(General News) သိုၵ်းမၢၼ်ႈဝႃႈ လိူၵ်ႈတင်ႈတႃႇၸိုင်ႈမိူင်းလီ ၵူၼ်းမိူင်းသမ်ႉလႆႈတုၵ်ႉၶီဝႆႉထႃႈ

Shan Herald Agency for News (SHAN) · Jan 9, 2026 · 10m

သိုၵ်းမၢၼ်ႈဝႃႈ လိူၵ်ႈတင်ႈတႃႇၸိုင်ႈမိူင်းလီ ၵူၼ်းမိူင်းသမ်ႉလႆႈတုၵ်ႉၶီဝႆႉထႃႈ

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

သိုၵ်းမၢၼ်ႈ ၸတ်းပၢင်လိူၵ်ႈတင်ႈ ႁွပ်ႈၼိုင်ႈယဝ်ႉတူဝ်ႈၵႂႃႇ မိူဝ်ႈႁၢင်ပီ 2025 ၼႆႉသေ ၶိုၼ်းတေၸတ်းထႅင်ႈႁွပ်ႈသွင် ။ ၵူၼ်းၸိူဝ်းထတ်းသၢင်ႁၼ်ဝႃႈ ပၢင်လိူၵ်ႈတင်ႈၼႆႉ ပဵၼ်ၽႅၼ်ၵၢၼ်သိုၵ်းမၢၼ်ႈ တႃႇယူႇလွတ်ႈ မီးဢႃႇၼႃႇ ၵႂႃႇထႅင်ႈ ၵူၺ်း ၼႆၵေႃႈမီး ။ ၸိူဝ်းလၢတ်ႈဝႃႈ လႆႈၶိုပ်ႈဢဝ်ၶိုပ်ႈ လႆႈသွၵ်ႇဢဝ်သွၵ်ႇၼႆသေ ၶဝ်ႈၵႃႈၸွမ်းလွၵ်းၸိူင်း သိုၵ်းမၢၼ်ႈ ၵေႃႈ မီးမိူၼ်ၵၼ် ။ ၽွၼ်းပၢင်ႈပၢင်လိူၵ်ႈတင်ႈ တေတုမ်ႉယွၼ်ႈၸိုင်ႈမိူင်းၸိူင်ႉႁိုဝ် ပႆႇႁူႉတင်းပိုၵ်းသေတႃႉ ။ ၸိူဝ်းပဵၼ်ၵူၼ်းမိူင်းတႄႉ လႆႈသုၵ်ႉၸွမ်း လႆႈၵႂင်ၸႂ်ၸွမ်းဢမ်ႇႁၢင်ႉ ။…