Latest / ദൈവത്തിലുള്ള യഥാർത്ഥ ജീവിതം - TLIG / Ep 38: എന്റെ സ്വന്തപ്പെട്ടവരാൽ ഞാൻ വീണ്ടും കൂശിക്കപ്പെടുന്നു!

Transcript

Ep 38: എന്റെ സ്വന്തപ്പെട്ടവരാൽ ഞാൻ വീണ്ടും കൂശിക്കപ്പെടുന്നു! · ദൈവത്തിലുള്ള യഥാർത്ഥ ജീവിതം - TLIG

• എപ്പിസോഡ് 38. 11-06-1987, സ്ഥലംമാറ്റം ആയതിനാൽ വലിയ തിരക്കാണ്. വീട്ടിലുള്ള ഏതാണ്ട് എല്ലാ ഫർണിച്ചറുകളും പാക്ക് ചെയ്തു കൊണ്ടുപോയതിനാൽ, ഇരുന്ന് സന്ദേശം എഴുതുന്നതിന് എനിക്കൊരു കസേര അന്വേഷിക്കേണ്ട സാഹചര്യമുണ്ടായി. വീടെല്ലാം ഏതാണ്ട് അലങ്കോലപ്പെട്ടു കിടക്കുന്നിരുന്നു. തറയിൽ കടലാസുകളും കുപ്പികളും, അതുപോലെയുള്ള മറ്റുള്ളവയെല്ലാം അവിടെവിടെയായി ചിതറിക്കിടന്നിരുന്നു. ഇതിന് ഇടയിൽ രണ്ട് യാത്രയായിപ്പ് ഡിന്നറുകളും ഉണ്ടായിരുന്നു. ഒരു ഡിന്നറിന് 80 അതിഥികളും, രണ്ടാമത്തേതിന് 30 അതിഥികളും ഉണ്ടായിരുന്നു. വളരെ തിരക്കുള്ള സമയമായിരുന്നെങ്കിലും, ദിവസേന ഏതാണ്ട് രണ്ടുമൂന്നു മണിക്കൂർ സമയം കർത്താവിൻറെ സന്ദേശം എഴുതിയെടുക്കുന്നതിന് മാറ്റിവെക്കുവാൻ എനിക്ക് സാധിച്ചു. അവിശ്വസനീയമായ വിധത്തിൽ അവിടുന്ന് എനിക്ക് ശക്തി പ്രധാനം ചെയ്തിരുന്നതിനാൽ, എനിക്ക് യാതൊരു മടുപ്പും അനുഭവപ്പെട്ടില്ല. എനിക്ക് കർത്താവ് നൽകിയ സമാധാനം എപ്പോഴും ഉണ്ടായിരുന്നു. വസൂല, എന്റെ പ്രിയപ്പെട്ടവളേ, എന്റെ അടുത്ത് വന്ന് എന്നെ അഭിമുഖീകരിക്കുക. എന്റെ വിരൽ നിന്റെ ഹൃദയത്തിൽ സ്പർശിക്കട്ടെ. എന്റെ കുഞ്ഞേ, ഞാൻ നിന്നെ എത്രമാത്രം സ്നേഹിക്കുന്നുണ്ടെന്ന് നീ അറിഞ്ഞിരുന്നെങ്കിൽ, അവസാനം വരെ ഞാൻ നിന്നെ നയിക്കും. എനിക്കുവേണ്ടി കൂടുതലായി ത്യാഗം ചെയ്യുക. എനിക്കുവേണ്ടി നീ സഹിക്കുമോ? കർത്താവേ, അവിടുന്ന് ആഗ്രഹിക്കുന്നതുപോലെ പ്രവർത്തിച്ചാലും, അവിടുന്ന് ഇതേ ചോദ്യം നേരത്തെ ചോദിച്ചിരുന്നപ്പോൾ ഞാൻ ഭയപ്പെട്ട് പിന്മാറുകയാണ് ഉണ്ടായത്. വസൂല, ഞാൻ വളരെ സന്തോഷവാനാണ്. ഒരു കുഞ്ഞാടിനെ പോലെ നീ എനിക്കുവേണ്ടി സ്വയം ബലിയായി തീരുമോ? കർത്താവേ, അങ്ങ് ആഗ്രഹിക്കുന്നതുപോലെ പ്രവർത്തിച്ചാലും. യാതൊന്നും വൃദ്ധാവിലാവുകയില്ല. എല്ലാം സമാധാനത്തിനും സ്നേഹത്തിനും വേണ്ടിയുള്ളതായിരിക്കും. വസൂല, എന്റെ ദാഹം അത്യധികമാണ്. ഞാൻ നിന്നെ വരണ്ട ശൂന്യമായ സ്ഥലങ്ങളിലേക്ക് നയിക്കും. നിന്റെ കണ്ണുകൾ ഇതുവരെ കണ്ടിട്ടില്ലാത്ത കാഴ്ചകൾ നീ അവിടെ കാണും. രക്തം വാർന്നൊലിക്കുന്ന എന്റെ ശരീരത്തിൻറെ സഭയുടെ ആഴങ്ങളിലേക്ക് എന്റെ സ്വർഗ്ഗീയ ശക്തിയാൽ ഞാൻ നിന്നെ നയിക്കും. എന്റെ ശരീരമാകുന്ന സഭയുടെ മുള്ളുകളാകുന്ന പൗരോഹിത്യ വൃന്ദങ്ങളിലെ പാപികളെ അവിടെ വെച്ച് ഞാൻ എന്റെ വിരൽ കൊണ്ട് നിനക്ക് ചൂണ്ടിക്കാണിച്ചു തരും. ഞാൻ അവരെ ശിക്ഷിക്കാതെ വെറുതെ വിടുകയില്ല. ഞാൻ തകർന്ന് അവശനായിരിക്കുന്നു. എന്റെ മുറിവുകൾ എല്ലാ കാലത്തെയും കാൾ കൂടുതലായി വലുതായി തുറന്നിരിക്കുന്നു. എന്റെ രക്തം വാർന്നൊഴുകുന്നു. എന്റെ സ്വന്തം പുരോഹിതന്മാരാൽ ഞാൻ വീണ്ടും ക്രൂശിക്കപ്പെട്ടു കൊണ്ടിരിക്കുന്നു. എന്റെ ദൈവമേ, അങ്ങ് എനിക്ക് വളരെ കൂടുതൽ വേദന തരുന്നു. എന്തുകൊണ്ടാണ് അവർ പുരോഹിതന്മാർ ഇങ്ങനെ അങ്ങയോട് ചെയ്യുന്നത്? എന്തുകൊണ്ട്? വസൂല, അവർ ചെയ്യുന്നത് എന്താണെന്ന് അവർ അറിയുന്നില്ല. പ്രിയപ്പെട്ടവളേ, നിന്റെ ദൈവത്തോടൊപ്പം പ്രയത്നിക്കുക. എന്റെ സഹനങ്ങൾ അഭിമുഖീകരിക്കുവാനും എന്നോടൊപ്പം അവ പങ്കുവെക്കുവാനും തയ്യാറാവുക. അങ്ങയെ ആശ്വസിപ്പിക്കുവാൻ ഞാൻ തയ്യാറാണ്. അങ്ങയെ സ്നേഹിക്കുന്നവരെ അങ്ങ് ഓർക്കണമേ. അവർ എൻറെ ആത്മാവിൻറെ വാത്സല്യ ഭാജനങ്ങളാണ്. തങ്ങളുടെ ഹൃദയങ്ങളെ പൂർണമായി എനിക്ക് സമർപ്പിക്കുന്ന ഇത്തരം വ്യക്തികളെ എനിക്ക് ധാരാളമായി ആവശ്യമുണ്ട്. ഞാൻ അവരെ വിശ്വസിക്കുന്നു. അവർ എന്നിൽ നിന്നും ഭക്ഷിക്കുന്നു. അവർ എന്റെ ബലിവസ്തുക്കളാണ്. എന്റെ മുള്ളുകളെ നീക്കി കളയുന്ന മൃദുലമായ ഇതളുകളാണ് അവർ. അവർ എന്റെ മീരയാണ്. വസൂല, ഭയപ്പെടേണ്ട. അന്ധകാരം വ്യാപിച്ചിരിക്കുന്നിടത്ത് നമ്മൾ കടന്നു ചെല്ലും. ഞാൻ നിന്നെ നയിക്കും. കുറച്ചു കഴിഞ്ഞ് കർത്താവ് അനുഭവിക്കുന്ന കൈപ്പേറിയ വേദകൾ എനിക്ക് അനുഭവപ്പെട്ടു തുടങ്ങി. ഞാൻ കഴിച്ച ആഹാരവും പാനീയവും എല്ലാം എന്റെ വായിൽ കൈപ്പായി അനുഭവപ്പെട്ടു. അവിടുത്തെ പാനപാത്രത്തിൽ നിന്ന് എന്നെ കുടിപ്പിക്കുകയായിരുന്നു. പിന്നീട് എനിക്ക് ശ്വസിക്കുവാൻ ബുദ്ധിമുട്ട് അനുഭവപ്പെട്ടു. എന്റെ ദേഹവും ദേഹിയും പേടി അനുഭവിച്ചു. 15-06-1987, അവധിക്കാലം ചെലവഴിക്കുവാൻ ഇന്നലെ ഞങ്ങൾ ഹോങ്കോങ്ങിലേക്ക് വിമാനയാത്ര ചെയ്യുന്നതിനിടയിൽ ബാങ്കോക്കിൽ ഇറങ്ങിയപ്പോൾ ഒരു സംഭവം ഉണ്ടായി. ട്രാൻസിറ്റിൽ ഒരു നിര കസേരകൾ ഉണ്ടായിരുന്നു. പുറകിലത്തെ നിരയിലുള്ള ഒരു കസേരയിൽ ഞാൻ ഇരുന്ന് ഒരു പുസ്തകം വായിക്കുകയായിരുന്നു. പെട്ടെന്ന് എന്റെ കാലിന് തൊട്ടുമുമ്പിലായി എന്നെ പൂർണമായി അവഗണിച്ചുകൊണ്ട് ഒരു അറബി തന്റെ നമസ്കാരപ്പായ നിലത്ത് നിവർത്തി വിരിച്ചു. മറ്റു രണ്ടുപേരോടൊപ്പം നിലത്ത് കമ്മിഴ്ന്നു വീണ് പ്രാർത്ഥിക്കുവാൻ ആരംഭിച്ചു. നല്ല ശബ്ദത്തിൽ മറ്റുള്ളവരുടെ ശ്രദ്ധ ആകർഷിച്ചുകൊണ്ടാണ് ഇത്തരത്തിൽ പ്രാർത്ഥിക്കുന്നത്. ചുറ്റിനും മറ്റാരുമില്ല. ഞാൻ ഒറ്റയ്ക്ക് അവരെ അഭിമുഖീകരിച്ചിരിക്കുന്നു. ഞാൻ അവരെ ശല്യപ്പെടുത്തുകയല്ലേ എന്ന ചിന്ത എന്നെ വിഷമിപ്പിക്കുകയും ചെയ്തു. ഞാൻ അവിടെ നിന്ന് മാറിയില്ല. അവരുടെ പ്രാർത്ഥന ശബ്ദം കൂടിക്കൂടി വന്നു. വിചിത്രമായ ഈ ദൃശ്യത്തിന്റെ ഫോട്ടോ ആരോ ഒരാൾ എൻറെ പിന്നിൽ നിന്ന് എടുക്കുകയും ചെയ്തു. പിന്നീട് ദൈവം എന്നോട് പറഞ്ഞു, "ഈ മനുഷ്യൻ മറ്റുള്ളവരുടെ ശ്രദ്ധ ആകർഷിക്കുവാനായി വളരെ ഉച്ചത്തിൽ പ്രാർത്ഥന നടത്തി. അയാളുടെ പ്രാർത്ഥന ആ ഹാളിൽ മാത്രം കേട്ടു. അതിൻറെ ചുവരുകൾ അയാളുടെ ശബ്ദം കേട്ടു. പക്ഷേ എൻറെ ഹൃദയം അതൊന്നും കേട്ടില്ല. അയാളുടെ വാക്കുകൾ അയാളുടെ അധരങ്ങളിൽ മാത്രം തങ്ങിനിന്നതേയുള്ളൂ. എന്നാൽ നിൻറെ പ്രാർത്ഥനയുടെ സ്വരം ഞാൻ കേട്ടു. മറ്റൊരുവനും നീ എന്നോട് സംസാരിച്ച നിൻറെ പ്രാർത്ഥനയുടെ സ്വരം കേട്ടില്ലെങ്കിലും, മറ്റൊരുവനും നീ എന്നോട് സംസാരിച്ച നിൻറെ പ്രാർത്ഥനയുടെ സ്വരം കേട്ടിട്ടില്ലെങ്കിലും, ഞാൻ നിന്നെ കേട്ടു. കാരണം അത് നിൻറെ അധരങ്ങളിൽ നിന്നല്ല, നേരെ മറിച്ച് നിൻറെ ഹൃദയത്തിൽ നിന്നാണ് പുറപ്പെട്ടത്." ഈ സംഭവം മറ്റൊരു മതത്തെ സംബന്ധിച്ചതായതുകൊണ്ട്, ഇതിനെപ്പറ്റി എഴുതുവാൻ ഞാൻ മടി കാണിച്ചപ്പോൾ ദൈവം എന്നോട് പറഞ്ഞു, "നീ എന്തിനു ഭയപ്പെടണം? ഞാനാണ് സത്യം. ഇതുതന്നെയല്ലേ ക്രിസ്ത്യാനികളുടെ ഇടയിലും സംഭവിക്കുന്നത്?" ഇന്ന് ഞങ്ങൾ ബസ്സിൽ നഗരം കാണുവാൻ പോയപ്പോൾ, ഉയർന്ന വലിയ കെട്ടിടങ്ങൾക്ക് പകരം ഭീമാകാരമായ കറുത്ത കുരിശുകളാണ് ഞാൻ ദർശിച്ചത്. അപ്പോൾ വരണ്ട സ്ഥലങ്ങൾ എന്ന വാക്കുകൾ എൻറെ ഓർമ്മയിൽ വന്നു. ഇത് എൻറെ തോന്നലാണെന്ന് എനിക്ക് അനുഭവപ്പെട്ടപ്പോൾ, ദൈവത്തിൻറെ സ്വരം ഇപ്രകാരം പറഞ്ഞു, "അല്ല, അത് നിൻറെ തോന്നലല്ല. അവ എൻറെ കുരിശുകളാണ്." കൺസ്യൂമർ പാരഡൈസ് എന്ന സ്ഥലം കണ്ടപ്പോൾ ഞാൻ വിചാരിച്ചു, "ഞാൻ ഇവിടെ കഴിയേണ്ടി വന്നാൽ ഞാൻ മരിച്ചുപോകും. അതൊരു പീഡനം ആയിരിക്കും എന്നെ സംബന്ധിച്ച്." എന്നാൽ ഒരു വർഷം മുമ്പ് ഇത് പർദീസ ആണെന്ന് ചിന്തിച്ചിരുന്ന വ്യക്തിയാണ് ഞാൻ. ഞാൻ ഈ സംഭവത്തെക്കുറിച്ച് പറയാതിരിക്കണമെന്ന് ദൈവം ആഗ്രഹിച്ചില്ല. ബസ്സിലെ വഴികാട്ടി ഞങ്ങളെ ഹോങ്കോങ്ങിലെ ഏറ്റവും വലിയ കോടീശ്വരന്റെ വീഡിയോ കാണിച്ചുതന്നു. ഹോങ്കോങ്ങിൽ എല്ലായിടത്തും അറിയപ്പെടുന്ന രണ്ടു വലിയ കോടീശ്വരന്മാരുണ്ട്. ദൈവത്തിൻറെ സ്വരം എൻറെ ചെവികളിൽ മുഴങ്ങി. എന്നാൽ അവർ ആരാണെന്ന് എനിക്കറിയില്ല. അവർ ലോകത്തിനുള്ളവരാണ്. അവരുടെ ധനം ലോകത്തിൻറെ ധനമാണ്. എൻറെ രാജ്യത്തിൽ അവർക്ക് യാതൊരു സ്ഥാനവുമില്ല. ഇവ ദൈവം തന്നെ എഴുതിത്തന്നു. പ്രിയപ്പെട്ടവളെ, ഞാൻ നിനക്ക് അടയാളങ്ങൾ നൽകുന്നു. വസൂല, ജാഗരൂകയായിരിക്കുക. എന്നിൽ നിന്ന് കേൾക്കുന്നത് വിശ്വസിക്കുക. ഞാൻ ആ അറബിയെ കുറിച്ച് ചിന്തിച്ചിരിക്കുകയാണ്. വിശുദ്ധി അയാളിൽ ഇല്ലായിരുന്നു. നിനക്ക് അത് കാണുവാൻ കഴിഞ്ഞല്ലോ. പിന്നീട് അല്ലയോ? വസൂല, ഞാൻ കൂടുതൽ ബഹുമാനം അർഹിക്കുന്നില്ലേ? ഞാൻ ഇത് പ്രതീക്ഷിച്ചിരുന്നു. ദൈവസന്നിധിയിൽ ഇരുന്ന് സന്ദേശം സ്വീകരിക്കുവാനുള്ള ഒരു സാഹചര്യം എനിക്ക് അവിടെ ഉണ്ടായിരുന്നില്ല. അതിനാൽ മകനോടും ഭർത്താവിനോടും ഒപ്പം ഹോട്ടൽ മുറിയിൽ ടിവി കാണുവാൻ ഇരുന്നു. ഒരു വോക്ക്മാൻ ഉപയോഗിച്ച് ഞാൻ എൻറെ കാതുകളെ ബാഹ്യ ശബ്ദം കേൾക്കുന്നതിൽ നിന്നും തടഞ്ഞു. മറ്റെവിടേക്കും പോകുവാൻ എനിക്ക് ഒരു അവസരവും ഉണ്ടായിരുന്നില്ല. ന്യായമായി ഞാൻ നിനക്കുള്ള സൗകര്യങ്ങൾ എല്ലാം പിൻവലിക്കുവാൻ പോവുകയാണ്. കർത്താവേ, എന്തിനാണത്? എന്തിനാണെന്നോ? നിൻറെ ദൈവത്തെ മാത്രം ആഗ്രഹിക്കുവാൻ നീ പഠിക്കുവാനായിട്ട് നമ്മൾ രണ്ടുപേരും മാത്രം ഒറ്റയ്ക്കാകുന്നതുവരെ കാത്തിരിക്കുക. എന്നോട് ക്ഷമിക്കുക. ഞാൻ നിന്നോട് ക്ഷമിക്കുന്നു. വസൂല, നിനക്കുള്ള സൗകര്യങ്ങൾ എല്ലാം പിൻവലിക്കപ്പെട്ടിരിക്കുന്ന ഈ സാഹചര്യത്തിലും പ്രവർത്തിക്കുക. കർത്താവേ, അത് എങ്ങനെയാണ്? എൻറെ ആഗ്രഹങ്ങളെല്ലാം നിൻറെ ചെവിയിൽ പറഞ്ഞു തരുവാൻ എന്നെ അനുവദിക്കുക. വസൂല, എന്നെ ആഗ്രഹിക്കുക. ഞാൻ നിനക്ക് നൽകിയിട്ടുള്ള കൃപാവരങ്ങൾ ഉപയോഗിക്കുക. എൻറെ കൈ മാത്രമല്ല, നിന്നെ ഉപയോഗിക്കുന്നത്. എന്നെ ശ്രവിക്കുവാൻ ഞാൻ നിൻറെ കാതുകളെ തുറന്നിട്ടുണ്ട്. എന്നെ ദർശിക്കുവാൻ ഞാൻ നിൻറെ കണ്ണുകളെ തുറന്നിട്ടുണ്ട്. എനിക്ക് എന്നെ അനുഭവിച്ചറിയുവാനുള്ള കൃപ ഞാൻ നിനക്ക് നൽകിയിട്ടുണ്ട്. അതിനാൽ മറ്റുള്ള ഈ കൃപാവരങ്ങളും ഉപയോഗിക്കുക. ഞാൻ നിന്നെ സ്നേഹിക്കുന്നു. യേശുവേ, ഞാനാണ് വസൂല. വീണ്ടും നമ്മൾ രണ്ടുപേരും ഈ വിധത്തിൽ ഒരുമിച്ചിരിക്കുന്നു. അതെ, എന്നാൽ ദീർഘകാലത്തേക്കല്ല. നിനക്ക് മുമ്പുണ്ടായിരുന്ന സൗകര്യങ്ങൾ ഇപ്പോൾ ലഭ്യമല്ല എന്ന കാരണത്താൽ എന്നെ പ്രാർത്ഥനയിൽ കണ്ടുമുട്ടി സന്ദേശം സ്വീകരിക്കുന്നത് മറ്റവസ്ഥരത്തിലേക്ക് മാറ്റിവെക്കരുത്. കുഞ്ഞേ, എന്നെ നിൻറെ ഹൃദയത്തിൽ സൂക്ഷിക്കുക. കർത്താവേ, എനിക്ക് ഇതിലും വലിയ പരീക്ഷണങ്ങളെ അഭിമുഖീകരിക്കേണ്ടി വരുമോ? തീർച്ചയായും, വളരെ കഠിനമായ പരീക്ഷണങ്ങളെ നീ അഭിമുഖീകരിക്കും. ഞാൻ നെടുവീർപ്പെട്ടു. എന്നെ വിശ്വസിക്കുക. ഞാൻ നിന്നോടൊപ്പം ഉണ്ടായിരിക്കും. പിന്നെ എന്തുകൊണ്ടാണ് ഞാൻ നിന്നെ തിന്മയുടെ ഇടയിലേക്ക് അയക്കുന്നത്? തിന്മ പ്രവർത്തിക്കുന്നവർക്ക് വേണ്ടി, അവരുടെ ഇടയിൽ ആയിരിക്കുന്നതിനു വേണ്ടി ഞാൻ നിന്നെ അയക്കുന്നു. എന്നിലും തിന്മയുണ്ടല്ലോ. എന്താണ് വ്യത്യാസം? ഞാനും അവരെപ്പോലെ തന്നെയല്ലേ? അങ്ങനെയാണോ? പിന്നെ എന്തുകൊണ്ട് നീ എൻറെ അടുക്കൽ വരുവാൻ ആഗ്രഹിക്കുന്നു? കാരണം ഞാൻ അങ്ങയെ സ്നേഹിക്കുന്നു. മറ്റുള്ളവരെ എന്നിലേക്ക് ആകർഷിക്കുന്നതിനു വേണ്ടി, എന്നെപ്പോലെ തന്നെ നിന്നെ ഞാൻ രൂപപ്പെടുത്തിയിരിക്കുന്നു. ലൗകിക വിഗ്രതകളിൽ നിന്ന് ഇനിയും കൂടുതലായി നിന്നെ ഞാൻ വിമോചിപ്പിക്കുന്നതായിരിക്കും. നീ കാത്തിരുന്നു കാണുക. വസൂല, അതെ, കാത്തിരുന്നു കാണുക. എൻറെ മുമ്പിൽ യേശുവിനെ ഞാൻ കണ്ടു. എന്നെ സ്നേഹിക്കുക. വരൂ, ഇന്നലത്തെ പോലെ എൻറെ കരത്തിൽ പിടിച്ചുകൊള്ളുക. പിന്നീട് വസൂല, എയ്ഡ്സ് എന്ന വാക്ക് എഴുതുക. എയ്ഡ്സ് എന്ന വാക്കോ? അതെ, നീതി എന്ന വാക്ക് പകരമായി എഴുതുക. റോമാക്കാർക്കുള്ള ലേഖനം, ഒന്നാം അധ്യായം, 18 മുതൽ 22 വരെയുള്ള തിരുവചനം വായിക്കുക. എൻറെ കരുണയുടെ പാനപാത്രവും നിറഞ്ഞു കവിഞ്ഞിരിക്കുന്നു. എൻറെ നീതിയുടെ പാനപാത്രവും നിറഞ്ഞിരിക്കുന്നു. അത് കവിഞ്ഞൊഴുകുവാൻ അനുവദിക്കരുതേ. ലോകം എന്നെ ദ്രോഹിച്ചു കൊണ്ടിരിക്കുകയാണെന്ന് ഞാൻ നിന്നോട് മുൻപ് പറഞ്ഞിട്ടുണ്ടല്ലോ. ഞാൻ സ്നേഹത്തിൻറെ ദൈവവും എന്നതുപോലെ തന്നെ ഞാൻ നീതിയുടെയും ദൈവമാണ്. നിരീശ്വരവാദത്തെ ഞാൻ വെറുക്കുന്നു. പിന്നീട് എൻറെ ശരീരമായ സഭയുടെ ഉള്ളിലേക്ക് നീ പ്രവേശിക്കും. എൻറെ ശരീരത്തിലുള്ള മുള്ളുകളെയും ആണുകളെയും ഞാൻ നിനക്ക് കാണിച്ചുതരാം. കർത്താവേ, ഞാൻ ഇവയെല്ലാം എങ്ങനെ കാണും? കാണുവാൻ തക്കവണ്ണം ഞാൻ നിനക്ക് കാഴ്ച നൽകും. എൻറെ ശരീരത്തിലെ മുള്ളുകളും ആണികളും പറിച്ചെടുക്കുന്നതിനുള്ള ശക്തി ഞാൻ നിനക്ക് നൽകും. ഞാൻ വീണ്ടും ക്രൂശിക്കപ്പെട്ടിരിക്കുന്നു. എന്നാൽ കർത്താവേ, എന്തുകൊണ്ടാണ് അങ്ങയെ വീണ്ടും ക്രൂശിക്കുവാൻ അങ്ങ് അനുവദിച്ചത്? വസൂല, എൻറെ സ്വന്തം കാരാൽ ഞാൻ പിടിക്കപ്പെട്ടു. എൻറെ പ്രിയപ്പെട്ടവരാൽ ഞാൻ അവഗണിക്കപ്പെട്ടിരിക്കുന്നു. തൻറെ ഏറ്റവും അടുത്ത സ്നേഹിതനാൽ ഒറ്റിക്കൊടുക്കപ്പെട്ടവന്റെ സങ്കടഭാവത്തിലാണ് അവിടുന്ന് ഇത് പറഞ്ഞത്. വരൂ, എന്നെ ആദരിക്കുക. എന്നെ സ്നേഹിക്കുക. ഞാൻ അങ്ങയെ സ്നേഹിക്കുന്നു. ഞാൻ അങ്ങയോട് ചേർന്നിരിക്കുന്നു. എപ്പോഴാണ് ഇത് സംഭവിക്കുക? വസൂല, നീ എൻറെ മുന്നിൽ ഓടരുത്. വരൂ, എല്ലാം ഉചിതമായ സമയത്ത് സംഭവിക്കും. ഞാൻ ഒരു ഒന്നുമില്ലായ്മയും സഭയുടെ പുറത്തുള്ള ഒരാളുമാണെന്ന് അങ്ങേയ്ക്ക് അറിയാമല്ലോ. അങ്ങ് സൂചിപ്പിച്ച സഭയിൽ നടക്കുന്നത് എന്താണെന്ന് എനിക്കൊന്നും അറിയില്ലല്ലോ. അങ്ങയുടെ സന്ദേശങ്ങൾ വായിച്ചു നോക്കുവാൻ സഭയിലുള്ള ആരാണ് തയ്യാറാകുന്നത്? അഥവാ അവർ വായിച്ചു നോക്കിയാൽ തന്നെ പരിഹാസപൂർവ്വം അവ ചുരുട്ടിക്കൂട്ടിയ എൻറെ നേർക്ക് എറിയുകയുള്ളൂ. യഥാർത്ഥത്തിൽ ഞാൻ ആരാണ്? ഒരു ഉത്തമ പാപി മാത്രം. ആരാണ് നിന്നെ വഴിനായിക്കുന്നതെന്ന് ഓർത്തുകൊള്ളുക. ഞാൻ ദൈവമാണ്. നിൻറെ സുഹൃത്തായ അവിശ്വാസിയോട് നീ പറഞ്ഞത് നീ ഓർക്കുന്നില്ലേ? അവ എൻറെ വാക്കുകളായിരുന്നു. ഒരു രാക്ഷസന്റെ മുന്നിൽ നിന്നും ഓടി രക്ഷപ്പെടുന്ന ഒരു എലിയെ പോലെയാണ് നീ. നീ ഒരു മൺതരി മാത്രമാണ്. ശരിയാണ്. ഒരു അവിശ്വാസിയായ സുഹൃത്തിന് ദൈവത്തിൽ നിന്നുള്ള ഒരു സന്ദേശം ലഭിച്ചു. അയാൾ പിന്നീട് എന്നോട് ഇപ്രകാരം പറഞ്ഞു: "വെറും അരമിനിറ്റ് നേരത്തെ സന്ദേശം 20 വർഷത്തെ ഒരു യുക്തിവിശ്വാസം എല്ലാം തകർത്തു. എങ്കിലും ഉത്തമ പാപിയായ എനിക്ക് ഇത്തരമൊരു സന്ദേശം എന്തിനാണ്? ഞാൻ ഇതിനെ എതിർത്ത് ഓടി രക്ഷപ്പെടും." ഞാൻ ഇത് കേട്ട് ചിരിച്ചു. എന്നിട്ട് ദൈവത്തിൻറെ വാക്കുകൾ അയാളോട് പറഞ്ഞു: "വസൂല, എന്നെ വിശ്വസിക്കുക. കർത്താവേ, ഞാൻ അങ്ങയിൽ വിശ്വസിക്കുന്നു. എന്നാൽ ഞാൻ തന്നെയാണ് ഇവിടെ പ്രശ്നം. എനിക്ക് നല്ല മനസ്സുണ്ട്. എന്നാൽ അങ്ങ് പറഞ്ഞതുപോലെ ഞാൻ ബലഹീനയാണ്. എന്നെ വിശ്വസിക്കരുതേ. ഞാൻ വലിയ പാപിയാണ്." വസൂല, നീ വാക്കുകളാൽ വിവരിക്കാൻ ആകാത്ത വിധം ബലഹീനയാണ്. അനാദികാലം മുതൽ നിത്യതയിൽ ഞാൻ ഇത് അറിഞ്ഞിരുന്നതാണ്. എന്നാൽ നീ ഒന്നുമില്ലായ്മയായിരിക്കുക. നീ ഒന്നുമില്ലായ്മയായി തുടരണമെന്ന് ഞാൻ ആഗ്രഹിക്കുന്നു. നമ്മൾ രണ്ടുപേരായിരുന്നെങ്കിൽ എങ്ങനെ ഞാൻ എന്നെ തന്നെ നിന്നിൽ വെളിപ്പെടുത്തും? സ്വതന്ത്രമായി പ്രവർത്തിക്കുവാൻ എന്നെ അനുവദിക്കുക. ഞാൻ നിന്നിൽ പ്രവർത്തിക്കും. വരൂ, എന്നിൽ ചാരി ആശ്രയിക്കുക. 17/6 1987, ഡാക്ക, ബംഗ്ലാദേശ്. യേശുവേ, എൻറെ നികൃഷ്ടാവസ്ഥ അങ്ങ് ബോധ്യപ്പെടുത്തി തരുന്നു. ഞാൻ ദുഷിച്ചവളായിട്ടും അങ്ങ് എന്നെ സമീപിച്ചു. അങ്ങയുടെ കൃപകളെ സ്വീകരിക്കുവാനുള്ള യാതൊരു യോഗ്യതകളും എനിക്കില്ലെങ്കിലും, അങ്ങ് എനിക്ക് അവ നൽകുന്നു. വിശുദ്ധന്മാരോട് താരതമ്യം ചെയ്യുമ്പോൾ ഇത് കൂടുതൽ വ്യക്തമാകുന്നു. എന്തുകൊണ്ടാണ് സംശയങ്ങളുടെ തിരമാലകൾ എന്നിൽ ആഞ്ഞടിക്കുന്നതെന്ന് ഇതിനാൽ വ്യക്തമാണല്ലോ. എൻറെ അയോഗ്യതകൾ നിമിത്തമാണ് ഈ വിധത്തിലുള്ള സംശയങ്ങൾ എന്നിൽ ഉണ്ടാകുന്നത്. പ്രാഥമിക പാഠങ്ങൾ വരെ അങ്ങ് എന്നെ പഠിപ്പിച്ചു. ആദ്യം ഞാൻ അങ്ങയെ നിഷേധിച്ചതാണല്ലോ. മുകളിൽ പറഞ്ഞ കാരണങ്ങളാൽ സംശയങ്ങളുടെ തിരമാലകൾ എന്നിൽ ഉണ്ടാകുമ്പോൾ ഞാൻ അങ്ങയെ വേദനിപ്പിക്കുകയാണെന്ന് എനിക്കറിയാം. അങ്ങ് ഒരിക്കൽ എന്നോട് ഇപ്രകാരം പറഞ്ഞു: "അന്ധകാരത്തിൽ നിന്ന് ആരാണ് നിന്നെ രക്ഷിച്ചതെന്ന കാര്യം നീ മറക്കുമ്പോൾ നീ എന്നെ വേദനിപ്പിക്കുന്നു. " അതേസമയം, തിരുവചനത്തെക്കുറിച്ച് യാതൊരു അറിവുമില്ലാതിരുന്ന ബലഹീനയായ എൻറെ അടുക്കലേക്ക് അങ്ങ് വന്ന് വളരെ പ്രധാനപ്പെട്ട ഒരു ദൗത്യം എന്നെ ഭരമേൽപ്പിച്ചത് എന്തിനാണെന്ന കാര്യം മനസ്സിലാക്കുവാൻ സാധിക്കാതെ എൻറെ മനസ്സോഴിൽ നിന്നും അങ്ങയുടെ വഴി നടത്തലുകൾ പുരോഗമിക്കുന്നതിനനുസരിച്ച് ധാരാളം അത്ഭുതങ്ങളും ഈ വഴി നടത്തലിലൂടെ സംഭവിക്കുന്നു. പരിപൂർണ്ണ യുക്തിവാദികൾ വിശ്വാസികളായി മാറുന്നു. ഞാൻ ഇതിൽ ആശ്ചര്യപ്പെടേണ്ട കാര്യമില്ല, കാരണം അങ്ങ് ഈ സന്ദേശങ്ങളെ അനുഗ്രഹിച്ചിട്ടുള്ളതാണ്. ഒന്നിനു പിന്നാലെ മറ്റൊരാൾ എന്നവിധം അവിശ്വാസികൾ ആയിരുന്നവർ അങ്ങയുടെ സന്നിധിയിലേക്ക് തിരിച്ചുവരുന്നു. ഈ സന്ദേശങ്ങൾ ഒരു പേജ് പോലും എന്നെക്കൊണ്ട് നിനക്ക് വായിപ്പിക്കുവാൻ സാധിക്കുകയില്ല. ദൃശ്യമായ കാര്യങ്ങളിലും പണത്തിലും ബിസിനസ്സിലും മാത്രമേ ഞാൻ വിശ്വസിക്കുന്നുള്ളൂ എന്ന് പറഞ്ഞിരുന്നവരുടെ വാക്കുകൾ എൻറെ ചെവികളിൽ മുഴങ്ങുന്നു. ഇപ്രകാരം പറഞ്ഞ വ്യക്തി ഇപ്പോൾ അദ്ദേഹത്തെ ഈ സന്ദേശങ്ങൾ വായിക്കുവാൻ പ്രേരിപ്പിച്ച തൻറെ ഭാര്യയെക്കാൾ ഉത്സാഹത്തോടെ ഇപ്പോൾ സന്ദേശങ്ങളെല്ലാം വായിക്കുവാൻ തീഷ്ണമായി ആഗ്രഹിക്കുന്നു. ഈ സന്ദേശങ്ങളിൽ ഒരു പേജ് പോലും എന്നെക്കൊണ്ട് നിനക്ക് വായിപ്പിക്കുവാൻ സാധിക്കുകയില്ല. ദൃശ്യമായ കാര്യങ്ങളിലും പണത്തിലും ബിസിനസ്സിലും മാത്രമേ ഞാൻ വിശ്വസിക്കുന്നുള്ളൂ എന്ന് പറഞ്ഞിരുന്നവരുടെ വാക്കുകൾ എൻറെ ചെവികളിൽ മുഴങ്ങുന്നു. ഇപ്രകാരം പറഞ്ഞ വ്യക്തി ഇപ്പോൾ അദ്ദേഹത്തെ ഈ സന്ദേശങ്ങൾ വായിക്കുവാൻ പ്രേരിപ്പിച്ച തൻറെ ഭാര്യയെക്കാൾ ഉത്സാഹത്തോടെ ഇപ്പോൾ ഈ സന്ദേശങ്ങളെല്ലാം വായിക്കുവാൻ തീഷ്ണമായി ആഗ്രഹിക്കുന്നു. ഈ സന്ദേശങ്ങൾ അദ്ദേഹത്തിന് വലിയ സമാധാനം നൽകുന്നുണ്ടെന്ന് അദ്ദേഹം പറയുന്നു. ഞാൻ ഈ വ്യക്തിയോട് ഒരിക്കലും സംസാരിച്ചിട്ടില്ല. ഇങ്ങനെ ഒരു സംഭവം ഉണ്ടായി. യേശുവേ, അങ്ങയുടെ പ്രവർത്തികൾ എത്ര വിസ്മയനീയം! ഞാനാണ് ദൈവത്തിൻറെ പ്രിയപുത്രനായ യേശു. എൻറെ അത്ഭുത പ്രവർത്തനങ്ങളിൽ നീ വിശ്വസിക്കേണ്ടതിന് ഞാൻ ഈ പുസ്തകമെല്ലാം നിനക്ക് അയക്കുകയാണ്. എൻറെ അപ്പം കൊണ്ട് ഞാൻ നിന്നെ പരിപോഷിപ്പിക്കുകയാണ്. എൻറെ പ്രവർത്തികളെ ഒരിക്കലും സംശയിക്കരുത്. എൻറെ കൃപാവരങ്ങളുടെ വിശദാംശങ്ങൾ നീ ഗ്രഹിക്കണമെന്ന് ഞാൻ ആഗ്രഹിക്കുന്നു. അതിനാൽ എല്ലാ പുതിയ വെളിപ്പെടുത്തലുകളെ സംബന്ധിച്ചും ജാഗ്രത പാലിക്കുക. എല്ലാം എന്നിൽ നിന്ന് വരുന്നതാണ്. കുരിശെന്നെ ഞെരുക്കുന്നതായി അനുഭവപ്പെട്ടു. ദൈവത്തിൻറെ സന്ദേശമാണ് കുരിശ്. യേശുവേ, ഞാനാണ് ഉയർത്തുക. ഉയർത്തുക, വീണുപോകരുത്. നിന്നെ സഹായിക്കുവാൻ ഞാൻ കൂടെയുണ്ട്. എൻറെ കുരിശ് ഉയർത്തുക. സൈറിയൻകാരനായ ശിമിയോനെ പോലെ ആകരുത്. വഴി ദുർഘടമായിരിക്കാം, എന്നാൽ എൻറെ കുരിശ് നീയുമായി പങ്കുവയ്ക്കുവാൻ എപ്പോഴും ഞാൻ നിൻറെ കൂടെയുണ്ട്. വസൂല, എന്നെ നോക്കുക. ഞാൻ യേശുവിനെ നോക്കി, ഏറ്റവും പരിതാപകരമായ അവസ്ഥയിൽ, ഒരു ഭിത്തിയുടെ മൂലയിൽ പിടിച്ചു നിൽക്കുന്ന അവസ്ഥയിൽ ഞാൻ അവിടുത്തെ കണ്ടു. തലയിൽ മുൾകിരിയടം ചൂടിയ അർദ്ധനഗ്നനായി രക്തത്തിൽ കുതിർന്ന യേശുവിനെ ഞാൻ ദർശനത്തിൽ കണ്ടു. ദേഹം മുഴുവനും രക്തവും വിയർപ്പും പൊതിഞ്ഞിരുന്നു. ചാട്ടയടികളാൽ ശരീരത്തിൽ നിന്ന് മാംസം മുഴുവനും പറഞ്ഞുപോയതിനാൽ രക്തമാണ് കൂടുതലായി കാണുവാൻ ഉണ്ടായിരുന്നത്. ഞാനിത് അർഹിക്കുന്നുണ്ടോ? ഒട്ടുമില്ല, എൻറെ ദൈവമേ, മകളെ, എന്നെ ആദരിക്കുക. കർത്താവേ, ആരാണ് ഇപ്രകാരം ദുഷ്ടത അങ്ങയോട് പ്രവർത്തിച്ചത്? ആരാണെന്നോ? വസൂല, മനുഷ്യർ തന്നെ. ഇത് അവരാണ് സോദോമിന്റെ തനിപ്പകർപ്പായ മനുഷ്യർ തന്നെ. പിന്നീട്, മകളെ, എൻറെ സഭയിൽ ഐക്യം ഞാൻ ആഗ്രഹിക്കുന്നു. ഐക്യം. യേശു വളരെ ഉച്ചത്തിൽ, വളരെ ദൃഢമായാണ് ഇത് പറഞ്ഞത്. 18/6 1987, യേശുവേ, ഞാനാണ് വസൂല. ഞാൻ നിന്നെ ഉപയോഗപ്പെടുത്തും. കർത്താവേ, എന്നെ അവസാനം വരെ ഉപയോഗിക്കണേ. പ്രിയപ്പെട്ടവളെ, ഞാൻ ആഗ്രഹിക്കുന്നതുപോലെ പ്രവർത്തിക്കുവാനുള്ള സ്വാതന്ത്ര്യം എനിക്ക് നൽകുക. അവരുടെ പ്രാർത്ഥനകളിലും, അവരുടെ എല്ലാ അപേക്ഷകളിലും, അവർ ഇപ്രകാരം കൂട്ടിച്ചേർത്ത് പ്രാർത്ഥിക്കട്ടെ. ഞങ്ങളുടെ ഇഷ്ടമല്ല, അങ്ങയുടെ ഇഷ്ടം നിറവേറട്ടെ. എന്നിൽ നിന്ന് പഠിക്കുക, എന്നെ ആദരിക്കുക.