ابنك كل ما يشوف الطرح يقولك: «أعمل إيه؟» جربي تخليه يشوفه بعينه 🎈
هاتيله 5 كرات، وحطي قدامه كوبايتين.
وقولي له:
«قدامنا 5 كرات.»
وبعدين خبي كرتين بالكوبايتين.
واسأليه:
«أنا خبيت كام؟»
وبعدين:
«كان عندنا كام؟ واللي اختفى كام؟ وفضل قدامنا كام؟»
هيلاقي إن قدامه 3 كرات.
هنا قولي له:
«كان معانا 5، واستخبّى منهم 2، فبقى معانا 3.»
دي فكرة الطرح ببساطة:
جزء من الكمية خرج أو اختفى، فبقى عندنا أقل.
وبعد ما يفهم اللي حصل قدامه، وريه إننا بنكتبها:
5 − 2 = 3
لأن هدفنا مش إن الطفل يحفظ إن «−» معناها طرح…
هدفنا الأول إنه يفهم معنى الطرح نفسه. 🤍
#على_قد_عقلنا, #الطرح, #تعليم_الطرح, #رياضيات_للأطفال, #تأسيس_رياضيات, #تعليم_الأطفال, #مذاكرة_الأطفال, #المذاكرة_والتعليم…
The skinny
The skinny isn't ready yet — notes appear once the transcript is processed.