བལ་ཡུལ་གྱི་གློ་སྨོན་ཐང་ཁུལ་དུ་ཉིན་གཅིག་ནང་ས་ཡོམ་ ༧ བརྒྱབ་སྟེ་སྡོད་ཁང་སོགས་ལ་གནོད་སྐྱོན་ཚབས་ཆེ་ཕོག་འདུག

Voice of Tibet · Sep 10, 2026

བལ་ཡུལ་གྱི་ Upper Mustang འམ་གློ་སྨོན་ཐང་ས་ཁུལ་དུ་འདས་པའི་ཆུ་ཚོད་ ༢༤ ནང་ས་ཡོམ་མི་འདྲ་བ་ ༧ བརྒྱབ་སྟེ་སྡོད་ཁང་སོགས་ལ་གནོད་སྐྱོན་ཚབས་ཆེ་ཕོག་ཡོད་འདུག དེ་ཡང་ཁ་སང་ Ratopati ཞེས་པའི་བལ་ཡུལ་བརྒྱུད་ལམ་གྱིས་གནས་ཚུལ་སྤེལ་བར་གཞིགས་ན།  གློ་སྨོན་ཐང་ས་ཁུལ་དུ་ཆུ་ཚོད་ ༢༤ ནང་ཚུད་ས་ཡོམ་མི་འདྲ་བ་ ༧ བརྒྱབ་པའི་འོག ལོ་ངོ་བརྒྱ་ཕྲག་མང་པོའི་བཟོ་བཀོད་ལྡན་པའི་ས་ཁུལ་དེའི་འདམ་བག་གི་སྡོད་ཁང་བརྒྱ་ཆ་ ༥༠ ཙམ་ལ་སེར་ཁ་གས་པ་དང་ལུག་པ་སོགས་གནོད་སྐྱོན་ཚབས་ཆེ་ཕོག་པ་མ་ཟད། ད་དུང་མུ་མཐུད་ས་ཡོམ་བརྒྱབ་པ་ཡིན་ན་གཞན་སྡོད་ཁང་བརྒྱ་ཆ་ ༥༠ དེ་ལ་ཡང་ཉེན་ཁ་ཆེན་པོ་ཆགས་ཀྱི་ཡོད་པ་དང་འབྲེལ། ཁང་པའི་ནང་དུ་མི་བསྡད་མ་ནུས་པའི་གནས་སྟངས་ཆགས་ཡོད་པ་རེད་འདུག…