Latest / ദൈവത്തിലുള്ള യഥാർത്ഥ ജീവിതം - TLIG / Ep 48: എന്റെ തിരുക്കച്ച (ടൂറിൻ) ആധികാരികമാണ്.
Transcript
- എപ്പിസോഡ് 48. 1/10/1987, പ്രഭാതം. ഇന്ന് രാവിലെ മേക്കപ്പ് സാധനങ്ങൾ വിൽക്കുന്നതിനായി എന്റെ അടുക്കൽ ഒരാൾ വന്നു. അത് ആവശ്യമില്ലാത്ത സാധനങ്ങൾ ആയിരുന്നു, കൂടാതെ സമയം നഷ്ടം വരുത്തുന്നതും. അവളെ എന്റെ അടുക്കലേക്ക് അയച്ചത് എന്റെ സ്നേഹിതയായിരുന്നു. കുഞ്ഞേ, ഞാൻ നിന്നെ അളവില്ലാത്ത വിധം സ്നേഹിക്കുന്നു. ഞാൻ നിനക്ക് ഏറ്റവും പ്രിയപ്പെട്ടവനാണ്. വസൂല, എന്തുകൊണ്ടാണ് നീ എന്നിൽ നിന്ന് പിന്തിരിയുന്നത്? നീ എന്നിൽ നിന്ന് പിന്തിരിയരുത്. ഈ സമയത്ത് യേശുവിന്റെ ഹൃദയം സ്നേഹത്താൽ കത്തി ജ്വലിക്കുന്നതായി എനിക്ക് അനുഭവപ്പെട്ടു. നീ ശരിയായി തന്നെ ഊഹിച്ചു മനസ്സിലാക്കിയിരിക്കുന്നു. എന്റെ സ്നേഹം വീണ്ടും കത്തി ജ്വലിച്ചു കൊണ്ടിരിക്കുന്നു. എന്റെ സ്നേഹം കത്തി ജ്വലിച്ചിരിക്കുമ്പോൾ ഞാൻ കൂടുതലായി സ്നേഹം ആവശ്യപ്പെടുന്നു. നീ എനിക്കുവേണ്ടി മാത്രം ജീവിക്കണമെന്ന് ഞാൻ ആഗ്രഹിക്കുന്നു. നിന്റെ ദൃഷ്ടി എന്റെ മേൽ ഉറപ്പിക്കണമെന്ന് ഞാൻ ആഗ്രഹിക്കുന്നു. എന്നെ നോക്കുക, എന്നെ സ്നേഹിക്കുക. എന്നെ സുഗന്ധപൂരിതനാക്കുക, എന്നെ അലങ്കരിക്കുക. എന്നെ സ്തുതിക്കുക, എന്നെ ആഗ്രഹിക്കുക, എനിക്കുവേണ്ടി ശ്വസിക്കുക. എനിക്കുവേണ്ടി മാത്രം പുഞ്ചിരിക്കുക. നിന്റെ ദൈവമായ എന്നെ നീ എത്രമാത്രം സ്നേഹിക്കുന്നു എന്ന് നീ എന്നോട് പറയുക. മറ്റുള്ളവരെ എന്നിലേക്ക് അടുപ്പിക്കുവാൻ പരിശ്രമിക്കുക. എന്റെ ശമിക്കാത്ത ദാഹം ശമിപ്പിക്കുക. വസൂല, ഞാൻ ദാഹാർത്ഥനാണ്. ഞാൻ മനുഷ്യർക്കു വേണ്ടി ദാഹിക്കുന്നു. വസൂല, നീ എന്തിനാണ് എതിരാളികളെ എന്റെ അടുക്കലേക്ക് കൊണ്ടുവരുന്നത്? ഇനിമേൽ നീ എതിരാളികളെ കൊണ്ടുവരാതിരിക്കുക, ഒരിക്കലും കൊണ്ടുവരരുത്. എന്നെ സ്തുതിക്കുക. ഞാൻ നിനക്ക് ധാരാളമായി തന്നിട്ടുണ്ട്. ഞാൻ നിനക്ക് നൽകിയിരിക്കുന്ന എല്ലാത്തിനും വേണ്ടി നീ എന്നെ സന്തോഷിപ്പിക്കുമോ? എന്റെ ആനന്ദത്തിന്റെ പൂന്തോട്ടത്തിലൂടെ ഞാൻ നിന്നോടൊപ്പം നടന്നു. അതിന്റെ സൗന്ദര്യം നമ്മൾ പങ്കുവെച്ചു. എന്റെ സന്തോഷവും സഹനവും ഞാൻ നിന്നോടൊപ്പം പങ്കുവെച്ചു. എന്റെ കുരിശ് ഞാൻ നിന്റെ തോളിൽ വെച്ചു. നമ്മൾ രണ്ടുപേരും അത് ഒരുമിച്ച് പങ്കുവെച്ചുകൊണ്ടിരിക്കുന്നു. കുരിശിലൂടെയുള്ള മനോവ്യഥയും ദുഃഖങ്ങളും വേദനയും നമ്മൾ ഒരുമിച്ച് പങ്കുവെച്ചുകൊണ്ടിരിക്കുന്നു. കുരിശിലൂടെയുള്ള സ്നേഹവും നമ്മൾ ഒരുമിച്ച് പങ്കുവെച്ചുകൊണ്ടിരിക്കുന്നു. നിന്നെ സുഖപ്പെടുത്തുകയും പരിപോഷിപ്പിക്കുകയും ചെയ്തുകൊണ്ട് ഞാൻ നിന്നെ എന്റെ നെഞ്ചോട് ചേർത്ത് ഉയർത്തിയില്ലേ? ഞാൻ നിന്നെ എന്റെ മണവാട്ടിയായി സ്വീകരിക്കുകയും നമ്മുടെ വിവാഹ മണിമഞ്ചികയായി എന്റെ കുരിശിനെ പങ്കുവെച്ച് തരികയും ചെയ്തില്ലേ? നീ എന്നെ നോക്കുകയില്ലേ? ഞാൻ യേശുവിന്റെ തിരുമുഖത്തേക്ക് നോക്കി. പുഷ്പമേ, നിന്നെ എപ്പോഴെങ്കിലും ഉപേക്ഷിക്കുവാൻ എനിക്ക് കഴിയുമോ? നിന്നെ ഏറ്റവുമധികം സ്നേഹിക്കുന്നവനാണ് ഞാൻ. എന്റെ അരികിൽ നിലകൊള്ളുക, ഇവിടെ. യേശുവിന് പെട്ടെന്ന് ഒരു ആശയം ഉണ്ടായതുപോലെ, സംഭാഷണം പെട്ടെന്ന് നിർത്തിയിട്ട്, യേശു എന്റെയും അവിടുത്തെയും കണങ്കാലുകൾ ചൂണ്ടിക്കാണിച്ചു. അവ പരസ്പരം ബന്ധിക്കപ്പെട്ടിരിക്കുന്നതായി ഞാൻ കണ്ടു. ശ്രവിക്കുക, നമ്മുടെ ബന്ധങ്ങൾ ഞാൻ കൂടുതൽ ബലപ്പെടുത്തും. നീ എന്നോടൊപ്പം അടുത്തടുത്ത് വരണമെന്ന് ഞാൻ ആഗ്രഹിക്കുന്നു. നീ എന്നോട് ഐക്യപ്പെട്ട ഒന്നായി തീരണമെന്ന് ഞാൻ ആഗ്രഹിക്കുന്നു. ആരാണ് നിന്നെ ആദ്യം ചേർത്ത് പിടിച്ചത്? എങ്ങനെയാണ്, കർത്താവേ? ആദ്യമായി നിന്നെ വിശദീകരിച്ച് നിന്റെ മേൽ ദൃഷ്ടി ഉറപ്പിച്ചത് ഞാനായിരുന്നു. വസൂല, എനിക്കുവേണ്ടിയാണ് ഞാൻ നിന്നെ സൃഷ്ടിച്ചത്. നീ ആരാണെന്ന് ഞാൻ നിന്നെ ഓർമ്മിപ്പിക്കട്ടെ: നീ വെറും ചാരവും പൊടിയുമല്ലാതെ മറ്റൊന്നുമല്ല. എന്റെ അനന്തമായ കാരുണ്യത്താൽ ഞാൻ നിന്നെ മരിച്ചവരിൽ നിന്ന് ജീവനിലേക്ക് ഉയർത്തി. ഇക്കാര്യം എപ്പോഴും ഓർത്തുകൊള്ളുക. പാസ്റ്റർ വന്നപ്പോൾ ഞാൻ ദൈവീക സന്ദേശങ്ങൾ അദ്ദേഹത്തെ കാണിച്ചു. ആരംഭത്തിൽ തന്നെ അദ്ദേഹം അത് വിശ്വസിച്ചില്ല. പരിശുദ്ധ മാതാവിനെ ദൈവമാതാവായി അദ്ദേഹം അംഗീകരിച്ചില്ല. പരിശുദ്ധ മാതാവിന്റെ പ്രത്യക്ഷപ്പെടലുകളെ കുറിച്ച് അദ്ദേഹം കേട്ടിട്ടേയില്ലായിരുന്നു. യാതൊരു ആത്മീയ പ്രവർത്തികളിലും അദ്ദേഹം വിശ്വസിച്ചിരുന്നില്ല. വിശുദ്ധ ചിത്രങ്ങളോടും അദ്ദേഹത്തിന് എതിർപ്പായിരുന്നു. ഞാൻ സമനില തെറ്റിയ ഒരു മനുഷ്യനാണെന്ന് ഒരുപക്ഷേ അദ്ദേഹത്തിന് തോന്നിയിട്ടുണ്ടാകാം. വസൂല, ഞാൻ സർവ്വസമ്പന്നനാണ്. എന്നാൽ വളരെ കുറച്ചുപേർ മാത്രമേ എന്റെ സമ്പത്തിനെ കുറിച്ച് അറിയുന്നുള്ളൂ. ഞാൻ മനുഷ്യനായിരുന്നപ്പോൾ ഞാൻ നിന്ദിക്കപ്പെട്ടിട്ടില്ലേ? എന്നെ പുച്ഛിച്ചിട്ടില്ലേ? എന്നെ ഒരു ദൈവദൂഷകനായി കരുതപ്പെട്ടിട്ടില്ലേ? പണിക്കാർ ഉപേക്ഷിച്ചുകളഞ്ഞ കല്ല് മൂലക്കല്ലായി തീർന്നതുപോലെ ഞാനും ഉപേക്ഷിക്കപ്പെടുകയും ഒടുവിൽ സ്വീകരിക്കപ്പെടുകയും ചെയ്യപ്പെട്ടിട്ടില്ലേ? നിന്ദനങ്ങൾ സഹിച്ചുകൊണ്ടും ശരീരദമനം ചെയ്തുകൊണ്ടും എന്നെ ആദരിക്കുക. നീ സ്വയം വിനീതയാവുക. അതെ, എന്നെപ്പോലെ ആകണമെന്ന് ഓർമ്മിക്കുക. നികൃഷ്ടതയുടെ മധ്യേ നീ എന്നെ സേവിക്കേണ്ടി വരുമെന്ന് ഞാൻ നിന്നോട് പറഞ്ഞിട്ടില്ലേ? നിനക്ക് യാതൊരു വിശ്രമവും ഉണ്ടാവുകയില്ലെന്ന് ഞാൻ പറഞ്ഞിട്ടില്ലേ? ഞാൻ നിനക്ക് തരുന്നത് സ്വീകരിക്കുക. സ്വയം ആശാനിഗ്രഹം ചെയ്യുന്നതിനെക്കുറിച്ച് ഭയപ്പെടേണ്ട. രക്തം വാർന്നൊലിക്കുന്ന എന്റെ ഹൃദയത്തിൽ നിന്നുള്ള രണ്ടുതുള്ളി രക്തം ഞാൻ നിന്റെ ഹൃദയത്തെ മുഴുവൻ നിറയ്ക്കത്തക്കവണ്ണം ഒഴുക്കാം. എന്റെ കൈകൊണ്ട് പരിശുദ്ധമാക്കപ്പെട്ട നീ എന്റെ പ്രകാശത്തിൻ കീഴിൽ വസിക്കുക. തിരസ്കരിക്കപ്പെടുവാൻ പഠിക്കുക. യേശു ഇത് പറഞ്ഞപ്പോൾ വളരെയധികം ദുഃഖിതനായി കാണപ്പെട്ടു. അവിടുത്തെ വേദനയോട് തുലനം ചെയ്താൽ എന്റെ വേദന ഒന്നുമല്ലായിരുന്നു. എന്റെ വേദന വിസ്മരിച്ചുകൊണ്ട് യേശുവിനെ ആശ്വസിപ്പിക്കുവാൻ ഞാൻ ആഗ്രഹിച്ചു. പരിശുദ്ധ മാതാവ് എന്റെ അടുത്തുള്ളതായി എനിക്ക് അനുഭവപ്പെട്ടു. പരിശുദ്ധ മാതാവേ. വസൂല, നീ എനിക്കുവേണ്ടി ഒരു തിരി കത്തിക്കുക. ആ പാസ്റ്ററുടെ തെറ്റ് തിരുത്തുക. അയാളോട് ക്ഷമിക്കണമെന്ന് യേശുവിനോട് അപേക്ഷിക്കുക. എനിക്കുവേണ്ടി നീ ഇത് ചെയ്യാമോ? പരിശുദ്ധ മാതാവേ, ഞാൻ അത് ചെയ്യാം. പ്രിയപ്പെട്ടവളേ, പരിഹാരം ചെയ്യുക. യേശുവിന്റെ പ്രവർത്തനങ്ങളിൽ സംശയിക്കരുത്. ഞങ്ങളെ ആദരിക്കുക. പരിശുദ്ധ മാതാവേ, ഞാൻ ചെയ്യാം. 2/10/1987. ഇത് ഞാനാണ്, യേശു. എന്റെയോ എന്റെ മാതാവിന്റെയോ രൂപങ്ങളിൽ ഏതും ആദരിക്കപ്പെടേണ്ടതാണെന്ന് എല്ലാവരും അറിയട്ടെ. എന്റെ കുരിശ് എന്നെ പ്രതിനിധാനം ചെയ്യുന്നതുപോലെ ഞങ്ങളുടെ രൂപങ്ങളും ഞങ്ങളെ പ്രതിനിധാനം ചെയ്യുന്നു. എന്റെ മൃതശരീരം പൊതിഞ്ഞിരുന്ന തിരുവസ്ത്രവും യഥാർത്ഥത്തിൽ ഉള്ളതാണെന്ന് എല്ലാവരും അറിയട്ടെ. അതുതന്നെയാണ് എന്നെ പൊതിഞ്ഞിരുന്ന തിരുക്കച്ച. ഞാൻ അനുഗ്രഹിച്ചിരിക്കുന്ന വസൂല, എന്റെ ഹൃദയത്തിലേക്ക് പ്രവേശിക്കുക. നിന്നെ ഞാൻ എന്റെ ഹൃദയത്തിൽ മറച്ചുവെക്കട്ടെ. നീ അവിടെ വിശ്രമിക്കുക. വരൂ, നിന്റെ പിതാവിന്റെ സന്നിധിയിലേക്ക് വരിക. ദൈവം എന്നെ പൊതിയുന്നതുപോലെ എനിക്ക് തോന്നി. ഞാൻ ആനന്ദത്തുന്തിലെയായി. 5/10/1987. എന്നോട് പരിശുദ്ധ മാതാവ് ആവശ്യപ്പെട്ടതുപോലെ ആ പാസ്റ്ററിനുവേണ്ടി പ്രായശ്ചിത്തം ചെയ്യുവാൻ ഞാൻ തീരുമാനിച്ചു. കുറച്ച് കഴിഞ്ഞ് എന്റെ ബന്ധു ഇസ്മിനി ഫോൺ വിളിച്ച് അവൾ ഇറ്റലിയിലെ ടൂറിങ് സന്ദർശിക്കാൻ പോവുകയാണെന്ന് പറഞ്ഞു. അവരോടൊപ്പം പോകാൻ താല്പര്യമുണ്ടോ എന്ന് ചോദിച്ചു. അവിടുത്തെ കത്തീഡ്രലിൽ പോയി അവിടെ സൂക്ഷിച്ചിരിക്കുന്ന തിരുക്കച്ച ചുംബിക്കണമെന്നുള്ളത് എന്റെ ചിരകാല സ്വപ്നമായിരുന്നു. യേശു എനിക്ക് അത് തരപ്പെടുത്തി തന്നിരിക്കുന്നു. അതുകൊണ്ട് ഞാനും പോകണം. അവിടെ ചെന്നാൽ തങ്ങാറുള്ള ഒരു ഹോട്ടലിൽ എന്റെ ബന്ധു ഞങ്ങളെ കൊണ്ടുചെന്നാക്കി. ടൂറിന് വളരെ പ്രശസ്തി അർജ്ജിച്ച ഒരു നഗരമാണ്. എന്നാൽ ഞങ്ങളുടെ ഹോട്ടൽ ഞങ്ങൾക്ക് പോകേണ്ട സ്ഥലത്തുനിന്ന് 500 മീറ്റർ അകലത്തായിരുന്നു. യേശു എനിക്കത് എളുപ്പമാക്കി തന്നു. ശനിയാഴ്ച ഉച്ച കഴിഞ്ഞ് ഞങ്ങൾ കത്തീഡ്രലിൽ എത്തി. കത്തീഡ്രലിന്റെ മുകളിലത്തെ നിലയിലാണ് തിരുക്കച്ച സൂക്ഷിച്ചിരിക്കുന്നത്. ഏറ്റവും പരിശുദ്ധമായ ഒരു സ്ഥലത്ത് നിൽക്കുന്നതുപോലെ എനിക്ക് തോന്നി. ശാന്തിയും പരിശുദ്ധിയും അവിടെ നിറഞ്ഞുനിൽക്കുന്നതായി എനിക്ക് അനുഭവപ്പെട്ടു. വളരെ അത്ഭുതകരം തന്നെ. കുറച്ച് കഴിഞ്ഞ് ഞാൻ ഹോട്ടലിലേക്ക് മടങ്ങി. ഷോപ്പിങ്ങിന് പോയിരുന്ന എന്റെ ബന്ധു വൈകുന്നേരം തിരിച്ചുവന്നു. ഞാൻ കണ്ട കാഴ്ചകൾ അവളോട് പറയുവാനായി ഞാൻ അടുത്തുചെന്നു. എന്നാൽ അവൾ എന്റെ അടുത്തേക്ക് പറന്നുവന്ന് അവൾ കണ്ടത് പറയാൻ വെമ്പൽ പൂണ്ടു. ഞാൻ പറയുന്നത് കേൾക്കുവാൻ ക്ഷമ കാട്ടാതെ അവൾ കണ്ടത് എന്നോട് പറയുവാനായിരുന്നു അവൾക്ക് തിടുക്കം. അത്രയ്ക്ക് അത്ഭുതകരമായിരുന്നു അവൾ കണ്ട കാഴ്ചകൾ. വസൂല, നമ്മൾ കുറഞ്ഞത് 10 പ്രാവശ്യമെങ്കിലും ആറോട് കുറുകെ കടന്നിട്ടുണ്ട്. ഞാനാണെങ്കിൽ വർഷങ്ങളായി ഇവിടെ വരാറുള്ളതുമാണ്. എന്നാൽ ഇതിന് മുമ്പൊരിക്കലും അവിടെ മാതാവിന്റെ ഒരു പ്രതിമയും കണ്ടിട്ടില്ല. ഇന്ന് കണ്ടത് വളരെ അത്ഭുതം തന്നെ. ഏകദേശം 3 മീറ്റർ ഉയരം, വളരെയധികം ഞൊറികളുള്ള ഉടുപ്പ്, ഒരു നീല ശിരോവസ്ത്രം. മാതാവ് വളരെ മനോഹരിയായി കാണപ്പെട്ടു. ലോകത്തെ മുഴുവൻ അനുഗ്രഹിക്കുവാനും ആലിംഗനം ചെയ്യുവാനും ആഗ്രഹിക്കുന്നതുപോലെ മാതാവ് ഇരു കൈകളും തുറന്നുപിടിച്ചിരിക്കുന്നു. നീയും വരണം. വന്ന് ആ അത്ഭുത ദൃശ്യം കാണണം. നീയും അതിലെ കടന്നുപോയതല്ലേ? എന്നിട്ടും നീ പരിശുദ്ധ മാതാവിനെ കണ്ടില്ലേ? എല്ലാ വശത്തും തിളങ്ങുന്ന രക്തവർണ്ണ ശബളമായ സാറ്റിൻ തെരശീല എത്ര കണ്ണഞ്ചിപ്പിക്കുന്ന കാഴ്ചയാണ്. ബന്ധു ഇപ്രകാരം വിവരിച്ചു. എന്നാൽ ഞാൻ അതൊന്നും കണ്ടില്ല. ഞാനും അതിലെ കടന്നുപോയതാണ്. പാതി ചുവപ്പും പാതി മഞ്ഞയും നിറത്തിലുള്ള തെരശീല മാത്രമേ ഞാൻ കണ്ടിട്ടുള്ളൂ. പ്രതിമയൊന്നും ഞാൻ അവിടെ കണ്ടിട്ടില്ല. ഇതിന് മുമ്പൊരിക്കലും ഇങ്ങനെ കാണുകയുണ്ടായിട്ടില്ലെന്ന് ബന്ധു തുടർന്നു പറഞ്ഞു. പിറ്റേ ദിവസം ഞായറാഴ്ച എന്നെ ആ മനോഹര പ്രതിമ കാണിക്കാമെന്ന് ബന്ധു പറഞ്ഞു. ആദ്യം തിരുക്കച്ച കണ്ടതിനുശേഷം പ്രതിമ കാണുവാൻ പോകാമെന്ന് ഞാൻ നിർദ്ദേശിച്ചു. അതനുസരിച്ച് ഞങ്ങൾ കത്തീഡ്രലിൽ പോയി. വിശുദ്ധ കുർബാനയിൽ സംബന്ധിച്ച് ഒരു തിരിയും കത്തിച്ച ശേഷം ഞങ്ങൾ മാതാവിന്റെ വലിയ പ്രതിമ കാണുവാനായി ബന്ധു പറഞ്ഞ സ്ഥലത്തേക്ക് പോയി. അവിടെ ചെന്നപ്പോൾ എന്റെ ബന്ധു അന്തം വിട്ട നിലയിലായി. മാതാവിന്റെ വലിയ പ്രതിമ പോയിട്ട് ഒരു ചെറിയ പ്രതിമ പോലും അവിടെയൊന്നും കാണാനില്ലായിരുന്നു. തിളങ്ങുന്ന മനോഹരമായ തിരശീലയും അവിടെ കണ്ടില്ല. ആകെ കൂടി കാണുവാൻ കഴിഞ്ഞത് സാധാരണ ചുവപ്പും നീലയും നിറത്തിലുള്ള തിരശീല മാത്രം. എന്താണ് സംഭവിച്ചിരിക്കുന്നതെന്ന് എന്റെ ബന്ധുവിന് പിടി കിട്ടിയില്ല. എന്നാൽ എനിക്ക് സംഗതി പിടി കിട്ടി. ആ തിരശീലയ്ക്ക് താഴെയായി അകത്തേക്ക് ഒരു വാതിൽ ഉണ്ടായിരുന്നു. അവൾ അത് തള്ളിത്തുറന്നു. അതിനകം ഒരു പള്ളിയായിരുന്നു. ഞാൻ പറഞ്ഞു, "നമ്മളെ ഇതിന് വേണ്ടിയാണ് മാതാവ് ടൂറിനിലേക്ക് കൊണ്ടുവന്നത്. നീ കണ്ട മനോഹരമായ പ്രതിമ മാതാവിന്റെ നാമത്തിലുള്ള മനോഹരമായ പള്ളിയിലേക്ക് നമ്മളെ ആകർഷിക്കുവാൻ മാതാവ് കാണിച്ചതാണ്." ഒരു മെഴുകുതിരി കത്തിച്ചുകൊണ്ട് പാസ്റ്ററിന്റെ വാക്കിനു വേണ്ടി പ്രായശ്ചിത്തം ചെയ്യുവാനും മാതാവ് നമ്മോട് ആവശ്യപ്പെടുന്നു. ഞങ്ങൾ പള്ളിയിൽ പ്രവേശിച്ചു. മനോഹരമായ ഒരു ദേവാലയം. അപ്പോൾ വിശുദ്ധ കുർബാന നടക്കുകയായിരുന്നു. വിശുദ്ധ കുർബാന കഴിയുന്നതുവരെ ഞങ്ങൾ അവിടെ തങ്ങി. വിശുദ്ധ കുർബാനയ്ക്ക് ശേഷം ഞങ്ങൾ മുന്നോട്ടു നീങ്ങി. പരിശുദ്ധ മാതാവിന്റെ സുവർണ്ണ ആഭയാർന്ന ഒരു പ്രതിമ ഉണ്ണിയേശുവിനെയും കരത്തിൽ എന്തിക്കൊണ്ട് നിലകൊള്ളുന്നു. ഞങ്ങൾ ആ തിരുസ്വരൂപത്തിനു മുമ്പിൽ തിരി കത്തിച്ചിട്ട് മുട്ടുകുത്തി നിന്ന് പ്രാർത്ഥിച്ചു. "യേശുവേ, ഞങ്ങളോടും ആ പാസ്റ്ററിനോടും ക്ഷമിക്കണമേ. യേശുവേ, ഞങ്ങൾ ഈ ചെയ്തത് ശരി തന്നെയാണോ? " വസൂല, "അതെ, നീ വിവരിച്ചതുപോലെ തന്നെയാണ്. നിന്റെ ദൗത്യം പൂർത്തിയാക്കിയാലുടൻ ഞാൻ നിന്നെ എന്റെ പക്കലേക്ക് കൊണ്ടുപോരും. നിനക്കുവേണ്ടി എന്റെ അന്തരംഗം ദാഹിക്കുന്നു. " വസൂല, "എന്റെ മാതാവിനെ ശ്രവിക്കുക. വസൂല, ഇസ്മിനിയോട് പറയുക, ഞാൻ അവളെ എപ്രകാരം സ്നേഹിക്കുന്നു എന്ന്. അവളുടെ ശ്രദ്ധ ആകർഷിക്കുവാനും അവളെ എന്റെ ദേവാലയത്തിലേക്ക് ആനയിക്കുവാനുമാണ് എന്റെ ഈ പ്രതിമ ഞാൻ അവൾക്ക് കാണിച്ചുകൊടുത്തത്. പ്രിയപ്പെട്ടവരെ, ഞാൻ നിങ്ങളെ വളരെയധികം സ്നേഹിക്കുന്നു. പ്രിയരെ, ഞങ്ങളെ ബഹുമാനിക്കുക. നിങ്ങളുടെ സഹോദരങ്ങൾക്ക് വേണ്ടി പരിഹാരം ചെയ്യുക. ഞങ്ങൾ നിങ്ങളെല്ലാവരുടെയും വളരെ അടുത്തുതന്നെയുണ്ടെന്ന് ഓർക്കുക. ഞാൻ നിന്റെ അരികെ ഉള്ളതുകൊണ്ട് നീ ഒരിക്കലും നിരാശപ്പെടരുത്. എപ്പോഴും യേശുവിനെ ആശ്രയിക്കുക. മകളേ, യേശുവിന്റെ പീഡാസഹനങ്ങളെപ്പറ്റി ധ്യാനിക്കുക. യേശുവിനുവേണ്ടി ജീവിക്കുക. അവനെ മഹത്വപ്പെടുത്തുക. മാതാവേ, അങ്ങയുടെയും യേശുവിന്റെയും സഹായത്താൽ മാത്രമേ ഇതെല്ലാം ചെയ്യുവാൻ എനിക്ക് പ്രാപ്തി ഉണ്ടാവുകയുള്ളൂ. അങ്ങയെ ബഹുമാനിക്കുവാൻ ഞാൻ ആഗ്രഹിക്കുന്നു. ഞാൻ നിങ്ങൾ എല്ലാവരെയും സ്നേഹിക്കുന്നു. ഇസ്മിനിയെ ഞാൻ അനുഗ്രഹിക്കുന്നു. എന്റെ ദേവാലയത്ത് വെച്ച് അവളെയും അവളുടെ ഭർത്താവിനെയും അനുഗ്രഹിച്ച്. പരിശുദ്ധ മാതാവേ, ഞാൻ അങ്ങയെ വാഴ്ത്തുന്നു. ഞാൻ നിന്നെയും അനുഗ്രഹിക്കുന്നു. പിന്നീട്, കർത്താവേ, എന്റെ എല്ലാ തെറ്റുകുറ്റങ്ങളും വീഴ്ച താഴ്ചകളും എന്നോട് ക്ഷമിക്കണമേ. അങ്ങയുടെ സന്നിധിയിൽ അങ്ങയെ ഇങ്ങനെയെല്ലാം ദ്രോഹിച്ചതിന് ഞാൻ ക്ഷമ ചോദിക്കുന്നു. ഞാൻ നിന്നോട് പൂർണമായി ക്ഷമിക്കുന്നു. പ്രിയപ്പെട്ട കർത്താവേ, ഞാൻ അങ്ങയെ സ്നേഹിക്കുന്നു. നീ ഓരോ പ്രാവശ്യം എന്നെ സ്നേഹിക്കുന്നു എന്ന് പറയുമ്പോൾ ഞാൻ നിന്റെ എല്ലാ നികൃഷ്ടതകളെയും അവഗണിക്കുന്നു. എന്റെ നീതിയുടെ പ്രഹരം നിന്റെ മേൽ ഉണ്ടാകാതിരിക്കുന്നതിന് ഞാൻ അതിനെ തടയുകയും ചെയ്യുന്നു. വസൂല, നീ തീർച്ചയായും വാക്കുകൾ കൊണ്ട് പറഞ്ഞറിയിക്കുവാൻ കഴിയാത്ത വിധം നികൃഷ്ടയാണ്. നീ എന്നെ സ്നേഹിക്കുന്നു എന്ന് പറയുമ്പോൾ നീ എന്റെ ക്രോധത്തെ ശമിപ്പിക്കുകയാണ് ചെയ്യുന്നത്. യേശു കർക്കശക്കാരനായി കാണപ്പെട്ടു. എനിക്ക് അവിടുത്തോട് ഭയം തോന്നി. കർത്താവേ, ഞാൻ അങ്ങയെ ഭയപ്പെടുന്നു. ഞാൻ സ്നേഹമാണ്. അതിനാൽ നീ എന്നെ ഭയപ്പെടേണ്ട. ഓ, എന്റെ യേശുവേ, ഞാൻ ഇത്രമാത്രം ദുഷിച്ചവളും നന്ദിയില്ലാത്തവളും വെറുപ്പുള്ളവളും ആകരുതെന്ന് ഞാൻ ആഗ്രഹിക്കുന്നു. എനിക്ക് നിന്നോട് ദയ തോന്നുന്നു. എന്റെ ദയയാൽ എന്റെ ക്രോധം വളരെ അപൂർവ്വമായി മാത്രമേ നിനക്കെതിരെ ജ്വലിക്കാറുള്ളൂ. കൃപയുടെ ഒരു കണിക പോലും ഞാൻ അഹിക്കുന്നില്ല എന്ന് എനിക്കറിയാം. അങ്ങ് എനിക്ക് ഏറ്റവും നല്ലവനും ക്ഷമാശീലനുമാണ്. അങ്ങ് ഒരിക്കലും എന്നോട് കോപിച്ചിട്ടില്ല. എന്റെ എല്ലാ കുറ്റങ്ങളും കുറവുകളും മറന്ന് അങ്ങ് എന്നെ സ്നേഹിക്കുക മാത്രമേ ചെയ്തിട്ടുള്ളൂ. അങ്ങന്നെ അത്രമാത്രം ലാളിച്ചു. വസൂല, അത്ര വലുതാണ് എന്റെ കാരുണ്യം. യേശുവേ, ഇതാ ഞാൻ. എന്റെ ദൈവമേ, ഇതാ ഞാൻ. അങ്ങേക്ക് എന്നോട് ക്ഷമിക്കുവാനും എനിക്ക് അങ്ങയെ ബഹുമാനിക്കുവാനും കഴിയേണ്ടതിന് അങ്ങയെ കൂടുതലായി സ്നേഹിക്കുവാൻ എന്നെ പഠിപ്പിക്കണമേ. കുഞ്ഞേ, നിന്നെ പഠിപ്പിക്കുന്ന നിന്റെ ദൈവീക ഗുരുവാണ് ഞാൻ. എന്റെ ക്ഷമയെക്കുറിച്ച് ഒരിക്കലും സംശയിക്കരുത്. കർത്താവേ, ഞാൻ സംശയിക്കുകയില്ല. എന്നോടുള്ള അങ്ങയുടെ കൃപയാലും എന്നോടുള്ള അങ്ങയുടെ സമീപനത്താലും എന്നെ അങ്ങേക്ക് യോഗ്യമാക്കി തീർക്കണമേ. അങ്ങയെ മഹത്വപ്പെടുത്തുവാൻ എന്നെ അനുവദിക്കണമേ. പാപത്തിൽ നിന്ന് എന്നെ തടയണമേ. പ്രിയപ്പെട്ട കർത്താവേ, എന്റെ പാപം മൂലം അങ്ങയെ നിരന്തരമായി ദ്രോഹിക്കുന്നതിൽ നിന്ന് എന്നെ തടയണമേ. എന്നെ വാഴ്ത്തുക. യേശുവേ, ഞാൻ അങ്ങയെ വാഴ്ത്തുന്നു. പിതാവേ, ഞാൻ അങ്ങയെ സ്നേഹിക്കുന്നു. എന്റെ കുരിശിന്റെ വഴിയിൽ നിന്നെ കാണുവാൻ ഞാൻ ആഗ്രഹിക്കുന്നു. യേശുവേ, അതെങ്ങനെയാണ്? എനിക്ക് ആഗ്രഹമുണ്ട്. പക്ഷേ എങ്ങനെ? ആരെന്നെ സഹായിക്കും? നിരാശകൊണ്ട് എന്റെ കണ്ണുനിറഞ്ഞു. എന്റെ മാതാവിനെപ്പറ്റി പറയുന്ന നിന്ദനങ്ങൾ നീ കേൾക്കുന്ന സമയം വരെ നിന്റെ കണ്ണുനീർ നീ സൂക്ഷിച്ചു വയ്ക്കുക. യേശുവേ, എന്നെ സഹായിക്കണമേ. മകളേ, എന്നെ ആശ്രയിക്കുക. നിന്നെ പഠിപ്പിക്കുവാൻ എന്നെ അനുവദിക്കുക. നിന്റെ ഇപ്പോഴുള്ള വിധേയ സ്വഭാവത്താൽ എന്നെ സന്തോഷിപ്പിക്കുക. എന്റെ അടുക്കലേക്ക് വരിക. ഞാൻ നിന്നെ സ്നേഹിക്കുന്നു. യേശുവേ, ഞാൻ അങ്ങയെ സ്നേഹിക്കുന്നു. എന്റെ അജ്ഞതയുടെ മേൽ കരുണയുണ്ടാകണമേ. എനിക്ക് നിന്നോട് കരുണയുണ്ട്. എന്നെ സന്തോഷിപ്പിച്ചുകൊണ്ട് ഇപ്രകാരം പറയുക: "കർത്താവേ, എന്നെ അങ്ങയുടെ ബലിവസ്തുവാക്കി മാറ്റേണമേ. അങ്ങയുടെ ജ്വലിക്കുന്ന സ്നേഹത്തിന്റെ ബലിവസ്തു. അങ്ങയെ ആരാധിക്കുവാൻ, അങ്ങയെ മാത്രം ആരാധിക്കുവാൻ ഞാൻ ആഗ്രഹിക്കുന്നു. അങ്ങയുടെ കുരിശിൽ കിടന്നുകൊണ്ട് ഒരിക്കലും ഇടംപലം നോക്കാതെ അങ്ങയെ ആരാധിക്കുവാൻ ഞാൻ ആഗ്രഹിക്കുന്നു. അങ്ങേയ്ക്ക് വേണ്ടി മനുഷ്യരെ നേടിക്കൊണ്ട് അങ്ങയുടെ ദാഹം ശമിപ്പിക്കുവാൻ ഞാൻ ആഗ്രഹിക്കുന്നു. ഞാൻ അങ്ങയുടെ സ്നേഹത്തിന്റെ ബലിവസ്തുവായിരിക്കും. ഞാൻ അങ്ങയെ സ്നേഹിക്കുന്നു. " ഇപ്രകാരം പറയുക. ഞാൻ അപ്രകാരം പറഞ്ഞു. വസൂല, ഇനിമേൽ നീ ഒരിക്കലും എന്റെ ഹൃദയത്തിൽ നിന്ന് വിട്ടുപോവുകയില്ല. വസൂല, നിനക്ക് തിരഞ്ഞെടുക്കാം: ഒന്നുകിൽ നിന്റെ ജീവിതം അല്ലെങ്കിൽ ഒരു ബലിവസ്തുവിന്റെ ജീവിതം. യേശുവേ, അങ്ങയെ വിട്ടുപരിയുവാൻ ഞാൻ ആഗ്രഹിക്കുന്നില്ല. അങ്ങയോടൊപ്പം ആയിരിക്കുവാൻ, അങ്ങയുടെ പാർശ്വത്തിൽ ആയിരിക്കുവാൻ ഞാൻ ആഗ്രഹിക്കുന്നു. നീ നന്നായി തന്നെ തിരഞ്ഞെടുത്തിരിക്കുന്നു. നീ എന്നോട് സാദൃശ്യപ്പെട്ടിരിക്കും. എന്റെ സ്നേഹത്തിന്റെ ഒരു ബലിവസ്തുവായി തീരുക. എന്റെ പ്രകാശത്തിൽ നീ തഴച്ചു വളരണം. യേശുവേ, നന്ദി. ഞാൻ അങ്ങയെ വാഴ്ത്തുന്നു. അങ്ങ് എനിക്ക് നൽകിയിട്ടുള്ള എല്ലാ അനുഗ്രഹങ്ങൾക്കും, എന്നോടുള്ള അങ്ങയുടെ അനുഗമനത്തിനും നന്ദി. മകളേ, എന്റെ സമാധാനം നിന്നോടുകൂടെ ഉണ്ടാകട്ടെ. എന്റെ സാന്നിധ്യം ഒരിക്കലും മറക്കരുത്. നിന്നിൽ വിശ്രമിക്കുവാൻ എന്നെ അനുവദിക്കുക. എന്തെന്നാൽ, നീയാണ് എന്റെ ഭവനം. യേശുവേ, അങ്ങ് എന്നെ സന്തോഷിപ്പിക്കുന്നു. ഞാൻ അങ്ങയിൽ നിന്ന് പഠിക്കുന്നു. പുഷ്പമേ, ഞാൻ നിന്റെ ഗുരുവും ദൈവവുമാണ്. വരൂ, നമ്മൾ നമുക്ക്. അതെ, കർത്താവേ.