്ക് വേണ്ടിയാണ് എന്റെ രക്തം ചിന്തപ്പെട്ടത്. നിങ്ങൾ എന്റെ രക്തവും പാനം ചെയ്യണം. അതിനാൽ എന്റെ അടുക്കൽ വന്ന് എന്റെ രക്തം പാനം ചെയ്യുക. എന്റെ രക്തം പാനം ചെയ്യുവാൻ നിങ്ങൾ കൂടുതൽ തീക്ഷ്ണമായി ആഗ്രഹിക്കും. അന്ത്യത്താഴ് സമയത്ത് ഞാൻ പറഞ്ഞ എന്റെ വചനം അനുസരിക്കുവിൻ. എപ്രകാരമാണ് നിങ്ങൾ എന്നെ സ്വീകരിക്കുന്നതെന്ന് ആത്മപരിശോധന നടത്തുവിൻ. നിങ്ങളെ തന്നെ പരിശോധിക്കുവിൻ. നിങ്ങളെ തന്നെ ശാന്തമാക്കുക. കൂടെ കൂടെ പശ്ചാത്തപിക്കുകയും കുമ്പസാരിക്കുകയും ചെയ്തുകൊണ്ട് എന്നെ പൂർണമായി ബഹുമാനിക്കുക. ഞാൻ നിങ്ങൾക്ക് കുമ്പസാരക്കാരെ നൽകിയിട്ടുണ്ട്. എന്റെ പ്രിയപ്പെട്ടവരെ, നിങ്ങൾ പുരോഹിതനോട് കുമ്പസാരിക്കുമ്പോൾ നിങ്ങൾ എന്നോടാണ് കുമ്പസാരിക്കുന്നത്. എന്നോട് തന്നെയാണ് നിങ്ങളുടെ പാപങ്ങൾ ഏറ്റുപറഞ്ഞു കുമ്പസാരിക്കുന്നത്. ഉടമ്പടിയുടെ രക്തത്തെ വിശുദ്ധിയോടെ അല്ലാതെ സ്വീകരിക്കരുത്. എന്റെ പരിശുദ്ധ സാന്നിധ്യം അനുസ്മരിക്കുക. നമ്മൾ നമുക്ക് അതെ, നമ്മൾ നമുക്ക് അതെ, പരിശുദ്ധ മാതാവേ, പിന്നീട് വസൂല വിശുദ്ധ മിഖായേൽ മാലാഖയാണോ? അതെ, ഞാൻ തന്നെയാണ്. ഈ പുതിയ ഭൂതോച്ഛാടന പ്രാർത്ഥന ഉപയോഗിച്ചുകൊണ്ട് എന്റെയും വിശുദ്ധ ഗബ്രിയേൽ മാലാഖയുടെയും റാഫേൽ മാലാഖയുടെയും തിരുനാൾ അനുസ്മരിക്കുക. ഈ പ്രാർത്ഥന അച്ചടിച്ച് പ്രചരിപ്പിക്കുക. നിങ്ങളുടെ ഈ കാലഘട്ടത്തിന് ഈ പ്രാർത്ഥന അത്യധികം ആവശ്യമാണ്. അത്യുന്നതനായ ദൈവത്തിന്റെ ഹിതമാണ് ഞാൻ അനുസരിക്കുന്നത്. ദൈവത്തിന് മഹത്വം ഉണ്ടായിരിക്കട്ടെ. ദൈവത്തിന് മഹത്വം ഉണ്ടായിരിക്കട്ടെ. കർത്താവ് സ്തുതിക്കപ്പെടട്ടെ. എന്റെ കുഞ്ഞേ, കർത്താവായ ഞാനാണിത്. ഈ പ്രാർത്ഥന പ്രാർത്ഥിക്കുമ്പോൾ എപ്പോഴും ജാഗ്രത പാലിക്കുവിൻ. എന്നെ നീ ശ്രവിക്കുന്നതിനാൽ കർത്താവായ ഞാൻ നിന്നെ സ്നേഹിക്കുന്നു. ഒരിക്കലും സംശയിക്കരുത്. ഞാൻ നിന്റെ ദേഹിയെ പരിപോഷിപ്പിക്കും. വരൂ, എന്നോട് ഒന്നായി തീരുക. നമ്മൾ നമുക്ക് എന്നേക്കും എന്നെന്നേക്കും ആമേൻ. നമ്മൾ നമുക്ക് എന്നേക്കും എന്നെന്നേക്കും എന്നെന്നേക്കും ആമേൻ. പരിശുദ്ധ മറിയമേ, ഞാൻ അങ്ങയെ സ്തുതിക്കുന്നു. 30/09/1988, ഒരു ഫ്രീമേസൺ അംഗത്തിന്റെയും ഒരു യഹോവ സാക്ഷിയുടെയും സമ്പൂർണ്ണ മാനസാന്തരത്തിനുവേണ്ടി ദൈവത്തിന് മഹത്വം ഉണ്ടായിരിക്കട്ടെ. ഇതിനു മുമ്പ് ഉണ്ടായിട്ടുള്ള എല്ലാ മാനസാന്തരങ്ങളെ പ്രതിയും, ഈ അടുത്തകാലത്ത് സംഭവിച്ച മാനസാന്തരത്തെ പ്രതിയും, ദൈവത്തിന് മഹത്വം ഉണ്ടായിരിക്കട്ടെ. യേശു എന്ന നാമവും ഒരു ഹൃദയവും എന്റെ രക്തത്താൽ ഒരു ത്യാഗം എന്ന രീതിയിൽ ഞാൻ എഴുതിയിരിക്കുന്നു. ജനലക്ഷങ്ങൾ അങ്ങയിലേക്ക് തിരിച്ചുവരാൻ ഇടയാകട്ടെ. കർത്താവേ, ഇത് ഞാനാണ്. നിന്റെ ത്യാഗം എന്നെ പ്രസാദിപ്പിച്ചു. ഞാൻ നിങ്ങളുടെ ഇടയനാണ്. എന്റെ ആടുകളെ ഒന്നിച്ചു കൂട്ടുവാനും അവയെ സംരക്ഷിക്കുവാനും ഞാൻ ഇതാ വരുന്നു. എന്റെ ആടുകൾക്ക് തീറ്റ കൊടുക്കുക. എന്റെ സന്ദേശം പ്രചരിപ്പിക്കുക. വരൂ, സ്നേഹത്തിൽ നീയും ഞാനും, ഞാനും നീയും. 5/10/1988, എന്റെ കർത്താവേ, ഇത് കർത്താവായ ഞാനാണ്. നിങ്ങളെല്ലാവരെയും നിത്യമായ സ്നേഹത്താൽ സ്നേഹിക്കുന്ന കർത്താവാണ് ഞാൻ. നിങ്ങളോട് കൂടെ എപ്പോഴും സന്നിഹിതനാണ് ഞാൻ. കാലത്തിന്റെ ആരംഭം മുതൽ എന്റെ മക്കൾ പാപത്തിൽ നിബന്ധിക്കുമ്പോൾ ഒക്കെയും, കർത്താവായ ഞാൻ വളരെ ദുർബലരായ മനുഷ്യരിലൂടെ ഇറങ്ങി വന്ന് അവർക്ക് മുന്നറിയിപ്പ് നൽകുകയും അവരെ എന്നിലേക്ക് തിരിച്ചു കൊണ്ടുവരികയും ചെയ്തിട്ടുണ്ട്. ദൈവമായ ഞാൻ എപ്പോഴും ഇതേ രീതിയിലാണ് പ്രവർത്തിച്ചിട്ടുള്ളത്. പാറകളെ തകർക്കുന്ന ഒരു ഇരുമ്പുകൂടം പോലെ ഞാൻ ഇറങ്ങി വന്നിരുന്നു. എന്റെ സൃഷ്ടികളുടെ ഹൃദയങ്ങളെ പൊതിഞ്ഞിരുന്ന ഹൃദയകാഠിന്യത്തെ തകർക്കുവാൻ വേണ്ടി. എന്റെ സൃഷ്ടികൾക്ക് എന്റെ സഹായം അത്യാവശ്യമുള്ളപ്പോൾ, അല്ലെങ്കിൽ അവർ സാത്താന്റെ കവാടം വരെ എത്തത്തക്ക വിധത്തിൽ പാപത്തിൽ നിബന്ധിച്ചപ്പോൾ, ഞാൻ എന്നെ തന്നെ അവർക്ക് വെളിപ്പെടുത്തി കൊടുത്തിട്ടുണ്ട്. എന്റെ വസൂല, സമാധാനത്തിന്റെയും സ്നേഹത്തിന്റെയും ആയ എന്റെ സന്ദേശത്തിലൂടെ ഞാൻ എല്ലാവരെയും വിളിക്കുന്നു. നിങ്ങൾ പശ്ചാത്തപിച്ചുകൊണ്ട് എന്റെ അടുക്കലേക്ക് മടങ്ങി വരുന്നതിനു വേണ്ടി വലിയ വേദനയോടെ നിങ്ങളെ ഞാൻ കരഞ്ഞു വിളിച്ചു കൊണ്ടിരിക്കുന്നു. ഈ മരുഭൂമിയിൽ ഞാൻ കരഞ്ഞു നിലവിളിക്കുന്നു. എന്നാൽ എന്റെ ശബ്ദം ശൂന്യതയിൽ മുഴങ്ങി മടങ്ങി വരുന്ന ഒരു പ്രതിധ്വനി പോലെയാണ് കേൾക്കുന്നത്. ഞാൻ നിങ്ങളെ സൗഖ്യപ്പെടുത്തേണ്ടതിന് നിങ്ങൾ എന്റെ സ്വരം ശ്രവിച്ചിരുന്നെങ്കിൽ എന്ന് ഞാൻ ആശിക്കുന്നു. ശേഷിക്കുന്ന എന്റെ പുഷ്പങ്ങളെ അന്വേഷിച്ചുകൊണ്ട് ഞാൻ ഈ മഹാ മരുഭൂമിയിലേക്ക് ഇറങ്ങി വരുന്നു. എന്നാൽ എന്റെ കാലുകൾ ഒന്നൊന്നായി പാറകളെയാണ് തട്ടിത്തടയുന്നത്. വലിയ പ്രത്യാശയോടെ ഞാൻ ചുറ്റും നോക്കുന്നു. എന്നാൽ എന്നെയും എന്നെ സ്നേഹിക്കുന്ന വളരെ കുറച്ച് ആളുകളെയും കുത്തിമുറിവേൽപ്പിക്കുന്ന മുള്ളുകളും ഞെരിഞ്ഞലുകളും മാത്രമാണ് ഞാൻ കാണുന്നത്. ഞാൻ സ്നേഹം അന്വേഷിക്കുന്നു, എന്നാൽ എനിക്ക് കിട്ടുന്നത് വിറപ്പാണ്. എന്നെ ആശ്വസിപ്പിക്കുവാൻ ഞാൻ ആരെയെങ്കിലും അന്വേഷിക്കുന്നു, എന്നാൽ ഞാൻ ആരെയും കാണുന്നില്ല. സഹതാപത്തിനുവേണ്ടി ഞാൻ ദാഹിക്കുന്നു, എന്നാൽ എനിക്ക് ലഭിക്കുന്നത് പരിഹാസം മാത്രമാണ്. ഈ തലമുറയിൽ സ്നേഹവും പ്രത്യാശയും വിശ്വാസവും ഞാൻ കണ്ടെത്തുന്നില്ല. കാരണം അവർ എന്നെ ആരാധിക്കുന്നത് നിർത്തിയിരിക്കുന്നു. എന്റെ എല്ലാ ഭയങ്ങളും യാഥാർത്ഥ്യമായിരിക്കുന്നു. ഓ, വിശ്വാസമില്ലാത്ത കാലഘട്ടമേ, പ്രത്യാശയില്ലാത്ത കാലമേ, സ്നേഹമില്ലാത്ത കാലമേ, എന്നെ ആരാധിക്കുന്നത് നിങ്ങൾ അവസാനിപ്പിച്ചിരിക്കുന്നു. എന്റെ പരിശുദ്ധ നാമം നിങ്ങളെ സംബന്ധിച്ച് യാതൊരു പ്രസക്തിയും ഇല്ലാത്തതായി, എന്റെ നാമം നിങ്ങൾക്ക് അർത്ഥമില്ലാത്തതായി. നിങ്ങൾ എന്റെ മാർഗങ്ങൾ പിന്തുടർന്ന് എന്റെ ആഹ്വാനം ശ്രവിച്ചിരുന്നെങ്കിൽ, നിങ്ങളുടെ ജീവിതം ഇങ്ങനെ ഒരു മരുഭൂമി ആവുകയില്ലായിരുന്നു. എന്നെ സ്നേഹിക്കുന്നവരോട് ഞാൻ പറയുന്നു, എന്നെ സ്നേഹിക്കാത്തവർക്ക് വേണ്ടി നിങ്ങൾ പ്രാർത്ഥിക്കുവിൻ. നിങ്ങളുടെ പൂർവികർ എതിർപ്പിന്റെ കാലത്ത് മരുഭൂമിയിലെ പ്രലോഭനങ്ങളുടെ നാളുകളിൽ ചെയ്ത തെറ്റുകൾ നിങ്ങൾ ആവർത്തിക്കരുത്. ഒരുകാലത്ത് സമൃദ്ധമായിരുന്ന എന്റെ പച്ചപ്പുൽ തകിടി ഇപ്പോൾ ശൂന്യമായി മരുഭൂമി പോലെ കിടക്കുന്നു. എന്റെ ചെറിയ ആട്ടിൻകൂട്ടത്തെ അവരുടെ തന്നെ ഇടയന്മാർ അടിച്ചു ചിതറിച്ചു കളഞ്ഞു. എന്നെ എന്തിന് പ്രകോപിപ്പിക്കുന്നു? എന്തിന്? എന്നെ തിരസ്കരിച്ച ഓരോ തലമുറയും ശിക്ഷിക്കപ്പെട്ടു. എന്നാൽ നിങ്ങളുടെ മനസ്സുകൾ ദുഷിച്ചതാണ്. നിങ്ങൾ നിങ്ങളെ തന്നെ വഞ്ചിക്കുന്നത് നിർത്തുന്നില്ല. ഫരിസയന്മാരെക്കാൾ മെച്ചപ്പെട്ടവരാണ് നിങ്ങൾ എന്ന് നിങ്ങൾ കരുതുന്നു. നിങ്ങൾ ഇപ്രകാരം പറയുന്നു, ഞങ്ങൾ ഫരിസയന്മാരുടെ കാലത്ത് ജീവിച്ചിരുന്നെങ്കിൽ, അവരുടെ ദുഷിച്ച പ്രവർത്തികളിൽ ഞങ്ങൾ പങ്കുചേരുമായിരുന്നില്ല. ഞങ്ങളുടെ വിശ്വാസം ഞങ്ങളെ രക്ഷിക്കുമായിരുന്നു. ഇന്ന് ഞാൻ നിങ്ങളോട് പറയുന്നു, ഞാൻ ഭൂമിയിൽ ശരീരത്തോടെ നിങ്ങളുടെ ഇടയിൽ വസിച്ചിരുന്ന കാലത്ത് നിങ്ങൾ എന്നെ സ്വീകരിച്ചതുപോലെ തന്നെയല്ലേ, നിങ്ങൾ ഇപ്പോഴും എന്നെ സ്വീകരിക്കുന്നത്? നിങ്ങളിൽ പലരും എന്റെ സന്ദേശങ്ങൾ എന്താണെന്ന് അറിയുന്നതിനു മുമ്പേ തന്നെ അവയെ കുറ്റം വിധിച്ച് തിരസ്കരിച്ചു. മകളെ, അവർ കാത്തിരുന്ന മിശിഹാ ഞാനാണെന്ന് അവരോട് പറയുവാൻ, അവരുടെ മരുഭൂമിയിൽ അവരുടെ അടുക്കലേക്ക് ഞാൻ വന്നു. എന്നാൽ അവർ എന്നെ വിശ്വസിച്ചില്ല. എന്നെ അവർ തിരസ്കരിക്കുകയും പീഡിപ്പിക്കുകയും ചെയ്തു. അവർ എന്നെ ക്രൂശിൽ തറച്ചു കൊന്നു. ഇന്ന് നിങ്ങളുടെ അന്ധകാരാവസ്ഥയിലേക്ക് എന്റെ പരിശുദ്ധാത്മാവ് കടന്നുവരുന്നു. എന്നാൽ നിങ്ങളുടെ അനുസരണക്കേടും, നിങ്ങളുടെ ഉള്ളിൽ അടിഞ്ഞുകൂടി കിടക്കുന്ന പാപത്തോടുള്ള ആകർഷണവും നിമിത്തം, പരിശുദ്ധാത്മാവിന്റെ പ്രവർത്തികളെ ഗ്രഹിക്കുവാൻ നിങ്ങൾക്ക് കഴിയുന്നില്ല. നിങ്ങളുടെ ഈ കാലഘട്ടത്തിലെ ഊഷരാവസ്ഥ, മറ്റ് ഏതൊരു ഊഷരാവസ്ഥകളെയും മറികടന്നിരിക്കുന്നു. അവരെ പ്രകാശിപ്പിക്കുന്നതിനായി എന്റെ പരിശുദ്ധാത്മാവ് ഇറങ്ങി വരുമ്പോൾ, എന്തുകൊണ്ട് അവർ അസ്വസ്ഥരാവുകയും ആശ്ചര്യപ്പെടുകയും ശല്യമായി കരുതുകയും ചെയ്യുന്നു? അവരുടെ മന്ദത, അവരുടെ ഊഷരാവസ്ഥയെ അതിതീവ്രമാക്കുകയും പാറക്കൂമ്പാരമാക്കുകയും ചെയ്തു. എന്നെ ശേഷിക്കുന്ന പുഷ്പങ്ങളെ ഈ കലഹപ്രിയരായ ജനങ്ങൾ ചവിട്ടി മെതിക്കുന്നത് കാണുമ്പോൾ എനിക്ക് ശ്വാസം മുട്ടുന്നു. നിങ്ങളുടെ പരിശുദ്ധ മാതാവ് എന്റെ കരത്തെ തടഞ്ഞിട്ടില്ലായിരുന്നെങ്കിൽ, എന്റെ അഗാഥമായ കരുണ ഇല്ലായിരുന്നെങ്കിൽ, നീതി പുലർത്തുന്ന ദൈവമായ ഞാൻ അവരെ ഏറെക്കാലം മുമ്പേ ശിക്ഷിക്കുമായിരുന്നു. എന്തെന്നാൽ, ഈ തലമുറ ഒരു പുതിയ സോദോം ഗൊമോറ തങ്ങളുടെ ഇടയിൽ സൃഷ്ടിച്ചിരിക്കുന്നു. അവരുടെ മേൽ നിബന്ധിച്ചു കൊണ്ടിരിക്കുന്ന അനർത്ഥങ്ങൾ ഞാൻ അയക്കുന്നതാണെന്ന് അവർ വിശ്വസിക്കുന്ന നിലയിലേക്ക് അവർ എത്തിയിരിക്കുന്നു. എന്നാൽ തിന്മ, തിന്മയെ തന്നെ ആകർഷിക്കുന്നെന്നും, അവർ അവരുടെ പ്രവർത്തികളുടെ ഫലമാണ് അനുഭവിക്കുന്നതെന്നും അവർ ഒരിക്കലും മനസ്സിലാക്കിയിട്ടില്ല. എന്നെ സ്നേഹിക്കുന്ന എല്ലാവരോടും ഞാൻ അപേക്ഷിക്കുന്നു, എനിക്കെതിരെയുള്ള അവരുടെ കലാപം അവസാനിക്കുന്നതിനു വേണ്ടി പ്രാർത്ഥിക്കുക. പ്രാർത്ഥിക്കുക, പ്രാർത്ഥിക്കുക. എന്റെ സുഹൃത്തുക്കൾ ചെയ്തുകൊണ്ടിരിക്കുന്ന സത്പ്രവർത്തികൾ വീണ്ടും തുടർന്നുകൊണ്ടുപോകുന്നതിന് ഞാൻ അവരെ പ്രോത്സാഹിപ്പിക്കുന്നു. എന്റെ സമാധാനത്തിന്റെയും സ്നേഹത്തിന്റെയും ആയ സന്ദേശങ്ങൾ പ്രചരിപ്പിക്കുന്ന എല്ലാവരെയും ഞാൻ അനുഗ്രഹിക്കുന്നു. അവസാനം വരെ എന്നിൽ വിശ്വസിക്കുക. നിങ്ങളെല്ലാവരെയും ബോധജ്ഞാനത്തിന്റെ എന്റെ പരിശുദ്ധാത്മാവ് പ്രബോധിപ്പിച്ച് പ്രകാശിപ്പിക്കുന്നതിനായി നിങ്ങൾ പ്രാർത്ഥിക്കുവിൻ. എന്റെ തിരുലിഖിതങ്ങൾ എത്രകാലം അവർ ഗ്രഹിക്കാതിരിക്കും? എത്രകാലം എന്റെ രഹസ്യങ്ങളെ അവർ തിരസ്കരിക്കും? സുഭാഷിതങ്ങളിൽ എന്റെ ജ്ഞാനസൂക്തങ്ങൾ കണ്ടെത്തുക. അവയെ ഗ്രഹിക്കുക. എന്റെ ജ്ഞാനസൂക്തങ്ങൾ ഗ്രഹിക്കുവാൻ നിങ്ങൾക്ക് ബുദ്ധിമുട്ടുണ്ടെങ്കിൽ, ഗ്രഹണശേഷി പ്രധാനം ചെയ്യുന്ന എന്റെ പരിശുദ്ധാത്മാവ് നിങ്ങളിൽ ഇറങ്ങി വരുന്നതിനു വേണ്ടി പ്രാർത്ഥിക്കുക. എന്റെ ജ്ഞാനഗ്രന്ഥങ്ങളിൽ എന്റെ അനേകം നിഗൂഢ രഹസ്യങ്ങൾ മറഞ്ഞു കിടക്കുന്നു. സ്നേഹം, സ്നേഹമായി മടങ്ങി വന്ന് നിങ്ങളുടെ ഇടയിൽ വസിക്കുമെന്ന് ഞാൻ നിങ്ങളോട് വാഗ്ദാനം ചെയ്യുന്നു. എന്റെ ആലയമായ സഭയെ ഞാൻ പുനരുദ്ധരിക്കും. ഒരു പുതിയ ജെറുസലേമിനെ, സത്യസന്ധതയുള്ള ഒരു വിശ്വസ്ത നഗരത്തെ ഞാൻ നിങ്ങൾക്ക് നൽകും. എന്തെന്നാൽ, നീതി വിജയം വരിക്കും. വരൂ, എന്റെ വിളവെടുപ്പ് ശേഖരിക്കൂ. ഞാൻ രഹസ്യമായി തയ്യാറാക്കിയ ഈ വിളവെടുപ്പ് ശേഖരിക്കൂ. എന്റെ പ്രവർത്തനങ്ങളെ സ്വീകരിച്ച് അവയെ പ്രചരിപ്പിക്കുക. അത് മരുഭൂമിയിലെ ഉഷ്ണക്കാറ്റിനെ ശാന്തമാക്കും. അത് വരണ്ട ഭൂമിയെ ജലസേചിതമാക്കും. അങ്ങനെ അത് ഈ ഊഷര ഭൂമിയിൽ ജീവൻ തിരികെ കൊണ്ടുവരും. എന്റെ വസൂല, എന്റെ തിരിച്ചുവരവിനു വേണ്ടി പ്രാർത്ഥിക്കുക. ദൈവമേ, അങ്ങനെയാവട്ടെ. കർത്താവേ, വരണമേ. കർത്താവേ, ഞങ്ങളുടെ അടുക്കലേക്ക് വരണമേ. അതെ, ഞാൻ ഉടൻ മടങ്ങി വരും. എന്റെ മടങ്ങി വരവ് വിദൂരമല്ല. എന്റെ തിരിച്ചുവരവിനു വേണ്ടി പ്രാർത്ഥിക്കുവാൻ എല്ലാവരോടും പറയുവിൻ. കർത്താവായ യേശുക്രിസ്തുവായ നിങ്ങളുടെ രക്ഷകനായ ഞാൻ, നശിപ്പിക്കപ്പെട്ടതിനെയും ഇനിയും നശിപ്പിക്കപ്പെടാതിരിക്കുന്നതിനെയും പുനസ്ഥാപിക്കും. എന്റെ സഭയെ ഞാൻ പൂർണമായി പുനരുദ്ധരിക്കുന്നതിനു മുമ്പ്, സഭ വലിയ കഷ്ടതകൾ അഭിമുഖീകരിക്കേണ്ടി വരുമെന്നുള്ള കാര്യം നിങ്ങൾ വിസ്മരിക്കരുത്. അതിനാൽ, കുഞ്ഞേ, എന്റെ എഴുത്തുപലകയായി നിന്നെ ഉപയോഗിക്കുവാൻ എന്നെ അനുവദിക്കുക. സമാധാനത്തിന്റെയും സ്നേഹത്തിന്റെയും ആയ എന്റെ കുരിശ്, നിങ്ങളുടെ കർത്താവായ എന്നോടൊപ്പം പങ്കുവെക്കുക. നമ്മൾ നമുക്ക് എന്നേക്കും. അതെ, കർത്താവേ, നമ്മൾ നമുക്ക്. അതെ, എന്റെ പരിശുദ്ധ മാതാവേ, നമ്മൾ നമുക്ക് എന്നേക്കും. എന്നെ സന്ദർശിച്ച ഒരു ഗ്രൂപ്പിനു വേണ്ടി നൽകപ്പെട്ട സന്ദേശം: എന്റെ നിറഞ്ഞു കവിഞ്ഞൊഴുകുന്ന സ്നേഹം നിങ്ങൾ ഓരോരുത്തരെയും അന്വേഷിക്കുന്നു. ഞാൻ നിങ്ങളിൽ നിന്ന് അകലെയല്ല. നമ്മൾ ഒരുമിച്ച് ഭക്ഷണം കഴിക്കുന്നു. നമ്മൾ ഒരുമിച്ച് കാര്യങ്ങൾ ചെയ്യുന്നു. അതിനാൽ, എന്റെ സാന്നിധ്യം അനുഭവിച്ചറിയുക. നിങ്ങൾ എന്റെ അടുക്കലേക്ക് തിരിച്ചുവരിക. ഞാനും നിങ്ങളുടെ അടുക്കലേക്ക് തിരിച്ചുവരും. നിങ്ങൾ എന്റെ അടുക്കലേക്ക് മടങ്ങി വരുവിൻ. മലാക്കി മൂന്നാം അധ്യായം, ഏഴാം വാക്യം. നിങ്ങളെ പ്രോത്സാഹിപ്പിക്കുന്നതിനു വേണ്ടി, നിങ്ങളിൽ പലരും എന്റെ സാന്നിധ്യം അനുഭവിച്ചറിയും. എന്നെ അന്വേഷിക്കുന്നവർ എന്നെ കണ്ടെത്തും. നിങ്ങളുടെ ഉള്ളിൽ വളരുവാൻ എന്റെ ആത്മാവിനെ അനുവദിക്കുക. കുഞ്ഞുങ്ങളെ, എന്റെ കരം പിടിച്ച് എന്നെ പിന്തുടരുവാൻ തയ്യാറാവുക. ഈ ലോകത്തിന് നഷ്ടപ്പെട്ടിരിക്കുന്ന എന്റെ സമാധാനം, യേശുവായ ഞാൻ നിങ്ങൾക്ക് നൽകുന്നു. ഞാൻ നിങ്ങളെ ഒരിക്കലും പരിത്യജിച്ചിട്ടില്ല. കാലത്തിന്റെ അവസാനം വരെ ഞാൻ നിങ്ങളോടൊപ്പം ഉണ്ടായിരിക്കുമെന്ന് ഞാൻ നിങ്ങളോട് പറഞ്ഞിട്ടുള്ളതല്ലേ? എന്റെ പരിശുദ്ധ സാന്നിധ്യത്തിൽ വിശ്വസിക്കുക. ഇപ്പോൾ എന്റെ സാന്നിധ്യത്തിൽ വിശ്വസിക്കുക. എന്തെന്നാൽ, ഈ വെളിപ്പെടുത്തലുകൾ എന്റെ അധരങ്ങളിൽ നിന്ന് പുറപ്പെടുന്നവയാണ്. ഞാൻ നിങ്ങൾ എല്ലാവരെയും സ്നേഹിക്കുന്നു. ഞാൻ നിങ്ങളെ എല്ലാവരെയും അനുഗ്രഹിക്കുന്നു. വരൂ.