Koarten-Speele

De Döschkassen · Jan 11, 2024 · 2m

Koarten-Speele Hebbt Ju al mol tellt wo veele Plastik-Koarten Ju mit sick rümsleept? Ick heff süss dorvun. Twee vun mien Bank, een vun mien Krankenkass‘, een vun Autoclub un denn mien Personolutwies un mien Föhrerschien. Wo ick all bi’n Föhrerschien bün: Mien Madam mutt ehr Patent nu ook ümtuuschen. Se hett noch de rosa „Pappe“. De harr ick ook mol. Overs no dat ick mol mien Knipp mit all mien Poppiern dorbin verlorn harr, geev dat keen Alternative to’n Scheckkoarten-Format. Mien Vadder harr bet to sien letzten Dag noch sien grau’n „Lappen“. Dor kunn man nix mehr op leesen. Blots dat Foto…