【#2】法律客語文運動｜著作權保護對創作者个重要性 ft. 音樂人 邱淑蟬

法客電台 BY 法律白話文 Plain Law Media · Nov 19, 2023 · 51m

特輯節目《法律客語文運動》又來啦！

著作權保護，聽起來離𠊎兜當遠，毋過，大家都有可能變作創作者、還係看到中意个創作者同別人冤家。

故所，這一集愛對創作者个角度，帶等大家來了解，著作權仰仔來保障創作者，

一個創作者到底會堵到仰般个著作權議題，打契約過程當中，有麼个愛特別注意个事項。

𠊎兜這擺，邀請到當慶、聲音當溫柔、自家寫詞寫曲个歌手邱淑蟬，佢係高雄六龜个客家人，分別在2020年摎2022 年，得到臺灣原創流行音樂大賽客語組打頭名，當多歌曲像〈望〉、〈發夢〉、〈妹仔〉，都受到當多个關注。

今年，〈望〉這條歌仔甚至得到「金音獎最佳民謠歌曲獎」。最近，佢第一張客語創作專輯《繭的形狀》既經出來了，裡肚寫到家鄉記憶、寫到日常生活摎屋下人个感情，淑蟬對創作者个角度，

摎𠊎兜分享佢創作个心情、自家堵著个著作權爭議，還有對著作權个看法。

💡本集節目重點👂：

🪝 對一個創作者來講，客家話對屋下裡肚个母語、變作創作个語言、再變作別人認識自家个方式，心路歷程係仰般？做麼个該央時會想到用客家話來創作？

🪝 紹介這擺「繭的形狀」專輯裡肚，專輯个概念、歌曲排列个順序、歌詞个多種語言呈現、自家最中意个創作、還有最想愛推薦分聽毋識客家話个人个歌曲係麼个？

🪝 著作權保護个內容係麼个？有哪兜愛考慮到个因素？著作人格權摎著作財產權有麼个差別？

🪝…