Den 10. Doudesdag vum Lëtzebuerger Kënschtler Bert Theis

Kultur · Sep 14, 2026

Schoulufank ... Deen Här, un dee mir haut erënnere wëllen, huet dëst Ritual och eng Partie Kéiere matgemaach. De Bert Theis war haaptberufflech Schoulmeeschter, ier hien decidéiert huet, fräischaffende Kënschtler ze ginn. Iwwer d’Molerei, d’Experimentéiere mat Fotografie, Konzeptkonscht a Collage ass hien zu der Performance, der Schafung vu Situatiounen am ëffentleche Raum komm. Seng Aarbechte waren ëmmer gesellschaftskritesch a politesch, mee och poetesch. De 14. September 2016 ass de Bert Theis mat 64 Joer gestuerwen: Haut ass deemno säin zéngten Doudesdag.