Latest / ദൈവത്തിലുള്ള യഥാർത്ഥ ജീവിതം - TLIG / Ep 61: നല്ല വൃക്ഷം നല്ല ഫലം പുറപ്പെടുവിക്കുന്നു .
Transcript
- എപ്പിസോഡ് 61. 1. 2.1988. വാസുല, എന്റെ പുത്രിയായ റഷിയയെ സമർപ്പിക്കുന്നതിന് വേണ്ടി അനേകം തവണ ഞാൻ ആവശ്യപ്പെട്ടിട്ടുണ്ട്. അവളെ സമർപ്പിക്കുന്നതിന് വേണ്ടി ഞാൻ കേണപേക്ഷിക്കുക പോലും ചെയ്തിട്ടുണ്ട്. ഈ വർഷമാണ് അവൾ പ്രകാശം കണ്ടത്; ആയിരാം ആണ്ടിന്റെ വാർഷികം അവൾ ആഘോഷിക്കും. വാസുല, നിന്റെ സഹോദരിയായ റഷിയ മരിച്ചിരിക്കുന്നു, എന്നാൽ കർത്താവ് അവളുടെ സമീപത്തുണ്ട്; അവിടുന്ന് അവളെ ഉയർപ്പിക്കും. അങ്ങനെ സ്നേഹമായ ദൈവം, സ്നേഹിക്കപ്പെടാതിരുന്ന റഷിയയെ സ്നേഹിക്കും. "അങ്ങാണ് എന്റെ ദൈവവും രക്ഷകനും" എന്ന് അവൾ വിളിച്ചുപറയും. അവളുടെ നിലവിളിയുടെ ഈ സ്വരം കേൾക്കുന്ന പിശാചുക്കൾ ഓടിയൊളിക്കും; ഭയവിഹലരായ പിശാചുക്കൾ ഓടിമറയും. റഷ്യൻ ജനത ഒന്നായിത്തീരുകയും അവൾ ദൈവത്തിന്റെ ഏറ്റവും വിശ്വസ്ത ഭക്തയുമായി തീരുമെന്നതുമാണ് പിശാചുക്കളുടെ ഭയത്തിന് കാരണം. അവൾ ദൈവത്തിന്റെ ശക്തിയാൽ സൗഖ്യപ്പെട്ട് ഉയർപ്പിക്കപ്പെടും. അവളുടെ വിശുദ്ധിയുടെ ഉയരവും സർവ്വശക്തനോടുള്ള ഭക്തിയും അവളുടെ അയൽക്കാർ എല്ലാവരെയും ആകർഷിക്കും. ദൈവത്തിന്റെ മഹത്വത്തിന്റെയും സ്നേഹത്തിന്റെയും കരുണയുടെയും പ്രതീകമായിരിക്കും റഷിയ. ഞങ്ങളുടെ കാതുകൾക്ക് ഇമ്പകരമായ അവളുടെ മാധുര്യമുള്ള പ്രാർത്ഥനാഗീതങ്ങളും സ്തോത്രഗാനങ്ങളും, അവളുടെ ശോഭയേറിയ ചലനങ്ങളും, കുന്തിരിക്കധൂപം പോലെ സ്വർഗ്ഗത്തിലേക്ക് ഉയരും. ദൈവം ആയിരം വർഷങ്ങൾക്കുമുമ്പ് അവളെ ഉയർപ്പിച്ചതുപോലെ തന്നെ, സ്നേഹം അവളെ വീണ്ടും ഉയർപ്പിക്കും. ദൈവത്തിന്റെ മഹത്വത്തിന്റെയും സ്നേഹത്തിന്റെയും കരുണയുടെയും പ്രതീകമായിരിക്കും റഷിയ. ഞങ്ങളുടെ കാതുകൾക്ക് ഇമ്പകരമായ അവളുടെ മാധുര്യമുള്ള പ്രാർത്ഥനാഗീതങ്ങളും സ്തോത്രഗാനങ്ങളും, അവളുടെ ശോഭയേറിയ ചലനങ്ങളും, കുന്തിരിക്കധൂപം പോലെ സ്വർഗ്ഗത്തിലേക്ക് ഉയരും. ദൈവം ആയിരം വർഷങ്ങൾക്കുമുമ്പ് അവളെ ഉയർപ്പിച്ചതുപോലെ തന്നെ, സ്നേഹം അവളെ വീണ്ടും ഉയർപ്പിക്കും. ഇവിടെ പരിശുദ്ധ മാതാവിന്റെ സന്ദേശം അവസാനിക്കുന്നു. ഞാൻ ഉദ്ധാനത്തിന്റെ നാഥനായ കർത്താവാണ്. ഞാൻ റഷിയയെ ഉയർപ്പിക്കുമ്പോൾ, അവൾ വീണ്ടും എനിക്കുള്ള കാഴ്ചവസ്തുക്കൾ അർപ്പിക്കും. സ്നേഹത്താൽ അവൾ എന്റെ ഭവനമായ സഭയെ അലങ്കരിക്കും. ഞാൻ അവളെ വീണ്ടും എന്നോട് ഐക്യപ്പെടുത്തും; എന്റെ അപ്പവും എന്റെ വീഞ്ഞും ഞാൻ അവൾക്ക് നൽകും. എനിക്കുള്ള ഭക്ഷണം അവൾ നിരസിക്കുകയില്ല. എന്റെ ദാനം അവൾ സ്വീകരിക്കും; അവൾ എന്റെ അപ്പം ഭക്ഷിച്ച് എന്റെ വീഞ്ഞു പാനം ചെയ്ത്, അവളെ തന്നെ നവീകരിച്ചുകൊണ്ട് എന്നെ പ്രകീർത്തിച്ചുകൊണ്ടിരിക്കും. എന്റെ മഹത്വത്താൽ ഞാൻ അവളെ വസ്ത്രമണിയിക്കും; ഞാൻ അവളെ മഹിമാപ്രഭാവത്തോടെ അലങ്കരിക്കും. എന്റെ സ്വന്തം ഉറവയിൽ നിന്നുള്ള വെള്ളം കൊണ്ട് ഞാൻ അവളുടെ തോട്ടത്തെ ജലസേചിതമാക്കും; ഞാൻ അവളുടെ അറപ്പുരകൾ നിറയ്ക്കും. എന്റെ കണ്ണുകൾ അവളെ നിരീക്ഷിക്കുന്നുണ്ട്; അല്ലയോ വസൂല, കാത്തിരുന്നു കാണുക. മകളേ, എന്റെ പത്രോസ്. മാർപാപ്പ, നിന്റെ സഹോദരിയായ റഷിയ സന്ദർശിക്കുന്നത് കാണാൻ ഞാൻ എത്രനാൾ കാത്തിരിക്കണം? ഇനിയും വളരെയേറെ കാര്യങ്ങൾ വെളിപ്പെടുത്തുവാൻ ഉണ്ടെന്ന ഒരു ധ്വനി ഉണ്ടായിരുന്നു യേശുവിന്റെ ശബ്ദത്തിൽ. യേശു വളരെ സന്തോഷവാനായി കാണപ്പെട്ടു. കർത്താവേ, റഷിയ സന്ദർശിക്കുവാൻ മാർപാപ്പയെ പ്രോത്സാഹിപ്പിക്കണമേ. കർത്താവേ, അങ്ങയുടെ ഹിതമാണെങ്കിൽ, മാർപാപ്പയുടെ സന്ദർശനത്തിനുള്ള വഴി തുറക്കണമേ. വരൂ, ഞാൻ അനേകം ഹൃദയങ്ങളിൽ പ്രവർത്തിച്ചുകൊണ്ടിരിക്കുന്നു. വസൂല, എന്റെ പിതാവിന്റെ അനുഗ്രഹം നേടുന്നതിന് വേണ്ടി പ്രാർത്ഥിക്കുക; ഞാൻ എന്റെ സഭയെ പുനരുദ്ധരിക്കും, അവിശ്വസ്തരായവർക്ക് ഹാ ദുരിതം. വസൂല, കർത്താവായ ഞാനാണ് ഉയരമുള്ള വൃക്ഷങ്ങളുടെ വളർച്ച മുരടിപ്പിക്കുന്നതും ചെറിയ വൃക്ഷങ്ങളെ വളർത്തുന്നതും എന്ന കാര്യം നിന്നെ ഓർമ്മിപ്പിക്കുവാൻ ഞാൻ ആഗ്രഹിക്കുന്നു. ഇപ്പോൾ വരൂ, നമ്മൾ, അതെ, നമുക്ക്, അതെ, വസൂല, ഒരിക്കലും സംശയിക്കരുത്. നിന്റെ ആന്തരിക നയനങ്ങൾ കൊണ്ട് ഞങ്ങളെ ദർശിക്കുവാൻ ഞാൻ നിന്നെ പഠിപ്പിച്ചിട്ടുണ്ടല്ലോ; ഞാൻ നിന്റെ അധ്യാപകനാണല്ലോ. ഞാൻ നിന്നെ സ്നേഹിക്കുന്നു, ഒരിക്കലും സംശയിക്കരുത്. യേശു ചാരുകസാരിയിൽ ഇരിക്കുന്ന ഒരു ദർശനം ഞാൻ പെട്ടെന്ന് കണ്ടു; പുഞ്ചിരിച്ചുകൊണ്ട് പരിശുദ്ധ മാതാവും സമീപത്തുണ്ടായിരുന്നു. 2.2.1988. പുഷ്പമേ, സമാധാനം നിന്നോടുകൂടെ. നിന്റെ രക്ഷകനായ യേശുവാണ് ഞാൻ; നികൃഷ്ടതയുടെ മധ്യത്തിൽ, നികൃഷ്ടാവസ്ഥയിൽ, സ്നേഹം നിന്നെ കണ്ടെത്തി. പ്രിയപ്പെട്ടവളേ, കർത്താവായ ഞാൻ എന്റെ ദൈവീക കരം നിന്റെ മേൽ വെച്ചുകൊണ്ട് നിന്നെ അലങ്കരിച്ചു; എന്നെ നോക്കുന്നത് എന്നെ മഹത്വപ്പെടുത്തുന്നു. ഞാൻ യേശുവിന്റെ ചിത്രത്തിൽ നോക്കിയതിനെ യേശു ഇവിടെ സൂചിപ്പിക്കുന്നു. യേശുവേ, നികൃഷ്ടയായിരിക്കുന്നതിൽ ഞാൻ എന്നെ തന്നെ വെറുക്കുന്നു. വസൂല, നീ എന്താണ് പറയുന്നത്? യേശു ഞെട്ടിപ്പോയതുപോലെ തോന്നി. എപ്രകാരം ഞാൻ നിന്നോട് ഐക്യപ്പെട്ടിരിക്കുന്നു എന്ന കാര്യം നീ മറന്നുപോയതുപോലെ തോന്നുന്നു. നീ എന്താണ് പറയുന്നത് എന്ന കാര്യം നീ ഓർക്കണം; "നമുക്ക്, നമ്മൾ" എന്നത് ഓർക്കണം. യേശുവേ, അങ്ങയുടെ ക്ഷമ വളരെ വലുതാണ്. ഞാൻ നിന്നെ സ്നേഹിക്കുന്നു; വരൂ, എന്റെ അമ്മ പറയുന്നത് ശ്രദ്ധിക്കുക. ഞാൻ നിന്നെ എത്രയധികമായി സ്നേഹിക്കുന്നു; എന്റെ ഭവനത്തിന് നിന്നെ ആവശ്യമുണ്ട്. എന്റെ കുഞ്ഞേ, എന്റെ ഭവനത്തിന്റെ വാതിലുകൾ നിനക്കായി വിസ്താരത്തിൽ തുറന്നിട്ടിരിക്കുന്നു. 3. 2.1986. വസൂല, ഈ വിധത്തിൽ നീ എന്നെ സമീപിക്കുമ്പോൾ, ഞാൻ എത്രയധികം കൂടുതലായി നിന്നെ സ്നേഹിക്കുന്നുണ്ടെന്ന് നിനക്കറിയാമോ? നീ നികൃഷ്ടയാണെന്ന് സ്വയം തിരിച്ചറിഞ്ഞ്, എന്റെ സന്നിധിയിൽ വന്ന് നിന്റെ മുട്ടുകൾ മടക്കുന്നു; നിന്റെ ഹൃദയം എന്റെ മുമ്പിൽ തുറന്നുവെക്കുന്നു. എന്റെ കുഞ്ഞേ, നിന്റെ കണ്ണീർക്കണങ്ങൾ, സ്നേഹത്തിന്റെ നിന്റെ കണ്ണീർ, എന്നെ തീക്ഷ്ണമായി ആഗ്രഹിക്കുന്നതിന്റെ ഫലമായി നിന്നിൽ ഉണ്ടാകുന്ന കണ്ണുനീർത്തുള്ളികൾ, എല്ലാം എന്റെ മുറിവുകളെ സൗഖ്യമാക്കുന്ന ഉത്തമ ലേപന ഔഷധമാണ്. അല്ലയോ മകളേ, എന്റെ മീറായേ, എനിക്ക് സാക്ഷ്യം വഹിക്കുന്നവളേ, ഞാൻ എത്രയധികം സ്നേഹിക്കുന്നു. എന്റെ മണവാട്ടി, നിന്റെ നെടുവീർപ്പുകൾ, എന്നോടുള്ള ദശലക്ഷം സ്നേഹവാക്കുകൾ പോലെ മുഴങ്ങുന്നു. എന്റെ കരത്താൽ അനുഗ്രഹിക്കപ്പെട്ടവളേ, എന്റെ പുഷ്പമേ, നിരാശപ്പെടരുത്; ഇത്തവണ ആബേൽ കൊല്ലപ്പെടുകയില്ല, അതെ, ഇത്തവണ ആബേൽ ജീവിക്കും. നിന്റെ ഹൃദയത്തിൽ എനിക്കുവേണ്ടി ഒരു സ്വർഗ്ഗം സൃഷ്ടിക്കുക; ഞാൻ ക്ഷീണിതനാണ്, എനിക്ക് വിശ്രമിക്കണം. പുഷ്പമേ, എനിക്ക് സുഗന്ധമേകുക; നിന്റെ സ്നേഹത്താൽ എന്നെ സമാശ്വസിപ്പിക്കുക. കുഞ്ഞേ, സൗന്ദര്യത്താൽ ഞാൻ നിന്നെ വസ്ത്രമണിയിക്കും; ഞാൻ നിന്റെ പാപങ്ങൾ ക്ഷമിക്കും. പാപപങ്കില ജീവിതമാകുന്ന പഴയ മനുഷ്യനായ നിന്റെ പഴകിയ വസ്ത്രങ്ങൾ ഇനിമേൽ ഉണ്ടാവില്ല. പുഷ്പമേ, നിന്നെ ഞാൻ അലങ്കരിക്കും; ഞാൻ നിന്നെ പൂർണ്ണമായി നവീകരിക്കും. വസൂല, ഞാൻ നിന്നെ സ്നേഹിക്കുന്നു; എന്റെ കൃപ നിന്റെ മേൽ ഉണ്ട്. ഇതാ, എന്റെ കരം പിടിച്ചുകൊള്ളൂ; ഞാൻ നിന്നെ വഴി നയിച്ചുകൊണ്ടിരിക്കുന്നു. പരിശുദ്ധ മറിയം സംസാരിക്കുന്നു. അല്ലയോ വാസുല, സംശയിക്കരുത്; ഞാൻ നിന്നെ വിളിക്കുന്നു, നീ ക്രിസ്തുവിനുവേണ്ടി മാത്രം ജീവിക്കണം. ലോകത്തിന്റെ പാപങ്ങളെ പ്രതി ദൈവനീതിയുടെ പാനപാത്രം നിറഞ്ഞു കവിയുന്നു. ഈ സന്ദേശം ദൈവത്തിന്റെ അവസാനത്തെ മുന്നറിയിപ്പാണ്; അവർ ദൈവത്തെ അനുസരിക്കുവാൻ വിസമ്മതിച്ചാൽ, ദൈവകരം അവരുടെ മേൽ പതിക്കുവാൻ ഞാൻ ഇടവരുത്തും. പിന്നീടൊരിക്കലും ദൈവനീതിയുടെ പാനപാത്രം അവരുടെ മേൽ പതിക്കാതിരിക്കുവാൻ എനിക്ക് തടഞ്ഞുവെക്കുവാൻ കഴിയുകയില്ല. അത് ഭാരം കൂടിക്കൂടി വരുന്നു. വാസുല, ഞാൻ എന്റെ അത്ഭുതം ഉടനെ പ്രവർത്തിക്കും; സമയം ആസന്നമായിരിക്കുന്നു. ഈ ദിവസങ്ങളിൽ പരിശുദ്ധ ദൈവമാതാവ് എന്നെ പഠിപ്പിക്കുകയായിരുന്നു; "അമ്മ" എന്ന വാക്കിന് വളരെ ഊന്നൽ നൽകിക്കൊണ്ടാണ് എന്നോട് സംസാരിച്ചത്. അവൾ എല്ലാ മനുഷ്യരുടെയും അമ്മയാണെന്ന് അവിടെ നിന്നെ പഠിപ്പിച്ചു. ഞാൻ മാതാവിൽ നിന്ന് പഠിച്ച മറ്റൊരു കാര്യം, മാതാവും യേശുവും വേർപെടാനാവാത്ത വിധം ഐക്യപ്പെട്ടിരിക്കുന്നു എന്നാണ്. യേശു എവിടെയുണ്ടോ, അവിടെ മാതാവുമുണ്ട്; അവരുടെ ഹൃദയങ്ങൾ ഐക്യപ്പെട്ട് ഒന്നായി തീർന്നിരിക്കുന്നു. കാലത്തിന്റെ അവസാനം എന്ന് പരിശുദ്ധ മാതാവ് പറയുമ്പോൾ, കാലഘട്ടത്തിന്റെ അവസാനം എന്ന അർത്ഥത്തിലാണ് നമ്മൾ മനസ്സിലാക്കേണ്ടത്. നമ്മൾ ഇപ്പോൾ ജീവിക്കുന്ന ഈ കാലഘട്ടം തിന്മ നിറഞ്ഞതാണ്; അതിനാലാണ് ദൈവം ഇടപെടുന്നത്. സഭയുടെ നവീകരണം ആസന്നമായിരിക്കുന്നു; ദൈവരാജ്യം നിങ്ങൾ എല്ലാവരുടെയും ഇടയിലുണ്ട്. കാലഘട്ടത്തിന്റെ അവസാനത്തെക്കുറിച്ച് മനസ്സിൽ കരുതൽ വേണം. എപ്രകാരമാണ് യേശുവിന്റെ സന്ദേശം അവിടുത്തെ ശരീരമായ സഭയെ സൗഖ്യപ്പെടുത്തി ഐക്യപ്പെടുത്തുക എന്ന് ചിന്തിക്കുക. യേശുവിന്റെ രക്ഷാകര പദ്ധതി എപ്രകാരമാണ് ദശലക്ഷക്കണക്കിന് മനുഷ്യരെ വീണ്ടെടുത്ത് രക്ഷിക്കുന്നത് എന്ന് ചിന്തിക്കുക. യേശുവിന്റെ സമാധാനത്തിന്റെയും സ്നേഹത്തിന്റെയും സന്ദേശം എപ്രകാരമാണ് ഞങ്ങളുടെ മക്കളെ സ്നേഹത്തിലേക്ക് മടക്കി കൊണ്ടുവരുന്നത് എന്ന് ചിന്തിക്കുക. അവിടുത്തെ അപ്പം തന്നെയായ സന്ദേശം രുചിച്ചറിയുന്ന നിമിഷം യേശു അവരെ മാനസാന്തരപ്പെടുത്തും; അത് സ്നേഹത്തിന്റെ ഫലമായിരിക്കും. സ്നേഹം നിങ്ങളെല്ലാവരെയും പുനസ്ഥാപിക്കും; സ്നേഹവും കാരുണ്യവും നിങ്ങളെ സാത്താന്റെ അധാർമികമായ കുടിലമായ കെണികളിൽ നിന്നും മോചിപ്പിക്കും. വരൂ, പ്രിയപ്പെട്ടവളേ, ദൈവഹിതം പ്രവർത്തിക്കുക; ഞാൻ എപ്പോഴും നിന്നോടൊപ്പമുണ്ട്. എന്നെ നീ അനുസ്മരിക്കുന്നതിനാൽ ഞാൻ നിന്നെ അനുഗ്രഹിച്ചിരിക്കുന്നു; എനിക്കുവേണ്ടി എന്റെ സാന്നിധ്യം ഓർക്കാമോ? നിനക്ക് എന്റെ സമാധാനം ഉണ്ടാകട്ടെ. 4.2.1988. യേശു ഇന്ന് വളരെ വ്യക്തമായിട്ടാണ് എനിക്ക് ദർശനം അരുളിയത്. ചിലപ്പോഴെല്ലാം ഇത് യഥാർത്ഥമല്ലായിരിക്കുമെന്നുവരെ എനിക്ക് തോന്നിയിട്ടുണ്ട്; ചിലപ്പോൾ ഞാൻ യേശുവിനെ കാണുന്നില്ല, കാണുന്നുണ്ടെന്ന് തോന്നുന്നതാണെന്നുവരെ ചിന്തിച്ചിട്ടുണ്ട്. ഇത്തരം ചിന്തകൾക്കിടയിൽ ഈ ദർശനങ്ങൾ യഥാർത്ഥത്തിൽ ഉള്ളതാണെന്ന് യേശു എന്നെ ബോധ്യപ്പെടുത്തി തന്നു. യേശുവേ, അങ്ങ് തന്നെയാണോ ഇത്? ഞാൻ തന്നെയാണ്; ഞാൻ നിന്നെ പഠിപ്പിച്ചതുപോലെ തന്നെയാണ് നീ എന്നെ ദർശിച്ചത്. എന്റെ ഹൃദയം ഞാൻ നിനക്ക് കാണിച്ചു തരാം; എന്റെ സന്നിധിയിൽ നീ കാണുന്നതും അനുഭവിച്ചറിയുന്നതുമായ കാര്യങ്ങൾ എഴുതുക. ഈ നിമിഷങ്ങളിൽ ഞാൻ ദൈവസന്നിധിയിലാണെന്ന് ഞാൻ അനുഭവിച്ചറിയുന്നു; ദൈവസാന്നിധ്യാനുഭവത്താലുള്ള വലിയ ആനന്ദത്തിലാണ് ഞാൻ. ഈ നിമിഷങ്ങൾ ഒരിക്കലും അവസാനിക്കരുതെന്ന് ഞാൻ ആഗ്രഹിക്കുന്നു; എനിക്ക് വേറെ യാതൊന്നും ആവശ്യമില്ല. എനിക്ക് ചുറ്റുമുള്ള സകലതും എന്നെ സംബന്ധിച്ച് അർത്ഥശൂന്യവും അപ്രധാനവും ആയിട്ട് എനിക്ക് അനുഭവപ്പെടുന്നു. ദൈവസാന്നിധ്യം എല്ലായിടത്തും നിറയുന്നതായി എനിക്ക് അനുഭവപ്പെട്ടു; ഇത് ദൈവാനുഭവത്തിന്റെ നിറവ് എന്നിൽ ഉളവാക്കുന്നു. നമ്മൾ യേശുവിന്റെ ഛായ അറിയുന്നതുപോലെ തന്നെ, അതേ രീതിയിൽ വസ്ത്രം ധരിച്ച യേശുവിനെ ഞാൻ ഇപ്പോൾ ദർശനത്തിൽ കാണുന്നു. യേശു ധരിച്ചിരിക്കുന്ന വസ്ത്രത്തിന്റെ അനക്കം മൂലം ഉണ്ടാകുന്ന ശബ്ദവും, അവിടുത്തെ കാൽവയ്പ്പുകളുടെ ശബ്ദവും എന്റെ ചെവികളിൽ കേൾക്കുവാൻ കഴിയുന്നു. ഇപ്പോൾ യേശു എന്റെ ഇടതുവശത്ത് നിൽക്കുന്നു; അതേസമയം തിരുക്കച്ചയുടെ ചിത്രത്തിന് മുന്നിലുള്ള മേശയ്ക്ക് അഭിമുഖമായി ഞാൻ മുട്ടുകുത്തി നിൽക്കുന്നു. പരിശുദ്ധ മറിയം ഉണ്ണിയേശുവിനെ കയ്യിലേന്തി നിൽക്കുന്ന ഒരു രൂപം ഞാൻ ദർശിക്കുന്നു. യേശു എന്നിൽ നിന്ന് രണ്ടടി ദൂരം അകലത്തിലാണ് നിൽക്കുന്നത്; അവിടുത്തെ പരിശുദ്ധ മുഖം സൗന്ദര്യത്തിന്റെ പൂർണ്ണതയാണ്. യേശുവിനെ നോക്കുവാൻ അവിടെ നിന്നോട് ആവശ്യപ്പെട്ടു; യേശുവിന്റെ ഹൃദയം അവിടെ നിന്നെ കാണിച്ചു തന്നു. യേശുവിന്റെ മാറിടം മുഴുവൻ സ്നേഹത്താൽ ജ്വലിച്ചു പ്രകാശിക്കുകയായിരുന്നു. എല്ലാം ശരിയാണ്; നീ വിവേചിച്ചറിയുന്നതെല്ലാം ശരിയാണ്. വസൂല, എന്റെ വസൂല, ഞാൻ നിന്നെ എത്രയധികമായി സ്നേഹിക്കുന്നു. പ്രിയപ്പെട്ടവളേ, നീ ആഗ്രഹിക്കുമ്പോഴെല്ലാം നിനക്ക് എന്നെ സമീപിക്കാവുന്നതാണ്; നീ എന്റെ ഹൃദയം കണ്ടുകഴിഞ്ഞു. ദൈവീക സന്ദേശം എഴുതിയെടുക്കുന്നതിന് മുമ്പ് ഓരോ തവണയും ചൊല്ലണമെന്ന് യേശു നിർദ്ദേശിച്ചിട്ടുണ്ടായിരുന്ന മൂന്ന് പ്രാർത്ഥനകൾ ഞാൻ ആദ്യകാലങ്ങളിൽ മുടങ്ങാതെ പ്രാർത്ഥിക്കുമായിരുന്നു. പിന്നീട് ഞാൻ ആ പതിവ് പ്രാർത്ഥനകൾ നിർത്തലാക്കി; പരിശുദ്ധ മറിയം ആ പ്രാർത്ഥനകൾ വീണ്ടും ചൊല്ലി പ്രാർത്ഥിക്കുവാൻ ആവശ്യപ്പെട്ടു. പരിശുദ്ധ മറിയം എന്നെ ഇക്കാര്യം ഓർമ്മപ്പെടുത്തിയതിനു ശേഷം ഞാൻ ആ പ്രാർത്ഥനകൾ മുടങ്ങാതെ പ്രാർത്ഥിക്കാറുണ്ട്. ഈ മൂന്ന് പ്രാർത്ഥനകൾ ചൊല്ലി എങ്ങനെയാണ് സന്ദേശം എഴുതി തുടങ്ങേണ്ടത് എന്ന് യേശു എനിക്ക് വിശദീകരിച്ചു തന്നു. കാരണം, ഒരു ദിവസത്തിൽ ഒരു പ്രാവശ്യം മാത്രം ഈ പ്രാർത്ഥനകൾ ചൊല്ലിയാൽ മതിയോ, അഥവാ ഓരോ തവണ സന്ദേശം എഴുതിയെടുക്കാൻ തുടങ്ങുന്നതിനു മുമ്പ് ഈ പ്രാർത്ഥനകൾ ചൊല്ലണമോ എന്ന കാര്യത്തിൽ എനിക്ക് സംശയമുണ്ടായിരുന്നു. ചിലപ്പോൾ ഒരു ദിവസം മൂന്നോ നാലോ തവണ സന്ദേശം സ്വീകരിക്കാറുണ്ട്; ചിലപ്പോൾ ഒരു വാചകം മാത്രമായിരിക്കും സന്ദേശമായിട്ട് ലഭിക്കുന്നത്. വസൂല, എന്റെ മക്കളെ ഒരുമിച്ചുകൂട്ടി കുറെ നാളുകൾക്ക് മുമ്പ് ഞാൻ നിനക്ക് പറഞ്ഞു തന്ന സന്ദേശം അവരെ വായിച്ചു കേൾപ്പിക്കുക. നീ ആ സന്ദേശം അവരെ വായിച്ചു കേൾപ്പിക്കണമെന്ന് ഞാൻ ആവശ്യപ്പെടുന്നു. ഞാൻ സന്ദേശം വായിക്കുവാൻ മടി കാണിച്ചപ്പോഴാണ് യേശു ഇപ്രകാരം പറഞ്ഞത്: "ഞാൻ അവരെ സ്നേഹിക്കുന്നു; ഞാൻ അവർ എല്ലാവരുടെയും മധ്യത്തിലുണ്ട്. എന്റെ സൃഷ്ടികളേ, നിങ്ങൾ എന്റേതാണ്; നിങ്ങൾ എന്റെ വിത്തുകളാണ്. പ്രിയപ്പെട്ടവരെ, ഞാൻ നിങ്ങളുടെ രക്ഷകനാണ്; നിങ്ങൾ എന്റെ അടുക്കലേക്ക് മടങ്ങി വരാമോ? നിങ്ങൾ എന്റെ ആശ്ലേഷത്തിനുള്ളിലേക്ക് കടന്നുവരാമോ? ഞാൻ നിങ്ങളുടെ പാപങ്ങൾ ക്ഷമിക്കാം. വന്ന് എന്റെ അപ്പം ഭക്ഷിക്കുക; വന്ന് എന്റെ വീഞ്ഞു പാനം ചെയ്യുക; നിങ്ങൾ പശ്ചാത്തപിക്കുമെങ്കിൽ ഞാൻ നിങ്ങളോട് ക്ഷമിക്കും. എന്റെ ഹൃദയസ്പന്ദനങ്ങൾ ശ്രദ്ധിക്കുക; എന്റെ ഓരോ ഹൃദയസ്പന്ദനവും ഓരോ മനുഷ്യനും വേണ്ടിയുള്ള ഒരു വിളിയാണ്." വസൂല, നീ അവരെ കഴിഞ്ഞ ദിവസത്തെ എന്റെ സന്ദേശവും ഇന്നത്തെ ഈ സന്ദേശവും വായിച്ചു കേൾപ്പിക്കാമോ? പിന്നീട് സഭകൾക്കും ജനങ്ങൾക്കും വെളിപാടുകളെക്കുറിച്ച് സംശയങ്ങൾ ഉണ്ടെന്ന് വിശദമാക്കുന്ന ഒരു പത്രശകലവും ഒരു സുഹൃത്ത് എനിക്ക് അയച്ച കത്തും വായിച്ചതിനു ശേഷം എനിക്ക് മനസ്സിലായി, ഈ സന്ദേശം അംഗീകരിക്കുവാൻ ഏതു പുരോഹിതനും വളരെ ബുദ്ധിമുട്ടാണെന്ന്. കാരണം, വളരെയധികം വ്യാജസന്ദേശങ്ങൾ പ്രചരിക്കുന്നുണ്ട്. എങ്കിലും, ഫാത്തിമയിൽ നൽകപ്പെട്ട ദൈവീക സന്ദേശങ്ങളെപ്പറ്റി പോലും സഭാധികാരികൾക്ക് ഉണ്ടായിരുന്ന സംശയങ്ങൾ എനിക്ക് മറക്കുവാൻ കഴിഞ്ഞില്ല. ഗരബന്താളിൽ നൽകപ്പെട്ട സന്ദേശത്തെപ്പറ്റിയും അവർക്ക് സംശയങ്ങളുണ്ട്; ഒരുപക്ഷേ ഇന്നോ നാളെയോ പിന്നീടോ അവർ ഈ സന്ദേശങ്ങൾ അംഗീകരിച്ചേക്കാം. സംശയം വളരെ വലിയ തടസ്സം തന്നെയാണ്. പിതാവേ, എനിക്ക് ഞാൻ തുടർന്നെഴുതുവാൻ മടിച്ചു. പറയുവാനുള്ളത് പറയുക. പിതാവേ, ഈ സന്ദേശം മാർപാപ്പ തിരസ്കരിക്കുമെന്ന് ഞാൻ ഭയപ്പെടുന്നു. എന്തിന് മാർപാപ്പ എന്നെ വിശ്വസിക്കണം? എന്തിന് മറ്റുള്ളവർ എന്നെ വിശ്വസിക്കണം? ഈ ദൈവാനുഭവം അവർക്കുണ്ടായിരുന്നുവെങ്കിൽ അവർ വിശ്വസിക്കുമായിരുന്നു. വസൂല, ഞാൻ നിനക്ക് എന്റെ അപ്പം നൽകി; എന്റെ തോട്ടത്തിൽ നിന്നുള്ള പഴങ്ങൾ നിനക്ക് ഭക്ഷിക്കുവാൻ തന്നു. എന്റെ സ്വന്തം കരത്തിൽ നിന്ന് ഞാൻ നിനക്ക് ഭക്ഷിക്കുവാൻ നൽകി. എന്റെ പ്രിയപ്പെട്ട കുഞ്ഞേ, ഞാനല്ലാതെ മറ്റാരാണ് നിന്നെ മാനസാന്തരപ്പെടുത്തിയത്? ഞാനല്ലാതെ മറ്റാരാണ് എന്നെ സ്നേഹിക്കുവാൻ നിന്നെ പഠിപ്പിച്ചത്? ഞാനല്ലാതെ മറ്റാരാണ് നിന്നെ അന്വേഷിച്ചതും, നിന്നെ മൃതരുടെ ഇടയിൽ മരിച്ചവളായി കണ്ടെത്തിയതും, നിന്നെ ഉയർപ്പിക്കുന്നതിന് വേണ്ടി കുനിഞ്ഞ് നിന്നെ എടുത്തുയർത്തിയതും? ഞാനല്ലാതെ മറ്റാരാണ് നിന്നെ ശുശ്രൂഷിച്ച് സൗഖ്യമാക്കുന്നതിന് വേണ്ടി കാരുണ്യപൂർവ്വം വഹിച്ച് എന്റെ ഭവനത്തിലേക്ക് കൊണ്ടുപോയത്? ഞാനല്ലാതെ മറ്റാരാണ് ഓരോ ദിവസവും എന്റെ മാർഗങ്ങൾ നിന്നെ പഠിപ്പിച്ചുകൊണ്ടിരിക്കുന്നത്? ഞാനല്ലാതെ മറ്റാരാണ് എന്റെ മക്കളെ മാനസാന്തരപ്പെടുത്തിക്കൊണ്ടിരിക്കുന്നത്? ഞാനാണ് നിന്റെ രക്ഷകൻ. വസൂല, നീ ഇപ്പോൾ എന്റെ തന്നെ ഒരു ഭാഗമാണ്; നിനക്ക് സ്വയം അതിജീവിക്കുവാൻ കഴിയുകയില്ല. നിനക്ക് എന്നെ അത്യാവശ്യമാണ്. ഒരു വൃക്ഷത്തിന്റെ ശാഖ സ്വയമേവ ഫലം പുറപ്പെടുവിക്കുന്നില്ല; നേരെ മറിച്ച്, ശാഖ നിർബന്ധമായിട്ടും വൃക്ഷത്തോട് ചേർന്നിരിക്കണം. അതുപോലെ നീയും എന്നോട് ഐക്യപ്പെട്ട് ചേർന്നിരിക്കണം. നിന്റെ ഫലം എന്നിൽ നിന്ന് വരുന്നതാണ്; എന്റെ പഴം അനേകം മനുഷ്യരെ തീറ്റിപ്പോറ്റുന്നു. നിന്റെ ജീവിതമാണ് എന്റെ ഫലം. നിന്റെ ജീവിതസാക്ഷ്യമായ നിന്റെ ഫലം കണ്ട് ഈ സന്ദേശത്തിൽ സംശയിക്കുന്നവരുടെ സംശയങ്ങൾ മാറും. നല്ല വൃക്ഷം നല്ല ഫലം പുറപ്പെടുവിക്കുന്നു. വിശന്നു വലയുന്ന എന്റെ മക്കൾ എന്റെ ഫലം രുചിച്ചറിയുമ്പോൾ, പശ്ചാത്താപത്തിന്റെ കണ്ണീരുമായി എന്റെ അടുക്കലേക്ക് അവർ മടങ്ങി വരുമ്പോൾ ഞാൻ സന്തോഷിക്കും. എന്റെ സന്തോഷം എത്ര വലുതായിരിക്കും! പിശാചിന്റെ പിടിയിൽ നിന്ന് ഞാൻ അവരെ പിടിച്ചുപറിച്ചെടുത്തതാണ്. വസൂല, ക്ഷമയോടെ കാത്തിരിക്കുക; ഒഴുകുന്ന ഒരു അരുവി പോലെയാണ് എന്റെ വചനം എന്ന് ഞാൻ പറഞ്ഞിട്ടുണ്ടല്ലോ. ആ അരുവി പിന്നീട് ഒരു നദിയായി കുതിച്ചൊഴുകുന്നു; അത് വിസ്താരം വർദ്ധിച്ചുകൊണ്ട് ഇരച്ചുപാഞ്ഞ് കുതിച്ചൊഴുകി ഒരു മഹാസമുദ്രമായി മാറുന്നു. നിങ്ങളുടെ ഹൃദയങ്ങളെ സ്നേഹത്താൽ സ്നാനം ചെയ്യുന്ന ഒരു വലിയ സ്നേഹസമുദ്രമായി അത് പരിണമിക്കും. സ്നേഹമായ ഞാൻ നിങ്ങളുടെ ഇടയിൽ സ്നേഹമായി തന്നെ ഉണ്ടായിരിക്കും. വസൂല, അനേകരാൽ നീ തിരസ്കരിക്കപ്പെടുമെന്ന് ഞാൻ നിനക്ക് മുന്നറിയിപ്പ് നൽകിയിട്ടുണ്ട്. അത്തരത്തിലുള്ള തിരസ്കരണം സ്വീകരിക്കുവാൻ പഠിക്കുക; ഞാൻ അനേകരാൽ തിരസ്കരിക്കപ്പെട്ടിട്ടുണ്ട്. അവരുടെ ഹൃദയകാഠിന്യം കണ്ട് ഞാൻ കരഞ്ഞുപോയിട്ടുണ്ട്. ഒരു കൊച്ചു കുട്ടിയോട് സംസാരിക്കുന്നതുപോലെ യേശു എന്നോട് പുഞ്ചിരിച്ചുകൊണ്ട് സംസാരിക്കുകയായിരുന്നു. യേശുവിനും തിരസ്കരണം ഉണ്ടായിട്ടുണ്ടെന്ന് പറഞ്ഞ് എന്നെ പ്രോത്സാഹിപ്പിക്കുവാൻ വേണ്ടി യേശു ശ്രമിക്കുന്നുണ്ടായിരുന്നു. വരൂ, നീ പഠിക്കും; ഞാൻ നിന്നെ സ്നേഹിക്കുന്നു; ഞാൻ നിന്നെ സഹായിക്കും. ഇനിയും ഞാൻ അനേകരെ മാനസാന്തരപ്പെടുത്തും. നമുക്ക്, നമ്മൾ, എന്റെ സാന്നിധ്യം അനുഭവിച്ചറിയുക; എന്റെ സാന്നിധ്യം നീ അനുഭവിക്കുമ്പോൾ നീ എന്നെ സന്തോഷിപ്പിക്കുകയാണ്. അതെ, കർത്താവേ, അങ്ങയുടെ സഹായത്തിന് ഞാൻ അങ്ങേയ്ക്ക് നന്ദി പറയുന്നു.