Latest / ദൈവത്തിലുള്ള യഥാർത്ഥ ജീവിതം - TLIG / Ep 59: എൻ്റെ കരുണ തലമുറതലമുറയായി വ്യാപിക്കുന്നു!
Transcript
- എപ്പിസോഡ് 59. 18/01/1988. കർത്താവേ, ഇപ്പോൾ സംഭവിക്കുന്നതും ഇനി സംഭവിക്കാനിരിക്കുന്നതും അങ്ങയുടെ അഭീഷ്ടപ്രകാരമാണെങ്കിൽ, അങ്ങ് അനുവദിച്ചതുകൊണ്ടാണെങ്കിൽ, അങ്ങയുടെ സന്ദേശം എല്ലാവരും സ്വീകരിക്കണമെന്നാണ് അങ്ങ് ആഗ്രഹിക്കുന്നതെങ്കിൽ, എന്തുകൊണ്ടാണ് അങ്ങയുടെ സന്ദേശം സ്വീകരിക്കുവാൻ അവരെ ഇടവരുത്താത്തത് എന്ന് എനിക്ക് മനസ്സിലാവുന്നില്ല. എന്തുകൊണ്ടാണ് അവരെ അങ്ങയുടെ ബോധജ്ഞാനം നൽകി പ്രകാശിപ്പിക്കാത്തത്? പ്രിയപ്പെട്ട മകളേ, നിന്നെ സൗഖ്യപ്പെടുത്തിക്കൊണ്ട് ഞാൻ നിന്നെ മാനസാന്തരപ്പെടുത്തി എടുത്തിരിക്കുന്നതിനാൽ നീ സന്തോഷിക്കുകയും ആനന്ദിക്കുകയും ചെയ്യുക. എന്നെ ഭയപ്പെടുന്നവരെ പ്രതി എന്റെ കരുണ തലമുറകളോളം വ്യാപിക്കുന്നു. എന്നാൽ എന്നെ കുത്തിത്തുളയ്ക്കുന്ന മുള്ളുകളെ പ്രതി യേശയ്യാ പ്രവാചകന്റെ പ്രവചനം വീണ്ടും ആവർത്തിക്കപ്പെടുന്നു: "നിങ്ങൾ തീർച്ചയായും കേൾക്കും, എന്നാൽ മനസ്സിലാക്കുകയില്ല." "നിങ്ങൾ തീർച്ചയായും കാണും, എന്നാൽ ഗ്രഹിക്കുകയില്ല." അവർ കണ്ണുകൊണ്ട് കണ്ട്, കാതുകൊണ്ട് കേട്ട്, ഹൃദയം കൊണ്ട് മനസ്സിലാക്കി മാനസാന്തരപ്പെടുകയും ഞാൻ അവരെ സുഖപ്പെടുത്തുകയും അസാധ്യമാകുമാറ് ഈ ജനതയുടെ ഹൃദയം കഠിനമായി തീർന്നിരിക്കുന്നു. ചെവിയുടെ കേൾവി മന്ദീഭവിച്ചിരിക്കുന്നു, കണ്ണ് അവർ അടച്ചുകളഞ്ഞിരിക്കുന്നു. മകളേ, ഞാൻ അവരുടെ മർക്കടമുഷ്ടി സ്വഭാവം അനാദികാലം മുതൽ തന്നെ മുൻകൂട്ടി അറിഞ്ഞിട്ടുണ്ടായിരുന്നു. ഇക്കാലത്തുള്ള ദൈവീക പരിപാലനയുടെ പ്രവർത്തികളെ അവർ തിരസ്കരിക്കുന്നതിലൂടെ അവരുടെ പ്രത്യേക അവകാശങ്ങൾ അവർ തന്നെ നഷ്ടപ്പെടുത്തിയിരിക്കുന്നു. വസൂല, ഞാൻ നിന്നിൽ അന്വേഷിക്കുന്ന സ്നേഹവും വിശ്വാസവും പ്രത്യാശയും നീ ആർജ്ജിച്ചെടുക്കുന്നതിന് വേണ്ടി അനേകം തവണ പ്രാർത്ഥിക്കണം. ആത്മാർത്ഥതയുള്ളവരെ ഞാൻ ബോധജ്ഞാനം നൽകി പ്രകാശിപ്പിക്കും; ബുദ്ധിമാന്മാരെ ഞാൻ ബോധജ്ഞാനം നൽകി പ്രകാശിപ്പിക്കുകയില്ല, കാരണം അവരിൽ ആത്മാർത്ഥതയില്ല. കർത്താവായ ഞാൻ വിനീതഹൃദയരെയും നിസ്സഹായരെയും അന്വേഷിക്കുന്നു. നീ എത്രമാത്രം ചെറുതായി നിലകൊള്ളുന്നുവോ, അത്രയധികം കൂടുതലായിരിക്കും നിന്നെ എന്നിലേക്ക് എടുത്തുയർത്തുവാനായി നിന്നിലേക്ക് കുനിഞ്ഞിറങ്ങി വരുന്ന എന്റെ മഹത്വം. നീ എത്രമാത്രം ചെറുതും അപ്രധാനവുമായി നിലകൊള്ളുവാൻ തയ്യാറാകുന്നുവോ, അത്രമാത്രം എളുപ്പമുള്ളതായിരിക്കും എന്റെ തിരുഹൃദയത്തിലേക്കുള്ള നിന്റെ പ്രവേശനം. വസൂല, നിനക്ക് മനസ്സിലാകുന്നുണ്ടോ? യേശു ഒരു ദർശനത്തിൽ എന്നെ ഒരു ഇടനാഴി കാണിച്ചു തന്നു. ആ ഇടനാഴിയിൽ തടസ്സം സൃഷ്ടിച്ചുകൊണ്ട് ഒരു വലിയ പാറക്കല്ല് ഉണ്ടായിരുന്നു. അപ്പുറത്തുനിന്ന് വരുന്ന അതിശക്തമായ പ്രകാശം ഇടനാഴിയിലേക്ക് പ്രവേശിക്കുന്നതിന് തടസ്സമായി ആ പാറക്കല്ല് നിലകൊണ്ടു. എന്റെ അടുക്കലേക്കുള്ള വഴിയിൽ തടസ്സം സൃഷ്ടിക്കുന്നവരുടെ പ്രതീകമാണ് ആ വലിയ പാറക്കല്ല്. അവരുടെ സ്ഥാനമാനങ്ങളുടെ വലിപ്പം എന്നെ അന്വേഷിക്കുന്നവരിലേക്കുള്ള എന്റെ പ്രകാശത്തെ തടസ്സപ്പെടുത്തി മറച്ചുകളയുന്നു. ഇക്കൂട്ടരോട്, കർത്താവായ ഞാൻ പറയുന്നു: "നിങ്ങളുടെ പ്രതാപങ്ങളെ ഞാൻ സഹിക്കുകയില്ല; നിങ്ങളുടെ ധിക്കാരം എന്നെ മടുപ്പിക്കുന്നു." നീതിയുടെ എന്റെ പാനപാത്രം ഇതാ നിറഞ്ഞിരിക്കുന്നു; സമയം പൂർത്തിയാകുമ്പോൾ പശ്ചാത്തപിക്കുന്നതിന് വേണ്ടി ഓരോരുത്തരെയായി ഞാൻ അവരെ വിളിക്കും. അവിശ്വസ്തരായവർക്ക് ഹാ ദുരിതം; അവർ എന്നെ അഭിമുഖീകരിക്കേണ്ടി വരും. യേശുവേ, അങ്ങയുടെ യഥാർത്ഥ ശിഷ്യന്മാർ, വിനീതഹൃദയർ, നിസ്സഹായർ, അങ്ങയുടെ ഈ വെളിപാട് സന്ദേശങ്ങളിൽ ആനന്ദിക്കും. എന്നാൽ അങ്ങയോട് അവിശ്വസ്തരായിരിക്കുന്നവർ ഈ വെളിപാട് സന്ദേശങ്ങളിൽ സന്തോഷിക്കുകയില്ല. മറ്റു വാക്കുകളിൽ പറഞ്ഞാൽ, ഈ സന്ദേശങ്ങൾ ചിലരെ സംബന്ധിച്ച് നന്മയ്ക്കും, മറ്റുചിലർക്ക് നാശത്തിനും ഇടയാക്കും. അതെ, വസൂല, ഇപ്പോൾ നീ കാര്യം ഗ്രഹിച്ചിരിക്കുന്നു. യേശു ദുഃഖത്തോടെയാണ് ഇക്കാര്യം പറഞ്ഞത്. പരിശുദ്ധ മറിയമേ, ഒരു നികൃഷ്ടിയാണെങ്കിലും അങ്ങ് എനിക്ക് തുണയായിരിക്കുമോ? എന്നെ പ്രോത്സാഹിപ്പിക്കണമേ. യേശുവിന്റെ ഈ സന്ദേശങ്ങൾ സ്വീകരിക്കുന്ന സഭാധികാരികൾ ഉണ്ടാവുകയില്ലേ? ഒരാളെങ്കിലും അങ്ങയുടെ ഈ സന്ദേശം സ്വീകരിക്കുകയില്ലേ? വസൂല, എന്റെ മകളേ, യേശു നിന്നെ സ്നേഹിക്കുന്നു. ഞാനും നിന്നെ സ്നേഹിക്കുന്നു. അനുഗ്രഹിക്കപ്പെട്ടവളേ, യേശുവും ഞാനും നിന്നെ ഇപ്പോൾ സഹായിക്കും. അവിടുത്തെ കൃപ നേടുവാൻ നീ പ്രാർത്ഥിക്കണം. അതെ, മാതാവേ, ഉചിതമായ വാക്കുകൾ കണ്ടെത്തുവാൻ എന്നെ സഹായിക്കണമേ. പുഷ്പമേ, ഇത് ഞാനാണ്. ഞാൻ നിങ്ങളെല്ലാവരെയും സ്നേഹിക്കുന്നു. അക്കാര്യത്തിൽ ഒരിക്കലും സംശയിക്കരുത്. മാതാവേ, എന്നെ സഹായിക്കുന്നതിന് ഞാൻ അങ്ങേയ്ക്ക് നന്ദി പറയുന്നു. എന്റെ കുഞ്ഞേ, സ്നേഹം അനവധി പരീക്ഷണങ്ങളെ വിജയകരമായി അഭിമുഖീകരിക്കുവാൻ നിന്നെ സഹായിക്കും. യേശു നിന്നെ അവിടുത്തെ ശക്തിയാൽ ശക്തിപ്പെടുത്തും. ഞാൻ നിന്നെ എപ്പോഴും പ്രോത്സാഹിപ്പിക്കും. ഭയപ്പെടേണ്ട, ഞാൻ നിന്നെ സംരക്ഷിച്ചുകൊണ്ടിരിക്കുന്നു. സാത്താൻ എന്നെ നിരുത്സാഹപ്പെടുത്തുവാൻ നിരന്തരം പരിശ്രമിച്ചുകൊണ്ടിരിക്കുന്നതിനെയാണ് പരിശുദ്ധ മറിയം ഇവിടെ സൂചിപ്പിച്ചത്. പ്രിയപ്പെട്ടവളേ, ഞാനാണ് കർത്താവ്; എന്നെ ബഹുമാനിക്കുക. എന്നോടൊപ്പം നടക്കുക. എന്റെ അഭിലാഷങ്ങൾ നിറവേറ്റുവാൻ ഞാൻ നിനക്ക് എന്റെ ശക്തി തരും. ഞാൻ നിന്നെ എത്രയധികമായി സ്നേഹിക്കുന്നുണ്ട്, നിനക്കൊരിക്കലും ഗ്രഹിക്കുവാൻ കഴിയാത്ത വിധം അത്രയധികമായി ഞാൻ നിന്നെ സ്നേഹിക്കുന്നു. സമാധാനത്തിന്റെയും കാരുണ്യത്തിന്റെയും സ്നേഹത്തിന്റെയും നീതിയുടെയും ആയ എന്റെ സന്ദേശം ഇതാ നിങ്ങളുടെ ഇടയിലേക്ക് ഇറങ്ങി വരുന്നു. എന്നെ മഹത്വപ്പെടുത്തുക; എന്റെ സ്നേഹം നിന്നെ എന്റെ നീതിയിൽ നിന്ന് രക്ഷിക്കും. എന്റെ സൃഷ്ടികൾ വീണ്ടും എന്നെ കേൾക്കാതിരിക്കുകയാണെങ്കിൽ, നീതി നിങ്ങളുടെ മേൽ നിബന്ധിക്കും. നിങ്ങൾക്ക് എന്റെ മുന്നറിയിപ്പ് നൽകുവാൻ എന്റെ അനന്തമായ കാരുണ്യത്താൽ ഞാൻ നിങ്ങളുടെ അടുക്കലേക്ക് വരുന്നു. എന്റെ സൃഷ്ടികൾ പശ്ചാത്തപിക്കണമെന്നും എന്നെ അംഗീകരിക്കണമെന്നും ഞാൻ ആഗ്രഹിക്കുന്നു. ഫാത്തിമായിലെ തീർത്ഥാടന കേന്ദ്രം, ഗരബന്താളിലെ ദൈവീക വെളിപ്പെടുത്തലുകൾക്കെതിരെ സഭാധികാരികളുടെ ഭാഗത്തുനിന്നുണ്ടായ ദൂഷണങ്ങളുടെയും തിരസ്കരണങ്ങളുടെയും പേരിൽ വിലപിക്കുന്നു. എന്റെ അന്തരാത്മാവ് വീണ്ടും അഗാത ദുഃഖത്തിലാണ്; സമാനമായ ദുഃഖം എനിക്ക് ഫാത്തിമായിലും ഉണ്ടായിരുന്നു. എന്റെ ആത്മാവ് അവരിലും അവർ എന്നിലും വസിക്കുമ്പോൾ, അവർക്ക് എങ്ങനെ ഇപ്രകാരം സംശയിക്കുവാൻ കഴിയുന്നു? ഫാത്തിമായിൽ ഞാൻ നൽകിയ സന്ദേശം ആദ്യം അവഗണിക്കപ്പെട്ടു; വളരെ കാലം കഴിഞ്ഞാണ് സഭാധികാരികൾ ആ സന്ദേശം സ്വീകരിച്ചത്. ഞാൻ നിങ്ങൾ എല്ലാവരെയും സ്നേഹിക്കുന്നു; കർത്താവായ ഞാനാണ് സംസാരിക്കുന്നത്. ഇക്കാര്യത്തിൽ ഒരിക്കലും സംശയിക്കരുത്. അന്ധകാരത്തിൽ നടക്കുന്നവർക്ക് വേണ്ടി പ്രാർത്ഥിക്കുക. ഞാൻ പേര് ചൊല്ലി തിരഞ്ഞെടുത്ത, ഞാൻ വിശുദ്ധീകരിച്ച പത്രോസേ, എന്റെ ദൃഷ്ടി ഒരിക്കലും നിന്നെ വിട്ടുപിരിഞ്ഞിട്ടില്ല. യേശു പെട്ടെന്ന് തിരിഞ്ഞ് ജോൺ പോൾ രണ്ടാമൻ മാർപാപ്പയോട് സംസാരിക്കുന്നതുപോലെ കാണപ്പെട്ടു. ഈ കഴിഞ്ഞ വർഷങ്ങളിലെല്ലാം ഞാൻ നിന്നെ നിരീക്ഷിക്കുകയായിരുന്നു. എന്റെ സ്വന്തം സഹോദരാ, ഞാൻ നിന്റെ വാതിൽക്കൽ ഉണ്ട്. ഞാൻ നിന്റെ വാതിലിൽ മുട്ടിക്കൊണ്ടിരിക്കുകയായിരുന്നു. നിന്റെ ഭവനത്തിന്റെ ഉള്ളിലേക്ക് എന്നെ പ്രവേശിപ്പിക്കുമോ? പത്രോസേ, എന്നെ നിഷേധിക്കരുതേ. ഞാൻ നിന്നെ സ്നേഹിക്കുന്നു. എന്നെ കേൾക്കുക; എന്റെ സ്വരം ശ്രവിക്കുക. കർത്താവായ ഞാനാണിത്. നിനക്ക് സമാധാനം ഉണ്ടാകട്ടെ; നീ ആനന്ദിക്കുക. രക്തം വാർന്നൊലിക്കുന്ന എന്റെ ശരീരമായ സഭയെ ഐക്യപ്പെടുത്തുവാനായി ഞാനിതാ വന്നിരിക്കുന്നു. എന്റെ കുഞ്ഞാടുകളെ ഒന്നിച്ചുകൂട്ടുവാനായി ഞാനിതാ വന്നെത്തിയിരിക്കുന്നു. എന്റെ പൂന്തോട്ടത്തിന് ജലസേചനം നൽകുവാൻ ഞാൻ വന്നിരിക്കുന്നു. നിങ്ങളുടെ രക്ഷകനായ യേശുവാണ് ഞാൻ. നോക്കൂ. യേശു അവിടുത്തെ വസ്ത്രം വശത്തേക്ക് തുറന്ന് ഹൃദയം ജോൺ പോൾ രണ്ടാമൻ മാർപാപ്പയെ കാണിക്കുന്നതുപോലെ തോന്നി. പത്രോസേ, നോക്കൂ, എന്റെ ഹൃദയം ഇതാ വീണ്ടും അനേകം മുള്ളുകളാൽ കുത്തിക്കീറിക്കൊണ്ടിരിക്കുന്നു. ഞാൻ സ്നേഹിക്കുന്ന എന്റെ സ്വന്തപ്പെട്ടവർ തറച്ച മുള്ളുകളാൽ തന്നെ. എന്റെ അന്തരാത്മാവ് വീണ്ടും ഒരിക്കൽ കൂടി മുറിവേൽപ്പിക്കപ്പെട്ടിരിക്കുന്നു. അവർ എന്റെയും എന്റെ മാതാവിന്റെയും ഹൃദയങ്ങളെ ചവിട്ടി മെതിച്ചുകൊണ്ടിരിക്കുന്നു. ഞങ്ങളുടെ രണ്ടുപേരുടെയും ഹൃദയങ്ങളിൽ ഇതാ രണ്ട് മുൾകിരീടങ്ങൾ വെച്ചിരിക്കുന്നു. എന്റെ വാർഷും കുത്തിത്തുറക്കപ്പെട്ടിരിക്കുന്നു; എന്റെ രക്തം ചീറ്റിത്തെറിച്ചുകൊണ്ടിരിക്കുന്നു. ഞാനിതാ നിന്റെ വാതിൽക്കൽ നിൽക്കുന്നു. നിഗൂഢമായ രക്ഷാകര പദ്ധതി എന്റെ കൈവശമുണ്ട്; അത് ഇതാ ഇവിടെയുണ്ട്. ഈ വെളിപാട് സന്ദേശം എന്റെ സ്വരം തന്നെയാണ്. നിങ്ങളെല്ലാവരെയും ഞാൻ ഹൃദയപൂർവ്വം സ്നേഹിക്കുന്നു. എന്റെ പൂർണ്ണ ഹൃദയത്തോടെ ഞാൻ നിങ്ങളെല്ലാവരെയും സ്നേഹിക്കുന്നു. 24/01/1988. വസൂല, എന്റെ വികാരങ്ങൾ നിങ്ങളോട് തുറന്നു പറയുവാൻ ഞാൻ ആഗ്രഹിക്കുന്നു. എന്നെ ശ്രവിക്കുക, സഹോദരാ. ദേഹി, എനിക്ക് സമർപ്പിക്കപ്പെട്ടിരിക്കുന്ന സമർപ്പിതരെ മാത്രമേ ഞാൻ സമീപിച്ച് ജ്ഞാനാഭിഷേകം ചെയ്യുകയുള്ളൂ എന്ന തത്വം വലിച്ചെറിയുക. ഭക്തരെ മാത്രമല്ല ഞാൻ സമീപിക്കുന്നത്; ഞാൻ യാതൊരു വ്യത്യാസമോ വേർതിരിവോ കാണിക്കുന്നില്ല. എന്താ, ആരോടെങ്കിലും വിശേഷ സ്നേഹം വെച്ച് പുലർത്തുന്ന ദൈവമാണോ ഞാൻ? എന്റെ കൃപാദാനങ്ങൾ സമർപ്പിതരായ സന്യാസിമാർക്കും സന്യാസിനിമാർക്കും മാത്രമേ നൽകപ്പെടുന്നുള്ളൂ എന്ന് നിങ്ങളിൽ അനേകർ വിശ്വസിക്കുന്നത് കാണുമ്പോൾ, എന്റെ ഹൃദയത്തിന് വലിയ വേദനയുണ്ടാകുന്നു. എന്റെ കുഞ്ഞേ, എന്റെ സ്വന്തപ്പെട്ടവർ എന്നെ എത്രമാത്രം ഉറച്ചാണ് മനസ്സിലാക്കുന്നത് എന്ന് നിനക്ക് മനസ്സിലാകുന്നുണ്ടോ? യേശു വളരെ വ്യസനത്തോടെ അവിടുത്തെ ശിരസ്സ് ഒരുവശത്തേക്ക് ചിരിച്ചു, അവിടുത്തെ ഒരു കരം ഹൃദയത്തോട് ചേർത്ത് പിടിച്ചു. ഈ രീതിയിൽ അവിടുന്ന് കുറെ നേരം ഇരിക്കുന്നതായി കാണപ്പെട്ടു. അവിടുന്ന് വളരെ സുന്ദരനാണ്. എന്റെ സഭയുടെ പുറത്തുള്ള അനേകരെ ഞാൻ സമീപിച്ചിട്ടുണ്ട്. അതെ, വളരെ നികൃഷ്ടാവസ്ഥയിലുള്ള മനുഷ്യരെ തന്നെ ഞാൻ സമീപിച്ച് അവരെ എന്റെ വിശ്വസ്ത ഭക്തരായി രൂപാന്തരപ്പെടുത്തിയിട്ടുണ്ട്. ഞാൻ അവരിൽ നിന്ന് ശിഷ്യന്മാരെ രൂപപ്പെടുത്തിയിട്ടുണ്ട്. എന്നാൽ അനേകം സഭാധികാരികൾ എന്റെ ഇത്തരം ദൈവീക പ്രവർത്തികളെ അവഗണിക്കുകയും, ഞാൻ ഇങ്ങനെ രൂപപ്പെടുത്തിയ എന്റെ ശിഷ്യരെ അംഗീകരിക്കാതിരിക്കുകയും ചെയ്യുന്നുണ്ട്. സഭാധികാരികൾ ഇത്തരത്തിലുള്ള എന്റെ വിശ്വസ്ത ഭക്തരെ ഒരിക്കലും അംഗീകരിച്ചിട്ടില്ല. ആ ഭക്തരെക്കുറിച്ച് സഭാധികാരികൾക്ക് യാതൊരു അറിവുമില്ല. സഭാധികാരികൾക്ക് ചിലരോടുള്ള സവിശേഷ സ്നേഹം മൂലം ആ ഭക്തരിൽ അനേകർ തിരസ്കരിക്കപ്പെട്ടിട്ടുണ്ട്. തിരുവസ്ത്രം ധരിക്കുന്ന സമർപ്പിതരായ ഭക്തരെ മാത്രമേ ദൈവം സമീപിക്കുകയുള്ളൂ എന്ന സിദ്ധാന്തം തികച്ചും തെറ്റാണ്. നിങ്ങൾക്ക് എത്രമാത്രം തെറ്റ് പറ്റിയിരിക്കുന്നു? യേശു വളരെ വ്യസനിക്കുന്നതായി കാണപ്പെട്ടു. ഞാൻ സമീപിച്ചിട്ടുള്ള തിരുവസ്ത്രം ധരിക്കാത്ത മനുഷ്യരുടെയും, അഥവാ ഞാൻ സമീപിച്ചിട്ടുള്ള എന്നോട് വിശ്വസ്തരായ ഭക്തരുടെയും, അഥവാ അവരിൽ നിന്ന് രൂപപ്പെടുത്തിയ വിശുദ്ധരുടെയും എണ്ണം നിങ്ങൾ അറിഞ്ഞിരുന്നെങ്കിൽ. പ്രിയപ്പെട്ടവളേ, എന്റെ സാന്നിധ്യത്തിന്റെ സുഗന്ധം നിനക്ക് അനുഭവപ്പെട്ടിരുന്നത് നീ മറന്നുപോയോ? എന്റെ സുഗന്ധത്താൽ ഞാൻ നിന്നെ സ്നാനപ്പെടുത്തി അനുഗ്രഹിച്ചു. വരൂ, നീ എല്ലാം ഗ്രഹിക്കും. സമാധാനത്തിന്റെയും സ്നേഹത്തിന്റെയും ആയ എന്റെ സന്ദേശത്തിലൂടെ ഞാൻ അനേകം മനുഷ്യരെ മാനസാന്തരപ്പെടുത്തിയിട്ടുണ്ട്. അനേകം കാണാതെ പോയ നഷ്ടപ്പെട്ട ആടുകൾ എന്റെ അടുക്കൽ തിരിച്ചെത്തി എന്റെ കരങ്ങളുടെ ആശ്ലേഷത്തിൽ അമർന്നു. നീ ആനന്ദിക്കുക. തന്റെ ഉടമസ്ഥനെ കണ്ടെത്തിയ നഷ്ടപ്പെട്ടിരുന്ന ആട് അനുഭവിച്ച അത്ഭുതത്തേക്കാൾ വലിയ അത്ഭുതം എന്തെങ്കിലുമുണ്ടോ? തന്റെ നഷ്ടപ്പെട്ടിരുന്ന ആടിനെ കണ്ടുകിട്ടിയ ഇടയന്റെ സന്തോഷത്തേക്കാൾ വലിയ സന്തോഷം എന്താണ്? യേശുവിന്റെ ശാന്തമായ പുരുഷസ്വരത്തിൽ അവിടുത്തെ വലിയ ആനന്ദം പ്രകടമായിരുന്നു. അവിടുത്തെ ഹൃദയം ആനന്ദത്താൽ ത്രസിച്ചിരുന്നു. രക്ഷയുടെ എന്റെ അത്ഭുതങ്ങൾ നിന്റെ സഹോദരങ്ങളോട് ഉച്ചത്തിൽ വിളംബരം ചെയ്യുക. ഈ രക്ഷയുടെ സന്തോഷം നിന്റെ അയൽക്കാരോട് വിളിച്ചു പറയുക. ഈ സദ്വാർത്ത എല്ലാവരോടും പ്രഘോഷിക്കുക. എന്റെ പ്രവർത്തികൾ എല്ലാവരോടും ഉദ്ഘോഷിക്കുക. എന്റെ പ്രവർത്തികൾ എല്ലാവരും അറിയട്ടെ. എല്ലാവരും എന്റെ അത്ഭുതം അറിയട്ടെ. ഞാൻ നിന്റെ അടുക്കൽ വന്ന് നിന്റെ വിളക്കിൽ എണ്ണ നിറച്ചിരിക്കുന്നു. എന്റെ പ്രകാശം ഞാൻ നിനക്ക് നൽകിയിരിക്കുന്നു. നിന്റെ കട്ടിലിനടിയിൽ ഈ വിളക്ക് നീ ഒളിച്ചുവെക്കരുത്. അങ്ങനെ ചെയ്താൽ വിളക്കുകൊണ്ട് യാതൊരു പ്രയോജനവും ഉണ്ടാവില്ല. വരൂ, സഹോദരാ, ആനന്ദിക്കുക. എന്തെന്നാൽ, ദീപപീഠത്തിന്മേൽ നിലയുറപ്പിച്ച് പ്രകാശം പരത്തേണ്ടതിന് ഞാൻ നിന്റെ വിളക്കിൽ എണ്ണ നിറച്ചിരിക്കുന്നു. എല്ലാ മനുഷ്യരും നിന്നിലുള്ള പ്രകാശം കാണട്ടെ. അതുവഴി ഈ പ്രകാശം എന്നിൽ നിന്നുള്ളതാണെന്ന് എല്ലാവരും അറിയട്ടെ. എന്റെ പരിശുദ്ധമായ ദൈവീക പ്രവർത്തികളെ ഉദ്ഘോഷിക്കുക. എല്ലാ മനുഷ്യരും കാണേണ്ടതിന് പ്രകാശപൂരിതമായ നിന്റെ വിളക്ക് നിന്റെ പുരപ്പുറത്ത് വെച്ച് എന്നെ ബഹുമാനിക്കുക. എല്ലാവരും ആ പ്രകാശം കാണട്ടെ. അവർ ആ പ്രകാശത്തെക്കുറിച്ച് ഗ്രഹിക്കുമ്പോൾ, അവരെല്ലാവരും എല്ലാ ദിക്കുകളിൽ നിന്നും വന്ന് ഒന്നിച്ചുകൂടും. ഈ പ്രകാശം നിനക്ക് നൽകേണ്ടതിന് ഞാൻ എപ്രകാരമാണ് നിന്റെ അടുക്കൽ വന്നതെന്ന് എല്ലാവരും അറിയട്ടെ. എന്റെ സമാധാനം നിന്നോടുകൂടെ ഉണ്ടായിരിക്കട്ടെ. 25/01/1988. യേശുവേ. ഇത് ഞാനാണ്. യേശുവേ, ഇന്നുവരെ എനിക്ക് ലഭിച്ച ദൈവീക സന്ദേശങ്ങൾ എന്നെ ആശ്ചര്യപ്പെടുത്തുന്നു. അതൊരു സ്വപ്നം പോലെയാണെന്ന് തോന്നാറുണ്ട്. വസൂല, ഞാൻ സർവ്വജ്ഞാനിയും സർവ്വശക്തനുമായ ദൈവമാണ്. നിന്നെ മൃതരിൽ നിന്ന് ഉയർപ്പിച്ച് ജ്ഞാനാഭിഷേകം നൽകണമെന്ന് ഞാൻ നിശ്ചയിച്ചു. സൂര്യനെക്കുറിച്ചുള്ള ദർശനം നീ ഓർക്കുന്നുണ്ടോ? പൂവ്, കർത്താവേ, ഗോളാകൃതിയിലുള്ള പ്രകാശം. 1987 മാർച്ച് 26-ാം തീയതി ലഭിച്ച ദർശനം. സൂര്യന്റെ അത്ഭുതം എന്ന് നിങ്ങൾ കേട്ടിട്ടുള്ള അതേ സംഭവം തന്നെയാണിതും. ഫാത്തിമായിലെ ദർശനത്തിൽ വെളിപ്പെടുത്തിയ അതേ സൂര്യപ്രകാശഗോളം തന്നെയാണ് ഞാൻ നിനക്ക് നൽകിയതും. ആ പ്രകാശത്തിനുള്ളിൽ പ്രവേശിക്കുവാൻ ഞാൻ നിന്നെ അനുവദിച്ചു. അതിനുള്ളിലേക്ക് കടക്കുവാൻ ഞാൻ നിന്നെ ഇടയാക്കി. അല്ലയോ, വസൂല, ഞാൻ നിനക്ക് നൽകിയിട്ടുള്ള പ്രത്യേക കൃപയുടെ മഹത്വത്തെക്കുറിച്ച് നീ അറിഞ്ഞിരുന്നെങ്കിൽ. കുഞ്ഞേ, നീ ഇതുവരെ അതിന്റെ മഹത്വം തിരിച്ചറിഞ്ഞ് ഗ്രഹിച്ചിട്ടില്ല. അതിനു കാരണം ഞാൻ നിന്റെ കണ്ണുകളെ മറച്ചുവെച്ചതുകൊണ്ടാണ്. എന്റെ ദൈവമേ, ഞാൻ അങ്ങയെ സ്നേഹിക്കുന്നു. വസൂല, ഞാൻ നിന്നെ എന്റെ തിരുഹൃദയത്തിൽ മറച്ചുവെക്കും. നീ എനിക്ക് വിലപ്പെട്ടവളാണ്. നിന്റെ ദൈവമായ ഞാൻ നിന്നെ സ്നേഹിക്കുന്നു. ഞാൻ സ്നേഹമായതിനാൽ നീ ഒരിക്കലും എന്നെ ഭയപ്പെടേണ്ട. ഞാൻ എപ്പോഴും വാത്സല്യനിധിയായ നിന്റെ പിതാവായിരിക്കും. നീ എനിക്കെതിരെ കലഹിക്കുന്നെങ്കിൽ മാത്രം എന്നെ ഭയപ്പെട്ടാൽ മതി. അല്ലയോ, വസൂല, എന്റെ രഹസ്യങ്ങൾ അനവധിയാണ്. അവയിൽ ഏറെയും നിന്നിൽ നിന്ന് മറയ്ക്കപ്പെട്ടിരിക്കുന്നു. വസൂല, ഇപ്പോൾ എന്നെ ശ്രദ്ധാപൂർവ്വം ശ്രവിക്കുക. എന്റെ എല്ലാ പ്രവചനങ്ങളും നിറവേറും. തിരുവചനത്തിൽ എഴുതപ്പെട്ട ഓരോ വചനവും പൂർത്തിയാക്കപ്പെടും. വസൂല, നീ രണ്ട് ഹൃദയങ്ങളുടെ ചിത്രം വരയ്ക്കണമെന്ന് ഞാൻ ആഗ്രഹിക്കുന്നു. അതെ, രണ്ട് ഹൃദയങ്ങളും അടുത്തടുത്ത് ഐക്യപ്പെട്ടിരിക്കുന്നതായി വരയ്ക്കുക. രണ്ട് ഹൃദയങ്ങളെയും വലയം ചെയ്യുന്ന ഒരു മുൾകിരീടം ഉണ്ടായിരിക്കട്ടെ. എന്റെ മാതാവിന്റെ വിമല ഹൃദയം എന്റെ തിരുഹൃദയത്തോട് ഐക്യപ്പെട്ടിരിക്കുന്നു. പരിശുദ്ധ മാതാവിന്റെ വിമല ഹൃദയം അർഹിക്കുന്ന വണക്കം ഞാൻ നിങ്ങൾ ഓരോരുത്തരിൽ നിന്നും ആഗ്രഹിക്കുന്നു. മകളേ, ഞങ്ങളുടെ ദിവ്യഹൃദയങ്ങൾ എപ്രകാരം മുള്ളുകളാൽ ആവരണം ചെയ്യപ്പെട്ടിരിക്കുന്നു എന്ന് കാണുക. ഞങ്ങളോട് നന്ദിരാഹിത്യവും വിശുദ്ധതാലങ്കരവും ദൈവനിന്ദ, സ്നേഹരാഹിത്യവും കാണിക്കുന്ന മനുഷ്യരുടെ ചെയ്തികളാണ് ഞങ്ങളുടെ ഹൃദയങ്ങളിൽ തറച്ചിരിക്കുന്ന മുള്ളുകൾ. അവരുടെ സർവ്വ പാപങ്ങളുമാണ് ഈ മുള്ളുകൾ. വസൂല, വചനമായ ഞാൻ അവളെ, പരിശുദ്ധ കന്യകാമറിയത്തെ, ബഹുമാനിക്കുന്നുണ്ട്. ഞാൻ അവളെ ബഹുമാനിക്കുന്നതുപോലെ നിങ്ങളും അവളെ സമീപിക്കുകയും ബഹുമാനിക്കുകയും ചെയ്യണമെന്ന് ഞാൻ ആഗ്രഹിക്കുന്നു. അവളെ ബഹുമാനിച്ചുകൊണ്ട് എല്ലാ മുട്ടുകളും അവളുടെ മുമ്പിൽ മടക്കണമെന്ന് ഞാൻ ആഗ്രഹിക്കുന്നു. നിങ്ങൾ ജപമാല പ്രാർത്ഥന ചൊല്ലണമെന്നും പരിശുദ്ധ മാതാവിനെ ബഹുമാനിക്കണമെന്നും ഞാൻ ആഗ്രഹിക്കുന്നു. നിങ്ങളെ പഠിപ്പിക്കുവാൻ മാതാവിനോട് അപേക്ഷിച്ചുകൊണ്ട്, നിങ്ങളുടെ പാപങ്ങൾക്ക് നിങ്ങൾ പരിഹാരം ചെയ്യണമെന്ന് ഞാൻ ആവശ്യപ്പെടുന്നു. മകളേ, ജാഗ്രതയുള്ളവളായിരിക്കുക. എന്റെ അമ്മയുടെ ഹൃദയം എപ്രകാരം എന്റെ തിരുഹൃദയത്തോട് ഐക്യപ്പെട്ടിരിക്കുന്നെന്നും, എപ്രകാരം ഞങ്ങളുടെ ഹൃദയങ്ങൾ മുള്ളുകളാൽ ആവരണം ചെയ്യപ്പെട്ടിരിക്കുന്നെന്നും ഞാൻ നിനക്ക് വെളിപ്പെടുത്തി തന്നിരിക്കുന്നു. എന്റെ സാന്നിധ്യം ഞാൻ നിന്നെ അനുസ്മരിപ്പിക്കുന്നതാണ്. ഞാൻ നിന്നെ സ്നേഹിക്കുന്നു. യേശുവേ, ഞാനും അങ്ങയെ സ്നേഹിക്കുന്നു. വരൂ, വസൂല, നീ എന്നോടൊപ്പം പ്രാർത്ഥിക്കാമോ? പൂവ്, കർത്താവേ. അബ്ബാ, പിതാവേ, എന്റെ ഇച്ഛാശക്തിയെ ഞാൻ അങ്ങേയ്ക്ക് സമർപ്പിക്കുന്നു. എന്റെ ജീവനെ ഞാൻ അങ്ങേയ്ക്ക് സമർപ്പിക്കുന്നു. ഞാൻ എന്നെ തന്നെ അങ്ങേയ്ക്ക് സമർപ്പിക്കുന്നു. നീതിമാനായ പിതാവേ, അങ്ങ് ആഗ്രഹിക്കുന്നുവെങ്കിൽ, അങ്ങ് എന്നെ ഉപയോഗിക്കുവാൻ തക്കവിധം എന്നെ യോഗിയാക്കണമേ. അങ്ങയുടെ തീക്ഷ്ണമായ ചൊലിക്കുന്ന അഭിലാഷങ്ങൾ നിറവേറ്റുന്നതിനുള്ള ഒരു സമ്പൂർണ്ണ സമർപ്പിതയായി എന്നെ മാറ്റേണമേ. അങ്ങയുടെ തിരുഹൃദയത്തിന്റെ അഭീഷ്ടമനുസരിച്ച് പ്രവർത്തിച്ചാലും. ആമേൻ. വസൂല, നിന്നെ പീഡിപ്പിക്കുന്നവരെ അനുഗ്രഹിക്കുക. അവർക്കുവേണ്ടി പ്രാർത്ഥിക്കുക. വരൂ, നിന്റെ പരിശുദ്ധ മാതാവിനോട് പ്രാർത്ഥിക്കുക. എന്നോടൊപ്പം ഇപ്രകാരം പ്രാർത്ഥിക്കുക. യേശു പ്രാർത്ഥന പറഞ്ഞു തന്നു. അല്ലയോ, പരിശുദ്ധ മാതാവേ, സ്നേഹമാകുന്ന ദൈവത്തിനുവേണ്ടിയുള്ള സ്നേഹത്തിന്റെ സമർപ്പിതയാകുവാൻ തയ്യാറായിക്കൊണ്ട്, അങ്ങയുടെ വിമല ഹൃദയത്തിനെതിരെ പറയുന്ന എല്ലാ തിന്മകൾക്കും വേണ്ടി ഞാൻ പരിഹാരം ചെയ്യും. ആമേൻ. വസൂല, എന്നോടൊപ്പം പിതാവിനോട് പ്രാർത്ഥിക്കുക. വരൂ, നമുക്ക് ഒന്നിച്ച് പ്രാർത്ഥിക്കാം. പ്രിയപ്പെട്ട പിതാവേ, ഞാൻ വീണ്ടും അങ്ങയുടെ പരിശുദ്ധ നാമത്തെ മഹത്വപ്പെടുത്തേണ്ടതിന് എന്റെ വിശ്വാസത്തെയും എന്റെ സ്നേഹത്തെയും എന്റെ പ്രത്യാശയെയും വർദ്ധിപ്പിക്കണമേ. ആമേൻ.